[صمت النار]

بالله هذا موضوع ..؟؟؟؟

مدري ايش الفايدة ..؟؟؟ وايش المطلوب ..؟؟؟

[ابو يزيد.]

اقتباس المشاركة الأساسية كتبها أحمر شفاة أخي أبويزيد شكرا على اسلوبك في الحوار مع الاعضاء سؤال ....؟؟؟؟ لما وصل الحال بالصومال إلى حد المجاعة ؟؟؟ وهي محاطة بدول تعلمها بمخططك الجغرافي ؟؟؟؟ لما وصلوا لحدود الموت ودفن فلذات أكبادهم على مرأى ومسمع أعينكم أسابيع والصيحات ليس لها صدى بل نفخ في رماد ؟؟؟ حملات وتبرعات سابقة للأخيرة تمخضت عن حمل كاذب!!! وعلى مسمع المثقفين ورجال الاعمال ينتظرون الصخب الاعلامي لنيل السبق ؟؟؟ أين هم وأين تبرعاتهم وخطوطهم الساخنة التي كانت مثلجة قبل دعوة الملك ؟؟؟ مات ويموت الصماليون جوعا والسبب الاعلام والتضليل الاعلامي الذي تخاذل عن نقل الحقيقة وتصويرالجوع الممييت في فطوروسحورمتشابهين بموت يبكي وأنت تتحدث عن طائرة وحملة بعد أن سبقنا المنصرون والمبشرون ؟؟ثم سمح لبصيص الاعلام أن يضيء !! لا تجادلني في جثث مسلمين ماتوا جوعا ونحن نتفكه رمضان جملة وتفصيلا السؤال ..؟؟ لما لم يتدارك من تشد بهم حزام حرفك الكارثة قبل وقوعها ؟؟؟ لن نكون أبطال رفات موتا الجوع فقد أرتكبنا جريمة بشعة بتركهم يموتوا جوعا لاسباب سياسية تخاذلية !!ونحن مهزومين أمام عدسات تبحث عن التصفيق ومن ثم تحويل وتحويرالانظارعن الحقائق التي بات يعيها صغارنا قبل كبارنا !!! تحيـــــاتي واتمنى الا تلقبني _بالبنت _مرة أخرى

نحن مخطئون من راسنا الى ساسنا


النصارى تبرعوا من اخر شهر7 وكل 8 وحنا اخويانا ماتذكروا يتبرعون الا بالعشر الاواخر
انا بنفسي شفت تقرير قبل رمضان ب 5 ايام يقول ان 30 الف طفل ماتوا فمابالك بعد شهر كامل


ولا ننسى استغلال المبشرين النصارى هناك حيث تواجدوا هناك من اول ايام المجاعة لاستغلال حاجة الناس وردهم عن دينهم وانا شاهدت المبشرين بنفسي يسيرون بقوافل


اما مسالة الحرب والجثث فالمسالة اكبر من ان تشرح بسطرين لكن الجميع يعرف ان في الصومال مجموعة الشباب المجاهدين وهم اقوياء والغرب يريد اشغالهم بالحرب حيث تتحكم اثيوبيا بالسلطة هناك ويوجد جيش اثيوبي كبير داخل الصومال واسرائيل لها يد فيما يحدث


لكن الله يعينهم وينصرهم

[غربة غريب]

هناك تقرير من الجزيرة ووكالة أخرى أن المخيمات التي تقوم عليها الحكومة العميلة التابعة لشيخ شريف
حدث فيها نهب وسرقة فانزاحوا الأهالي إلى مخيم ( آل ياسر ) التابع لحركة الشباب لأنهم أصدق وأخلص ،

الله أكبر اعتراف حتى من مخالفيهم ولله الحمد ،
بل حدثني من ذهب للإغاثة يقول أن الصوماليين يمدحون الحركة كثيراً .

فأشكر لك أخي القائد للمجد

الموضوع رأيته أول ما نزل فتأخرت بالرد لأرى ردود المطهبلين المتسرعين ،
بالفعل رأيت مايضحكني من كلام من يجهل الحال مع ذلك يتكلم بملئ فيه !!

[قائد المجد]

تخيلوا معي اخواني الاعزاء لو صرف 10مليون فقط على وجهها الصحيح وش يبي يصير اكيد ستختفي المجاعه بشكل كبير
كيف وهي 300مليون اخوف مااخاف انه تم التلاعب بمشاعر الشعب السعودي المسكين لمصالح خفيه الله اعلم بها.
^^^^^^^^
اخواني ترى التبرعات اللي جمعت للصومال مهيب سهله يعني بامكانها تغنيم بعد الله 10 سنوات او اكثر

[بريداوي 2014]

يمكن راحن بس ما علمونا

[قائد المجد]

اقتباس المشاركة الأساسية كتبها غربة غريب هناك تقرير من الجزيرة ووكالة أخرى أن المخيمات التي تقوم عليها الحكومة العميلة التابعة لشيخ شريف حدث فيها نهب وسرقة فانزاحوا الأهالي إلى مخيم ( آل ياسر ) التابع لحركة الشباب لأنهم أصدق وأخلص ، الله أكبر اعتراف حتى من مخالفيهم ولله الحمد ، بل حدثني من ذهب للإغاثة يقول أن الصوماليين يمدحون الحركة كثيراً . فأشكر لك أخي القائد للمجد الموضوع رأيته أول ما نزل فتأخرت بالرد لأرى ردود المطهبلين المتسرعين ، بالفعل رأيت مايضحكني من كلام من يجهل الحال مع ذلك يتكلم بملئ فيه !!

الشكر لك اخي العزيز اللي شرفت موضوعي حياك ولا تحرمنا من مشاركاتك الجميله اخي
كلام جميل جدا

[قائد المجد]

صوت بريدة
بريداوي 2014
صمت النار
^^^^^^
شكرا لكم

[ام البنات99]

اقتباس المشاركة الأساسية كتبها { صوت بريدة } الحمدلله على كل حال تصلهم أو ماتصلهم ، الواحد يحتسب الاجر ومايجلس يتمنن مدامت الدولة هي المسؤولة عن وصلوهم تبرى الذمه من المواطنين اذا تبرعتوا بعشرة وعشرين ، فالملك والمسؤولين تبرعوا بملايين

ليش اهم شي اني تبرعت تاصل اوماتاصل انت كذا ماحسيت بهم تبرعت بمكان غلط الواحد منا المفروض قبل مايتبرع يتاكد هي تاصل لهم اولا حرام هم اولى من هاالكلاب الي تسرق بااسم حملة التبرع
وبعدين لايغرك الكلام فلان تبرع بمليون او بمليونين كله اعلام وبهرجه لو المليار الي تبرع به الملك لحاله صحيحه اغنتهم عن الجوع فمابالك باالمليار مع الملايين

[ام البنات99]

اقتباس المشاركة الأساسية كتبها ابو يزيد. جزاك الله خير مع ان هذي الاخبار منتشرة وفيه اثبات بالصوت والصورة بس للاسف الاخوان ماكلفوا انفسهم بالبحث قاموا يرمون الاتهامات جزافا انا بنفسي شهدت بعض الجهود التي قاموا بها اما البنت اللي تقول ابغى اشوفهم يقسمون ....... تبغيني اضحك مثلا ...... يعني ماشفتي الاخبار ومعناه اصلا الصوماليين ماجوا ببالك اصلا ولا اهتميتي بامرهم

بحثنا ماوجدنا
اويمكن مانعرف نبحث ياليت تتحفنا ببعض المقاطع المثبته باالصوت والصوره من الحمله ووصول التبرعات لهم وتحسن حالهم

[برفسور ملتمس]

اذا راحت لهم 300 مليون ..

عقد لاعب من لاعبين الهلال بـ 50 مليون .. وراكم ماقلتوا حرام لاوبعد غير مسلم ..

كيف بقية اللاعبين ؟

نادي النصر الموسم الي راح خسر 150 مليون : لاحقق بطولة ولا أضاف شي ..

كيف بقية الأندية ؟

المفروض ماندقق ومانسوي مؤامرات دام الدولة متعهدة ، أحسنوا النية ..

يعننا فاهمين وحريصين ،

وملايين تروح بلاعبين اجانب ومدربين ولا واحد قال شي ..

وهالمساكين الضعافين يوم تبرعوا يدققون ويسوون حسابات ..

لو قبل التبرع كان نقول حرص واجتهاد ، لكن راحت وخلاص يعني بترجعونهن مثلاً ..!!

من سنين ومن ايام فلسطين ووصل التبرعات مشكلة ، وسبق أني كتبت رد حول هالنقطة قبل التبرعات ،

لكن مثل ماقال صمت النار/ موضوع ماله فائدة الآن ..

[قائد المجد]

اقتباس المشاركة الأساسية كتبها ام البنات99 ليش اهم شي اني تبرعت تاصل اوماتاصل انت كذا ماحسيت بهم تبرعت بمكان غلط الواحد منا المفروض قبل مايتبرع يتاكد هي تاصل لهم اولا حرام هم اولى من هاالكلاب الي تسرق بااسم حملة التبرع وبعدين لايغرك الكلام فلان تبرع بمليون او بمليونين كله اعلام وبهرجه لو المليار الي تبرع به الملك لحاله صحيحه اغنتهم عن الجوع فمابالك باالمليار مع الملايين

كلام سليم

[قائد المجد]

اقتباس المشاركة الأساسية كتبها برفسور ملتمس اذا راحت لهم 300 مليون .. عقد لاعب من لاعبين الهلال بـ 50 مليون .. وراكم ماقلتوا حرام لاوبعد غير مسلم .. كيف بقية اللاعبين ؟ نادي النصر الموسم الي راح خسر 150 مليون : لاحقق بطولة ولا أضاف شي .. كيف بقية الأندية ؟ المفروض ماندقق ومانسوي مؤامرات دام الدولة متعهدة ، أحسنوا النية .. يعننا فاهمين وحريصين ، وملايين تروح بلاعبين اجانب ومدربين ولا واحد قال شي .. وهالمساكين الضعافين يوم تبرعوا يدققون ويسوون حسابات .. لو قبل التبرع كان نقول حرص واجتهاد ، لكن راحت وخلاص يعني بترجعونهن مثلاً ..!! من سنين ومن ايام فلسطين ووصل التبرعات مشكلة ، وسبق أني كتبت رد حول هالنقطة قبل التبرعات ، لكن مثل ماقال صمت النار/ موضوع ماله فائدة الآن ..

شرفني مرورك اخي
ولكن لاتنسى ان اللي يدفع الفلوس رئيس النادي يعني المشجعين طالعين منها مادفعوا ولا ريال
ولكن هنا يختلف الوضع هنا يوجد استغفال بأسم الدين تبرعوا تبرعوا وتبرعوا الناس ولا شفنا شي دفع
للصوماليين
ارجع الى رد اخي غربة غريب
ورد الاخت ام البنات 99
تحياتي...

[برفسور ملتمس]

^^

ههههه ، وشو الي الجماهير مادفعوا ، جماهير النصر الموسم الي راح دفعت فوق مليونين + اصدرت بطائق على كل بطاقة 300 ريال ..!

غير الدعم من شركات الاتصالات ومن أعضاء الشرف الي كل واحد 200 ألف وقد تزيد ، ناهيك عن تقديم الاتحاد السعودي لكل نادي ، وجوائز الجولات والصحف والقنوات الفضائية ..!

وحنا يوم دفعنا 300 مليون أو أقل جلسنا ندقق هل ذهبوا ومابقى الا نجيب كم صومالي ونحجره بزاوية ونسأله جاك شي + نقوله [ أحلف ] ..!

كل انسان له وجهة نظره ، ولكن وجهة نظري طالما أننا دفعنا الملايين وانتهى الموضوع فلانفسد مادفعناه لأنه بهذه الطريقة قد يتوقف أحد المتصفحين لموضوعك بالدعم للصومال وأنت المتسبب ف بإثارتك لمثل هذه الاشياء ..!

لاتنسى أن موضوعك قد يصبح مصدر للمتصفحين ، وطالما أن الأمير نايف خصص جسر ودفع الملايين فلايجب علينا أن نتهم ونشكك فهي واصله وهم يتحملون ذممهم ..!

سؤال /

عندما تعطي الصدقة بالشارع لشخص طلبك هل تبحث خلفه وتراقبه هل تاجر أم غير تاجر هل محتاج ، ربما وربما وتدخل في عالم الوساويس ، وتفسد نيتك وربما تتوقف عن الصدقة من أجل هذا ..!

[قائد المجد]

اقتباس المشاركة الأساسية كتبها برفسور ملتمس ^^ ههههه ، وشو الي الجماهير مادفعوا ، جماهير النصر الموسم الي راح دفعت فوق مليونين + اصدرت بطائق على كل بطاقة 300 ريال ..! غير الدعم من شركات الاتصالات ومن أعضاء الشرف الي كل واحد 200 ألف وقد تزيد ، ناهيك عن تقديم الاتحاد السعودي لكل نادي ، وجوائز الجولات والصحف والقنوات الفضائية ..! وحنا يوم دفعنا 300 مليون أو أقل جلسنا ندقق هل ذهبوا ومابقى الا نجيب كم صومالي ونحجره بزاوية ونسأله جاك شي + نقوله [ أحلف ] ..! كل انسان له وجهة نظره ، ولكن وجهة نظري طالما أننا دفعنا الملايين وانتهى الموضوع فلانفسد مادفعناه لأنه بهذه الطريقة قد يتوقف أحد المتصفحين لموضوعك بالدعم للصومال وأنت المتسبب ف بإثارتك لمثل هذه الاشياء ..! لاتنسى أن موضوعك قد يصبح مصدر للمتصفحين ، وطالما أن الأمير نايف خصص جسر ودفع الملايين فلايجب علينا أن نتهم ونشكك فهي واصله وهم يتحملون ذممهم ..! سؤال / عندما تعطي الصدقة بالشارع لشخص طلبك هل تبحث خلفه وتراقبه هل تاجر أم غير تاجر هل محتاج ، ربما وربما وتدخل في عالم الوساويس ، وتفسد نيتك وربما تتوقف عن الصدقة من أجل هذا ..!

يعني تحلف انهم يبي يصرفون 300 مليون على الصومال ريال ينطح ريال
انت مافهمت اخي العزيز انا قصدي ان الناس كم لهم وهم يتبرعون ولا تقر اعينهم برؤية اخوانهم قد استفادو
من التبرعات لينامو قريري العين يعني بالعربي مانبي كل ماصار شي جاك بعض المتمشيخين ورز
نفسه بالشاشه وقال تبرعوا وبالأخير ماندري وين هي راحت التبرعات
شرفت اخي