[نواعم غاليري]

شوفي يالغاليه
من الممكن يجيك رجل من اشد الناس صلاح
ويكون عياله مش ولابد على قولتك فري
لان الامر بيد الله اولا واخيرا
ثم بالمحاوله بالتربيه والنشئه التابعه لما يرضي الله
لكن هناك عوامل مؤثره
بعيد عن العايله
اهمها العالم الخارجي
من صحبه واختلاط وافكار وغيرها
والنظر لمثل هذه المسائل بالاكتمال مستحيل
والاهم محاولة ايجاد اقتناع بالدين
من اجل الحفاظ على النفس من العوامل التي ممكن ان تكون منافيه لما يرضينا تجاه الرب
فانا بالنسبه لي رجل صالح يعني لي الكثير لان ليس هناك مايمكن ان يكون اكتمال

[لنوني الحلوه]

عووووووووووووووده قوووووووووووويه
لصاحبة الموضوع قولي آمين عسى ربي يرزقتس رجل وحموله من احسن مايكونو من اخلاق
وادب ودييييييييين وهذا الاهم<<<بس إذا ماحصلو الاهل الشكوى لله يعني نفس كلامي سابقا
اهم شي الرجل واقري كلامي واحكمي عشان تعرفين وجهة نظري
بس اعرف وحده من قريباتي والله انه متدينه واخذه حموله على (قولتس فري)وانا مره شفت
اخت رجله لبسه بنطلون الله يهدينا ويستر علينا وياه وكل مسلم والحين ماادري عنهم يكمنه اثرت عليهم
بس الـــــــــــــــــــــــــــــــــــــــــعــــــ ـــــــــــــــــــــــــكسسولله الحمد والمنه
ومشاء الله تبارك الرحمن متمسكه بدينه عشان رجله مثله دين وكمان امام مسجد والحين معه اولاد
واللي اسمعوه عنه انه تبارك الرحمن عياله عليه وعلى ابوهم الله يثبتهم ويزيدهم إيمان وقوه

تقبلي مروري**لــــــــــــنوني الــــــــــحلوه**

[فـــجـــر]

اهله هم اللي ربووه
والحب مايطلع الا على بذره

[عاشقة الغد]

صرااااااااااااحه اسلوبك بالطرح جميل ومشوق ....من اجمل المواضيع تحليلا وتشخيصا..
بالنسبه لرائي الرجل هو المهم والاساس وزي ماقالت اختي فخر ان الحب يطلع
على بذره وعلى فكره رد فجر في غاية الذكاء
....وهذا يدل على بعد النظر والتروي بالامور

تقبلواااااااا مروررررررررري....

[نجديــــة]

أهــــلاً بــكــن حبـيــبــاتـي

غدير المحبة :
هلا وغلا .. احترم وجهة نظرك
وفعلا كلامك صحيح متى راح تلقين الرجل
الصالح .. لكن أنا متفائلة أني راح القى الرجل والاهل الصالحين
وأما عن سؤالك فهو واضح يابعدي
أنا لم أرفضه الا بسبب أهله .. فأكيد هو من باب
أولى ياغالية
شكرا لك


بريداوية بحتــه :
أهلاً غاليتي .. وهـ بس وش أخبارك
والله أنك ماشاء الله عليك .. أختصرتي علي الموضوع
هذا ما أردت قوله بالظبط .. لكن عجزت أوصله بالمستوى المطلوب
خير الكلام ماقل ودل
فعلاً من ناحية القطاعة صعبة والمجاملة أصعب منه
لأن راح تجر وراه مشاكل ومشاكل .. فأحسن شيء
الكفائة الدينية من كلا الناحيتين
...
وهـ بس مير ياسعدك بحمولتك كان متفائلة عمتكم
وياسعدك يامتفائلة دام بريداوية مرة أخيّكم ماشاء الله
الله يخليكم لبعض يارب .. ويسعدكم والمسلمين أجمعين
بالتـوفيـــق


إنكسار الأماني :
أهلاً وسهلاً بك مرة أخرى في متصفحي

اقتباس وأنا قلت إنك قلتِ ؟؟

آسفة .. بس فهمت كذا من خلال جملتك هذي

اقتباس أجل أخذ رجل مادخل مخي بس علشان أهله ملتزمين ؟ وأنا و ش دخلي بأهله .

معليش ســوء فهــم

اقتباس أعلم وأنا قلت إنك تطرقتي ؟ مجرد توضيح للخاطب اللي أرده علشان أهله . ترى ردي مستقل بي ولاعلاقة لي بما ورد بالموضوع لذا لاتحصرين الردود بأفكارك وحسب .

آسفة مرة أخرى .. لم أعلم أن ردك مستقل عن موضوعي

اقتباس لاعفواً مفهوم صيّع ليس كما تعتقدين . لإن اللي وضحت صفاته أبداً مايسمى صايع وإذا الحكم جي عز الله كل العالم صيّع .

والله وعاد جاك العلم هذا معنى الفرري عندي .. !

اقتباس لايابعد قلبي مش ذول الفري , هذول طبيعين وكل بريدة كذا . لعلمك ترى تعداد الملتزمين مايشكل شيء كعوائل .

لا أحب التعميم ياعزيزتي .. قولي محيطي أو على الأقل من حولي هم هكذا
أمّا عني .. فالحمدلله بيئتي متدينة ومن سكان بريدة أيضاً
وإن لم تصدقي ذلك فهذا شأنك أنتي

اقتباس وراه يعني معقولة ماتجلسين مع صديقات عندهن فضائيات ؟؟ ماأشوف فيه أي تأثر . أنا من كنت في أولى متوسط وأنا لي صديقات فري الفري وإلى الآن ماغيرن بي شعره . العمدة على قناعات الشخص اللي مقتنع مايتغير لو تحطينه في بانكوك .

أكلمك بسراحة ..أني أعاني جداً في إنتقاء الصحبة الصالحة لكني أجدها ولله الحمد.
وأيضاً أجلس مع بعض الزميلات الّاتي عندهن فضائيات لكن ليس بشكل دائم
وأمّا عن قولك أنك لم تتأثري فوالله ماشاء الله عليك .. الشخصيات تختلف ياغالية
فأنا تقريباَ سريعة التأثر بمن حولي لذا أخاف على نفسي كثيراً
(يامقلب القلوب والأبصار ثبت قلوبنا على دينك)

اقتباس خلاص طيب إذا بالأمة خير ماعليك إلا تنتظرين الملتزم اللي أهله ملتزمين وإذا جاء متكامل , لك مليون وثلاثة أريل . طول عمر البنات يفكرن بأمر الإلتزام والنهاية هن المتضررات لإن هالملتزمين مافكروا بمن يرتبطون ؟ وثلاث أرباعهم قشوا خمة بن قرشوع . لذا خلن تفكيركن بالرجال الراكدين الواعين المثقفين ثم لله الحمد وبلاش ملتزمين وأهلهم ملتزمين والنهاية يخطبون أصيع بنت في الديرة .

أووووووهـ ... عرض مغري والله مليون و3 ريال .. لالا مابي ال3 ريال يامعودة
تكفينا المليون بس المشكلة وشلون أعلمك لاعرست ذذ >> يخلف الله على الحياء
غاليتي: إنكسار الأماني
سأنتظر ذلك الزوج الصالح الراكد الواعي المثقف والأهل الصالحين بإذن الله .. فأنا متفائلة وواثقة بربيّ أنه سيرزقني ماتمنيت وبنات المسلمين بأجمع .. فهو الجواد الكريم سبحانه وتعالى

شكراً لمرورك ياحبيبة ... وبالتــوفيــق


دانة بريدة :
أهلاً وسهلاً بك ياضيفتنا الجديدة
أحترم وجهة نظرك .. لكن فيما يبدو
لم تفهمي الموضوع جيداً ..!
على العموم شرفتي
بالتــوفيــق

[نجديــــة]

نواعم غاليري :
صدقتي والله كلامك درر
ماشاء الله .. لاعطر بعد عروس
شرفتي غلاي
بالتــوفيـــــق

لنوني الحلوة :
أهلا وسهلا بك مراات كثيراات ياقلبي
آمين وياك وبنات المسلمين يارب
ماشاء الله على قريبتك تبارك الرحمن
فعلا انا اعرف وحده اخذت له رجل جدا عادي
واثرت عليه بدينه واثرت على حمولته واهتدوا
كلهم علي يده ياسعده بالاجر تبارك الله
الله يثبتنا وياك وبنات المسلمين اجمعين
بالتــوفيق



فجــر :
أهلا عزيزتي فجر
ممم مب أكيد المثل صحيح
أحس نسبته بالمجتمع بالمنتصف
شكرا لمرورك يالغلا وشرفتي


عاشقة الغد :
وهـ بس أوجس أني أستحيت
أي أسلوب أولااه ياحبيلك
من ذوقك يالغلا وهـ بس تسلمي
>> والله يانتي رقيتين اثلة بعد ذذ
قد يكون المثل صحيح عند فئة عاليا وقد لا يكون
على كل حال شكرا لمرورك
بالتــوفيـــق

[•°انكسار الأماني°•]

اقتباس لا أحب التعميم ياعزيزتي .. قولي محيطي أو على الأقل من حولي هم هكذا أمّا عني .. فالحمدلله بيئتي متدينة ومن سكان بريدة أيضاً وإن لم تصدقي ذلك فهذا شأنك أنتي

لاياشيختي لو حكمي نزلته على محيطي كان فالي بخير وألف خير ومعهن باقة ورد .
لكوني أنتمي لعائلة ملتزمة ولأخواة جُلهم طلبة علم ودعاة ولاأزكي على الله أحد .
ولست أقول ذلك تفاخراً بكثر ماأن المجال حل للحديث عن المحيطات والبحار لذا بقولك محيطي .
صح إن الكثير يعتبرونني متشائمة وربما يحسبون أني ضمن دائرة مجتمع (بخ) لكنه العكس ولله الحمد .

اقتباس وأمّا عن قولك أنك لم تتأثري فوالله ماشاء الله عليك .. الشخصيات تختلف ياغالية فأنا تقريباَ سريعة التأثر بمن حولي لذا أخاف على نفسي كثيراً

هذه مشكلة فقط لإن الحياة لن تمنحنا مايتناسب معنا دائماً و أبداً لذا يتوجب علينا تدعيم الثقة داخلنا لكسب رهانها .

اقتباس أووووووهـ ... عرض مغري والله مليون و3 ريال .. لالا مابي ال3 ريال يامعودة تكفينا المليون بس المشكلة وشلون أعلمك لاعرست ذذ >> يخلف الله على الحياء

يعني ياكافي صفت على هالثلاثة ماتبينهن ؟؟ يبدو إنك ماسمعتي مسرحية الدغيري (وميتين)
ماللحياء داعي في هالزمان بس إرسلي رسالة برايفت متى ماتزوجتي هالعسوجي والمليون جاهز .

اقتباس سأنتظر ذلك الزوج الصالح الراكد الواعي المثقف والأهل الصالحين بإذن الله .. فأنا متفائلة وواثقة بربيّ أنه سيرزقني ماتمنيت وبنات المسلمين بأجمع .. فهو الجواد الكريم سبحانه وتعالى

طيب إحجزي لي مقعد << عز الله جانا شلل من كثر الجلوس

موفقة شيختنا طولة عمر يارب على عمل صالح .

,,

[نجديــــة]

عزيزتي إنكسار الأماني :
سأحاول أن لا أتأثر بالمجتمعات الأخرى .. بإذن الله
شكرا لمرورك

بالتـوفيـــــــــق

[هايين]

وه ياسعدي اذا جو يعرسون اعيالي
ان شاء الله ابصير خالة احبيبه
يارب ترزقهم البنت الصالحه المصلحه

امين

[إحساس قصيميه]

اقتباس المشاركة الأساسية كتبها لنوني الحلوه انا بصراحه يهمن الرجل ومالي دخل بااهله وحطي نفستس بمكانه لوكنتي ملتزمه واهلتس لا وش بتكون ردة فعلك لمنهم قالو مانبي البنت عشان اهله والاهل إن شاءالله منب ساكنه عندهم اريحلي واريحلهم هم بعد ومصيرهم راح يحترمون وجهة نظري من اي ناحيه انا مابيه والرجل إذا صار متمسك بدينه مارح يسمحلتس تسوين مثل مايسون اهله ويبي يقولتس انا مالي دخل بااهلي>>>هذي نظرية زوج وحده من قريباتي والله يوفق الجميع ويستر علينا دنيا واخره

انا معك ,,,,,, ردك حلووو ماشاء الله عليك

[نجدية حرة]

مرحبا آسفة اتأخرت بردي ماكان عندي اتصال..

ياقلبي لا افهمك ولا تفهميني!! استفتاءك مدري رايك تحول للغز ماصار مجرد ابداء لرأي عن شيئ اراه تافهآ ومايستحق كل هذا النقاش فالموضوع مو محتاج مني كل هذي الصعوبة بفهمه الي انتي صورتيها !!
بس نصيحتي لك ثقي بنفسك اكثر راح تشوفين الامور ابسط مماتتوقعين لاني لاحظتك معتمده على زوجك واهله في تربية ابنائك اين دورك وشخصيتك اذا؟!!
يكون في معلومك المرأه بستطاعتها تربية ابنائها لوحدها تربية فاضلة كريمة وتنتج ابناء ينشد فيهم الظهر وينتصبون مناصب مرموقة في الدولة كل ذالك لوحدها حتى لو كان الابناء ايتام الاب اوكان الاب مدمن او لاهي بملذات الدنيا!!

وانتي قاعدة تتكلمين عن اهل الزوج فري او مدري ايش؟!!

ولكن طاب لي ان احول موضوعك لموضوع آخر اراه اكثر اهمية ويستحق ان نلقي الضوء عليه اكثر الا وهو((مارأيكم بزوجة الاخ ضعيفة الشخصية سريعة التأثر؟! هل تعتقدون انها ستكون انسانة قادرة على تحمل اعباء ومسؤوليات الزواج و البيت وتربية الابناء؟!!))

اعتذر عن قسوتي لكن اتضايق كثيرا حين ارى امهات المستقبل سطحيات ضعيفات

[ما تَهَاب]

فيه ناس ماأدري مع وين يفهمون .. اللهم لااااااشماته ..

أعانك الله يانجـــدية "الأصلية " ..

[بقايا احساس]

اقووووووووووووووووووووووووووووول
وسعو صدوركم
اللي تبي تدقق كذا ماراح تزوج ابد

[ديــما]

برأيي
أنه مهما كان الزوج ومهما كانت الزوجة
لابد أن يتأثرا هما قبل أولادهم

إذا كان صديق السوء كنافخ الكير
فكيف بأهل الزوج

ومن ملاحظاتي لمن هم حولي
أن الزوج مهما كان لابد أن يتأثر بأهله -ولولم يشعر-
زوجي ينتقد أباه في بعض التصرفات وهو يؤديها-وبكامل قواه العقلية-

لنبتعد عن المثاليات والشواذ
الواقع
أن الأبناء وإن كانت محصلالتهم بنسبة عالية من الأم
إلا أن فتوتهم ستكون بين أعمامهم وبني عمهم بلا شك

بل زميلتي
تزوجها زوجها إعجابا-بإلتزامها-
وطلب منها مؤخرا أن تلبس "عباية بنات" لأنها فشلته بعبايتها اللي مثل عباية"جدته"!!!

وأخيرا
مالي أرى تلك النظرة التشاؤمية وكأن المجتمع منجرف للهاوية
وكأنه من المستحيلات أن ترزق الفتاة بشاب مستقيم من عائلة مستقيمة!!