[الهاديو]

اقتباس المشاركة الأساسية كتبها بقايا ذكريات من يعاني من عيونه بأي سبب , ويتمهل في العلاج أو لا يسأل لو كان الأمر بسيطاً , سواء في إنحراف أو أي سبب فلا يتأخر في الكشف عليها بين الفينة والأخرى , حتى لا يموت هماً وألماً حينما تكون عيونه في أردى حالاتها كـ / حالتي . تحتاج لزراعة قرنيه . [ إني لكم لمن الناصحين ] . أما الدكتور الذي أجدهـ رائعاً وخلوقاً وكبير الإستشاريين في مستشفى الملك خالد لطب العيون والزمالة الكنديه , ومدير التنسيق للمستشفيات الحكومية بالمملكه للعيون , , وله زيارات لعدة عيادات في الرياض وبريدهـ فهو إبن بريدهـ الدكتور [ عبدالله الطرباق ] .

اشكرك اخوي كثيرا

صراحه انا جزمت قبل اشوف ردك

إني بإذن الله سوف اذهب لإكشف ع عيوني بعد ما انتهي من الدوام 12 الظهر

صراحه قبل كم شهر كنت اروح للمسابح وانا نظري جيد

وهالحين قبل كم اسبوع رحت اسبح ويالله بالله اشوف الي قدامي

والله اان قررت اروح استشير دكتور

وانا كلمت مستشفى الحبيب

قالو

الفحص الدكتور العادي 160 ريال

والاستشاري 200

الله وكبر مدري وش الفرق يعني




مشكوره اخوي وماقصرت

لكن عندي سؤال

الطرباق هذا وين مكانه ؟

[بقايا ذكريات]

أشكر تجاوبك عزيزي ~ وتأكد أن التأخير في كل يوم ليس من مصلوحك , فأنا تأخرت وكانت نتيجة تأخري هي آخر الحلول في عمليات العيون , ويكون مهدداً بالعُمي , فقم مرةً بالتصفح عن مشاكل العين , وأعرف كيف هي أخطارها , وزد معلوماتك عنها , كي تنقل تحذيرك لمن حولك ولأبنائك , وزراعة القرنيه هي يتم التنويم بالكامل , وتزرع قرنيه تأخذ من شخص متوفي وتوضع للمريض المصاب بالقرنيه , كـ / حالتي .

تسائلت عن الفرق بين الدكتور وبين الإستشاري .. وفرق السعر وهذا معروف في كل مستوى , فالطبيب أقل خبرهـ , وأقل تخصصاً من الإستشاري , ويأتي فوق الإستشاري برفسور , ويكون في بعضهم الدخول عليهم بـ 500 ريال . لذا هناك فرق بين إستاذ ودكتور ومحاظر .

د عبدالله الطرباق وهو طبيبي في علاج عيوني , وأيضاً محاظر بجامعة الرياض , وله زيارات لمستشفى الحبيب ببريدهـ , وأكثر تواجده في مستشفى الملك خالد للعيون , ولكن إسأل مستشفى الحبيب متى تكون زيارته لمستشفاهم , وإن لم يخبروك خذ رقم مستشفى الملك خالد بالرياض وأتصل عليهم وأخبرهم أن يحولوك على الدكتور , أو إسألهم متى تكون أيام عيادته في المستشفى الملك خالد وأحظر إليه . وتذكر أن الدكتور عبدالله الطرباق هو كبير الإستشاريين وخلقه عالي , وترتاح في الحديث معه , وهذا مهم في مجال العيون , لأن الراحة النفسيه من المريض للدكتور هي التواصل بالعلاج والمحافظة عليه والإطمئنان .

أخيراً .. لا تتأخر . ودعواتي لك ولي بالشفاء .

[الهاديو]

راح رد ع كلامك بعد ما اجي من المستشفى

راح اسوي فحص لنضر

واشوف الدكتور وش يقول


وارد عليك


دعواتكم

[الـبـريــئــــة !]

التفصيل الممل لأني مجربه وضعك << مالي خلق احد يشيل هم مثلي !

بعدين وش عذابه !!
انت دلوع اكثر من اللازم

بعدين وش هالنظاره اللي بـ 90 !! >> ماعليك من سعر الاطار اذا هي على نظرك

عموما النظر لازم يتغير لبست نظاره او مالبست
انا كنت اهتم اني ما اشيل النظاره ابد  بس كل مره اروح اكشف يصير تغير النظر

المهم سويتها بـ سبعـ الاف وشي > نسيت كم بالضبط
طبعا غير تكاليف الملف وكشف النظر واذا عندك انحراف فيه كشف قرنيه بعد

اكيييييد ضروري اجازه >> انا تركت الكليه كم يوم  عطاني تقرير

والله يعينك ... وخبرنا اذا سويتها بس بعد الراحه

ترى ماقلت لك انه ممنوع السباحه بمسابح >> شهرين بس عشاننا حول برد مانتب سابح

وتقوم بالسلامه يارب

[الهاديو]

اقتباس المشاركة الأساسية كتبها بقايا ذكريات أشكر تجاوبك عزيزي ~ وتأكد أن التأخير في كل يوم ليس من مصلوحك , فأنا تأخرت وكانت نتيجة تأخري هي آخر الحلول في عمليات العيون , ويكون مهدداً بالعُمي , فقم مرةً بالتصفح عن مشاكل العين , وأعرف كيف هي أخطارها , وزد معلوماتك عنها , كي تنقل تحذيرك لمن حولك ولأبنائك , وزراعة القرنيه هي يتم التنويم بالكامل , وتزرع قرنيه تأخذ من شخص متوفي وتوضع للمريض المصاب بالقرنيه , كـ / حالتي . تسائلت عن الفرق بين الدكتور وبين الإستشاري .. وفرق السعر وهذا معروف في كل مستوى , فالطبيب أقل خبرهـ , وأقل تخصصاً من الإستشاري , ويأتي فوق الإستشاري برفسور , ويكون في بعضهم الدخول عليهم بـ 500 ريال . لذا هناك فرق بين إستاذ ودكتور ومحاظر . د عبدالله الطرباق وهو طبيبي في علاج عيوني , وأيضاً محاظر بجامعة الرياض , وله زيارات لمستشفى الحبيب ببريدهـ , وأكثر تواجده في مستشفى الملك خالد للعيون , ولكن إسأل مستشفى الحبيب متى تكون زيارته لمستشفاهم , وإن لم يخبروك خذ رقم مستشفى الملك خالد بالرياض وأتصل عليهم وأخبرهم أن يحولوك على الدكتور , أو إسألهم متى تكون أيام عيادته في المستشفى الملك خالد وأحظر إليه . وتذكر أن الدكتور عبدالله الطرباق هو كبير الإستشاريين وخلقه عالي , وترتاح في الحديث معه , وهذا مهم في مجال العيون , لأن الراحة النفسيه من المريض للدكتور هي التواصل بالعلاج والمحافظة عليه والإطمئنان . أخيراً .. لا تتأخر . ودعواتي لك ولي بالشفاء .

على هونك يا سيدي انا ولله الحمد ما اعاني الآلم في العين


الحمدالله اليوم رحت للمستشفى لكن قابلت باكستانيه مدري وش تقول هي تهرج انجلش وانا يالله بالله افهم عليها

لكن قالو تعال السبت يبون يفحصون نضري وهل استطيع ان اجري عمليه ليزك او لا


وبالنسبه لك انتي الله يشفيك اخوي

اللعين مو لعبه و صعب اهمااالها

واشكرك كثير على شرحك معنى الدكتور والاستشاري صراحه توقعت اول كلهم واحد


انا عندي انحراف يالعين بالسااالب و على كلامه يقول ماتقدر تسوي عمليه ليزك لكن وعدني اجيه السبت ونشوف وش يقول


مشكور اخوي وجزاك الله الف خير ع حرصك واهتمامك صراحه ماقصرت

[الهاديو]

حالياً هم اصرفو لي ( قطرتين )

وقالو تعال السبت نسوي لك فحص

[الهاديو]

اقتباس المشاركة الأساسية كتبها الـبـريــئــــة ! التفصيل الممل لأني مجربه وضعك << مالي خلق احد يشيل هم مثلي ! كنك حاسه فيني بعدين وش عذابه !! انت دلوع اكثر من اللازم اما دلوع يا بريئه انا ماعمري سمعت احد جرب الليزك ولا ادري كيف طريقته بعدين وش هالنظاره اللي بـ 90 !! >> ماعليك من سعر الاطار اذا هي على نظرك نظاره شمسيه مو طبيه يعني مثل هذي >>>> وهي الي دهورت نظري فهمتي ؟ عموما النظر لازم يتغير لبست نظاره او مالبست انا كنت اهتم اني ما اشيل النظاره ابد  بس كل مره اروح اكشف يصير تغير النظر صح عليك وكلها من اوم 90 الي شريتها من الخبيب السبت ابروح لم الدكتور علشان اسوي فحص واكيد يقول قص نظارات جديده او اذا قال تقدر تسوي ليزك اسويها عند مستشفى الحبيب المهم سويتها بـ سبعـ الاف وشي > نسيت كم بالضبط طبعا غير تكاليف الملف وكشف النظر واذا عندك انحراف فيه كشف قرنيه بعد ايه الانحراف عندي بسالب وانتي بسالب ؟؟ اكيييييد ضروري اجازه >> انا تركت الكليه كم يوم  عطاني تقرير اذا قال الدكتور تقدر تسوي ليزك راح ادبر وضعي واقدم اجازه والله يعينك ... وخبرنا اذا سويتها بس بعد الراحه إنشاءالله بس جهزي التورته من الحين :d ترى ماقلت لك انه ممنوع السباحه بمسابح >> شهرين بس عشاننا حول برد مانتب سابح ايه ودي اللحق قبل يجي البرد الصدقي وتقوم بالسلامه يارب

وياك وكل مسلم يارب

مشكوره خيتو

وادري اني تعبتك معي

مشكوره وما قصرتي

[الـبـريــئــــة !]

مرحبــا

هههههههههه اكيد احس << نفس الطريق

طريقته سهله مرررره <= انصحك ماتفكر تسأل احد عن التفاصيل لانه ماله داعي << خبرك التبهير !!

اهــا شمسيه !!
الصدز انك جزووووم تلبس شمسيه مب نظر >> وش بيضرك لوك قاص شمسيه طبيه !!
ومعروووفـ انه تحوووس العوينات

السبت >> الله يعينك


ايه انا انحراف بالسالب


عاد الناس تبدا تداوم وانت اجاازهـ << يحق لكـ



مالك الا تورتة شوكولاطه ومرسوم عليها نظاره ومكتوب وداعا



مايمدي على السباحه




لا وش دعوى << خابرهـ غم العيون



بالتوفيق

[الهاديو]

آمين وياكم يآآرب

الحين انتي تدرين إذا بغيت اقص نظارات لازم تروح لجده ؟ يقولون له جهاز خاص هناك

وتجلس اسبوع كامل ع ما تجي

وانا قصيت مرتين وكلهم قالو نوديها لجده

وتعرفين الشمسيه ابي من النوع الكبار مثل نظارتي الي بصوره رمزيه


----------


يوم السبت راح اعلمكم وش يقول لي الدكتور

دعواتكم

[الهاديو]

اقتباس مالك الا تورتة شوكولاطه ومرسوم عليها نظاره ومكتوب وداعا

شكلي ابسويها

اقتباس مايمدي على السباحه

اقتباس لا وش دعوى << خابرهـ غم العيون

ايه العيون ملح الحياه < قل قسم

[آخر الوادي]

انا سويتها بعنيزة بمستوصف البركة عند الدكتور متعب الشعيبي قبل سنتين ب6000 ... صراحة دكتور متمكن والحمدلله النظر ماتغير رغم لها سنتين .. انت اسال وترى ماكل [واحد] تناسبه العملية .... مدة العملية 6 دقايق لكل عين

[الهاديو]

اقتباس المشاركة الأساسية كتبها الوااادي انا سويتها بعنيزة بمستوصف البركة عند الدكتور متعب الشعيبي قبل سنتين ب6000 ... صراحة دكتور متمكن والحمدلله النظر ماتغير رغم لها سنتين .. انت اسال وترى ماكل [واحد] تناسبه العملية .... مدة العملية 6 دقايق لكل عين

سعره مناسب


أبسئل عنه

جزاك الله خير

[الـبـريــئــــة !]

اقتباس المشاركة الأساسية كتبها الهاديو الحين انتي تدرين إذا بغيت اقص نظارات لازم تروح لجده ؟ يقولون له جهاز خاص هناك ^ تـــــــش !! وتجلس اسبوع كامل ع ما تجي ^ اصبر اسبوع ولا البس نظاره تحوس ام عيوني !! وانا قصيت مرتين وكلهم قالو نوديها لجده ^ مافي مشكله وتعرفين الشمسيه ابي من النوع الكبار مثل نظارتي الي بصوره رمزيه ^ ^ يعني تراه صورتي <= كرررهتسع طعش نظاره اكبر من حقك ذي قاصته عند مشعل

[الهاديو]

^
^
^
^






--

حاليا قصيت نضارات جديده

وإنشاءالله اذا تحسن نضري سويت عمليه ليزك



--

اشكر لكل من ساهم في هذا الموضوع

صراحه ماقصرتو معي ونصحتوني وكفيتو و وفيتو

الله يجزاكم كل خير

والله يوفقكم بدنيا والأخره