[المستنير]

االله يرزقها رجل ما معه زوجه
هذا تعبير زوجتي

[أحمد الصمعاني]

نصيحتي وش لك بوجع الراس

[قمر بيتنا]

اقتباس الأخت الفاضلة قمر بيتنا .. أتمنى ألا تقودكِ جبلتكِ الأنثوية وغيرتك إلى أن تسني تشريعاً يصادم شرع ربنا عزوجل .. قلتي أن الزواج أو التعدد بالأحرى مشروطٌ بوقوع التقصير من الأولى .. بينما هو مشروط بالقدرة على العدل بينهما فقط .. هل لديك دليل فيما تذهبين إليه إما من قرآن أو حديث ..؟ أم أنك تشرعين لنفسكِ ولغيركِ ماتهواه نفسك ..؟ تكلمي بدليل وإلا لاتتصدري للفتيا وأنتي أقل منها ..!

وهل ذكرت في كلامي ان هو ( حرام ) ؟؟؟؟؟؟؟

اعتقد اني ذكرت رأيي فقط ....

اذا كنت تفسرعلى مايروق لك (وعلى مزاجك ) فهذه ليست مشكلتي انما مشكلتك وحدك يافاضل ..

[Moonlight]

اللي يغث ويقهر انه مافيه اهتمام بالحالة النفسية للأولى

الوضع جدا صعب يعني وحده مكرسه كل حياته وعمره لرجله

من الصبح وهي تقوم عشان هو بيقوم الحين وتعزم ذولا علشان هو يبي

وتزور ذولاك علشانه هو بعد لو سافر برى سنين تكون معة والعيال غالبا المسئولية عليه بكل شي

بلا مبالغةذا صار راعي سفر صارت مهمة اعياله اثقل

يعني هو صاير كل شي بالنسبة له ثمن يعرس عادي بس اعرس بالنسبة للبعض

لكن نشوف حالته هي الحين اللي مسخرة حياته كله له بالنهاية يعطيه مقفاه ويعرس

يعني هي بداله غيره هي ولا شي بالنسبة له شلون راح تكون الصدمة

صدقون شي صعب جدا ويبقى اثره سنين إذا ماكان لنهاية العمر صحيح إذا كان عادل يخف الوضع

لكن مايزول حتى لوتراجع عن العرس او ماكمل يظل الأحساس باني انا مالي القيمة عند زوجي اللي هو كل

القيمة عندي مسيطر ومؤثر بشكل سلبي

الله يكون بعون الجميع وييسر لهم امورهم

[لندني]

أحسن الله إليك ووفقك ..

أستاذي إن تعدد الزوجات حقيقة ثابته بالقرآن الكريم والسنة المطهرة لا تقبل الإنكار

البته .. ولكن يستحسن بالمتعدد أن يعي قول الله تعالى ( فان خفتم ألا تعدلوا فواحدة

أو ما ملكت أيمانكم ذلك أدنى ألا تعولوا ) وهذا يكون بالإنصاف بين الزوجات متجليا

ذلك في الجوانب المادية وحسن المعاشرة والمبيت .. حتى لايدخل في حلقة الظلم ..

وللأنثى أقول : لا تجعلي من غيرتك على زوجك كالسم القاتل يفني بأنس حياتك

الزوجية .. فأنا وأنتن نعلم أن للتعدد محاسن واعية ولكنها بالنسبة لنا كإناث محاسن

ممزوجة بالوجع والمرارة والكراهية .. إلا أنه يجدر بنا أن نحسن الفهم تجاه فوائد

التعدد وأن نحترم الحكمة الإلهية في مشروعيته .. ولا ننسى قوله تعالى في سورة

البقرة آية 216 (( وعسى أن تكرهوا شيئا وهو خير لكم )) ..

إذن :ـــــــــ فما رأيك بالفوائد التالية للتعدد والتي قرأتها في كتاب فضل تعدد الزوجات لـ ( أبو عبد الرحمن ) ؟؟؟

1. حسب الإحصاءات ثبت أن موت الرجال أكثر من النساء بسبب الحوادث والحروب التي يتعرضون لها مما يترتب عليه بقاء نسبة الإناث أكثر من نسبة الرجال فلا حل لهذه المشكلة إلا بالتعدد بالإضافة إلى أن نسبة مواليد الإناث أكثر من الذكور مما يضاعف المشكلة ولا يوجد علاج إلا بالتعدد ..

2. كذلك مايطرأ على المرأة من عقم أو مرض ونحوهما مثل حبه لغيرها ونحو ذلك فأيهما أولى التعدد أم الطلاق ؟ الحقيقة أن التعدد أفضل بكثير للمرأة الأولى والثانية أما الأولى فسلمت من الطلاق والثانية استفادة من هذا الرجل الناضج في دينه وعقله وربما كانت المرأة الثانية مطلقة أو أرملة أو عانسا أو بها عيب خلقي ونحو ذلك ...

3. إن المرأة لها 7 أيام في كل شهر و 40 يوما عند الولادة وهو مايعادل تقريبا 124 يوما يظل الرجل فيها محروما من زوجته .. فلماذا لاندعه يحصن نفسه بالزواج وخصوصا إذا كان يخاف على نفسه من الفتنة .

4. كثرة الأسفار للرجل وهو السفر الطويل ولا يستطيع أخذ زوجته كلما سافر ، ولا يستطيع أن يصبر في سفره هذا بدون زوجته فله أن يتزوج بثانية إذا كان يحتاج إلى المرأة في مدة إقامته وتحصنه من أن يشبع ميله الجنسي بالحرام .

5. الرجل بحكم اختلاطه بالناس قد يكون كريما أو عالما يبحث الناس عنه لعلمه أو كرمه أو تكون طبيعة عمله يحتاج معها إلى من يساعده فالرجل في تلك الأحوال بحاجة إلى عدد من النساء يتكاتفن في العناية بشئون الأولاد من جهة وتقديم الخدمة الكاملة للرجل من جهة أخرى .

وهناك الكثير من الفوائد التي علمناها وما لم نعلمها ..
ولكون الاخوات بدأن الحرب فا هذا امر طبيعي
لنا ولا ومستحيل انهن راح يقبلنا بتعدد الزوجات برحابة صدر

[مدحت شوقي بريده]

هلا بالبي سااااااااااامي ..

يالبي موضوعك اثار عندي سالفة .. علشان تسذا انا مهتم بالموضوع ..

اقتباس ياحبيبي إذا أعرض عنها الشاب لم يأتها إلا كبار السن0

يابعدي انت .. اللي عمره خمس وثلاااااثين او اربعين ..
يدوروحده مقاربة لعمره .. تكون فوق الثلااااثين ..

اما بنت بزهرة شبابه .. يآخذه واحد صافقن الأربعين علشان بس كلمة ( مطلقة )
وهي ماله الا اسبوعين او شهرين ..
لا يالبي هذا ماأحد يرضااااااااه لأحته او بنته ..
ليه يرضااااااه لبنت الناااااااااااااااس ..

اقتباس والله ياأنت حسود خل الناس ترزق الله يا حبيبي0

^
^

هذا هو بيت القصيد ..





تبي الحل وأريحك يالبي ..

قل لأبو البنت .. خل مهره لايتعدى خمس وعشرين الف ..
وشف الشباب اللي يصفون سرا عند بابهم ..

اقتباس هالحين الشيبان يدورن بنات وانت تبي الشاب ياخذ مطلقة الناس راحت يامدحت وانت وين أنت ؟

يالبي المفروض يكون هنااااااك مراعاة للفوارق العمرية ..
يعني شايب يآخذ بنت .. لا الفكر واحد ولا الطموح واحد ..
ولاحتى الحيوية وحدة ..
هذي في بداية عمره تبي تتمتع .. وهذا بنهاية عمره يبي الركود ..
فمستحيل يتوافقون ..

انا مااقول لايعدد .. لكن اقول اللي عمره بالأربعين ..
يدور باللي اعمارهن بالثلااثين ..

واللي بالخمسين يشوف اللي من هالخمس وثلااثين الى الأربعين ..

والشابات ياخذونهن الشباب ..


اما جميع الاجياااااااااال تتحارب على الصغيرات ..
فاأكيد اللي تبي تنتقل من مرحلة الصغار للكبار .. تبي تدخل في ركب العنوسة ..
همن تزداد النسبة ونصيح منه ..

وسلااام ائليكم يالبي ..

سي يو ..

[زوج بريداوية]

والله ياخيي خله يحسبها صح

مو بكره لاجاهم فرخ بلشوا بأنفسهم

ما أعني المادة كل شي

الوقت الاهتمام المادة الحب . . . .

وغالب الشباب يبي يهرب من المسؤولية لمسؤولية أعظم

تحياتي لك

[نـــNAــونا]

أنا أقول يتوكل على الله
وإذا على الزوجه الأولى إحنا نعرف إنه أي حرمه من هالخلق كله ما ترضى زوجها يتزوج عليها
وعلى قول أختي إذا وقع الرأس بالفاس ماني رادته
تقصد زوجها لوو إنه نوى الزواج ماراح يرده رأيها أحسن لها تستسلم للأمر الواقع وأهم شيء العدل
دام كل شيء واصلها وحقها ما ينقص منه شيء بإذن الله بتمشي الأمور لو تزعل إسبوع بكره يصيرن سمن على عسل
وأكيد شخصية الرجل لها دور
والأهم ما تكون زوجته صغيره بعدين يجرحها يعني مو قريب متزوج
واللي يقول المهر 25 عشان تنخطب فأنا أقول المهور عند جماعتنا 30 للبكر و20 للثيب
يعني القضيه ماهي على المهور

والتوفيق من الله ولا ينسى يصلي الإستخاره

[قمر بيتنا]

8
8
8
8
8
8
8

يا أما انك رجال .. يا أما انك مابعد تزوجتي !!!!


وش اللي عادي تكفين ؟؟؟

روحي شوفي الحريم اللي رجالهن متزوجين عليهن .. اغلبهن واذا ماكان كلهن .. بهن ( ضغط وسكر ) !! حتى الصغار منهن امهات 35 وفوق ..

والا الصحه ماتلزم دام الرجال ( مشتهي ) العرس ؟؟؟

شرع الله ماقلنا به شي .. بس قهر يتزوج وزوجته ماقصرت بشي ..

وبعدين المطلقه هذي حرام تاخذ واحد متزوج .. خصوصا انه توها صغيره .. وطلاقها بعد فتره قصيره ..

كثير بالحيل من المطلقات تزوجن ( شباب ) ولاهب الشباب ( أكرم ) من الرسول اللهم صلي وسلم عليه اللي ( كل ) زوجاته ( ثيب) ماعدا عائشه ..

والا انتم ماتقتدون بالرسول الا على هواكم ؟؟؟؟

[نـــNAــونا]

اقتباس المشاركة الأساسية كتبها قمر بيتنا 8 8 8 8 8 8 8 يا أما انك رجال .. يا أما انك مابعد تزوجتي !!!! وش اللي عادي تكفين ؟؟؟ روحي شوفي الحريم اللي رجالهن متزوجين عليهن .. اغلبهن واذا ماكان كلهن .. بهن ( ضغط وسكر ) !! حتى الصغار منهن امهات 35 وفوق .. والا الصحه ماتلزم دام الرجال ( مشتهي ) العرس ؟؟؟ شرع الله ماقلنا به شي .. بس قهر يتزوج وزوجته ماقصرت بشي .. وبعدين المطلقه هذي حرام تاخذ واحد متزوج .. خصوصا انه توها صغيره .. وطلاقها بعد فتره قصيره .. كثير بالحيل من المطلقات تزوجن ( شباب ) ولاهب الشباب ( أكرم ) من الرسول اللهم صلي وسلم عليه اللي ( كل ) زوجاته ( ثيب) ماعدا عائشه .. والا انتم ماتقتدون بالرسول الا على هواكم ؟؟؟؟

أنا أتكلم لك من واقع والله الرجل لانوى ما أحد يرد
خلي عنده بيت ثاني على الأقل تفتكين منه مقابلك 24 ساعه

وبعدين بالعكس أعرف ناس متزوجين من ثنتين ومابهم إلا العافيه
والحمد لله الحياه بتسير

بس أنت مره معصبه جعل رجلك ما ياخذ غيرك لا يجيك السكر والضغط

ترى الموضوع إيزي صدقيني بتزعل إسبوع وبتمشي الحيااااة
وإذا على الرسول أنعم به وأكرم من بيجي مثل الرسول وزوجاته

الحياة تغيرت والرسول ماتزوج بكر غير عائشه روحي إبحثي الحكمه من زواجه
وبعدين الأخ يقول مطلقه فالأكيد ما راح تلاقي إلا واحد متزوج صعب بتأخذ واحد مو متزوج

[أم فـهـد]

اقتباس المشاركة الأساسية كتبها نـــNAــونا أنا أتكلم لك من واقع والله الرجل لانوى ما أحد يرد خلي عنده بيت ثاني على الأقل تفتكين منه مقابلك 24 ساعه وبعدين بالعكس أعرف ناس متزوجين من ثنتين ومابهم إلا العافيه والحمد لله الحياه بتسير بس أنت مره معصبه جعل رجلك ما ياخذ غيرك لا يجيك السكر والضغط ترى الموضوع إيزي صدقيني بتزعل إسبوع وبتمشي الحيااااة وإذا على الرسول أنعم به وأكرم من بيجي مثل الرسول وزوجاته الحياة تغيرت والرسول ماتزوج بكر غير عائشه روحي إبحثي الحكمه من زواجه وبعدين الأخ يقول مطلقه فالأكيد ما راح تلاقي إلا واحد متزوج صعب بتأخذ واحد مو متزوج

يااختي من قالك انه بتزعل اسبوع وبعدين بتمشي الحياة
هل جربتي أو لك أخت مجربة!!!
كلااام مبالغ فيه واتحدى أي وحده زوجها يتزوج عليها ماتقعد فترة دون أن تتأقلم على الوضع
ياأخوات رجاء لاتتكلمن بشي ماتدرن عنه
والله أعرف نساء تغيرت مشاعرهن تجاه أزواجهن بعد زواجهم عليهن
وجلسن سنين لم يتأقلمن على الوضع وجلوسهن مع أزواجهن من أجل أبنائهن وتمشية الحياة وهن يعشن بمرارة وألم,,
التعدد ليس بالسهل
الرجل قبل الزواج يقول سأعدل وووو
لكن بعد الزواج تطبيقه صعب لأنه سيحاول أن يرضي زوجته الأولى ولكن سيصدم بالثانية التي تريد حقها بالكامل
أمور كثيرة ستطرأ على الزوج ليست في الحسبان

[ابوعبدالله التميمي]

عفوا

اسأل مجرب ولا تسأل طبيب

[قمر بيتنا]

اقتباس أنا أتكلم لك من واقع والله الرجل لانوى ما أحد يرد

اذا الرجل نوى ولا شاور معك .. مايرده احد ..

بس لامنه شاور معناه انه لازل يفكر ولاهوب جازم .. فليش تجزمونه ؟؟؟ وتشيرون عليه يتزوج ؟؟

اقتباس خلي عنده بيت ثاني على الأقل تفتكين منه مقابلك 24 ساعه

خليه يقابلن 28 وساعه مهوب بس اربع وعشرين .. هماي افتك من الغثاء ووجع الراس والجوار ويصير حول عياله ؟؟؟؟

اقتباس وبعدين بالعكس أعرف ناس متزوجين من ثنتين ومابهم إلا العافيه والحمد لله الحياه بتسير

اكيد يابعدي الحياة بتسير مهيب قاعده .. بس وش تبي تسير عليه ؟؟ على مشاكل واحقاد بين البيتين .. سواءا عيال والا حريم ..

اقتباس بس أنت مره معصبه جعل رجلك ما ياخذ غيرك لا يجيك السكر والضغط

امييييييييييييييييييييييييييييييييييين يارب العالمين .. وكل حرمه طيبه ماتذوق الجوار ..

اقتباس ترى الموضوع إيزي صدقيني بتزعل إسبوع وبتمشي الحيااااة

ههههههههه والله يانتي صدق بعد ..

اجل تزعل اسبوع ؟؟؟؟

يابعدي اللي ايده بالماء مهوب زي اللي ايده بالنار !!!

اقتباس وبعدين الأخ يقول مطلقه فالأكيد ما راح تلاقي إلا واحد متزوج صعب بتأخذ واحد مو متزوج

الرزق من الله .. وياما مطلقات ومعهن عيال اخذن شباب .. وياما بنات ابكار اخذن متزوجين !!

مشكوره يابعدي على رحابة صدرك

[مدحت شوقي عنيزة]

واحنا مالنا بدخلنا بموضوعك
ده خاص بيك
عامل نفسك شاطر لما بتتزوج بتقول للمدام ده جماعة بريدة ستي هم اللي شجعوني

احنا مالناش دخل خليك على عجوزك احسن ليك واصرف لك
انت عاوز وجع راس والبندول بمخباك كل يوم آه

ده الله خلقها وهواللي بيرزقها وانت عامله احسان ولا ايه

شكرا ليك ومعليش عالرد القاسي شوي