[• إنِدثـار~]

,,

السّــلام عليكم ورحمة الله ~


صباحكم ومسائكم خيرات دائمة , ونعمٍ لا تزول


سِيبي الطّبخات كُلِّها وتعالي هنا ياقَدعة مآدح نفسه كذّآب بس الصّراحة الطبخة ذي شيء شيء شيء

وللأمانة : اسم الطبخة مب كذا بس ماجاز لي اسمه الحقيقي فحطيته مكسيكي

* المزايَا :
1- سهلة التّحضير وهذا أهم شيء
2- ماتاخذ وقت ولا تقصّ ظهر بس يبي له تسوين بعض الأشياء قبل مثل تقطيع الدجاج والبصل أريح لك

بسم الله ونبدأ بالمقادير :
- صدور دجاج " يكفّي صحنين لـ 7 - 6 " أشخاص تقريباً
- بصَل ثلاث حبّات وسَط مقطّع صغير " ثلاث أربع مش مشكلة "
- كأس باشَميل !
- مقدار من الصّوص ونجي لطريقته بعد شوي ~

مقادير الصّوص :
- حبّة كبيرة طماطم
- حبة فلفل رومي متوسطة إلى صغيرة
- ملعقة كبيرة صلصلة " معجون الطماطم "
- ملعقة كاتشب -> ترى أنا مايجوز لي مع الطّبخ بس بهذي الصلصلة حلووو ولا يبان "
- ملعقة صويا " حسب الرّغبة ولا مايلزم "
- مكعب ماجي + بهارات اللي ترغبون فلفل أسود وكمون وأي شيء .




الطّريقة :







* الدّجاج يقطع قطع متوسطة لا صغيرة ولا كبيرة كبر حبّة الماجي
ثم يحط على النّار مع شوي فلفل أسود وكمون " شوي بس "
* يحمس البَصل لحاله لحدّ مايذبل ويقارب الإستواء .












* بعد مايقارب الدّجاج على الإستواء , نضع عليه كوب باشميل تقريباً أو أقل شوي ,

وطريقتي بالباشميل :
ملعقة كبيرة طحين + ملعقة كبيرة حليب مجفف + ملعقة زيت + ملح + ماجي أبيض براس الملعقة .ثم كاس ماء أو أقل شوي " حسب تقدريك " وعلى النّار مع التحريك حتى مايحترق ويتكتل ,
إذا صار ثقله مثل النستلة ارفعيه وكبّيه على الدّجاج وقلبيهم سوا ثم طبقي الصّينية وخليه يثقل .
* ملاحظة : قلت مثل النستلة لأنه مع الدجاج والطبخ بيثقل زود










نرجع للبصل , مقادير الصّوص هذي تطحن بالخلاط وتكب على البصل وتترك تقريباً 10 دقايق وتحريك بين فترة وفترة .











بالأخير : نكب البصل هو والصّوص على الدّجاج ونحركهن زين , ثم اقصري له وخليه على النار لمدّة 15 دقيقة











السّلطة السّريعة :







قطعي حبّتين أو ثلاث خيار بالطريقة اللي تحبين , ثم حطيه بصحن التّقديم + بقدونس ونعناع .
ثم فوق خسّ أمريكي مقطع صغير ( إذا تبين تحطين خلّ يكون أحسن )

صحّتين وعافية على قلوبكم

قربوا أذانكم :
القرق كثير بس الطّريقة سهلة ترآ