[sosoبريده]

لا حول ولا قوه الا بالله

حسبي الله ونعم الوكيل

[الاطرش]

أجل وشتقول باللي يعملون بشركات تخير رواتب و مضيقات من المدراء الأجانب ما أقول إلا الله يعين .

[الرومي]

ياخي ماله الا الدعاء في جنح الليل وانتم يا اخواني ادعو له على من ظلمههناك حكمة تقول (مامن قوي الا ويأتي من هو اقوى منه)
دمتم بود وتقبلوا مروري

[لندني]

والله يااخي قهر هي احدى امرين
تلقي الراتب موقف عند كسرة مواظف با ادرة التعليم
مسوي فيها انه مدير
ولا انه ماكول عليه ويدرون انه
ما يقدر يطالب ولو طالب براتبه راح يهددونه با الفصل

[ساعي نحو الهدف]

يعطيك العافية على اهتمامك بهذا الرجل

بس ترى الموضوع مو بهذه السهولة ينسى

يعني ماراح يضيع له اريال ان شاء الله لإن كل شي محفوظ ولكن التأخير له أسباب يمكن لإنه جديد

فأوراقه مرفوعة وراح تنزل كل مستحقاته جميع وياليت يستفسر عن حقوقه ولا أظن أحد بيتقصد تأخيره

لإن مالاأحد مصلحة بذلك.

[انابريده]

حسبي الله و نعم الوكيل

الله يسلط على من تعرض ها لضعون ... عاجلا غير اجل ....

لكن اقترح / انك تـــــقـــــول انا لــها وتذهب الى تلك الاداره و تستفسر عن موضوع الرجال

أو انك تبلغنا ن اسم المدرسه و نذهب لننصر من غلب على امره

أو يذهب الى (( ابو محمد )) امير منطقة القصيم فهو ناصر المظلومين
صاحب الســـــــــــــمو الملكي فيصل بن بندر طيب الله ثراه

[حساني الروماني]

الجمعيه الخيريه

[صهيب القصيمي]

السلام عليكم ورحمة الله وبركاته
جزاك الله خيرا على اهتمامك في شئوون الاخرين
وانتظرك منك مسعادته لعل الله ينفعنا
وابغى من وقتك الشي البسيط انك تخذا معلوماته وتساعده وتذهب الى قسم الرواتب في اداراة التربية والتعليم للبنات وابد مني انا يساعدونك في اقصى وقت ممكن
بامكانك تذكر اسم المدرسه اواسم الموظف و
وشكرالك

[عرفت اشلون]

الحين يستلمون من فوق 30 الف اقل شي

وش حاسدين هالرجل عليه.....!

الله ياخذهم ويفكنا منهم يارب

[manedl]

اقتباس المشاركة الأساسية كتبها ( الامتياز ) شى محزن طيب وين عياله وبناته مافيه احد موجود منهم يساعد هم وبعدين اذا هو يشتغل بدون راتب يترك الوظيفة وحسبي الله على الى تسبب بقطع رواتب هالمحتاج عشان يرجعله الدخل الى من الضمان وماشي باستمرار صح انه شوى بس احسن من لاشي ومدامك زرته وعرفته وراه ماتدله للجمعيات الخيرية لعل تجيه مساعدات تكافى نوعا ما من مصاريفه اوا اخت رقم حسابه ونشرته عشان نقدر نساعده بلى نقدر عليه او نعطيه احد يساعده وجزاك الله خير للتنبيه على ها الحالات نسئل الله ان يكون بعونهم

جزيت خيرا احساسك ومواساتك تدل ع حسن ذاتك ونقاء سريرتك لك ودي

[manedl]

اقتباس المشاركة الأساسية كتبها ابو شرين المصدر يقول ماكل ما يقال يصدق هل تتوقع ان يبقى هذه الفترة بدون رواتب يعني مافيه نظام بالعمل ومافيه مرجع ومافيه محاكم وامارة ومع ذلك يبقى هذا الاحتمال مفتوحا وكل شي يصير ببلد العجائب

الله يهديك بس اذا مو مصدق كلامي روح الابتدائيه 92 بحي الوسيطا وسأله بنفسك تلقى الاجابه ولاجيد بالفلسفه , ولا اقولك روح طالب بحقوقه تاخذ أجره , شوف انا ماكنت احب اذكر مكانه لأنه انسان عفيف ولايعرف اني نشرت مشكلته انا ابي انسان يساعده اذا يعرف احد بالتعليم , والله يسامحك

[manedl]

المدير ماأعرف عنه شي وهو ماهو شمس شارقه ع كل شي العتب على مدير الشئون الإداريه والماليه !!!!

[طـيـبـ الفال]

لا حول ولا قوه الا بالله
من ياخذ حق هالمسكين؟؟؟

[اخو دريحم]

ياجماعة الخير الايوجد من الاعضاء في تعليم البنات

في قسم الرواتب او الاستحقاقات ويساعدهم بأي طريقة

او يطرح رأيه او يكتب من هو المتسبب

بعرقلة صرف رواتب الحراس وزوجاتهم

والله نتأثر اذا كان دخول الراتب يوم اجمعة

تأخر يومين فما بالك بتأخر 210 يوما

كيف يعيش وكيف تعيش زوجته كيف يعيشون أولاده

وبناته الله يقطع قلب مابه رحمة