[همـس الرحيـل]

صادقه والله الحين حنا قليل نروح من الي نشوف استغفر الله
الصراحه مادري وشلون تمشي قدام الناس ولا تستحي
والله الحياء الحين عند بعض البنات راح صدق وشلون يمشن وهن تسذا
اعوذ بالله والله لو تروحين وتعطينه قروش وتقولينله خوذي ذولي استري نفستس بهن علشان يطيح وجهه خخخخخخخخخخخخخخخخخخ وش رايكن
تراي استهبل الحين تروحن وتصدقن وتسونه

[بريده أم المدن]

متابعه السواليف

[غ دير المح ـبة]

اقتباس مآشآءالله تبارك غدور .. بس بعض الأحيان فيه زواجات فيه دف إسلامي والناس مافيه تعري ويصير قريب لتس تخافين يزعل لو مارحتي .. ! ولا وش رايتس يالغلا ..؟

لا وأنتي الصادقه زواجتنا مافيها لادف إسلامي ولاشي,, يكون ردح على مستوى إلى الساعه2
والحمد لله الناس فاهميني وعاذريني ,,

وأحيان يكون فيه زواجات مافيها لاطق ولادف ,, ولا أرووووووووح

ماأحبهن يضيق صدري لارحت,,

[غ دير المح ـبة]

وين البقيه .؟؟

وينس يامتهاااااب ؟

سؤال : إذا رحتن
هل ؟

[تباشير المطر ~]

مآشآءالله عليتس غدور الله يثبتك ويزيدك
ويوفقك دنيا وآخره
والله انهن غثا ..

طيب بنات وش رايكن بالي تفكيرهم أن اي إمراه تفتح النت فهي فـــاسدة .. !
والله العظيم أن أكثر الناس كذا تفكيرهم للأسف ..

[ما تَهَاب]

والله لو مانروح صرنا معقدين ومافي بلى بالدنيا الا في بنت فلان بس الشكوى لله مجبرين والا والله يالزواجات ماقامن عندي ولا قعدن وروحاتي للزواجات قليلة حيل الحمدلله وآخر زواج رحت له قبل خمس سنوات وبعد ولد عمي والا كان مارحت يمكن <-- تهدد .. وهالشي مضايق امي وخواتي والناس دايم وراه ..... ماتجي وش بلاه <-- ياكرهي لهم .. تقول امي انتِ تحرجينن مع العالم اذا سألوا وهذا اللي يخلين اتنازل احياناً : ( ..

ودي اقول للي يسألون وش دخلكم لاتسألون امي <-- هذي النفرة منقهرررررررة

[غ دير المح ـبة]

بنات ياويل اللي تطلع ترى اللي بتطلع راح ,,
بروح شوي وبرجع...

[بريده أم المدن]

سؤال نونوذ11
ج-والله النت على حسب مستخدمه إذاكان فاسد أستخدامه للفساد وإذاكن ملتزم حده كان استخدامه بحدود الشرع


والله أناأعرف ناس متفتحين بالمره
يعني أبدموملتزمين ولايفتحون النت
والله غريبه

[ما تَهَاب]

النوري الناس اللي كذا تفكيرهم غبــــي , والا النت مثل الجوال واللي بقلبها شر بتقدر توصله ..
يعني الكمبيوتر جهاز مثل اي جهاز ويعتمد ع الاشخاص اللي يستخدمونه ..

واللي بيقول ع البنت انها فاسدة لمجرد استخدامها للنت فـ السكوت خير رد لمثل هالعقول الغريبة ..

[همـس الرحيـل]

خخخخخخخخ غندورهـ تخوفين
نوير والله انك جبتيه وياكثرهم الي يقولون شي يرفع الضغط الصراحه
عقلياتهم محصورهـ الحمدالله والشكر لصارو ما يدبرون به شي وشوله يتكلمون عنه وهم ما يدرون صح ان انت سلاح ذو حدين
بس ما المانع لو نستخدمه بالطريق الصحيح

[غ دير المح ـبة]

اقتباس طيب بنات وش رايكن بالي تفكيرهم أن اي إمراه تفتح النت فهي فـــاسدة .. ! والله العظيم أن أكثر الناس كذا تفكيرهم للأسف ..

آآآآآآآآآآآآآآآآآآآآآآهـ يانوير ,, جبتيها على الجرح
عندي ناس من أقرب الناس لي الله يعافيهم كذا تفكيرهم ...
بس أنا واقفه لهم بالمرصاااااااااد .. وبالأدله والبراهين .. <<صار تحقيق..ههه

[تباشير المطر ~]

بريدة ام المدن
ماتهاب
الصداقه رمز
غدير المحبة

يااطعمكن بعد انتن وتفكيركن الرآآقي ,
الله يسعدكن دنيا وآخره ,
قسم اني استــانس بهالدكة الله يوفق حلحل
يكفين أخواااات غاليات على قلبي اسولف معهن وه ياسعدي ..

[غ دير المح ـبة]

اقتباس وما من يدٍ إلا ويد الله فوقها * وما من ظالمٍ إلا وسيُبلى بأظلمِ لا تظلمنّ اذا ما كنت مقتدراً * فالظلم آخره يفضي الى الندمِ تنام عيناك والمظلوم منتبه * يدعو عليك وعين الله لـم تنـمِ

آآآآآآآآآآآآآآآآآآآهـ ماأجملها من أبيات ,,
ماتهاب هل تعانين من الظلم ؟ مثل أختك غ دير ؟
تعبت أنا من الظلم ..الله يصبرن ويثبتن ,,شكلي بنجن..

[همـس الرحيـل]

ياحبيلتس النوري تسلمين والله
وانتي والله توسعين الصدر الله يحفظتس انشاء الله ويخليك لعين ترجيك..