[دعبل نجد]

((عشت لي عشرين حجة في اثاره))

إِليكَ فَهَد المُهوِس عِنْدَمَا عُدِمَ الوَفاءُ اِشْتَقْتُ إِليكْ !!

[poem="font="simplified arabic,5,black,bold,normal" bkcolor="transparent" bkimage="" border="none,4,darkblue" type=1 line=0 align=center use=ex num="0,black""]أزريت أحدد هالزمن وش هو شعاره = وازريت أميز من شجيعه والجباني
دوك القصيده يافهد عده بشاره = من خبير ضمنه جزل المعاني
علمه جدب الزمن بعد اخضراره = واخضراره بعد جدبه شي ثاني
علمه ان الزمن صعبٍ قراره = وان قراره من محالات الاماني
علمه كم شخص عايش بالطراره = وبعد مده يذكر الشيخ الفلاني
وكم شخص خرجه بيت الدعاره = لمعه اعلام كاذب وامتفاني
امتفاني خدمة لاهل الدشاره = وامتفاني حرب لارباب المعاني
وكم شخص يعجبن مظهر وقاره = والا نطحته شفت بسمه وامتناني
احتظنته مادريت ان الحقاره = عايشه في وسط جسمه ماتباني
اسألوه ان كان يصدق بالعباره = هو أنا قصرت في حقه ثواني
كان اذا مالهم زاره واستثاره = وألسعه غدر الزمن جاني نصاني
انتفض لاجان فاقد لاعتباره = لاجل الفي خل يوم انه لفاني
وبالنهاية يفتح المسرح ستاره = وينقلب من كان خلي ويعداني
واحسايف خبروه بها العباره = وعلموه اني نسيت اللي نساني
ذكره اللي كان قد حان اندثاره =ربه اللي بينه وربي هداني
لا تقولوا جاك صادق باعتذاره =مستحيل افتح مساحة جرح ثاني
كم ليل يحجب النور بستاره = وكم صبح يطرد الظلمه عياني
يعني تقلب هالزمن يعطي اشاره = أن لا دوام ولا ثبات ولا اماني
وان العدو قد ثار من دون استثاره = واجلب علينا بالمجون وبالاغاني
ما شكيت الا من ارباب الدشاره = وما جزعت الا من طعون ثماني
سبة المختار واعلان الحقاره = ورفعة الكذاب وتكذيب البياني
وصدة المحبوب عني واحتقاره = وطعنة من صاحب بغدره جزاني
وخنجر من خاين اظهر وقاره = ثبته في وسط ظهري ولاعطاني
ماعطاني فرصة للاستداره = لاجل اصده عن لكن ما مداني
الزمن لادار درنا مع دواره = والنفوس تمل والدرب يعصاني
عشت لي عشرين حجة في اثارة = والله يستر من اثارات الزماني
يافهد خذ لك من الدنيا عباره = واستفد مما تشوف انه دهاني
وش تسوي يوم تاقف بالاشاره = والتفتّ وشفت مدعوج العياني
التفت لك وابتسم لك في شطاره = ثم سحرك بنظرة عدة ثواني
وودعك ثم سار متيمم لداره = حسبي عليه معلَّم طبعٍ اناني
خلفك متسمر وسط الغماره = والخلايق ثار عجه بالعاني
يا اثارة قلب ما بعده اثاره = ارحم المسكين لاجالك يعاني
صار ما يفرق يمينه من يساره = وما يميز بين هندي أو يماني
يافهد لاتنشدن معنى الاثاره = راع شكلي تعرفه مما أعاني
ما عشقتك لان في وجهك نظاره = لاني اكبر من هيامات الغواني
وما نصيتك طالبن منك إعاره = أحمد المعبود من فضله كساني
الزمن لادار درنا مع دواره = والنفوس تمل والدرب يعصاني
عشت لي عشرين حجة في إثاره =وما جزعت الا من طعون ثماني[/poem]


مع بالغ اعتذاري لاهل الشعر . .