وش راااااااااااااااااااااايكم بالمدرسين ؟؟؟
ليش هم (.............) حقين المجتمع !!!
لا بيوت زي العالم أدخلوا الإسكان أو أي حي جديد من الأحياء الشمالية وأسالوا عن البيوت الصح إذا لقيت بيت من هالبيوت لمدرسين أو لقيتوا مدرس يسكن هناك ترى هاللحية مهب على رجال (بس ما تقولي إنه فيه مدرس له بيت بالحي الفلاني مأجره .. الدور الأول بـ 20 والدور الثاني بـ 18).
والقهر رواتبهم على 15 بس الله أعلم إنها سحت .. حتى السيارة .. أول معهم (كراسيدا) والهالحين تلقها جيب 95 أو كامري مأدري وش مديلها اللي لونها عشبي ، صحيح إنه نظيف بس حرام ما معه جكسار 2005 أو 2006 .
وأزيدك من الشعر استراحة إذا كان عنده استراحة تلقاها ما ليصت ولا صبغت وتلقى فيها مواصير وحديد ماله فايده وسخانه خربانه وثلاث دجاج إنقدن بالحوش.
والسفرية كل سنة على هالموال الطايف .. مكه .. المدينة .. (أدري يالله من فضلك) بس غير ياخي (رحبهم لم الإمارات) أكذب عليكم أمزح .. كني أقول (رحبهم لم باريس).
الموظف أبختصره بكلمتين (اللي عنده مؤنس فيه اعياله ونفسه .. وينتظر راتب الشهر الجاي) .... عايش مرتاح ويموت مرتاح.
ما أطول عليكم ... تدرون ليش كتاباتي كذا التعبير صفر والأملاء صفرين والبلاغه ثلاثة أصفار .. لأني متخرج من عند ..........
بقلم أحمد عبد المحسن (موظف صغير ... بس يعمل كثير) .
02-09-2008, 11:27 AM
النمط الأحادي