[هايين]

الدخان بلوى
وصاحب الاخلاق لايرفض بسبب الدخان
ولكن الدخان يسبب كثيرا من القلق واحيانا يسبب مشكله

الله يعافي كل مبتلى

...

[قفاز مخملي]

صعب اقبل بشاب يدخن ياناس الزواج يحتاج صبر وتحمل والمدخن يعصب ويثور على اتفة شى هاذي وجهة نظري

[نخجور]

كل ساقطة لها لاقطة

والعقرب له زوج

أنا أستغرب من يتحمس لرأي الموافقة على المدخن انه يحاول سحب البساط عن الشباب الذين لم يدنسوا أجسادهم بنتن التدخين حتى ترى بعضهم يقول وأغلب الذين لا يدخنون أو المتدينين أخلاقهم سيئة

ياخوي ويا اختي إذا أنت قابل بالمدخن ماحد رادك والله يهنيك بالريحة الشينة والبلغم والكحة والشخير
لكن لا تسب الشباب الفاضل غير المدخنين

أنا شخصياً وخواتي معي لن نقبل بمدخن ولو أجلنا الزواج ليوم القيامة

ذلك أن المدخن لو مافيه عيب إلا أنه ناقص الشخصية والمروءة ودايم حول الحمامات يحجر روحه عشان يدخن واللي يقول بلوى يثبت لنا جهوده في الإقلاع عنه ومكافحة التدخين بمستشفى الملك فهد التخصصي تكذبه لأن الجاد يقلع عنه بكل سهوله مع قوة الإراده والتوكل على الله
وإذا كانت المخدرات أم الخبائث فالتدخين أبو العربحة

[دفق حبر]

اقتباس المشاركة الأساسية كتبها نخجور كل ساقطة لها لاقطة

ارحو انتقاء كلمة افضل من ساقطة

[نخجور]

اقتباس المشاركة الأساسية كتبها دفق حبر ارحو انتقاء كلمة افضل من ساقطة

ياغالي هذا مثل معروف مو أنا اللي قايله
ومعناها كل قطعة ساقة لها من يلقطها
يعني تلقى واحد ينحني عشان يلقط ريال طايح وواحد ما يحنيه إلا أكبر وفيه من يلقط قوطي الببس

وحنا نقول اللي يدخن له من يقبله لكن ما يقبله إلا وحدة يما أهلها مدخنين أو تتنازل

وعسى ربي يهدي الجميع

وإرجع للردود تشوف اللي يقول الكلام اللي قلته

[دفق حبر]

اقتباس المشاركة الأساسية كتبها نخجور حتى ترى بعضهم يقول وأغلب الذين لا يدخنون أو المتدينين أخلاقهم سيئة

من قال ذلك؟

[صالح المشاري]

اقتباس المشاركة الأساسية كتبها نخجور ياخوي ويا اختي إذا أنت قابل بالمدخن ماحد رادك والله يهنيك بالريحة الشينة والبلغم والكحة والشخير لكن لا تسب الشباب الفاضل غير المدخنين أنا شخصياً وخواتي معي لن نقبل بمدخن ولو أجلنا الزواج ليوم القيامة ذلك أن المدخن لو مافيه عيب إلا أنه ناقص الشخصية والمروءة ودايم حول الحمامات يحجر روحه عشان يدخن واللي يقول بلوى يثبت لنا جهوده في الإقلاع عنه ومكافحة التدخين بمستشفى الملك فهد التخصصي تكذبه لأن الجاد يقلع عنه بكل سهوله مع قوة الإراده والتوكل على الله وإذا كانت المخدرات أم الخبائث فالتدخين أبو العربحة

رغم اني ماادخن
لكن حسيت إنك تتكلم عن الهروين

تذكر إذ الله بلاهم بالدخان بكل تاكد غيرهـ بلاهـ الله بشي ثاني

انا بالنسبه لي اهم شي عندي الاخلاق



لكن مااقول غير الله يوفق الجميع

[التل383]

بالنسبه للمدخن هذا ابتلاء من الله

الزواج قسمه ونصيب والمدخن فيهم الصالح والطالح وغير المدخن كذلك

ارى ان العنوسه في بلادنا بازدياد التدخين بلوه وقد يعتصم عنه بعد الزواج وقد تكون عون على هدايته وعصمته عنه الزوجه

الله يهدي ويعصم كل مدخن

[.Total ransom eyes]

الله يعافيهم يارب
اكييد ماراح ارضاء ازوج اختي بواحد يدخن
لو كان صاحب اخلاق

[بنت الهاشمي]

صراحة المدخن العيب مب باخلاقة احيانا هو افضل بكثير
من اشخاص ماتدخن وأشخاص ملتزمين وهوحالته يعني مثل المرض اللي استعصى علاجة مايقدر يتخلص منه بلوى يارب لاتبلانا
لكن المشكله برائحة الدخان كيف تتحملة هذاي هي المشكلة
يعني لو انت طيب ماتحملت ريحته كيف لصار فيك ربو مستحيل تجلس بجنبة
يعني لو مافي ريحه اهون
وعن نفسي مستحيل اقبل فيه

[شاعرها]

والله انا اشوف ان التدخين يسبب احراج كبير عند الاهل والجماعه أتمنى ان الجميع يتركه ولكن مثل ماقلنا المشكله بالارداه .. واكبر قهر لاجاك اللي يدخن بسبب ظروف نفسيه فهذا اتوقع انه محال يترك التدخين ..

عمومآ اتمنى ازواج خواتي يكونوا مايدخنون ولا اقبل بالمدخن حكمه ابوي وجدي وهم ابخص .

[ابو رادا]

احب اشكر كل من علق وابدا رايه بوضوح بخصوص الموضوع لا عدمنا تواجدكمــ دمتم في صحه عافيه

[◦●° سيــــــما °●◦]

أنا لا أُويد الزواج من مدخن ..
فالتدخين يجر خلفه ما هو أعظم منه ! ..
وأيضاً العيشه معه منفرهـ بكل أحوالها فلا رائحة طيبه و لا نفسيه ثابته ..

( للي قالوا بأن المدخن لو كان صاحب خلق لما دخن .. حفظكم الله لا تنسوا بأنه بلوى )

[مجنون راشد]

حبيبي أسأل مجرب أنا أختي أتزوجة شخص مدخن.
النقطة الأولى ..في الغالب أن المدخنين يكونون أصحاب إستراحات
النقطة الثانية ..بصراحة مجتمعنى الواحد لما يكون مدخن يكون ألك العام لشخصيته مش ولا بد
النقطة الثالثة ..ولو أنها متأخره أنو لما يكون الزوج له إستراحة ..(حوش) يكون راعي سهر ما يرجع للبيت إلى متأخر وهذي بحد ذاتها مشكلة كبيرة وخصوصا لما تكون الزوجة غربية عن البلد أو ما يكون لها أب أو أم عايشين.
والكلام يطوول عن المدخن ....هذا غير المشاكل ألي تعاني منها الزوجات ألي أزواجهم مدخنين من رائحة التدخين ورائحة الفم ألي ما يقبلها ولا الكلاب أعزكم الله ....تحياتي ..أمل أن أكون أثرية الموضوع ...