[مقزز]

أخوي الصباخ
أنا أرى أنه طاير من راسك وشرة على هالسرعة
كما أرى إن مكانك الطبيعي بابو زعبل ( معليش ) وجهة نظر
لمين تزوَّلك السرعة
ويبدن التريلات يصقطن عليك

أقول : ترى السرعة مابه خير
ولا يمديك لاصار شي لا سمح الله

وهناك قاعدة في القيادة وهي:
( اعتبر الناس كلهم ما يعرفون يسوقون ) عشان ما تقود بتهور
فالناس فيهم الشايب ( وخبرك سواقة الشايب )
وفيهم الصغير اللي يتعلم السواقة
وفيهم الأجنبي اللي سواقته مثل وجهه
وفيهم اللي يسوق ويناظر الجوال
وفيهم اللي يسوق وهو غافل
وفيهم اللي يسوق وبه نوم
وهكذا
فأنت لا تعتقد إن الناس منتبهين لك وانت تسوق

وفي الأخير إذا لم تقود باحترام وتأني فإنها (مطقه راسك) وأنت الخسران الأول والأخير


وتقبلوا تحياتي

[ب ر ي د ا و ي]

عندهم اعتقاد ان اللي يسوونه شجاعه وقوة
الحمد لله والشكر الله يهديهم ويهدينا ويهدي الجميع
شكرا اخوي الصباخ

[سكون اليل]

الله يستر علينا وعليك

[أبو يحيـى]

يـــا زااااحـــف

[حبر الألم]

هذهـ مصورهـ وأنا على أعصااااااااااااااااابي


بس تراي مع نزلة الغاط وما معي أحد >>> يعني أنواع الملل

تراي عجزت أنزل الصوره هنا وهذا رابط الصوره


http://upload.9q9q.net/image/Jif430Uxu/ppp.jpg.html

[خباب النجدي]

اصحاب السرعة المتهورة لا يتعضون حتى يكون لهم حادث والبعض ما يتعض حتى يقول له المستشفى انت مصاب بشلل بعده يكون اتعض وأعني بذلك اصحاب السرعة الجنونية لكن من الإحباط ان اكون متجه من الرياض الى مكة وقد اتخذة جميع وسائل السلامة من تبديل للإيطارات وغيرها والقانون لا يسمح بأكثر من 120 ك . وانا امامي طريق طوله ما يقارب 850 ك . فمتى سوف اصل فمن الأفظل ان يسمح بسرعه حتى 140 او كحد اقصى 150 لأن الوسطية جميلة في كل شيء وأما ما يحصل من حوادث نتيجتها السرعة فإن حوادث السيارات في المملكة تقتل من الأرواح اكثر من ما يقتل الجيش الإسرائيلي في فلسطين

[الصباخ]

:D <======== ابتسم ..



يالله حي الأعضاء أجمعين كلهم بلا استثناء .. فرداً فرداً .. وشخصاً شخصاً ..

أنا عن نفسي قاصد إني أحط الصور ولا أعلق تعليق كثير .. قلت بشوف الأعضاء وش راح يقولون .. همن أرد وأعلق ..


على العموم:

أولاً: أنا ماتوقعت إن فيه بعض الأعضاء مولعتن معهم .. وعندهم شعور سلبي تجاهي ..

ثانياً: بالنسبة للصور .. كلهن ماصورتهن أنا .. ولا ركبت معهم أنا .. غير الصورة الأولى أنا اللي أسوق ..

ثالثاً: بالنسبة للسرعة .. وما أدراكم مالسرعة .. أنا ماقلت للواحد يمشي بشويش .. ولا يسرع بسرعة تقل مطفوق .. لكن السرعة الوسط زينه ..
يعني مثلاً .. 140 كلم / بالساعة .. هذه أعتبرها سرعة عادية جداً .. أما فوق كذا .. فأعتقد أن السرعة فيها تهور .. باستثناء السيارة الفخمة .. مثل: اللكزس والبي ام والمرسدس ..

رابعاً: أنا عرفت شغلة .. ألا وهي إن الواحد على الدوسة الأولى .. يعني لو مشيت من أول شيء 120 كلم / بالساعة .. وثبت السرعة على كذا .. راح أمشي طول الطريق كذا .. وأحياناً أطلع من الرياض وأجي لبريدة وأنا أمشي 110 كلم / بالساعة .. وأحياناً أدوس من أول شيء وأمشي 160 كلم / بالساعة .. وأبتل طول الطريق كذا ..
بمعنى أوضح الواحد على أول دوسة بالسفر .. إن أسرع بتل مسرع .. وإن أبطأ بتل بطيء .. وأنا بديت ما أسرع بأول السفر علشان ما أبتل طول الطريق مسرع .. ولعل الله يثبتنا على كذا .. لكن تشطح في بعض الأحيان :D ..



شكراً للجميع ..



ولعله لي رجعة للتعليق عليكم جميعاً ..

[.:انــجــريــنــد:.]

الله يـسـتـر عـلـيـك

[حبر الألم]

اقتباس المشاركة الأساسية كتبها الصباخ رابعاً: أنا عرفت شغلة .. ألا وهي إن الواحد على الدوسة الأولى .. يعني لو مشيت من أول شيء 120 كلم / بالساعة .. وثبت السرعة على كذا .. راح أمشي طول الطريق كذا .. وأحياناً أطلع من الرياض وأجي لبريدة وأنا أمشي 110 كلم / بالساعة .. وأحياناً أدوس من أول شيء وأمشي 160 كلم / بالساعة .. وأبتل طول الطريق كذا .. بمعنى أوضح الواحد على أول دوسة بالسفر .. إن أسرع بتل مسرع .. وإن أبطأ بتل بطيء .. وأنا بديت ما أسرع بأول السفر علشان ما أبتل طول الطريق مسرع .. ولعل الله يثبتنا على كذا .. لكن تشطح في بعض الأحيان :D .. ..

بهذي صدقت والله

ياخي لا مشيت أول شي 160 مثلاً ومسكك رادار وعطاك ذيك الورقة الصفراء

ثم أقول خلاص ألحين أبمشي 120 وأصير راكد

ما أدري إلا والإنبير على 160 وآخذ قسيمة ثانية


مرة بطريق الرياض آكلت قسيمتين

ومرة بطريق المدينة طبعاً قسيمتين

بس تبي الحق

والله طريق المدينة المفروض أقل شي السرعة فيه 150 والله الخط طويل وممل بعد

لا ومسطرهـ بعد

[الصباخ]

اقتباس المشاركة الأساسية كتبها الفتى أحمد [align=right]- من المستفيد ؟؟[/CENTER]

مدري والله .. رأيك من هو المستفيد .!!

اقتباس المشاركة الأساسية كتبها حكيم الزمان إذا كان رب البيت بالدف ضاربا فشيمت أهل البيت كلهم الرقص ما أقدر أقول شي وانت الي مصور أو مشارك في هذا التهور بس الله يحفظنا وإياك (الي يسمعن يقول مهوب راعي سرعة بس خله مستورة , ايقالي عاقل على التعليق)

أنا مصور الأولى وأنا اللي أسوق السيارة .. لكن الباقي كلهن أخذتهن من أخوياي ..


آمين .. وحياك الله ..

اقتباس المشاركة الأساسية كتبها المسفهل أهــلاً وسهــلاً بــ [ أبــو ريـــم ] مســألــة الســرعــة هــي بـرأيــي تعتمـــد علــى العــاده أكثــر منهــا إهمـالاً أو جنــونــاً أو لا مبــالاة ، فقــد جلســـت سنينــاً معــاهــداً نفســي ألاّ أتعــدى الــ [ 120 ] كيلـو بــالســاعــة ، ولكــن عهــدي لنفســي لــم يــدم ، إذ لا يهنــأ لــي بــال مــا لــم أرى المــؤشــر مــن [ 160 ] فمــا فــوق ، حتــى لــو لــم أكــن مستعجــلاً ، وهـــذه صــورة إلتقطتهــا بصحبـــة [ أم دُرّة ] إلــى المــدينــة المنــورة علمــاً أنهــا لا تصـــل إلــى الصــور التــي وضعتهــا أنــت ، ولكــن مــن بــاب المشــاركـــة : [img][/img] وشكــراً جــزيــلاً لــكـ

أهلاً وسهلاً بالمسفهل ..


يالله حيوه ..


صدقت هي عادة .. وقل وعي إن صح قول ذلك .. لكن اللي يتعود إنه مايسرع يبتل طول عمره مايسرع .. واللي يتعود على السرعة يبتل متعود على السرعة ..

بس هي قلة اهتمام وقل وعي .. وفي بعض الأحيان تهور ..


شكراً لمرورك الكريم .. ومشاركتك بالصورة ..

شكراً جزيلاً لك ..

[ميمون]

اقتباس المشاركة الأساسية كتبها الصباخ رابعاً: أنا عرفت شغلة .. ألا وهي إن الواحد على الدوسة الأولى .. يعني لو مشيت من أول شيء 120 كلم / بالساعة .. وثبت السرعة على كذا .. راح أمشي طول الطريق كذا .. وأحياناً أطلع من الرياض وأجي لبريدة وأنا أمشي 110 كلم / بالساعة .. وأحياناً أدوس من أول شيء وأمشي 160 كلم / بالساعة .. وأبتل طول الطريق كذا .. بمعنى أوضح الواحد على أول دوسة بالسفر .. إن أسرع بتل مسرع .. وإن أبطأ بتل بطيء .. وأنا بديت ما أسرع بأول السفر علشان ما أبتل طول الطريق مسرع .. ولعل الله يثبتنا على كذا .. لكن تشطح في بعض الأحيان :D .. شكراً للجميع ..

فعلاً هذي ما فيها كلام ..
صحيحة 100% جربتها كم مرة ، وحسبت إني اكتشفتها ما دريت إن به أحد مثلي

تحياتي

[abo suliman]

ههههههههههههههههههههههههه

ياشباب لا أحد يلوم أبو ريم ..

من هالمقعرات .. مايشوف الله يعظم أجره ..

تراه لابدأ يناظر الطبلون ... يحذف ( الواحد )

يعني ( 180 ) .. تسير عنده ( 80 ) ..


أحبك يأبو ريم .. والهوا قاسي

[الصباخ]

اقتباس المشاركة الأساسية كتبها اليابس الحين أنا ابسأل ليششش كل خوياك راعين سرعة؟؟؟؟؟؟؟؟؟؟؟؟؟؟؟ تصدق سافرت مع خويي للرياض ولا سمعت صوت الجرس لانه يمشي 110 تقول إنه شايب وهو ما وصل 30 من عمره تبي الصراحة الطريق ممل !!!!!!! اتوقع 160 هي السرعة المناسبة وشكرا

أندري عنهم .. رح اسأل أخوياي وتبي تعرف ..

بالنسبة للي مايسرع .. هو موب ماتسرع عاد وهمن تمشي 100 كلم / بالساعة .. ولاتصير مهبول وتدوس وتصفط الطبلون .. خلك وسط على ماقال ..


الهداوة زينه وأنا أخوك ..


شكراً لإضافتك ..

اقتباس المشاركة الأساسية كتبها إلى متى ؟ يا حليلك يا الصباخ .. إنتبه و أنا أخوك لا تصبخ ماصورة و إلا شيء و تموت , بعدين من يصير صباخ يهاوش و يحطم بالمنتدى ؟ :D :D

عاد تدري .. أنا اعتبر أحسن واحد من إخوياي .. أقل واحد منهم يمشي 180 كلم / بالساعة .. واحدن الله يذكره بالخير مايعرف يمشي إلا إذا شاف امبير السرعة على 240 كلم / بالساعة ..


تعودوا على السرعة ذولا ..


حياك الله يا ألبي ..

اقتباس المشاركة الأساسية كتبها ajmn الحمد لله الذي عافاني . . . . السرعة ( 130 كم ) لو أروح لأقصى وادرين . . و أثبت السرعة . . وأريح راسي . . وإذا مريت من مكان حلو . . وقفت و تقهويت . . لكن السرعة ؟؟؟ . . ( مش كل مرة تسلم الجرة ) و انتبه لنفسك يا بعدي . . الله يستر على الجميع ؟ ؟

صدقت .. أحسن شيء إن الواحد يثبت السرعة على 120 كلم / بالساعة .. أو 140 كلم / بالساعة .. وهمن يرتاح .. لا يسرع ولا هم يحزنون ..


لكن من يسوي كذا ..



شكراً لمرورك وتعليقك ..

[أبورائـــــــــد]

اقتباس معليــش أبــو رائـــد بــس الطبلــون هــو يعصـــر ... !!!

يؤيؤيؤيؤ

المقصود بـ [ عصرت ] هي [ عصراً ]
خطأ مطبعي ..

ياحبيلك يابو مسفهل !!



المكرم / وحيد الخلان
المكرم / الشجاع

أبدري من متى بديتوا تعرفون للسيارات !
دن هناك اشوف أنت وياوه !!

وش تقول يابومسفهل بالعالم ذولا !!
====> يارب ما يكسحن

دائما المتميز محسود !!

( ومن شر حاسد إذا حسد )