[ضـ القمــر ـــوء]

اقتباس المشاركة الأساسية كتبها اميرة من زمن الحب لكن اللي حصل دام اني في حالي الكل في حاله محد بيتحرش بالثاني.... وان العمليه هي اولا واخرا اخلاق البنت مو عبايتها سواءا كانت كتف او راس ..... يعني بتقولون لي ان البنات اللي يلبسون عبايات الراس مايغازلون او مايزينون عباياتهم ؟؟؟ والله شوفة عيني بنات عباية على الراس ولا وبعد جنبها اخوها وللا ابوها او حتى زوجها وقاعدة تبحلق بالرجال وترقم بالبلوتوث بعد.... يعني بالمختصر المفيد اي حرمة لابسه كتف وللا راس ...وتعطي وجه للرجال الخايبين تغريهم...و بكذا وين الستر اذا ماهو موجود بالنفس؟؟؟ والعباية اللي على الكتف مريحة جدا ... وبالذات اللي عندها اطفال والله استر ... عكس اللي على الراس اذا طاحت من على الراس لانها مشفوله مع عيالها او معاها اغراض كثيرة ...... نزلت وبان لونها وكتوفها وصدرها من قدام .... يعني لو طاحت العباية عليها ي المكان على الاقل 3 مرات كم رجال امداه يصيد الفرصة ويشوف شي مخبى؟؟؟؟ صراحة اتمنى ان زوجي يوافق والبس العباية الفراشه.....وبما اني اعرف ان فكرته عن هذي العباية مثل فكرتي عنها اول ... يعني اكييد بيعند.... لكن الله يهديه....

غاليتـي

أوافقـكـِ على أن الأخلاق في النفس،ولكن اذا لبستي عبايهـ على الكتف سيبدأون يتحرشون
بكـِ وليس أنتي من تبدأين بالتحرش...



واللاتي قلتي عنهن أنهن يلبسن عبايات على الرأس ولكنها مطرزهـ أو مزينهـ ...
فهذهـ العبايات لاتختلف كثيراً عن عبايات الكتف لأن فيها زينهـ...



و كذلكـ اللاتي قلتي عنهن أنهن يعاكسن ويشاهدن الرجال ولم يغضضن البصر
ومحارمهن ينظرون ولم يقولوا شيء فاللهـ يهديهن فما باليد حيلهـ اذا كان
المحرم الذي يرافقها ديوث.....




وكما أسلفتي أن عباية الكتف مريحهـ أكثر من عباية الرأس،فمن المعروف أن
تكون المعصيهـ أسهل من الطاعهـ لأن الطاعهـ قد تكون ثقيلهـ على النفس البشريهـ
والعياذ باللهـ ، فأذا كانت المرأهـ معها أطفال وسقطت العبايهـ من على رأسها فلما
لاتلبس طرحهـ ؟!!



والقاعدهـ الأساسيهـ للعبايهـ أن تكون غير مزينهـ بزينهـ وأن تكون ساترهـ وألا
تكون مشابههـ للباس للرجال(البشت).....

سواء كانت على الرأس أو على الكتف



وعباية الفراشهـ محرمهـ أساسا لأنها على الكتف....

هداكـِ المـولـى

[بشيرة الاموره]

الصراحه انا استحقرهن كأنه نص عقل او كأن معمره تزينة وتحط حرته التزين بالسوق

[برنسيسهـ]

بفهم عباية كتف عباية كتف سوال محيرني دائمآآآ ؟؟ هل الله ورسوله حددو شكل العبايه او هي تكون على الراس او الكتف ؟؟؟؟؟


اهم شي تكون ساتره ولاتعرف المراه ولم يحدد الشكل بتقولون تلفت الانتباه !! اكيد بتلفت الانتباه لانها قليل الي يلبسونها بس ودي اعرف شغله الحين عباية الراس من الي مصممها ؟؟؟ ولاعشان تعودتو عليها صارت هي الحلال حتى لوضيقه والكتف حرام والبنت الي تلبسها طايشه حتى لو كانت واسعه !!!


صراحه زمن غريب غلبت فيه العادات على العباده
لاحول ولاقوة الابالله

نسال الله الهدايه للجميع

[أم عيون سود]

أسأل الله العظيم أن يعافيهن و أن لا يبلانا

[السلسبيل]

الحمدالله ةشكر اليعافيهم ولايبلانا
وبعد الحين فيه العباية الكتف الي كمه وسيع مرررة يعني لارفعة ايدة اطلعة كلة
يالله العافبة

[*عزيزة نفس*]

انا ماأيد عبايت الكتف
العبايه تاج فوق الرأس فهل رأيتي تاج يوضع فوق الاكتاف؟؟
والعبايه لسترجمالتس مو للكشخه والرزه تسترين جمالتس بجمال؟؟

[ابتسامه فرح]

تسلم يديك موضوع رائع

فعلا اتشر بالفتره الاخيره

العبايات اشكال والوان الله يستر عليهم بس

[غفوــہۧ פلم]

آلحمــد لله وآلشكر
آلله يعآفيهم فيمآ أبتلآهم

نظرتي لهن أنهن نآقصآت ويدورن آي شي يكمل لهن هآلنقص
بس بتفكيرهن..!

,‘

[ريمااااا]

الحكايه مو حكايه كتف وراس اهم شي تكون ساتره
وانا اشوف ان عبايه الكتف الواسعه ارحم واستر من عبايه الراس المخصره حتى صاحبتها مو قادره تمشي من الضيق

[موكا بارد]

اقتباس المشاركة الأساسية كتبها شاطى الامــــــاني اذا شفتهن قالت الحمد لله والشكر بنات طايشات في بحر الفتن---\\ الله يهدينا ويهديهن--- الحمد لله والشكر----شاكره لطرحك الموفق---

وانا اقوووووووووووووول كذا يسلمووووووووووو على الموضوع الرائع

[جوري_مول]

الله يهدي الجميع

[كسرة دلع]

مـــــــــــــــــــــرحـــــــــــــــبا بـــــــــــــــــــنــــــــــــــــات
انا بنسبه لي ان العبايه ماتبين شخصية البنت واخلاقها !!!!!!
" حنا شعب تعودنا نحكم ع الشخص من برا مو من جوا "
يعني في اغلب المجتمعات يحكمون ع البنت اللي تلبس عباية راس
انه ماشاء الله عليه وتمدح وتتخذ قدوه
اما البنت اللي تلبس عباية كتف ببداية الامر ينظر لها نظره غبيه شوي
مع اني والله اعرف بنات يلبسون عباية راس " والله اعلم بالحال "
وبنات يلبسون عبايات ع الكتف "هم اشرف من الشرف نفسه "
يعني مو كل وحده لبست عباية راس انه الطاهره المطهره وتخاف على عمره
ومو كل بنت لبست عباية كتف انه سربوته وقليلت ادب
وللمعلوميه انا البس عباية راس بس انا انسانه حقانيه وما احب الظلوووووم

و مشكووووووووووووووووره يا ريومه و روح نجديه " ونـــــــعـــــــم ألـــــــــــرد"
:41

[ول ياقلبك]

فعلا الموضوع مهم بوركت

اريح لي من وجع الراس وتأنيب الضمير والبحث في الفتاوى

البس عباية الراس العاديه الساتره اللي موب مخصره ولا اكمام ولاهم يحزنون من هالعبايات

وقفاز وشراب واغطي عيوني

يعني وش بيضرني لو التزمت بالحجاب السااتر بالعكس ويشهد الله علي اني احس بشموخ وانا لابستها والحمد لله ماقد احد مره تعرض لي لابالكلام و ولا بغيره عكس صديقاتي وبعض اقاربي هداهن الله يلبسن من العبايات والنقابات اشكال وانواع وداااااااااايم يقولون لي عن اشياء تحدث لهن بالاسواق والمنتزهات و الحدائق أبد مافكرت بيوم انه ممكن يحصل لي مثل هالشي ارروح اتسوق وانا مرتاحه واتمشى بالمنتزهات والحدائق وانا مرتاحه صدقوني يابنات

[بنت السلاطين]

مراحب
انا من وجة نظري انه عادي البنت تلبس عبايه ع الكتف او الراس هي حره بتصرفاتها
وبعدين ليش حنا كذا دايم
نحكم ع الانسان من الخارج؟؟؟؟
طيب لازم نعرفه من جوا من الجوهر بعدين نحكم..
ياما وياما بنات لابسين عبايات ع الكتف وهم ماشاء الله تربيه واخلاق
وغيرهم تلبس عبايه ع الراس وهي من تحت لتحت...
وتلاقينها تموت ودها بعباية الكتف بس والله لو تقول لاهلها والله ان تلاقين راسها قدامها يلعب
والله ياما بنات انا اعرفهم عبايات ع الراس وهم مو مزبوطات
وبنات عبايات عالكتف وما شاء الله وكان بالاخلاق والادب
ومو كل بنت لابسه عبايه عالكتف لازم تكون عبايتها مزركشه ولا فيها كرستال
كثييييييييييييييييييييييير بنات عباياتهم سود ساااده مافيها شي
وبعض البنات عبايتها ع الراس وتلقين انواع واشكال الكرستال فيها
اعيد واكرر
احكمو ع النــــــاس بالجـــــــــــــوهر مو بالمظهر