[غــــ م ــــوض]

قرار سليم ..

لكن المفروض قبل التنفيذ يوفرون لهن مكان بديل

مع اني ماشوف ببضاعتهن شي يسوى ..!

( قمصان روز ومصالي ..)

[ابوإياد..]

صحيح انه منظر غير حضاري..لكن ماجلسوا بالاماكن هذي الا انهم على قد حالهم ولا راح يشحذون ..لقوا لهم شغل يسدون حاجتهم بها..

واذا ماتبيونهم يترزقون الله ويمشون حالهم ..خلوهم جالسين ببيوتهم واصرفوا عليهم وعطوهم من فلوس الضمان .
صحيح ان فلوس الضمان ما توكل عيش وماراح تكفيهم .لكن يعين الله

[عشقي المطاء]

اقتباس المشاركة الأساسية كتبها (͡๏̯͡๏) حكم القوي ع الضعيف.. مالقو الا الغلابه. المفروض يشيلون آآبو يمن... ويخلونهم مكاانه

[انسان من بني آدم]

تدرون ليش امنعوهم؟؟؟

لان اذا شريت منهم ولقيت مثلا الغذاء منتهي او حصل مشكله من تشتكي؟؟

وش تقول للي تشتكيه يعني لو محل اشتكي على المحل لاكن كذا صعبه

[ابووافي]

لله لايجزاهم خير قطع الاعناق ولاقطع الارزاق

[__$$بصمة ابداعـ $$__]

بعض الشوارع ما نقدر نمشي من عنده
اذا زينو الشوارع يناضرون عالبيع والخرابيط
حاطين حرتهم بالعجز

[أبورامي]

الله يرزقهم من واسع فضله

[كبرياء الجرح]

اقتباس المشاركة الأساسية كتبها (͡๏̯͡๏) حكم القوي ع الضعيف.. مالقو الا الغلابه. المفروض يشيلون آآبو يمن... ويخلونهم مكاانه

يعني على التفكيير

[ابو بن يمين]

والله يبيجهم دعوه على كيف كيفك

[fares067]

السلام عليكم
صح اني لا مريت من عنده يكعرش جلدي ولا ارتحتله بس حرام كذا علطول تقولون يالله ضفو قشكم به عجز بذاك رزقهن على الله ثم هالبسطة

شددوا الرقابه عليهن وخلاص وللا به احد حاطن عينه على هالمكان

ما اقول اللا الله لا يحيجنا لحد

[فارس القوافي]

قد يكون هناك سبب خفي ومعلوم لدى الجهة المنفذة , والله أعلم سبب المنع .

ولكن /

هذا أوذاك لايصرح ويسمح للاخر المنع أوالبتر قبل العلاج والبحث عن السبب أو التشخيص السليم .

بعدة يقوم الموظف المسؤال والجهة المنظمة في عرض الحلول .
منها أعادة هيكلة المكان وتأجيرة لهن من قبل البلدية وغيرة من الحلول الناجعة .
ولسنا نحن هنا نعرف المشكلة أو الحلول التي من المفترض تقترح .
ولكن /
البتر وغيرة مثل المنع والرفض وغيرة . أمراً لايقبلة الشرع والري العام(الشارع) .
نعم نوافقكم الري في بعض ما لديكم أن كان موثق ومن جهة مخولة ولها مصداقية عالية .
ولكن /
المنع وقولكم لهن أنقلعن أعتقد ليس هو الحل , سوف يذهب العضو الفاسد وغيرة لعمل أمور تضر
في المجتمع وأمن الوطن . وراحة البيوت المظمئنة , لاسمح الله من القلة .

ولكن دع أمامك مقولة ,

قطع الارقاب ولا قطع الا رزاق(وقال أخر رغيف الخبز) .

نتمنى النظر والتحري في سبب المنع وأيجاد البدائل والحلول الناجعة .
وهذا من دور المسؤال عن التنظيم والامن وغيرة .
دائماً والله نعاني من مقولة /

سدة وستريح .

نعم تطبق في جميع الدوائر الحكومية من واقع التسلط وليس السلطة .

على سبيل المثال كم وكم تقاطع مرور تم أغلاقة دون حلول وبدائل .
وغيرة كثير ولكن على سبيل المثال . وعجز الاخر عن أيجاد الحلول والمقترحات التي تقرب الاخر .

الي متى يا سادة هذا التفكير العقيم .
نكرر قد يكون معكم حق ولكن أين البدائل والحلول .

ترة عيب يا الامين يطرح لكم موطن بسيط الحلول وين شهادة من الخارج التي يتفاخر بها الاخر منكم.

[اوتار]

والله احسن انهن ما يبيع شكل السوق فوضى جدا بسببهن ومن زين بضاعتهن الله يغنيهن من فضلة بس

[بنت رجال]

من رأيي الشخصي
منع النساء البيعات (تطور الوضع صار معهن شغالات وكثرت خرابيطهن )

أنا لست مع المنع ولا ضدة ولكن تدرس الحالة ويوضع الخيار المناسب
مثال في مدينة أبها تم وضع سوق يفتح كل ثلاثاء من كل أسبوع للنساء يبعن ويشترين وهو سوق كبير ومسور وفيه تنظيم مع ذلك لم يمانع من بيع الرجال فيه ..

سوق شعبي بسيط .. مرتب
يفتح من بعد صلاة الفجر ويغلق المغرب ..

[ماسك الهوى بيدي]

طيب يسوون لهن محلات مصغره
على قولكم يمكن يكون اوجه شوي
وخل العجز يكشخن شوي كل صبح وعصر تفتح قفل الباب
ياخذون لهن مساحة ارض وتسوى محلات مصغره على فتحه وحده
اتوقع انه ما يضر ولا يخسر ... وفيه اجر لهن بعد
اللي تبي تسترزق واللي تبي توسع صدرها
والله هذي فكرتي ... يمكن اكون قربت الفكره شوي ... واللي عنده اقتراح او تعديل يبدي رايه
شكرا على قراءة رأيي