[ابو رائد 2010]

أول شي توكل على الله وابحث لك عن بنت محافظة ومن عائلة محافظة والباقي سهل

[sssــlــيـoـآآآنــ]

الفقيرة إلى الله : المشكلة الحين يضحكون عليك الناس لا قلت شهر العسل بالسعوديه ،، صار شهر العسل برى السعودية موضة وتفاخر بين الزوجات ،، وأنا ماودي أظلم البنت وأخليه شماته للناس وأنا السبب !! وفقك الله

أبو رائد : أنا ماقلت شي تبي تسهل الأمور إن شاء الله ،، لكن ماتسلم من الناس يقولون أعرس ولا سافر هو وزوجته لأني أعرف واحد تزوج وحده تقرب لي وراح للطايف وضاع ويومين وهو راجع وإلى الحين لا جلسوا الحريم يقولون فلانه راحت هي وزوجه للطايف وضاعوا ورجعوا .. وفقك الله ورعاك

[أوتار سرمدية]

الله يزوجك أخ سليمان بنت الحلال اللي تسعدك وتهنيك وتقدر ظروفك عن قريب

[البقاء لله]

اعرس وتوكل على الله والله يوفقك

[كتكوتة]

خخخخخخخخخخ
هذا مو عذر والله ابد

[سامي بريدة]

الرجل بأخلاقه ودينه والباقي يهون

[Sultan1]

حتى انا مادل مثلك

بس معليك بنات الايام اهم شي توديها اهلها سوق ( كل الحركه داخلي)


وترا به بنات والله يدلن يارب تطيح بوحده منهن . الا ماتخبرلي وحده تتتزوجن بدون مهر .

[الوردة الحساسة]

شف ياأخوي سافر برا تدري ليش ؟؟؟
لأنه شي طبيعي ماتدل لأنه مب ديرتك
وأي واحد يروح برا ترا مايدل يمشي ويسأل
أتمنى لك التوفيق ....

[سويتز]

اللـه يوفقك أخوي .. بالنسبة لسوألك الأول : على حسب شخصية البنت فيه بنات يحبون السفر وفيه بنات العكس .. سوألك الثاني :اتوقع انه شئ لازم كتغيير وترفيه فـ مكة و المدينة فيها الخير والبركة وأنا رأيي مثل رأي عطاشنة الدم : تسافر وتتمشى قبل الزواج بالتوفيق ..

[مدير دبرة]

احسك من صدق وصديق.. وأنت قاعد تحاول تطمر هالحصاة ومانت قادر

لكن يابعدهم..
فيه وانا اخوك اشياء كثيرة اهم من السفر
واهم شي انك تختار ناس مثلك وشرواك.. يعني انت ماتحب السفر.. فيه بنات بعد مايحبن السفر
وبتسذا يصير مافيه حد أحسن من حد ..

ثمن ان السفر وش يبي..؟
اكيد تعرف تمسك الدركسون .. وتدوس بنزين.. وتخلي السيارة تمشي.. واذا بغيت تحول تفتح الباب..
يعني السالفة لو لقيت بنت حلال وذفة وذربة وراعية سواليف وتبي تتحضن لك الزمزمية وماغير تصب لك وتقهويك
فاكيد تبي تمشي وانت ماتحس

واذا على الدلولة.. فالقارمن يقوم بالمهمة.. وتقدر تركبه بالجوال ببلاش اذا كان جوالك من الجيل الثالث
او تشري قارمن نوفي بسعر 400 ريال ويوديك ياشيخ لو تبي دريشة غرفة بيت جيران عمارة بجزر الواق واق

وترى اهم شي الاخلاق وانت راعي صلاة وعلوم سنعة والا ....؟؟

[sssــlــيـoـآآآنــ]

مابوه نك : جزاك الله خيرا على هذه الدعوات المباركة ولك بالمثل إن شاء الله ..

البقاء لله : إن شاء الله تروح العقدة من السفر وأعرس .. أحسن الله إليك

كتكوته : عاد قدر الله إنه يصير هذا عذري .. شكرا لك

سامي بريدة : كلامك لا غبار عليه ولكن ياليت قومي يعلمون .. أثابك الله وسدد خطاك

Sultan1 : اللهم آآمين .. خابرن لك وحده عمره خمسين ما أبطى ميت رجله الله يغفر له كانك تبيه بدون مهر عطن خبر .. شكرا لك

الوردة الحساسة : الحين خليناعلى ماقالوا بربوع بلادي وممدينا على برى إن شاء الله .. وفقك الله

سويتز : اللهم آمين وإياك وكل مسلم ، وإن شاء الله أطيح لي بوحده ما تعدى الخبوب .. رعاك الله

مدير دبرة : شرواك الطيب أخوي الغالي ، لا تخاف أول من يدخل المسجد أنا [ اللهم لا رياء ]
.. شكرا لك ووفقك الله

[ولد الربوه]

الله يسهل امرك امييييييييين

[توست]

يارجال انت اذا اعرست واخذته مب لازم تسافر . وش راح تسوي يعني اذا ماسافرت تقبل ولا ماتقبل

[شباصه]

س / هل فيه بنت تقبل واحد ما يسافر به بعد الزواج ؟فيــــــــــــــــــــــــــــــــــه ملياااااااااااااااااااااااااااااااااااان
س/ هل يعتبر السفر شي لازم بعد الزواج ؟مااااااادري..