[الـعـابـر]

مؤيد
على فكرة ترى اسمها مواقع زواج وليست منتديات

[غــــ م ــــوض]

اقتباس المشاركة الأساسية كتبها ممرضـ طموحه ـه لا والبعض والله ولا ابالغ تقول كلمات مثل فديتك ويالبى ومدري ايش (البنت رقيبة نفسها والبنت اللي تبي تغلط تغلط لو بغرفتها والبنت اللي خايفة ربها وخايفه على اهلها لو تحطيها عند 100 رجال مايهزوها)

هآتي لي رد بهالمنتدى فيه كلآم من هاللي تقولينه ...!!

وبعدين وش دخل( البنت تغلط وماتغلط ) بالموضوع يآأختي يآ ممرضه ؟؟

[ممرضـ طموحه ـه]

اقتباس المشاركة الأساسية كتبها غــــ م ــــوض هآتي لي رد بهالمنتدى فيه كلآم من هاللي تقولينه ...!! وبعدين وش دخل( البنت تغلط وماتغلط ) بالموضوع يآأختي يآ ممرضه ؟؟

يااختي انا ماحددت المكان وبما انك ذكرتي هنا اذا تبي تعرفي اذا فيه مثل هذه الردود ادخلي من بوابة المنتديات تعرفي ايش هيا قسم الترحيب والتهاني بالاعضاء الجدد وتعرفي كلامي مع اني ارجع واقول ماحددت المنتدى بس اي منتدى لو تدخليه تتأكدي منه عن طريق هالقسم الله يحفظك وانا كلامي 100% صح ابسألك الحين انا وانتي مو في منتدى فيه رجال صح لاتقولي لي لا اوانك متغطية قدام الشاشة او معاك محرم لانه مو معقول واذا قلتي ايه اقولك هذي حجة عليك هنا رجال وهناك برضوه اجل ليه تحرمي البنات بانتقاصك لمن تدخل مثل هذه المواقع انتي تناقضي نفسك اصدق وحدة ماتعرف النت لو تقولي عيب تدخلي هالمواقع لاني اقول مسكينة جاهلة في النت بس انتي بما انك تدخلي النت اذا لابد انك رديتي او اقتبستي كلام رجال اذا بالاول والاخير كيف يكون الحق مشروع لك وهو من باب اولى الذي يجب ان يمنع بينما يمنع الذي من باب اولى يجب ان يشرع ؟؟؟؟!! جوابي على السؤال الله يحفظك مو لازم هنا بينك وبين نفسك حتلاقي كلامي منطقي

الشكر الجزيل لصاحبة الموضوع

[غــــ م ــــوض]

اقتباس المشاركة الأساسية كتبها ممرضـ طموحه ـه يااختي انا ماحددت المكان

وشلون ماحددتي المكان وأنتي تقولين بهالمنتدى ..!!!

اقتباس المشاركة الأساسية كتبها ممرضـ طموحه ـه صح ابسألك الحين انا وانتي مو في منتدى فيه رجال صح لاتقولي لي لا اوانك متغطية قدام الشاشة او معاك محرم لانه مو معقول واذا قلتي ايه اقولك هذي حجة عليك هنا رجال وهناك برضوه اجل ليه تحرمي البنات بانتقاصك لمن تدخل مثل هذه المواقع انتي تناقضي نفسك اصدق وحدة ماتعرف النت لو تقولي عيب تدخلي هالمواقع لاني اقول مسكينة جاهلة في النت بس انتي بما انك تدخلي النت اذا لابد انك رديتي او اقتبستي كلام رجال اذا بالاول والاخير كيف يكون الحق مشروع لك وهو من باب اولى الذي يجب ان يمنع بينما يمنع الذي من باب اولى يجب ان يشرع ؟؟؟؟!!

حجه علي !!!

يعني أنتي تقارنين وجودي بمنتدى كـ عضوه تشارك برأيه وتستفيد بس

بمنتدى أعرض نفسي فيه للزوآج ..!!!

والله أمرك غريب يا اختي

فيه فرق كبير بينهن .. بغض النظر كوني مؤيده لهالمواقع أو لأ


إختلاف الرأي لايفسد للود قضيه .. تفضلي

[ربيع]

أذكر أن أحدهم افتتح موقعاً للزواج، وتزوج من خلاله ثم بعد ذلك عرض الموقع للبيع بعد أن انتهى من هدفه.
عن نفسي لا أجد أن هذه المواقع صادقه كثيراً خصوصاً أنه قد يدخل شاب بإسم فتاة ويضع مواصفات بغرض سرقة بعض الأغبياء.

[ـالتُفاحة الورديّة]

ياممرضه طموحه

انتي تكلمتي بإحدى ردودك وتقولين عادي ان البنت تعرض نفسه للزواج عن طريق موقع الزواج اوكي !!!

طيب ايهم افضل بنظرك وجاوبيني بكل صراحه

فتاة جاه خطيب طرق باب بيتهم وسألوا عنه مع كل سؤال عنه الاهل شي طبيعي بيخبرون البنت مثلاً سألنا فلان ويقول مواظب على الصلاة وغيره ..... وتوفقوا وتزوجو والحمدلله

البنت الثانيه اعرضت نفسه عن طريق موقع الزواج وتزوجت وخلصنا

ايهم افضل بنظرك ؟؟؟؟؟؟؟؟ جاوبي بأمانه

والله ان يحتقره الرجل لتزوجو ولتهاوشو قال انتي اللي عارضه نفسك وماقدرتي تعيشين بلا رجل
وش بتقولين لقال هالكلام

وبعدين الله يهاديك مايصلح تقولين هالكلام تقراه بنت عمره 14 وتروح تطبقه وتفسدين العالم

[أبورائد]

اقتباس المشاركة الأساسية كتبها 1مهستر اؤيد وبشده... اليست للبنت شهوه ..؟؟؟ لتحصن نفسها بالحلال بدلا عن الحرام .. ليس عيبا ان تطلب البنت الزواج .. فهذا من حقها .. ولكن بأدب المرأة لاتستطيع ان تكمل حياتها لوحدها .. فتحتاج للرجل فلا بأس بان تطلب الزواج من رجل .. اذا كان هناك مايمنع من بروز اخلاقياتها عند الرجال .. واذا كانت هناك حواجز تمنع من وصولها للجنس الاخر ..

كلام صح

[1مهستر]

غموض
لبنى عبدالعزيز

معليش ... اختي ممرضه طموحه صاااادقه ... بكلامه اللي هو ان البنت عادي
تعرض نفسه عالزواج ... وش فيها .؟؟

مهب هذا بالحلال .؟؟ ... الامور هذي مابه حياء ... الحياء ليش مايكون عند المغازل
وكلام الرجال والظهور امام الرجال ..؟؟؟

وبعدين فيه بنات مسكينات مره .. مايقدرن يتزوجن لعدة اسباب مثل (ان تكون سمعة ابوها سيئه
او سمعة اخوانها او سمعة اختها اللي غلطت ,... الخ)

فهناك اسباب كثيره ليس للبنت علاقه فيها , وقد تكون البنت سنعه وذربه
فليس كل افراد العائله سواء..

لايوجد مايمنع من طلب البنت للزواج ولكن يكون الطلب بادب وحشمه ...

اتمنى ان تكون الفكره وصلت ..؟؟






ودمتم

[وبيص مسك]

ابوقرون وخويه الله يصلحكم تهاوشو بينكم على الخاص خلونا بالموضوع


..........
اللي تقول لاتسمعك بنت ام 14 وش حنا قاعين نتكلم فيه (,,,,)وبعدين ام 14 مالها دخل بالموضوع حدها سوالف المتوسطه اذا وصلت 30 يمكن تدخل

,,,,

واللي يقولون مواقع الزواج كلها مغازل لاتعممون انا اقصد اللي يشرف عليها مشااايخ..وفيها (قسم) وواتصالات لتاكد مو اي كلام.
وبعدين زي ماقالت احدى الاخوات في ردها مايدخله الا وحده لها ظرف معين اكيد ماراح تدخله وحده كامله مكمله
والكامل وجه الله(هذولي عساهن يقبلن بالكفء بس ولا يردونه اذا طق بابهن )بعض البنات الله يهديهن تطغى ...
:::
والشكر كل الشكر لاختي ممرضه على ردها الشامل (مهو علشانها مؤيده )لاني وضحت رايي سابقا

[وبيص مسك]

ايضا اللي يقولون الخطابات .... الخطابات ماهمه الا الدراهم تجيك تنفخ لك الرجل تقل ملاك وكله خرط فاضي

[...flbynoo...]

اقتباس المشاركة الأساسية كتبها ممرضـ طموحه ـه مرحبا اختي وبيص شفت موضوعك وقلت اقولك واقع تجربتي انا الان مسجلة عن طريق موقع اسلامي للزواج وماهي عيب او حرام العيب قيود المجتمع والحرام ان البنت تحرم نفسها حق الامومة واحساسها انها انثى من اجل نظرة المجتمع ياحبيبتي انا بسرد لك مميزاته وعيوبه وانتي احكمي او زميلتك بس حابة انبهك لاتخلي زميلتك تنتظر صدقيني نظرة الناس طالتها وكلامهم واصلها الحين تتوقعي مايقولوا ليه واشفيها واكيد فيها شي والنظرة الدونية لها لانها ماتزوجت؟؟ 1- ياحبيبتي اهم شي قناعتها بنفسها في بنات مايهمهم الزواج بقدر مايهمهم الزوج اللي راح تتزوجه هو حلمها او لا 2-فيه بنات اهم حاجة بالنسبة لها قالوا الناس واتكلموا الناس بس تبغى ترضيهم واحيانا تختار الغلط بس عشان تكتب في بطاقة العائلة متزوجة (كثير هالنوعية صدقيني من معايشتي للمريضات) 3-وفيه بنت تكابرواخر شي تندم ماابغى اطول عليك بالنسبة لي انا سجلت في موقع اسلامي للزواج ومااخفيك انا لي هدف منه باني الاقي الشخص اللي يكون نفس اختياراتي وصدقيني فيه طلبات كثيرة سواء سعوديين او اجانب وحتلاقي فيه طلبك بإذن الله اول ماتلاقي الشخص اللي في بالك تتفقوا ولاتكلميه بس اعطيه ولي امرك بعد ماتكوني صارحتيه وبس انا بصراحه لي فترة بسيطة مسجلة ولايهمك الكلام اللي قالوه الزواج نصيب انتي تسعي فيه لاتنتظريه واي معلومات يااختي انا جاهزة الدليل صحابيات خطبوا لانفسهم وابرزهم السيدة خديجة للمعلومية كل الشعوب تخطب لبناتها وكثير منها اسلامية الشعب الوحيد اللي ينتظر الاجل هوا السعودية ويقولوا ليه كثرت العنوسة او الطلاق بالنسبة للميزاته 1- توافق الاختيارات والاهتمامات ومستوى التفكير 2-تحقيق حلمك وهدفك من الزواج وهو تحقيق ذاتك 3-النت قصر البعيد وقربه بالطرق المشروعه وغير المشروعة ولكن ياحبيتي انتي من تختاري طريقك 4- يناسب الفتيات العاملات في القطاع الغير مرغوب فيه لدى شريحة من المجتمع والكثير الكثير من مميزاته عيوبه 1- هناك نسبه من الخداع خصوصا من جانب جنسيات معينة 2-اختلاف بعض الثقافات البعض يجدها ميزة ولكنها لازالت عائق لدى السعوديات التي يرغبن بالزواج من اجنبي والعكس كما ذكرت واكرر انتي من تختارين فااحسني الاختيار والامر يعود اليك (لاتصدقي البنات اللي قالوا لك ماتستحي البنت ومن هالكلام واسأليها يعني ايش فرق منتدى الزواج عن مثل هذى المنتدى مو تكلم وترد على رجال لا والبعض والله ولا ابالغ تقول كلمات مثل فديتك ويالبى ومدري ايش (البنت رقيبة نفسها والبنت اللي تبي تغلط تغلط لو بغرفتها والبنت اللي خايفة ربها وخايفه على اهلها لو تحطيها عند 100 رجال مايهزوها)

تـحـريـنـه أجــل أروح أســجــل في ذااك
بـــس وش تنـصــحينن بـــــوهـ

[وبيص مسك]

الاخ فلبينو رجاءا لامجال لــ(تمهزيك)هنا ... بعتقادي ان كشكول هو االانسب لك

[...flbynoo...]

يــــــــــــــاررب أنــي أنـثـى

[وبيص مسك]

خلاص لاتزعلين

اقول للاداره يحطون لك قسم كشكول نسيت انهم مايدخلونك( وبعدين احمدي ربك انتي تمهزين لان ماجاك الحاجه ...ارجوان تتفهمي الوضع لاخواتك اللي حدتهن الظروف ....مايصح الواحد يتكلم عن نفسه فقط او ان يستهزء بالاخرين انا مافتحت النقاش لنفسي مافتحته الا لاني شايفه العنوسه اللي اكلت بنات المسلمين والاسباب كثيره ماغير نهذر بغلاء المهور ناسين اسباب كثييييييره اومتناسينها او ربما نخجل منها وهذا الكلام لمن له قلب وبلغ من العقل مبلغا يجعله يفكر بتمعن ماهو للاخت سابقه الذكر