[سامي بريدة]

اقتباس المشاركة الأساسية كتبها السكى سنكي أنا أؤيد طبعاً الي يقول حفاظاً على مشاعر الكبرى لأن المجتمع تعود على الترتيب في زواج الأخوات ويسأل عن سبب تقديم الصغيرة قبل الكبيرة وهل في الكبيرة نقص أو عيب ولكن لو كثرة المسألة وتعددت أمثلة مثل هذا الزواج لكانت المسألة عادية . مثل مسألة تقديم الأخوان , وتقبل شكري وأعجابي بالموضوع .

صحيح يجب أن نحافظ على مشاعر الطرفين

ولكن عادة حجز الصغيرة حتى تروح الكبيرة يجب أن تزول من مجتمعنا

شكرا لك

[سامي بريدة]

اقتباس المشاركة الأساسية كتبها غريبة الديار . لا لاأؤيد ذلك أبداً فيه جرح لمشاعر البنت الكبرى إلا في بعض الظروف .

كما قلت للبعض

ماذنب الصغيرة تعنّس هي الأخرى ؟

[شــادن]

لالالالالا اؤيد

لكن لضروف احكام.........

إذا كانت الكبيرة متقبلة الفكرة..يعني ميأثر بنفسيتة ,,والصغيرة نفسة بالعرس احس حراام نظلم الصغيررة

[كَـارِيـزْمَـا ©]

أشوى موضوعك هذا مافيه إنه ........!
المهم ...
أغلب الآراء أعتقد أنها لآ تؤيد .......
السبب ....أعرف خوات ثنتين ..ماشاء الله ما ناقصهم شيء ...
لكن الخطباء << هي كذا ...اللي يخطبون من هالناس ما يطلبون إلا يد الصغيرة ...
تكرروا الخطاب وكلهم ما يبون إلا الصغيرة .. وإذا جاء أحد للكبيرة يكون فيه عيب ..
بعد كذا قالت الكبيرة عادي زوجوها ..لأنهم كانوا يمتنعون مراعاة لمشاعرها ..
وتزوجت الصغيرة .. وبعد فترة أمها كل ما جاء طاري العرس وكذا تجيها الصيحة ..
لأنها تتذكر بنتها .. تقول الله يرفع حظها .. والناس حدث ولا حرج >> وش به الكبيرة ما تزوجت ..؟!
وبعدين وش تلقى الكبيرة من كلام الناس اللي ما ترحم ..تلقاها تندب حظه ..وتقول ليتي ما سمحت لهم يزوجونه لين أتزوج .......
هذا بعض عيوب زواج الصغيرة من الكبيرة < حسيت اني طولته هـه

ورأيي ما أييد إلا في ظروف تحتم هذا الشيء ..




؛

[اول الليل]

حسب وضع العائلة يمكن البنت الكبيرة لاتريد الزواج توريد تأخيرة ليش تنحرم البنت الصغيرة
وليس فيه اهانه لي الكبيرة

[&سامي الاخلاق&]

انااتوقع من المفترض ان يوضع الموضوع للفتيات فقط
لانه البنات ادرى بذالك ومنهن من قام بالتجربه
والشباب الي يقول عادي مايحس باالجمر الاواطيها
تحياتي للجميع<<وجهة نظري

[بنت الخليج555]

أنا أوأيد إذا كانت الكبرى راضية

[ريم الجزيرة]

لا أوأيد لأنه جرح لمشاعر الأخت الكبرى
واذا تزوجت الصغرى الناس راح يقولون عن الكبرى كبيره اخته الي اصغر منه متزوجه
وبعدين تاخذ واحد شايب أو متزوج له مرتين
واعرف بنات كثير كذا

[متصفحة]

لآ أؤيد

قهر لمشاعر تلك الطاهرة التي تعارضت الأقدار على حياتها

كانت تحلم بأن ترتدي الثوب الأبيض ..

ويتسرب ذاك الحلم لتراه على أرض الواقع

يلتف على جسد أختها الصغرى

أي ذنب حملته تلك العفيفة .. وأي جرح يسكن فؤادها

إن لم يكن للأقدار يد بظلمها

فللمجتمع الأمر كله

فهو من سلط عليها النظرات في يوم زفاف أختها

وهو من وضع المعايير لطلب الزواج وإشتراطات المتزوجين

[حـنيت]

سامي بريده ،
شكرا حبيب قلبي علي الموضوع الجميل واسمح لي ان اعبر بهذا المووضوع الحسااس ع راحتي

قبل كم من يوم نسولف انا والوالده تقول احتراماً لمشاعر الكبيره ما تزوج الصغيره قبله ..!
طيب فيه احد فكر بمشاعر الصغيره .! ؟؟
هذا السؤال حنا بعد ما نبي نكون بصف حد ونخلي حد .. من بااب تحقيق العدل والمواسآة ..
من وجهة نظري ما اشوف به شي والله .ّ
طيب نخلي نصيب الصغيره يروح علي عيني وراسي الكبيره ما تزوجت لكن هذا اسمه قسمه ونصيب .ّ!
فأ ياريت ان الواحد يراعي .. [ المشاعر ] بين [ الطرفين ] عشان بنفس الوقت ما يصير بالخواطر شي

..
شكرا لطرحك ..

[سامي بريدة]

اقتباس المشاركة الأساسية كتبها بريق الجواهر أنا من وجهة نظري لاأؤيد لانه أ حس يضايق الأخت الكبرى خصوصا اذا كانت الاخت الصغرى احسن منه وهذا رايي وشكرا على الطرح الجميل

طيب والأخت الصغيرة ألا تتضايق ؟

أليس لها مشاعر وأحاسيس ؟

أم أن الأخت الكبيرة هي التي يجب أن تراعى أحاسيسها فقط ؟

وجزاك الله خيرا

[سامي بريدة]

اقتباس المشاركة الأساسية كتبها كنافه هل تؤيد زواج الأخت الصغرى قبل الكبرى ؟ لا لا أؤيد

من حقك لا تؤيدين

ولكن

لو قلت لك

ضعي نفسك مكان الأخت الصغيرة ماذا سيكون جوابك ؟

أريد جوابا شفافا وبكل صراحة

[زهرة بريدة]

على كلامك أخي الكريم نراعي مشاعر الصغرى

أنا من رأيي ماراح تتضايق أبد بالعكس هي نفسها ماراح ترضى تتزوج قبل أختها حفاظأ على مشاعرها وكثييييير بنات أعرفهم كذا يقولون مستحيل نتزوج قبل الكبيرة

ولو تضايقت مع إحترامي لها تكون أنانية لأنها ماراعت مشاعرها ولا أحاسيسها ولأنها تعرف اختها تتمنى الزواج مثل ماهي تتمنى ...

إلا بحالة وحدة إذا أختها الكبيرة وافقت ومقتنعة عادي تتزوج مع أنه راح يكون جرح كبير بقلبها وراح تحس بالنقص وقتها وماراح توافق إلا مجاملة لأختها إذا حست نفسها طولت ووقفت بوجه أختها

راح تفكر وتفكر أكثر من مرة ليش الناس خطبو أختي وأنا لا وش العيب اللي فيني ؟

ومع إحترامي للمتقدمين للصغرى وفيه أكبر منها ماعندهم ذوق ولا مشاعر دامهم عارفين فيه أخت أكبر ما أعرست ومع هذا تقدمو للصغيرة ..

أقل شي ينتظرون شوي حتى تعرس الكبيرة وإلا يشوفون لهم بنت ثانية إذا مستعجلين على زواج ولدهم ..

أنا غير مؤيدة نهائياً

[المدلهم]

.

عند ملاحظتي لردود الأعضاء وجدتهم تقربيا أنقسموا إلى قسمين :
1- يرد بعاطفته - يرفض زواج الصغيرة قبل الكبيرة -.
2- يرد بعقله - يؤيد الزواج- << بالنسبة لي فأنا أقف مع أصحاب العقول لالعواطف.

.