[العنزي]

من خلال طرحك واسلوبك الرياض احسن لك ...

[ااميره]

انا بنقلك تجربتي
انا من الرياض وجاء تعييني ببريده ترددت كثير لكن الفرصة تجي مره واحده انا تعينت بالمجال الصحي واعمل في احد المستشفيات الكبيره ببريده من سنه انا قضيت سنه الامتياز في الرياض لكن الوظيفة ببريده بصراحه هناك فرق شاسع فرق السماء عن الارض حاولت النقل تكراراً ومراراً ولكن بدون فائده وافكر الان بتقديم استقالتي من العمل ودفن تجربتي البائسه في هذه المدينه الحالمة هههه
بريده تختلف جذرياً عن الرياض واحس المقارنة بينهما ظلم كبير
بريده تقدر تقارنها بعنيزه احس انهم نفس العادات والتقاليد بحكم القرب بينهم
طبيعة البشر مختلفة
طريقة التعامل مقززه
اخي محتاار انا سمعت عن العنصرية والتعصب ولكن لم اشاهدها اطلاقاً الا في بريده
تعصب وحقد دفين على بعضهم البعض ولا يتأقلمون مع الاشخاص الذين اتوا من خارج المنطقة
المدينه يغلب عليها الطابع الديني المتشدد المتزمت ( اذا انت انفتاحي لاتفكر مجرد تفكير بالنقل ) وهاذي مشكلة اغلب سكان مدينه الرياض انهم انفتاحيين وغير متزمتين ودرجة التشدد لديهم منخفضة جداً باستثناء احياء شرق العاصمة ( السلام والريان وغيرها) لان سكان هذه الاحياء نسخة كربونية لاهل القصيم
المدينه صغيره وغير مرتبة عدد المولات لايوجد سوى اثنين المطاعم قليلة وغير مريحة المشاغل النسائية على الصامت
الاخوان المتدينين يشكلون تقريباً اكثر من 70% من سكان المدينه والمشكلة ليس بلمتدينين ولكن بالتشدد الزائد الذي يولد الانفجار
لايوجد احترام متبادل بين الجميع ( من خلال عملي يمر علي مئات المراجعين يومياً من الجنسين )
عندي كلام كثير ودي اقولة لكن راح ارسلك ايميلي على الخاص وراح انقلك تجربتي المؤلمة المريره في هذه المدينه البائسة
لاني اعرفهم جيداً راح يزيلون الرد ويوقفون العضوية وهاذي عانيت منها في اغلب المنتديات القصيمية فقط لاني كنت ابحث عن معلومات عن مدينة بريده قبل اسكن واستقر فيها للعمل
عكس المنتديات الاخرى تقول ماتشاء بدون توقيف او شطب العظوية
اخي لاحظ بعض الردود وراح تعرف ان كلامي صحيح اقرأ الردود جيداً وراح تعرف انهم ماا يحبون احد يختلط معهم يحسبون بريده لهم بس
لا ونسيت اقولك كلامهم يلوع الكبد رجالهم تحسهم بناات من الميوعه اللي فيهم اشكالهم جياكر ويخوفون اقصد كلامهم لا احياناً يجيك واحد يتكلم قصيمي وياكل علوك هههههه
لا احد يزعل من كلامي هاذي الحقيقة والحقيقة مره والاخ يسأل ولازم نجاوب على سؤاله بكل صراحه
واخيراً ادعولي انقل للرياض وافتك

[لا أحد]

اقتباس المشاركة الأساسية كتبها ااميره انا بنقلك تجربتي انا من الرياض وجاء تعييني ببريده ترددت كثير لكن الفرصة تجي مره واحده انا تعينت بالمجال الصحي واعمل في احد المستشفيات الكبيره ببريده من سنه انا قضيت سنه الامتياز في الرياض لكن الوظيفة ببريده بصراحه هناك فرق شاسع فرق السماء عن الارض حاولت النقل تكراراً ومراراً ولكن بدون فائده وافكر الان بتقديم استقالتي من العمل ودفن تجربتي البائسه في هذه المدينه الحالمة هههه بريده تختلف جذرياً عن الرياض واحس المقارنة بينهما ظلم كبير بريده تقدر تقارنها بعنيزه احس انهم نفس العادات والتقاليد بحكم القرب بينهم طبيعة البشر مختلفة طريقة التعامل مقززه اخي محتاار انا سمعت عن العنصرية والتعصب ولكن لم اشاهدها اطلاقاً الا في بريده تعصب وحقد دفين على بعضهم البعض ولا يتأقلمون مع الاشخاص الذين اتوا من خارج المنطقة المدينه يغلب عليها الطابع الديني المتشدد المتزمت ( اذا انت انفتاحي لاتفكر مجرد تفكير بالنقل ) وهاذي مشكلة اغلب سكان مدينه الرياض انهم انفتاحيين وغير متزمتين ودرجة التشدد لديهم منخفضة جداً باستثناء احياء شرق العاصمة ( السلام والريان وغيرها) لان سكان هذه الاحياء نسخة كربونية لاهل القصيم المدينه صغيره وغير مرتبة عدد المولات لايوجد سوى اثنين المطاعم قليلة وغير مريحة المشاغل النسائية على الصامت الاخوان المتدينين يشكلون تقريباً اكثر من 70% من سكان المدينه والمشكلة ليس بلمتدينين ولكن بالتشدد الزائد الذي يولد الانفجار لايوجد احترام متبادل بين الجميع ( من خلال عملي يمر علي مئات المراجعين يومياً من الجنسين ) عندي كلام كثير ودي اقولة لكن راح ارسلك ايميلي على الخاص وراح انقلك تجربتي المؤلمة المريره في هذه المدينه البائسة لاني اعرفهم جيداً راح يزيلون الرد ويوقفون العضوية وهاذي عانيت منها في اغلب المنتديات القصيمية فقط لاني كنت ابحث عن معلومات عن مدينة بريده قبل اسكن واستقر فيها للعمل عكس المنتديات الاخرى تقول ماتشاء بدون توقيف او شطب العظوية اخي لاحظ بعض الردود وراح تعرف ان كلامي صحيح اقرأ الردود جيداً وراح تعرف انهم ماا يحبون احد يختلط معهم يحسبون بريده لهم بس لا ونسيت اقولك كلامهم يلوع الكبد رجالهم تحسهم بناات من الميوعه اللي فيهم اشكالهم جياكر ويخوفون اقصد كلامهم لا احياناً يجيك واحد يتكلم قصيمي وياكل علوك هههههه لا احد يزعل من كلامي هاذي الحقيقة والحقيقة مره والاخ يسأل ولازم نجاوب على سؤاله بكل صراحه واخيراً ادعولي انقل للرياض وافتك

كلام الأخت عن العنصريه و التعصب صحيح, أما بخصوص التشدد, فأنا أسميه "تطرف" لأن التشدد شيء إيجابي و ليس سلبي .

[ماريا علي]

اقتباس المشاركة الأساسية كتبها ااميره لا لا احياناً يجيك واحد يتكلم قصيمي وياكل علوك هههههه

سبحان الله قصصيمي ؟
علوك ؟ هه اضحكوا تراو ياكل علوك ):
_
اذا كنتي بتقارنينه بالرياض شيء طبيعي كان تقعدين قرن تكتبين الفروق ،
واحس هذي طبيعه عملك والمفروض تتحملينها خصيصا بالتخصصي استغفر الله بس

[O X Y G E N]

اقول محتار .. عفوا أميرة .. حنا ماعندنا مستشفيات كبيرة عندنا مستشفى واحد التخصصي واغلب الي يراجعونه من محافظات القصيم ، يمكنك غلطانه ، يمكن متوظفة في مدينة ثانية وتحسبينه بريدة

[ااميره]

اقتباس المشاركة الأساسية كتبها o x y g e n اقول محتار .. عفوا أميرة .. حنا ماعندنا مستشفيات كبيرة عندنا مستشفى واحد التخصصي واغلب الي يراجعونه من محافظات القصيم ، يمكنك غلطانه ، يمكن متوظفة في مدينة ثانية وتحسبينه بريدة

لازم نقول اسمه يعني نعم التخصصي تخصصي بالاسم فقط
ليش انتم اي شي موب زين تقولون من محافظات القصيم ههههه

[متأملة......]

اميرة هههههههههههههه حسيت انك زوجته وتبي تصرفين نظره عن النقل..........


تكلمي حبيبتي براحتك وقولي كل الي بخاطرك
متعودين...............اجزم واكاد احلف انك من وسط بريدة............
لاني اعرف كم ةعينة مثلك

يااااااارب يجيك نقل وتنقلين..........

[ااميره]

اقتباس المشاركة الأساسية كتبها متأملة...... اميرة هههههههههههههه حسيت انك زوجته وتبي تصرفين نظره عن النقل.......... تكلمي حبيبتي براحتك وقولي كل الي بخاطرك متعودين...............اجزم واكاد احلف انك من وسط بريدة............ لاني اعرف كم ةعينة مثلك يااااااارب يجيك نقل وتنقلين..........

متأملة ياقلبي بريده كلها ماتجي حي من احياء الرياض مافي داعي يقسموها شرق ووسط وغرب
الاخ يسأل وكل عضو راح يقول راية ومن حق اي وحده تقول رايها
ولاننسى النلس الطييبين ببريده يريده فيها الصالح والطالح

[شموخ نجد]

ما أنصحك بالنقل لبريدة خاصة ممكن تتعايش مع عنيزة البكيرية الرس بس هنا فيه تعصب

مزاجية في الحكم سهولة إلقاء التهم وإشاعتها يعني تضن أن فلان فيه كذا تمشي وتذيع

ما يبون إلا بعض وحتى بعض ما يبونهم ههههههه

فيه نماذج رائعة لكنها برضه عايشه في محيطها ما ترحب بعناصر من برى

اعرف كثير نقلو لبريدة من الرياض وانبسطوا مرة بس لأن أهلهم أصلا هنا

تبي نصيحتي شف وين أهل زوجك ساكنين تنبسط زوجك وعيالك وبالتالي تنبسط أنت ههههههه

مب مشكلة بريدة التسوق ولا المطاعم اللي فيها فيه بركه والآن كلش طلبية من النت

المشكلة في تقبل العنصر الخارجي فورا يصنفون فكرة نوعه يحطون فيه نون وما يعلمون

وعادي من ديرتهم يطبون فيه ما عندهم مشكلة سهله الهجوم لى أي شخص

غير الاهتمام الزايد بخصوصيات الآخرين (( الشرافة الممقوته)) وفي المقابل جحادة مالها داعي


اذا انت غير اجتماعي انقل راح تتأقلم جدا

[لا أحد]

اقتباس المشاركة الأساسية كتبها شموخ نجد اذا انت غير اجتماعي انقل راح تتأقلم جدا

100%

أفضل جواب على إستفسارك .

[حربي عابر دربي]

تبي تجي والا امشي

[...flbynoo...]

أنا ماراح اتكلم عن بريده لأنه مدينتي أفضل مكان بعيني
لكن بكل مكان الزين والشين وممكن نصيبك ورزقك ربي كاتبه بجيتك للقصيم
وما أشوف شيء من اللي قالته الأخت أميره واذا الشخص جاي عن كره للمكان بيتخيل كل شيء سيء

النقطه المهمه أنك تجي يومين ثلاثه تشوف المنطقه والناس بنفسك وبعده تستخير
والله يكتبلك اللي به خير لك ولعائلتك ويرزقك من واسع فضله

[عزتي في شموخي]

الله يعينك بس

اذا خرجت خارج بريدة أحس بارتياح

وأتمني نسكن خارج القصيم

ولا بالعيد انواع الطفش لو تحلت جثه بالشارع مادرو عنها

غير سياحية وانواع الطفش

[ابونواف 1889]

اذا تبي نصيحتي خلك بالرياض
بريده ماتصلح للشخص اللي جاي من برا المنطقة
بريده تصلح للشخص اللي من حينه ببريده
بريده مملة جداً ولابه شي جديد
بالنسبة للعنصرية موجوده في كل مكان بالسعودية لكن راح تلاحظها في بريده بشكل اكبر
بريده هادية جداً مدينه صغيره مقارنه بالرياض
اذا تبي رايي الشخصي لا انصحك بالنقل ابداً مع اني ما اعرف ظروفك لكن مهما كانت الظروف بريده ماتصلح لاي شخص جاي من برا المنطقة لانه راح يقارنها بالمدينه اللي اللي كان ساكنها قبل النقل