 |
|
|
|
|
|
|
21-11-2008, 11:05 PM
|
#1 |
|
عـضـو
تاريخ التسجيل: Nov 2007
المشاركات: 76
|
(( بنات بريده << اسم الموضوع
واخرتها من بنات الرياض واللي بان لك قسمي علمي انتي اللي قلتي تعالي ادرسي محاماة صح !!!! ولا تعرفين عن نظام دراستنا شي وجالسه تقولين يتطورون ويقلون تونا نبدى تدرين ليه قسم الحاسب مافيه دكتورات يدرسون البنات لانو اساسا دراستهم اقل مستوى من البكلوريوس فامافيه دكتور يقدر يدرس دامك ياوخيتي ماتعرفين عننا شي ليه تتكلمين ...... والواحد يطور ثقافته على قولتك لمن تجين تقدمين للديوان يقلون لك هاتي شهادت حاسب الى<< طيبا اساسا انا اعرف اكتب ونسخ وطبع بس علمي ماله داعي ليه؟؟ لانوا بدون شهاده واي كان سبيك اند ريد انقلش بس للاسف غير معترف بمعرفتي لانوا بدون شهاده فلا تقولين اللي يبي يطور روحه يطورها وش الفايده اذا طورتها ولا احد عبرها ..... اجي اكمل عندكم دراسات عليا هههههههههههههههههههههههههههههههه نفس المشكله المستحيل هاتي ثبت سكن انك هنا عشان يقبلون يخلونك سنه تحظيريه ... نرجع للطب العوايل هذي اللي انتي تتكلمين عنها شوفيها اذا تعبت وصخنت ولا جوا حريمهم يولدون << اول شي يقلونه فيه دكتوره اذا قالوا لهم لا غيروا المستشفى او القسم عشان يبون الدكتوره هذي مايبون يكشف على محارمهم دكتور >> وهذا من حقهم بس اللي مو من حقهم انهم يعيبون ببنات الطب وانه قسم مايشرف الاهل وهم اخرتها ما يتعالجون الا تحت يدينهم شاايفه التناقض وهذا اكبر دليل على قل التفكير ... مو نقص في العقل لا والله العقل فيه بس للأسف مايستخدمونه ويفكرون ... واللي جااي يقولي نص الموظفات مو متزوجات من وين جبت الاحصائيه هذي والله اللي اشوفه انا صار الرجال يختار ويتشرط ويبي زوجته على البند الفلاني ولا موظفه بالمكان الفلاني << منها زوجه ومنها تساعده بالمصاريف اللي ماعاد احد يقدر يتحملها لحاله وماعاد فيه موظفه عانس حتى لو عمرها وصل 45 ياكثر اللي بياخذها عشان فلوسها >> ياكثرهم يعني فيه قله لسه باقي عندهم عزه وكرامه مايبون حرمه تصرف عليهم اتحدى الحين اذا فيه رجال متعلم يبي وحده ياخذها مثل الشغاله لا هي متعلمه ولاهي متخرجه وذا كان الشهاده والوظيفه بتبعد عني الرجال الله معهم ما ابيهم ..... اي صح (( ماهمها الا المظاهر )) اقصد يشوفون البنت اللي لابسه مداسيس وشورابات قالوا هذي الملتزمه وهذي المحافظه(( زي اذا شافوها تدريس دراسات اسلاميه )) واللي عاديه قالوا هذي الداشره واللي مو متربيه يشوفون اللي جالسه بالبيت قالوا هذي تبي الستر واللي طالعه تشوف رزقها قالوا فاسخه الحياء والدين ... مايدورن انوا الايمان بين العبد وربه ماتدل عليه الظاهر ومو من حقهم يحكمون على صلاحهم عموما هذا موضوع ثاني خارج موضوعنا ... بفهم بس اعتراضكم بس على خوفكم على البنت اذا راحت فسقت ماتدرون انوا اللي يبي يفسق يفسق حتى لو بين اربع جدران الرسول عليه السلام قال من سلك طريقا يلتمس فيه علما سهل الله له طريقا الى الجنه فا لو كان العلم اللي طالبته صعب ومن كل قلبها نفسها تتعلم وتفيد وتستفيد بتتخيلين ربي ماراح يسهل لها دربها ويوفقها واللي جاي يقولي عن البنت اللي حبت اسرائيلي يااكثر عيالنا اللي راحوا سياحه مو دراسه وحبوا نصرانيات وتزوجهم وجابوهم بعد ما سمعنا احد عيب عليهم وذا هي راحت معه الله يهديها ويخليهم يهتدون على يدها وماذالك على الله بصعب .......................... مشكلتي ومشكلت كثير غيري اننا من وسط اهل ما يوثقون في تربيتهم لبناتهم يعني هذا النت عندنا وهذا العالم قدامنا مفتوح يعني الفسق لين بابنا لو كنا نبيه بس حنا نبي العلم والعلم وبس وليه ما نسير عالمات ياللي جالس يتمسخر نقاصات عقل مثلا ؟؟؟ والله لو كان بيدي لاسافر لاقصى الدنيا عشان احقق طموحي واحلامي وشهادتي حتى لو ارجع فيها هنا للسعوديه وعلقها ع الجدار انا راضيه اهم شي حققت اللي ابيه لي انا الولد يسأل وش تتمنى اذا كبرت والبنت مو من حقها تبني احلامها دكتوره عالمة فلك عالمة ذره اللي نفسها فيه ليه موا من حقها الحلم اللي انرسم من هي صغيره يكبر ويصير حقيقه على ارض الواقع روحي انتي وهوا وكل اللي يقول اللي البنت اذا راحت هناك فسقت وشوفوا البنات هناك اللي عارفات الدين صح لمن يكون يومعها دراسه وعلم ودعوه لمن ربي يساعدها وتهدي واحد بس من الناس اللي حولها مو افضل لها من الدنيا ومافيها مو لمن تدعوا لعلم الدين في بلد اجنبي خير لها مليون مره من انها تكون متعلمه على الدين وتموت وهي ما بلغت عنه اي معلومه ((بلغوا عني ولوا ايه )) اي والله لصيح واصيح ودعي ربي يعوضني خير على اني محرومه من تكملة دراستي من ظلم مجتمع يحكم على الظاهر وادعي عسى الله لايحرم وحده من انو حلمها يتحقق والله يسهل لهادربها ويوفقها |
|
|
|
22-11-2008, 02:14 AM
|
#2 |
|
عـضـو
تاريخ التسجيل: Jul 2008
البلد: بعيدة يا بريدة
المشاركات: 231
|
ليكن في معلوم الجميع.. أن الأختلاط حاصل في السعوديه في المشافي وفي الاسواق وفي المنتزهات وحتى في البرر.. وكما قالت احداهن: حتى الكعبه فيها اختلاط ولكل اختلاط ضوابط شخصيا استفيت شيخ في مسئله الدراسه فافاتني وما منعني ديني بل مجتمع احمق يظن ان الرجل وحده فقط هو الجدير بالنجاح اما المراه فمحرم نجاحها والرجل ابدا لا يقبل ان تنجح المراه وتتفوق عليه بل يحارب ذلك ولا يعلم ان نجاحها نجاحه حاااولت ان انجح درست وتوفقت وتعبت وتعبت وتخرجت و جلست انتظر نتائج تعبي فأبت ان تظهر وعدت لاقف في خط البدايه وارقب احلامي تتهاوي الزواج لا يعني المستقبل انه يعني ان انتقل من بيتي لامارس دورا اخر اريدان ارى ثمرا فقد تعبت وحتى علمي بدأ بالتلاشي دراستي العليا هنا كابوس كابوس ملئ بالسخافات والواسطات والمحسوبيات ولم يبدا فعليا ما بداناه الان مجرد عبث وسنعبث في قسم غبي دخلته قسرا لمحدوديه الخيارات لزمن لا يقل عن اربع سنوات بتجارب السابقين بينما ذهب من هم اقل مني علما ولا احسدهم بل اتمنى لهم كل خيير ولكنني اتمنى لو اكملت مشواري وحصلت على فرصتي ولكن للأسف حرمت لا لمانع ديني بل لمرض اجتماعي يحقر المراه ويظن بها الظنون ايمككنن ان اذكر الدكتورة السعوديه التي ظهرت على الشاشات الامريكيه بكامل حجابها لا يحضرني اسمها الان ولكن تحضرني صورتها المشرقه التي انظر اليها والى حلم يقتله الظلم
__________________
اسئل الله لك دوآم الرضا والمرضاة.., وأن يرضيك دنيا وآخرة.. اللهم أني أشهدكـ أني أحب نورة 11 في الله..
|
|
|
|
|
22-11-2008, 02:29 AM
|
#3 |
|
قبس دائم
تاريخ التسجيل: Jul 2008
البلد: في ارض الله الواسعه
المشاركات: 12,834
|
انا ضد السياحه الخارجيه وهي شهر وتنتهي
فما بالك بمن تدرس اقل شي اربع سنوات اقول ادرسي ببلادك وافتخري بشهادتك من هنا ......
__________________
آللہم إن ّبين أضلعي [ أمنيـة ]
يتمناهآ/ قلبي , وروحي , وعقلي . .
يآاااارب
إنّ أمنيتي تنبض في قلبٍ هو مُلگگ
فَلا تحرمني من ( فرحة تحقيقہآ )
فَإنگ آلوحيد القائل للشي:
" كـنّ . . فَيكون " سبحانك ...
|
|
|
|
|
22-11-2008, 10:07 PM
|
#4 |
|
عـضـو
تاريخ التسجيل: Jul 2008
البلد: بعيدة يا بريدة
المشاركات: 231
|
هذا ان حصلته وطلعت من هالخرابيط
بشهادة تفيد هاايين انا ضد السياحه لانها تضييع مال وووقت بلا فائدة لكن لست ضد التعليم وما راح تفهمون لاابد ومب لازم تذكرت النت اول ما طلع كيف رفضناه وواتهمنا كل من يدخله بالفساد ووصلت البعض انهم يرفضون الزواج من البنت الي تدخل وقالوا انه اختلاط وفساد ووووو واليوم ما يخلا بيت منه مسئله تقاااليد لا اكثر ولا اقل
__________________
اسئل الله لك دوآم الرضا والمرضاة.., وأن يرضيك دنيا وآخرة.. اللهم أني أشهدكـ أني أحب نورة 11 في الله..
|
|
|
|
|
24-11-2008, 10:36 PM
|
#5 |
|
عـضـو
تاريخ التسجيل: May 2008
البلد: بلاد القوقاز
المشاركات: 1,802
|
غريب كلام بعض الاخوان ..وشلون يروح مع أخته ويرجع بعد شهر..وهي تقعد بروحها على أرض الغربه ..على ديار الكفر والفساد...
أين الغيره على محارمكم... أين التمسك بتعاليم دينكم..لماذا ألقيتم بهذه التعاليم السمحه..وراء ظهوركم؟؟؟؟ هذا بداية الضياع... أنقذوا أبنائكم وبناتكم..قبل أن تعضون أصابع الندم....................... |
|
|
|
|
25-11-2008, 02:02 AM
|
#6 | |||||||||||||||||||||||
|
عـضـو
تاريخ التسجيل: Sep 2008
البلد: الريــاض ’,
المشاركات: 8,043
|
حبيبتي خذي وخلي لاتصدقين كل شي
 ..:077:<<ودي اجاهد واهلي رافضين تهي تهي <<خالف تعرف 
__________________
الذين رحلوا إلىَ [ الله ] في سن مبكرة . . اهدونا رسالة تقول : [ لا تُطيلوا قوائمَ أُمنياتكم ] لأنَ الحياة اقصر منها بِـ كثيــر ، |
|||||||||||||||||||||||
|
|
|
|
25-11-2008, 07:11 AM
|
#7 |
|
عـضـو
تاريخ التسجيل: May 2008
البلد: بلاد القوقاز
المشاركات: 1,802
|
لا والله ياأختي ..الله يرضى عليج..في هالوقت..كل شئ جايز عندهم...
وانا سمعت عن بنات ..لا حول ولا قوة الا بالله...لهذه الدرجه باعوهم أهاليهم.... اللهم لا شماته.... |
|
|
|
|
27-11-2008, 11:27 PM
|
#8 |
|
عـضـو
تاريخ التسجيل: Nov 2008
المشاركات: 41
|
اول شي احب اشكرك اختي مغرورة بس حنونه
وليش تتأسفين الموضوع لكم انتم مو بس انا همي هو همكم وبصراحة كنت ناوية اعلق بس ماعندي كلام ارقى من اللي قلتيه وطبعا ارررررررحب بكل من عارض كلامي just Me مشاركة رااااااااااائعة واثريتي الموضوع بس بقول شغله او توضيح حنا لا فررررررري ولاشي بس لان الناس متشدده جدا هنا اتوقع علبالكم اني فررري الصراحه اندهشت من هالكلمة وانا اذا بروح مثل ماقلت بروح مع الوالد اللي معاااااارض يعني وين فري هنا؟ زين ياناس اللي يقول الرجال مايبغون اللي تسافر برا !! مين قال ليس جميع الرجال عندهم ضيق افق وبصراحه انا مااتمنى اتزوج قصيمي لاني عارفه عقلياتهم المرأة عندهم لاتحترم هي في الدرجة الثانيه حتى انه مايكتب اسمها بالجوال ومايبي احد يعرفه لانه عار وووووووووووين ياناس التخصصات اللي تقولون تكفون انا تخصصي مااااافيه دراسات عليا وحتى لو فيه العلم عندنا سططططططططحي ليش اتعب عمري وادور واسطه واروح للرياض وبالاخير ارجع بشهادة خيبانه انا درست اربع سنوات وتخصصنا مااااااستفدنا منه شي المعلومات اللي درسونا اياها قديمة ونظريه رغم ان تخصصي عملي وتبوني بعد ادرس ماستر بالسعودية!!!!!! كل العقبات اللي تواجهنا لمجرد اني انثى ! بقولكم صفاة البنت في عيون اهل بريدة او القصيم قطة مغمظة على قولة اخوانا المصريين لازم تكون جامعية ومدرسة عشان تساعد ولدهم بالمصاريف وتدرس عيالها بالمستقبل سنعـــــــــــــــــــــــه دينه لدرجة التشدد وهم طبعا يعارضون كلمة تشدد يسمونها محافظة مافيه على السانها غير سم /ي ماتروح للنخيل لانه باااااار ماتدخل النت لانه للسرابيت فقط ماتشوف تلفزيون بس عطوها حرية وهي ناظري قنوات المجد بالمحصلة البنت عندنا لابد تكون خاضعة لاتعارض اللا التفاهات هي بالاساس نقص وزواجها هو المريح لأهلها وعلى قولة احد الردود مالها اللا بيت زوجها ولايكفيهم كل هالظليمة لااااااا يقولون وش ناقصكم انتم مرفهات !!!!!!!!! وترا الدين سماحه ويسر حنا عارفين ديننا انه سمح بس طبقوه صح مع فااااااااااائق احترامي لكل الردود مهما كانت وانتظر بوووووحكم بالمزيد
__________________
البينـــــــــــــــوز
آخر من قام بالتعديل روشا; بتاريخ 27-11-2008 الساعة 11:30 PM. |
|
|
|
 |
| الإشارات المرجعية |
| أدوات الموضوع | |
| طريقة العرض | |
|
|
النمط المتشعب
