 |
|
|
|
|
30-10-2010, 06:38 PM
|
#1 |
|
عـضـو
تاريخ التسجيل: Oct 2010
البلد: بريده
المشاركات: 214
|
رحمك الله ياوالدي الغالي (عبد الكريم الصالحي)**ليت العمر ساعته تنباع وأشريها**بنتك:
آآآآآآآآآآآآآآآآآآآآآه
دموع عيني تزيد بحرةٍ فيها************والدمع من مهجتي بالحزن ذرافِ  من لوعةٍ ياعسى ربي يجليها************حمى غشتني بغم وتنفض أطرافِ ليت الليالي تعود بحلو ماضيها************هيهات ترجع بما روح وما طابِ كلٍ يعزي وأنا روحي أعزيها***********رحيل أبوي اللي بالأفضال معطافِ آآآهٍ من الوقت والدنيا مفنيها *************دنيا تفرق شمل بالحيل تنعافِ بسمتك ياوالدي ماني بـ ناسيها**********تضحك إذا شفتني بالخير مدعابِ ليت العمر ساعته تنباع وأشريها************بأغلى ثمن يايبه بالعمر تنضافِ مجلسك مشتاق للآيه وتاليها************منظرك من عقب مافارقت له طابِ غترتك من عودك بدرجك أغطيها*********** أشم ريحتها وكنك مقبلٍ لافِ مخدتك شفتها حزني يبكيها**************حتى ملابسك لاحت من أربابِ بارودتك مسنودةٍ جيت أباحاكيها**********تقول يكفيني مافيني ترى كافِ بيتك اللي به النخلات تسقيها***********يبست سواقيه وتمره دون خرافِ يبه يبه يايبه مازلت أطريها******************هني من له أبو حيٍ وينشافِ أن جاء لـ قهوه بعد أوقات نغليها*************يضمني بالشتاء في مشلحٍ دافِ همزت رجليك أنا أفدى مواطيها***********أرجي لبرك عسى ماتشكي خلافِ الأرض ضاقت علي بأوسع فيافيها***********ماذقت من هلي والأنس متجافِ فضايلك يايبه عجزانه أوفيها*************لو صلت بالشعر ميت الألف من قافِ يارب تجعله للفردوس ناصيها****************ومن ثمار الجنان الخضر قطافِ يارب ترحمه برحمتك وتحرمه عذابك ولا تحرمه لذة النظر لوجهك والوقفه على بابك ولو دمعتي لو سالت بتبقيه<<كان سويت لأهل القصيم من دموعي بحر ولو البكاء بيرجعه والله لأبكيه بس جد درب الموت مابه رجووووووع آآآآآآآآآآآآآه ياااااابوي من بعدك أنا صابني هم يبـــــــــــــه: موتك خلى جسمي ينقص من الدم محد معوضني من بعدك الله يطول بعمر أمي ويخليها ولو فقدتها ياعزي لنفسي بيخلص من جسمي الدم يمه من باقي من بعد أبوي حي؟؟؟ يمه من يسوي لنا مايسويه؟؟؟ يمه بدت ترجف من ضيقتك أيدي,,, يمه ياليتك لو بليله تسجين,,, يمه خطير الحال ماينفع الكي... يمه من يجفف دموع المساكين... لاتضيقين حالك’’’’’’’’’’ ترى الدنيا بدونك ولا شي يمه فديتك بالعمر لاتصيحيـــــــــــــــــــــــــــن أهما كل شي بحياتي الغلا لأختي وأخوي ياحلو طلت وجيههم ,, وياحلو نبرة حكيهم,, يابشرررررررر مدري وش أوصف الله ياعمري عليهم....... يبــــــــه:: لما كنت عايش كنت أدعي لك بالشفـــــــاء ومارآح أنساك من دعوآآآآآآآآآآتي إن شاء ربي فأنت من أهل الجنه وبأعلى درجاتها الله يحللك ويرحمك ويجعل الجنه مسكنك لاتنسوه من صالح دعوآآآآآآآآآآآآآآآآتكم
|
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي