[الشمس المقمره]

انا من موظفي المستشفى
وزارة الصحة هي السبب ؟
انت تعرف ان قسم النساء (ممنوع دخل الرجل )فية دكتور مع النساء
لم تقول ليش تزلق في الملف ؟
لم تقول للمراجع فية دكتور دخل عند النساء يمكن تزلق في الملف؟
الرجل في الخارج ينتظر الزوجة والدكتور يكشف على الزوجة ؟
انا ممن شهد النساء دخل قسم النساء طبعاً ذهب للدكتور
والله ارحم الي جلس ينتظر الزوجة وهي عند الدكتور وهو لايدراي؟

[البـتــَّــار]

جزاك الله خير أخي محامون مجانا على طرحك مثل هذا الموضوع الهام والخطير جداً جداً..

والمصيبة إنك تلقى على بدلة عامل النظافة ومعطف الطبيب كلمة (( سمامة )) .. أنا ما أدري وشلون يختارون ذولا .. شكلهم إذا جو من بلادهم .. جمعوهم و وزعوا عليهم أرقام .. ثم .. يبدأ السحب
صاحب الرقم 42 .. دوك : أنت طبيب عام..
صاحب الرقم 68 ..دوك : أنت جراح..
صاحب الرقم 96 ..دوك : أنت عامل (( والله يا هو مقروووود ))
والضحية .. المريض المسكين

وأنا حصلت لي قصة لكن في مستشفى التتخصصي .. عفواً ( مقبرة التخرصي ) .. مع إن الموضوع عن مستشفى الولادة لكن ( في كلٍ خير ) ..

جان ألم شديد في أذني اليمنى .. مما دفعني إلى الذهاب إلى مستشفانا العامر .. المهم .. وكالعادة رصِّة عند أخذ الحرارة والضغط والسكر .. وجاءت لحظة الملاقاة مع الدكتور .. دخلت عليه .. ويوم دخلت عليه .. لابس لي هالمعطف ..( والظاهر إنهم جايبينه بفيزة سباك .. لكن حظه طلع رقمه ) .. المهم .. إني قعدت أشكي .. وأشكي .. وهو يسمع بكل حرص .. وأنا واثق تمام الثقة إنه ما فهم ولا كلمة .. لكن وضعي ما يسمح لي أنا قشه .. المهم .. جاب ضوايه وقعد يحوس باذني .. وقالي ( مافي خوف .. فيه انسداد ..روح صيدليه وخوذ دوا ) .. وأنا بدوري شكرته على حرصه واهتمامه ( والله من زين الامور ) .. إيه صح .. نسيت أقولكم إن الدوا كان قطرة مع حبوب مسكِّن .. وقالي : بعد ثلاثة يوم روح مستوصف وسوي غسيل أذن .. خرجت من عنده وأنا في حيرةٍ من أمري .. يبي غسيل بستم ولا خارجي بس .. المهم .. مر علي يومين وأنا على هالحال .. ألم .. أحط القطرة .. يزداد الألم .. وبعد يومين تذكرت نصيحة الغالي ( بعد ثلاثة يوم روح مستوصف وسوي غسيل أذن ) .. لكن الألم ما يتحمل أصبر يوم زيادة .. ورحت لأحد المستوصفات الخاصة ( بدون ذكر أسماء ) ودخلت على عيادة الأنف والأذن والحنجرة ..
وقلت للدكتور : أنا أبسوي غسيل أذن .. ( شخص واثق )
قالي الدكتور: اجلس أبكشف عليك .. وجلست وجاب نفس الضواية وقعد يحوس باذني .. ثم نزِّ نزِّة وقال: ( الله ) باللهجة المصرية ..
أنا دارت بي الدنيا ولا قعدت .. قلت : وووورراه عسا ما شر يا يا يا دكتور.
قال : إنت عندك التهاب حاد قداً قداً بالطبلة .. مين آلك (قال لك) روح سوي غسيل أزن ..
قلت : دكتور بالمستشفى التخصصي .
قال : إنت عارف لو إنك سويت غسيل أزن كان ممكن تفأد (تفقد) السمع بالإزن اليمنى .
قلت : وشووووووووووووو
قال : بطَّل (أوقف) الأطرة دي .
..
.. وعطان حبوب مضاد 650 ملجم وقاللي : لا تسبح ولا تخلي أحد يزعج باذنك و .. و..
..
.. وجربتهن والحمدلله أنا الحين بخير وصحة وعافية .. والفضل لله أولأ وآخراً

لكن .. لو أنا سامعٍ كلام السباك الاول ولا وفقن الله بواحد مثل ذاك الدكتور .. كان وش راح يكون حالي

والقصص والمآسي تتكرر معي ومع غيري .. حسبي الله عليهم.

ملاحظة على الطاير ***
العادة الواحد يجي للمستشفى مريض ويطلع معافى بحمد الله .. أنا أول مرة أشوف مستشفى يجي الواحد مريض ويطلع فيه مرض ثاني .. هذا إذا ما راح لثلاجة الموتى ..
وتقبل

تحياتي

[@صاحبه السمو@]

إزعاااااااااااااااااااااااااااااااااااااااااج
وتقلهم يكدون علينا
ينفرون النايم تنفير
الله يهديهم

[توفي الحلوة]

الله يستر علينا بس طيب وش السواة وين نروح له

[طير2008]

اقتباس المشاركة الأساسية كتبها محامون مجانا وين نروح ؟؟؟ مستوصفات خاصة كحيااااااااااااااااااااااااانةمستشفيات خاصة خربااااااااااااااااااااااااااااانةالشاهد الله يعيد أيام زماااااااااااااان يوم الحرمة تلد في بيتها بحضور أحد العجز والله انه ابرك الف مرة من وضعنا الحال [/color]

صدقت,,,,,,,,,,,,,,,,,,,,,,,

[msami_mb]

السلام عليكم الموضوع شدني وحبيت ابدي تجربتي
في مستشفى الولادةجأت زوجتي الحامل بالشهر الاول وكان معها نزيف شديدفانتظرت الوقت الطويل حتى كشفت عليها الدكتورة الباكستانيةبنفس شينة (تكد) فقالت انة لايوجد جنين فقط مشيمة والجنين طايح وتقول راجعينا بعد10ايام نسوي تنظيف انا مادري المراة تبي تنتظر 10 ايام مابها جنين عشان ينزلون المشيمةويسوون تنظيف
المهم رحت فيها من بكرى لمستوصف خاص وبعد الكشف تدرون وش قالت الدكتورة المصيرية
ليش مافية جنين وتوريها السونار تقول شوفي نباضات قلب الجنين
باللة لو هي سمعت كلام الدكتورة قبل تتاكد كان فقد الجنين ونزلتة وهو حي
مااقول غير حسبنا اللة ونعم الوكيل

[مهند]

وأزيدكم من الشعر بيت كل هالمشاكل كوم ومشاكل الممرضات الكافرات كوم اللاتي لايعرفن رحمة لأطفال المسلمين وللوقوف على جرائم هؤلاء الممرضات أدخل إلى الحضانة وسوف ترى معاملتهن اللتي يشيب منها الولدان ونحن نضع هذه المصائب أمام سعادة الدكتور / عاطف سرور مدير الشؤون الصحية بالقصيم نسأل الله أن يكون خلفاً للدكتور هشام ناظرة .

[مختلف]

ايه وش نقووووووووول
الدولة ماقصررت بس لايوووجد مراقبة حقيقة

[$$رفيع الشأن&&]

كل الشكر لك على الموضوع المهم ... والذي يلامس هموم الكثير من اهالي مدينة بريده ..


اتركك مع هذه الرساله التي هي بحق تصف هذه المقبره << وليست مستشفى

كل المستشفيات تكتب عند المدخل ..
الأيه :
{وإذا مرضت فهو يشفين }.

أما مستشفيات القصيم .. فيكتب عند المدخل ..
الأيه :
{ كل نفس ذائقة الموت } .

أما عند باب الطوارىء.. فيكتب ..
الأيه:
{ قل إن الموت الذي تفرون منه فإنه ملاقيكم }.


............................ ونعلم انه لا حياه لمن تنادي ...................................



الله يعطيك العافيه ..

[صالح الخبيب]

الاسباب كما اعتقد ..... ولعلك تشـــــــــــــــــــاركني

1 ـــ الغاء أقســــــــــــام الولادة في مستشفى المركزي ومستشفى الملك فهد التخصصي .... الخطأ الاكثر وضوحا .... تمركز المواطنون والمقيمون على جهة واحدة .... فقد كان القرار خاطيء في شكله وتوقيته .... ومضمونه !!!

2 ـــ في السنوات القليلة الاخيرة وبعد حرب الكويت ...... حدثت هجرة من الريف والبوادي الى المدن مما اصبح هناك في المدن ضغطا كبيرا على المرافق العامة .... لابد ان يدركه المخططون على جمبع الاصعدة حتى يواكبوا هذا التطور المفاجيء ...
وشكرا

[أنا شاطر]

مهما قلتوا ..
مهما تكلمتوا ..
مـهــما شكيتوا ..
لن تتغير الآحوال..
وستزيد بكم الآهوال ..

[أم حساوة]

مستشفى واحد لايكفي في بريدة