[قـــصـــيـــة]

اقتباس المشاركة الأساسية كتبها برالامانـ هههه ذكرتين ايام الثانوي مااروح الا الساعه 8 وماالوم المديره اذا امنعته عن الدخول لان البنات مايعطن وجه وبعدين تخاف ع البنت لانه مسؤليه اذا خلته ع كيفه

^_^

تخاف .. يمكن اللهُ أعلم

أسعدني مروركِ بر الأمان ..

اقتباس المشاركة الأساسية كتبها abraheem خخخ .. ولو رااسك يابس .. رافضه انك تقتنعين .. لحد الموت ! ليس في كل الأمور بل بعضها فقط عموماً دور المدرسة لايقتصر فقط على التعليم النظري ؛ المدرسة أيضاً مكاناً لتعليم الآداب ! أنا معك في ذلك وأضيفي على ذلك تعليم الإنظباط .. فكيف يستقيم أمر الناس بلا إنظباط .. انظري لكل ماحولك في الحياة .. ستجدين أن الإنظباط عنصر أساسي في تكوينه .. بإضافة أن لكل مرحلة عمرية وضع خاص .. وضروف خاصة .. فعلًا صحيح ماذكرت في هذه الحاله أقول انظري لصورة الأكبر ؛ تصوري معي لو أتيح المجال لهذه الطالبه .. سيكون لذلك عواقب وخيمة .. ستأثر على مثيلاتها من الطالبات .. وستكون مدعاة لتخلفهن عن الوقت المحدد لدراسة ؛ فالحكمة تقول نحن لا مشكلة أن نضحي في طالبة .. في سبيل إنجاح الكم الأكبر من الطالبات ؛ ولو أستطرقت في ذكر سلبيات هذا الجانب لطال بنا الكلام .. أي سلبيات! إذن ماهي سلبيات النظام الجامعي ؟!! لنتوقعها ستحصل للمدارس ربما هناك سلبيات أنت تراها .. لكنني لا أرى أي سلبية في أن تذهب الطالبة للتعليم وهي مُرتاحة ومُستعدة وقبل ذلك تذهب وهي أحبت أن تتعلّم بإرادتها فالإنسان بطبعه يكره الأمر والقوانين وكما يقول المثل - كل ممنوع مرغوب - وعلماء النفس يُقرون ذلك فإذا كان الطفل أو المراهق يُحب العِناد يُفضلون تركه أن يفعل مايُريد وهو من نفسه سوف يملّ ويترك عناده لأنه لن يجد من يهتم به! فأنا مثلًا كنت في أيام الثانوية أموت على شي إسمه عناد وخلاف يعني إذا قالت المديرة إيه أقول لأ وإذا قالت لأ أقول إيه ولا أدخل الدرس إلا إذا إنتصف ! وبأيام الجامعة أدخل القاعة قبل الدكتورة بـ 5 دقايق لأني عارفه إني أنا الخسرانه!! فما أُريد قوله أن طالبات أو طلاب المدارس هم المُستيفدين من الحضور المُبكر وحضور جميع الدروس والعكس هو الخسران! أتمنى فهمتوا وجهة نظري ibrahim

أشكرك أخي ابراهيم على مرورك وكلماتك الرائعة .. وأعتذر على الإطاله

وفقك الله ..

اقتباس المشاركة الأساسية كتبها الطعمنه على حسب

ربما .. أشكرك على المرور

اقتباس المشاركة الأساسية كتبها a m2aa تشكرين جواانا لكن إذكنت مديرة بإذن الله أومسؤله ورأيتِ التسيب بتلقين الإجابة بإذن الله

العفو حبيبتي ..

لو أنا مديرة كان الطالبات ماودهن يتخرجن << ولو ماتحقر روحها
الصراحة المدارس عليهم أنظمة ماأدري شلون قايله!

سُررتُ بحضوركِ ..

اقتباس المشاركة الأساسية كتبها *.* بحبوحـــه *.* يا الغلا المدرسة تعاقب الطالبة إذا تأخرت بالتوقيف كل الحصة الأولى والتنقيص من المواظبة بس المنع أول مرة أسمع به هذا اللي حاصل بمدرسة البنت ويمكن بأغلب المدارس! بس تصدقين معهم حق بالمنع يمكن هذي البنت من عشر من البنات اللي ما يحرصن على الحضور بالوقت المناسب البنات الله يهديهم اللي تزين بشعره واللي متى ما قامت لو هي حريصة تحط منبه أو بدون منبه تدري وراه عقاب أنه ما راح تدخل المدرسة حبيبتي بحبوحه أقري ردي على أخوي ابراهيم علشان تفهمين وجهة نظري يصير عنده أحساس شوي و تقوم بدون منبه أو تنام مبكرة وتقوم مبكرة اذا ما كان عنده أحد يقومه ألحين التأخر صار ظاهرة منتشرة باالمدارس ونتمنى يلقون الحل لأن اللي يتأخرن ما يحظرن الدرس الأول .. طبعا هذا الكلام موجه للي ما تحرص على الحضور وفيه حل للي يكون عنده سبب بتأخره وهو تخلي ولي الأمر أو الأم تتصل على المديرة وتعلمه إن بنته اليوم بتتأخر شوي لأنهم ما قاموا مبكرين أو سيارتهم خربانه أو ... والمديرة بإذن الله تعذر الطالبة .. وتقلبي مروري و مشاركتي وشكراً لك ..

العفو عزيزتي ومرورك على راسي وأسعدني كثير

اقتباس المشاركة الأساسية كتبها الخيال فهد فعلاً نظام سليم الرسول يقول في معناه خيرآمتي في بكورها موضوع جدير بالنقاش شكرا لك جوااااااانا

أنا معكم النظام سليم مليون بالميّة لكن مالها داعي تغييب الطالبة يوم كامل
وضياع شرح ودروس علشان ساعة أو ساعة ونص ..!!

العفو أخوي .. والشكر لك على المرور .. بارك الله فيك

اقتباس المشاركة الأساسية كتبها فسحة من أمل بالنسبة لطلبك مو في ملك مديرة المدرسة..هذا يبغاك تعرضينه على الوزير ويشوف وجهة نظرك،ويدرس الموضوع من ناحية إمكان تطبيقه على مجتمع صغير كالمدرسة والمرحلة العمرية هل تسمح أم لا؟ويعطيك الايجابيات والسلبيات..فإذا طغت السلبيات على الايجابيات ماراح يطبق.. وبالنسبة لقريبتك قولي لها تجتهد علشان يمديها تروح للجامعة وتآخذ راحتها.. أما المدرسة مافيه إمكانية إلا إنها تحول انتساااب بالتوفيق للجميع..

وزير .. ويننا وين الوزراء ليتهم يطّلعون على مواضيع المنتديات كان إنحلّت ألف مشكلة!
عمومًا ليتهم يجربون نظام الجامعة على المدارس ..

أما السلبيات فعودي لردي على أخي ابراهيم


فسحة من الأمل مروركِ شرفني وأسعدني

[a7n]

،
،
كثير من الانظمة
نعتقد انها الافضل
ولما نجرب غيرها
نجد العكس

المشكلة المسؤولين
تركيزهم على تطبيق
الانظمة
وليس على التحصيل
العلمي !!!!!

ومثل هذه الانظمة
( التي تمنع الطالبه من الحضور )
هي التي جعلتنا في ذيل
الدول علمياً !!!

لو استعرضنا الكثير
من انظمة التعليم
لوجدنا بعضها 30 سنه

والمشكلة الاجيال تتوارث
على هذه انظمة التي
اكل وشرب
عليها الزمن

والغريب كل جيل جديد
ياتي ويدافع عن الانظمة
بقوة


انا برأيي اعطاء الطلاب
اكبر مساحة من الحرية

لان الهدف التربية والتعليم

ولو استطلعنا اساليب
التربية والتعليم
في الكتب لعرفنا انها
متاخرة عن واقعنا
بكثير ناهيك عن تاخرها
على المستوى العالمي

بالاخير ماهي المشكلة
لو ان اعطي الطالب
او الطالبة مساحة كافية

وعلى قولتهم
الانسان عدو مايجهل !!!!!!!


وشكراً لطرحك المتميز

[أبورامي]

أجل حنا الموظفين نبي نفلل نوم إلا الساعة 9 ونجي نداوم بس بشرط لايحسمون !!!
الله يهديك وش الحدوثه هذي

[a7n]

اقتباس المشاركة الأساسية كتبها أبورامي أجل حنا الموظفين نبي نفلل نوم إلا الساعة 9 ونجي نداوم بس بشرط لايحسمون !!! الله يهديك وش الحدوثه هذي

ابشرك الشركات العالمية
تركز على الانتاج مايهمها حضورك
وبعضهم يعطيك ادوات العمل
ولو ماجيت للمكتب اللي بينك وبينهم الانتاج

لانه هو اللي يكسب الشركة

ولو تلاحظ الحضور والانصراف
ماله جدوى لان الموظف
ممكن يجي بدري ويتسدح بالعمل ويسولف
ايش الفايده

[هــمـم بريداويه]

والله مدرستنا كلن يدخل ويطلع على كيفه

[أبـــو خـــالـــد]

النظام نظام
أجل لو كل واحد يبي يجي على كيفه صارت فوضى

[alz3eem]

جزاك الله خير

[قـــصـــيـــة]

اقتباس المشاركة الأساسية كتبها مفآهيم آلخجل صًصًصًدق آنآ معكّ بآلنقطَه هذيّ <شِشِكل آلبنت بمدرسٍتيّ ل4 <تخيليّ آنآ آتأخر دقيقتين توقفنْ ثلآثّ حصًصً ويجنْ بنآتّ بعديّ تمشِشِيهم لأنهمْ مودآيمنْ يتأخرونْ =( بآلله موووو ظلم ..! <ولآ قلتله قآلتّ لو إنكّ مبكرهـ دقيقتينْ ..! <مآأقوول إلآ حسٍسٍبي آلله ونعمْ آلوكيّل oo:

دقيقتين ..! الله يعينك يابعدي على الظلم !!
الله يعين الطلبة على هالأنظمة الـ ..!!

أشكركِ عزيزتي مفاهيم الخجل على المرور ..

اقتباس المشاركة الأساسية كتبها فراشه الكون اقووووووووووووووووول تبغين الدنيا على كيفك انتي وهي لا وجايه تكتبين موضوع تبين ردود معك لاصار بيت ابوك تدخلين وتطلعين على كيفك <<<<اعصااااااابك

لاتزعلين يالغالية - الإختلاف في الرأي لايُفسد للود قضية -

وجهة نظرك وأحترمها .. شكرًا على المرور

اقتباس المشاركة الأساسية كتبها ابوخالد10 بغض االنظرر عن وقت الحضوور والانصراف الادراه تبي للبنات الخير يعني وحده يفوته دروس والا شئ ذي تسذااا أنا معك ومن المؤكد أن المدرسة ماتشد على الطالبات إلا لمصلحتهن لكن إذا ماشافوا فايدة يجربون إسلوب أرغب للطالبات .. او انه وحده مسويه حبيبه وتطلع مع حبيبه ولاتجي الا على كيفه بس اقل شئ يقومون بتبليغ اولياء الاموور أنا أقول تتأخر ولي أمرها يجيبها ويرفضون إنها تدخل ! .. وجهه نظر ..تحياتي

الجميع له وجهة نظر تحتمل الخطأ وتحتمل الصواب ..

أشكرك أخي أبوخالد بارك الله فيك ..

اقتباس المشاركة الأساسية كتبها برووكي ههههههههه مو على كيفك متى مابغيتي تجين .. الوقت محدد ويجب الحضور على الكل ..الدوام يبدأ من الساعه 7 والناس يدرسون وبنت الحلال متى مافرغت جت ليه على كيفها .. لا بعد تتأخر ساعه او ساعتين .. هذي شكلها متى مابغت او طنت في الراس تجي .. تحياتي للجميع برووكي

الله يعين .. أشكرك أخي على المرور وفقك الله

اقتباس المشاركة الأساسية كتبها أنشودة المطــــر؛؛ حبيبتي... مدري كيف حطيتي مقارنة بين الثانوي والجامعة... بينهم فرق كبيـــر.. المدرسة..المسؤولية كلها ع الإدارة والجامعة..الطالبة مسؤولة عن نفسها بكل شيء(أقصد من ناحية الدراسة) حتى طالبة المدرسة مسؤوله عن نفسها بالدراسة لأنها كبيرة وتعرف مصلحتها فــ مايصير يخلونها تدخل وتطلع ع كيفها إلا بحآلة إنهم يغيرون نظام المدارس الى نظام الساعات .... ! بهذي أتفق معك.. وليش يكون النظام بالساعات المعلمة تشرح درسها واللي تحضر حياها الله واللي ماتحضر غياب! تقبلي وجهة نظري... كل الشكر لكـ

مقبولة .. والعفو غاليتي إنشودة المطر على إطلالتكِ ..

اقتباس المشاركة الأساسية كتبها a7n ، ، كثير من الانظمة نعتقد انها الافضل ولما نجرب غيرها نجد العكس المشكلة المسؤولين تركيزهم على تطبيق الانظمة وليس على التحصيل العلمي !!!!! ومثل هذه الانظمة ( التي تمنع الطالبه من الحضور ) هي التي جعلتنا في ذيل الدول علمياً !!! لو استعرضنا الكثير من انظمة التعليم لوجدنا بعضها 30 سنه والمشكلة الاجيال تتوارث على هذه انظمة التي اكل وشرب عليها الزمن والغريب كل جيل جديد ياتي ويدافع عن الانظمة بقوة انا برأيي اعطاء الطلاب اكبر مساحة من الحرية لان الهدف التربية والتعليم ولو استطلعنا اساليب التربية والتعليم في الكتب لعرفنا انها متاخرة عن واقعنا بكثير ناهيك عن تاخرها على المستوى العالمي بالاخير ماهي المشكلة لو ان اعطي الطالب او الطالبة مساحة كافية وعلى قولتهم الانسان عدو مايجهل !!!!!!! وشكراً لطرحك المتميز

كلمات رائعة ومُفيدة وتختصر ماأُريد إيصاله للجميع ..
فعلًا ماذكرت من حرية الطالب فهذا شيء مُهم .. وقد ذكرت ذلك في ردي على اخي ابراهيم

العفو أخي والشكر لك .. وفقك الله

اقتباس المشاركة الأساسية كتبها أبورامي أجل حنا الموظفين نبي نفلل نوم إلا الساعة 9 ونجي نداوم بس بشرط لايحسمون !!! الله يهديك وش الحدوثه هذي

فيه فرق كبير بين حرص الموظف والطالب!
الموظف 60% علشان الراتب والطالب 40% علشان التعلّم


وفقك الله اخوي ابورامي ..

[قـــصـــيـــة]

اقتباس المشاركة الأساسية كتبها هــمـم بريداويه والله مدرستنا كلن يدخل ويطلع على كيفه

(وشهد شاهدٌ من أهله)

طيب ياغالية قولي لهم ماهي السلبيات وماهي الإيجابيات

شكرًا على مروركِ ..

اقتباس المشاركة الأساسية كتبها أبـــو خـــالـــد النظام نظام أجل لو كل واحد يبي يجي على كيفه صارت فوضى

طيب يااخوي ليش ماصارت فوضى بالجامعة ؟!!

شكرًا جزيلًا لك ..

اقتباس المشاركة الأساسية كتبها alz3eem جزاك الله خير

وإياك ..

[الارجواان]

اقتباس المشاركة الأساسية كتبها هــمـم بريداويه والله مدرستنا كلن يدخل ويطلع على كيفه

شكلك بنفس مدرستي

لانهم وكالة من غير بواب
اللي بيدخل باي وقت يتفضل

[ريووف]

لامتى مافضت تروح البنت ؟!

[أنشودة المطــــر؛؛]

شلون غياب؟؟؟
أصلا المعلمة ماتغيب الطالبة الإدارة هم اللي يغيبون..لأن المواظبة عندهم ..مو مثل الجامعة تحضير و غياب وحرمان ومدري كيف...

[قـــصـــيـــة]

اقتباس المشاركة الأساسية كتبها فــيــفــي لامتى مافضت تروح البنت ؟!

لا على حسب ظروفها تروح البنت

أشكركِ على الإطلالة

اقتباس المشاركة الأساسية كتبها أنشودة المطــــر؛؛ شلون غياب؟؟؟ أصلا المعلمة ماتغيب الطالبة الإدارة هم اللي يغيبون..لأن المواظبة عندهم ..مو مثل الجامعة تحضير و غياب وحرمان ومدري كيف...

بــــــــــــــــــــــــــــــــــــــــس يخلون الغياب بيد معلمة المادة


أشكركِ على العودة

[متصفحة]

جواانا ..

تطلبين من الإدارة تغيير وجهة كاملة و كسر قوانين .. و تحويل نظام من اجل طالبة ..

ألا يجدر بهذه الطالبة معرفة حقوق المدرسة عليها

ألا يجدر بها تعلم القوانين و الإلتزام بها

وإن جعلوا الغياب بيد تلك المعلمة سوف تحرص البنت على الحضور خوفًا من الحرمان

لأن المعلمة بالتالي سوف ترفض إعادة الشرح لكل طالبة غابت عنه