[راعي الكيف]

اقتباس المشاركة الأساسية كتبها ديـما الشرع حلل للرجال الزواج من اربع وهذا حقكم اذا حدث تقصير من الزوجه او ان فيها شي وبصراحه نصف الرجال اذا تزوجوا من الثانيه يهملون الاولى يعني مايعدلون بين زوجاتهم المشكله انكم الايه اللي تقول انه محلل لكم اربع تنبسطون منها والايه اللي تقول (( فان خفتم الا تعدلو فواحده)) والله انكم ماتدبرونها صدق مالكم امان زوجتك عاشت معك على الحلوه والمره وصبرت عليك وتحملتك اخرتها تتزوج عليها

كلامك صح هناك ناس ما يعرفون العدل بس موجود كثير من الرجال يعدلون بين الناس اعرف واحد عنده اربع زوجات وكل وحده لها بيت مستقل ومبسوطات على الاخر الله يسعدهن يارب

[ديـما]

اقتباس المشاركة الأساسية كتبها راعي الكيف كلامك صح هناك ناس ما يعرفون العدل بس موجود كثير من الرجال يعدلون بين الناس اعرف واحد عنده اربع زوجات وكل وحده لها بيت مستقل ومبسوطات على الاخر الله يسعدهن يارب

هذاك قلتها واحد من الألف

[تقوى الهجر]

لن اتكلم عن التعدد،، فهو مسالة شرعية مباحة .. انا سأعقب تعقيب صغير لو سمحتولي (( المشكله من وجهة نظري هو التوقف عند حب الزوجه الثانيه )) ،، الحب ليس لنا سلطة عليه ولا يمكن لنا أن نطفئه او نعيد تشغيله بزر لذلك فالحب لا يدخل حتى ضمن شرط المساواة ،، الرسول عليه الصلاة والسلام كان معروفاً عنه أنه يميل الى زوجته عائشة رضي الله عنها اكثر من غيرها لذلك يقول بما معناه فلا تؤاخذني فيما لا املك ” وهو يقصد الحب ،، اي انه يعدل بين زوجاته فيما يملك من النفقة والعشرة وغيرها ويطلب من ربه ان لا يحاسبه فيما لا يملك وهو الحب ..فتغير الحب لا سلطة له عليه ولا يمكن اعتباره تقصير ،، التقصير ياتي في طريقة التعامل مع خفوت الحب ،، فهل سيكون الرجل منصفاً ؟؟ هنا السؤال وشكرآ

[شــادن]

ألا نقول له جزاك الله خير ساهمت في تقليل العنوسة وفتحت باب كان أن يغلق في كثير من المجتمعات ... اذا كان المقصد التقليل من العنوسة كما قلت ...فالمال الي يبي يتزوج فية يعطية شاب ..ماتزوج يتزوج بهالمال
بكذا يساعد الشاب ويقلل من الظاهرة الي قلت

:::::اما عن علثة البعض تطبيق لسنة تلقى الواحد يحلق لحيتة ويسبل ثوبة وخالف السنن وقفت تطبيق السنة على الزواج

[راعي الكيف]

اقتباس المشاركة الأساسية كتبها عيون تفاؤل ألا نقول له جزاك الله خير ساهمت في تقليل العنوسة وفتحت باب كان أن يغلق في كثير من المجتمعات ... اذا كان المقصد التقليل من العنوسة كما قلت ...فالمال الي يبي يتزوج فية يعطية شاب ..ماتزوج يتزوج بهالمال بكذا يساعد الشاب ويقلل من الظاهرة الي قلت :::::اما عن علثة البعض تطبيق لسنة تلقى الواحد يحلق لحيتة ويسبل ثوبة وخالف السنن وقفت تطبيق السنة على الزواج

الحين هو معه فلوس ومحتاج لزوجة ثانية كيف يعطي شخص ثاني الفلوس .. وحتى ممكن يساهم في تزويج اخر ما فيه مشكلة اهم نساهم في حب الخير لغيرنا

[سعيد القرني]

اللهم أغنني بالحلال وارزقني مالا يغنيني

وارزقني بالثانيه

====

( الغيره لدرجة الجنون) تقووووول ودي أنك تموووووت

ولا تتزوووووج الثانيه

[راعي الكيف]

اقتباس المشاركة الأساسية كتبها سعيد القرني اللهم أغنني بالحلال وارزقني مالا يغنيني وارزقني بالثانيه ==== ( الغيره لدرجة الجنون) تقووووول ودي أنك تموووووت ولا تتزوووووج الثانيه

الصراحة ضحكت على كلامها للدرجة تموت لا اله الا الله

[أتعبني غروري]

من قال أن الرجال اللحين يعدلون الا من رحم ربي وهذا ناااادر جدا نسمع بهم ولا شفناهم اللي يعدلون ..!!
كل اللي أعرفهم تزوجو ثانيه يتركون عيالهم ويلهون والضحيه عيالهم ( يضيعون) ..
تزوجو على حريمهم وعيالهم ضاعو والسبب ان الاب لما تزوج نسى انهـ عنده عيال ..(ترك الحبل عالغارب) ..
المفروض الواحد لاصار عارف نفسه انه ماراح يعدل ومو قد الشرط (يقضب أرضه) ولايتزوج لأنه هو الخسران بيخسر عياله لو تزوج ..
وبعدين اللي أشوفه اللحين عند الرجال انه مفخره !! لاتزوج الثانيه ولا سالته ليش متزوج قال أطبق السنه وهو علشان يروح يتفيخر عند خوياه ولا درى عن السنه لو هو صادق بدال هالفلوس اللي بيدفعهن يتبرع بهن أصرف له..

[الزقرت]

اخي.
سأكون ضدك في هذا الموضوع

لأن عذرك تقليل من العنوسه.
ولي 3 من اقاربي تزوجو بالثانيه ولاكنها اجنبيات

هذا من غير اللي اعرفهم
وهذا سبب فاشل

[مـغـتـرب]

خلنا ناخذ الاوله
بعدين تعال كلمنا عن التعدد

[اوركيد]

الجريمة مو بثتتين ولا ثلاث ولا أربع

الجريمة هي عدم العدل !!

[%زهرة الجوري&]

شف أخي الكريم إذا قصدك حل مشكلة العنوسة فهو البلاء من العيال انهم ما اعرسوا
انظر إلى نتائج التعداد السكاني الذكور أكثر من الإناث

أنا لا أؤيد الزواج من زوجة ثانية
لأنه مستحييييييييل يعدل
وأنا بالنسبه لي يموت ولا ياخذ ثانية

[غريب احساس]

لو اني ملياردير

ما اشاور بالثانيه والثالثه والرابعه

[الرحيمة]

الله يعينك على هالحريم ..انا لست ضد التعدد ..و لكن ياليت من اراد ان يعدد ان يتزوج ارملة او مطلقة ...بل نجد معظمهم يتزوجووون ابكااااار و طبعا مهب حرام ..حق للرجل ..لكن يجب ان نتذكر الاسباب الشرعية المبيحة ونتوخى العدل لاقصى الحدود .... يا اخي تصدق و زوج شخص اخر لم يتزوج لانه غير مقتدر ..فانت في كل الحالات محصن ما دامك متزوج ...

اخواتي التضحية لازمة عشان خواتك المسلمات ..لا تجعلن الزوج والدنيا اكبر همكن ..منذ متى و نحن فقط نفكر بانفسنا ونصبح انانيات ما دمنا مسلمات !!!

بعدين زوجك التعدد فيه فيه ..لو مو في هالدنيا راح يكون بالاخرة مع حور العين .. ف من الحين تقبلي

واحبي لاخواتك المسلمات ما تحبين لنفسك .. وانت ايها الرجل لا تحرص الا لحاجة ..واجعل قلبك نابض بالرحمة تجاه زوجتك


والله يسعدكم اجمعين