[ديوان]

اقتباس المشاركة الأساسية كتبها همس الورد بنات الله يوفقكن ابي حل للغثياااااااااااااااااااااان

الله يسهل عليك اختِ مشكلة الغثيان انه يختلف من حامل للثانية , فيه احد يخف الوحم مع الخيار والبسكوت المالح وفيه احد ما يخف معه هالشي , وفيه احد يخفف الوحم حبوب تخفيف الوحم (نسيت اسمها للامانة ) وفيه احد ماتمشي معه هالحبوب والزنجبيل وغيرها , انتِ ماعليك الا تجربين , انا تجربتي مانفع معي كل هالاشياء الا اني اعتزل الناس 3 شهور لحد مايخف الوحم ثم ارجع لبيتي وامارس حياتي طبيعي , وشهيتي للاكل تبدأ ترجع مع الشهر الخامس
الله يعينك وكلها فترة تحملي خيتو والله يتمم لك على خير ويرزقك الذرية الصالحة ..

اقتباس المشاركة الأساسية كتبها اللام القمرية وبعد السلام....................انا تعديت موعد ولادتي وقالوالمستشفى لي ترقيد عشان نعطيك طلق صناعي وانا ابغى يكون طبيعي...............تكفون اللي عنده خبرة ترد علي بحل والله اني خايفه خاصه اني بكريه

اختِ الله يسهل عليك ويرزقك ساعة التساهيل يارب ,, اختِ بحملي الاخير خاس الولد ببطني ويوم رحت لمستشفى الولادة والاطفال قيدوني يبون يولدوني غصب وبطلق صناعي وطلعت على اساس اني اتعوذ من ابليس واجيهم بكرى وعفشي معي على اساس اني متعدية فوق الشهر عن موعدي ,, لكنهم كشفوا علي وخبروني ان الموية كويسة والجنين طيب والحركة طبيعية الحمد لله , وبعدها بفوق الاسبوع ولدت الحمد لله طبيعي ,, ماعليك اختِ الا انك تدعين ربك التساهيل وتشوفين اهم شي ان الجنين والموية والحركة طبيعية وربك يرزقك ساعة التساهيل يارب ,,

اقتباس المشاركة الأساسية كتبها حلمي المآستر تفاااااااااااااااااااااااااااعل كل وحده تقول تجارب الولاده وين ولدت وش غلطته وش سهل عليه بليز

الحمد لله ماغلطت بشي لكن اكبر غلط من كلام قريبات هو شرب الخروع او المرة او الحلتيتة ,,

اقتباس المشاركة الأساسية كتبها كيــآن مرحبـــــا،،اخباركم؟؟ ياحبيلكم انا حامل وبكر بالشهر الثالث..وكل مراجعه اسوي سونار عــادي؟؟لان وحده تقول لاتسوين دايم لانه خطر ع الجنيـــن؟؟؟؟؟؟

اهلا اختِ كيان >> ما ادري هل انتِ كيان الصوت ام لا

الله يسهل عليك اختِ ويقومك بالسلامة ,, حبيبتي السونار ماله اي مضار لا باول الحمل ولا باخره , وهذا كلام الدكتورة ومن تجربتي ايضا ,,

الله يتمم لك على خير ويقومك بالسلامة ,,

[دانوو]

الله يهون عليك ياقصمنجية من جد رحمتك..
الكتاب اسمه..الإفــادة فيما جاء من وردالولادة..
وأكثري من قول (أستغفرالله الذي لاإله إلاهو الحي القيوم وأتوب إليه)
فلها شأن عظيم في تفريج الكربات كما قال عنها د/خالدالجبير

وبإذن الله ماراح أنساك من دعووواااتي...

[أوتار الأمل]

قصمنجية الله يفرج همك ويخلف عليك ياحي ياقيوم ويريحك بالك .
أنا مأحب القطط أصلا لا من قريب ولا من بعيد لكن ماادري وشلون طلعت هالجرثومة بالتحليل
والحين قرب موعد ولادتي وبديت أخاف واوسوس ان الجنين فيه شي لا قدر الله

[اللؤلؤة المصونة]

السلام عليكم

مرحبا بالجميع
الحامل والي ولدت وخلصت
صراحه موضوعكم روووعه
ان شاء الله افيد وأستفيد

انا الحين في بداية المشوار
الله يسهل وييسر
توني داخله الرابع

همس الورد
اختي انا توني مخلصه من تعب
اول الحمل و خاصه الغثيان
انا عطتني دكتورتي حبوب خاصه للغثيان
و كانت تقول انهن عباره عن فيتامين
وما راح تضر ان شاء الله
اذا تبغين اسمها انا حاضره

[قصمنجية]

اقتباس المشاركة الأساسية كتبها دانوو الله يهون عليك ياقصمنجية من جد رحمتك.. الكتاب اسمه..الإفــادة فيما جاء من وردالولادة.. وأكثري من قول (أستغفرالله الذي لاإله إلاهو الحي القيوم وأتوب إليه) فلها شأن عظيم في تفريج الكربات كما قال عنها د/خالدالجبير وبإذن الله ماراح أنساك من دعووواااتي...

مشكوووووووورة دانوو

وياحبي لك عساك ماتشوفين اللي شفت

[قصمنجية]

اقتباس المشاركة الأساسية كتبها أم يارا قصمنجية الله يفرج همك ويخلف عليك ياحي ياقيوم ويريحك بالك . أنا مأحب القطط أصلا لا من قريب ولا من بعيد لكن ماادري وشلون طلعت هالجرثومة بالتحليل والحين قرب موعد ولادتي وبديت أخاف واوسوس ان الجنين فيه شي لا قدر الله

آميييييييييييييين
ياأم يارا

مشكوووووووورة ع الدعوات
وإن شاء الله تشوفين جنينك وهو بأتم صحة وعافية

بس طمنين عليك

[flowers]

كل عام وانتم بخبر بنات ديرتي ابسالكن مرة ثانية ماتعرفون وحدة قريب ولدت بمستشفى الحبيب وعند اي دكتورة وشلون خياطتهم لانه باقي لي اسبوعين واخلص التاسع وانا حاجزة عند الدكتورة ندى ولاعرف عنها شي لذلك ساعدوني الله يساعدكن بالدنيا والاخرة والله لادعيلكم وقت الطلق وكل الشكر لكن خواتي

[قصمنجية]

اقتباس المشاركة الأساسية كتبها flowers كل عام وانتم بخبر بنات ديرتي ابسالكن مرة ثانية ماتعرفون وحدة قريب ولدت بمستشفى الحبيب وعند اي دكتورة وشلون خياطتهم لانه باقي لي اسبوعين واخلص التاسع وانا حاجزة عند الدكتورة ندى ولاعرف عنها شي لذلك ساعدوني الله يساعدكن بالدنيا والاخرة والله لادعيلكم وقت الطلق وكل الشكر لكن خواتي

كل اللي اعرفهن ولدن قيصري فيه



الله يسهل عليك

[فيزيائية]

اقتباس المشاركة الأساسية كتبها اللام القمرية وبعد السلام....................انا تعديت موعد ولادتي وقالوالمستشفى لي ترقيد عشان نعطيك طلق صناعي وانا ابغى يكون طبيعي...............تكفون اللي عنده خبرة ترد علي بحل والله اني خايفه خاصه اني بكريه

ياعمري الله يهون عليك ذكرتيني بنفسي

انا بعد ماخلصت التاسع بثلاث ايام رحت للولاده تعرفين بكريه وماعندي سالفه حسيت ان حركة الجنين قلت وخفت عليه وهو طبيعي تقل بالتاسع بس تعرفين البكر انواع الدجه وخاصه اني مخبيه على امي عشانها تعبانه وماعندي احد استشيره
ويوم قلت لهم كذا قالوا لازم ننومك عشان نتابع حركة الجنين وتخطيط ومدري ايش
المهم وافقت وتنومت وبعد يومين قلت خلاص ابطلع لأنهم قالو لي الحركه زينه وكل شئ تمام
وعيوا علي قالو ماتطلعين قلت على مسئوليتي قالو لو تناقزين مافيه طلعه حتى على مسئوليتك
بنعطيك طلق صناعي واذا مانفع بنسوي لك عمليه
قلت عمليه ليش
وانا ماعندي مشكله ولاشئ ؟؟؟
قال الدكتور عشانك بس خلصتي التاسع وماولدتي ...
قلت طيب ماجا يومه والبكر معروف تطول وتاخذ من العاشر من اسبوع لثلاثه
قالو لا طلق صناعي ويزعجوني وانواع الأقناع واللجه اخر شئ وافقت على الطلق وبدو يعطوني التحميله اللي تفتح الرحم وعددهن 4 تحميلات كل ست ساعات وحده واذا فتح الرحم اشبكو لك الطلق مع المغذي
بس انا ماصار لي كذا
قلت مايعطيني اياها الا دكتوره ؟؟؟؟؟؟؟؟؟؟ رجال لا وألف لا
عطتني الأولى دكتوره والثانيه دكتوره والثالثه كان وقتها الساعه 12 بالليل مافيه دكتورات الا بالكشك وعيو جابو لي رجل وعييت قلت لازم دكتوره
وتخيلي ماعطوني اياها الا الساعه 12 الظهر وبعدين الرابعه دكتوره يوم خلصن الأربع ومافتح الرحم قالت جهزي نفسك للعمليه بكرره قلت لااااااااااااااااااااااااا لو تموتون
ومحاولات واقناع ولجه قالو اجل وقعي على مسئوليتك لو يصير للجنين شئ قلت ميخالف وبعدين جابو لي الورق يبوني اوقع وقالو لي قبل اوقع
بنعطيك التحميله الخامسه واذا مانفعت عمليه
قلت عطوني الخامسه بس عمليه لا
المهم عطوني الخامسه وقلت للدكتور انا صار لي اسبوع عندكم ابطلع وقت الزياره لبيتي وارجع لكم بعد الزياره
قال اوكي
وطلعت وتكبيت بهدب الأثل والله ياهو شئ رهيب عن الشمم والهواء اللي يأخرن الولاده
وعلى طول وهو يجيني الطلق والألم وارجع لهم بالليل قالو فاتح الرحم واحد سم
واقعد الى العصر من بكره وانا اطلق ويوم جاء العصر قالو يله للكشك
ويوم فتح الرحم معي 6 سم خلاص بولد طبيعي
ويقعدن يلجن الدكتورات وخرشني قالن نبي نجيب استشاري عاد وقتها متساويه معي قلت جيبن عشره مو واحد بس خلصني
ويجي باكستاني قال ياماما الجنين مايدفع نفسه وبدأ الراس يورم لأزم نولدك عمليه عشان الجنين

عاد هنا تقطع قلبي قلت كلش ولاالجنين موافقه بس لايجيه شي
ويشقلوني لغرفة العمليات ويولدوني وماصحيت الا بعد ساعتين من التعب لي يومين مانمت
وابو عيون مطير عيونه رافعينه لي عشان اشوفه
يالله ماأحلى هاللحظه تنسين كل التعب فيها

ادري كثير قرقي بس انتي ذكرتيني بحالتي وحبيت افيدك

الله يهون عليك وبشرين لاولدتي ع الخاص لأني قليل مادخل هنا
واي استفسار انا حاضره

[flowers]

ارجو الرد والمساعدة يابنات والله بحالة مايعلم بها الا الله

[إنكسار الظل]

... اسعد الله اوقاتكن بكل خير عزيزاتي ...

.. الله يعافي ويجزا خير اللي تحسب لي كم لي حامل ؟ ومتى ولادتي ؟ ..

.. جتني الدوره في 7 - 8 .. وخلصت منها في 13 - 8 ..

.. لاني مو عارفه وهذا اول حمل لي ولا راجعت عند مستوصف ولا مستشفى ..

.. وكمان عندي دوخه فضيعه لان عندي فقر دم .. مو عارفه شـ/سوي ولا اشتهي اكل ..

.. الله يعطيها لحد ماترضى اللي ترد علي ..

[الــ ع ــود الأزرق]

اقتباس المشاركة الأساسية كتبها flowers كل عام وانتم بخبر بنات ديرتي ابسالكن مرة ثانية ماتعرفون وحدة قريب ولدت بمستشفى الحبيب وعند اي دكتورة وشلون خياطتهم لانه باقي لي اسبوعين واخلص التاسع وانا حاجزة عند الدكتورة ندى ولاعرف عنها شي لذلك ساعدوني الله يساعدكن بالدنيا والاخرة والله لادعيلكم وقت الطلق وكل الشكر لكن خواتي

قريبتي ولدت فيه ..بسألها بكرا واردلك....الله يسهل دربي ودربك..

[الــ ع ــود الأزرق]

اقتباس المشاركة الأساسية كتبها إنكسار الظل ... اسعد الله اوقاتكن بكل خير عزيزاتي ... .. الله يعافي ويجزا خير اللي تحسب لي كم لي حامل ؟ ومتى ولادتي ؟ .. .. جتني الدوره في 7 - 8 .. وخلصت منها في 13 - 8 .. .. لاني مو عارفه وهذا اول حمل لي ولا راجعت عند مستوصف ولا مستشفى .. .. وكمان عندي دوخه فضيعه لان عندي فقر دم .. مو عارفه شـ/سوي ولا اشتهي اكل .. .. الله يعطيها لحد ماترضى اللي ترد علي ..

حبيبتي لازم تراجعين المستشفى كل شي بأذن الله ورعايته بس طريقتك خطأ..تحاليلهم وتعبهم كله لصالحك..الله يتمم لك..
ان شاء الله ولادتك حوالي 22-5 اذا الله يسر.. مو بالضبط لكن تقريبا..

والدوخه لازم بس حذاري من فقر الدم ويمكن الصيام تعبك زياده..المستوصف راح يصرفلك فيتامين وحديد يقويك..

[بنت برريدة]

قصيميه الله يخلف عليك..
وام ياارا اناا نفس الحاله قالت لي اااااااااااااماني بالفريح..
ورحت للولادة واخت تحاليلي قالت صادقه بس ان كنت تاكلين الفووليك بالأشهر الأولة ما عليك خلاف..

وآخيرن رحت لمستوصف بعنيزة (دله ) أو شي كذاا وزينت تحاليل وقالت موجودة ولكنهاا غير نشطه..

اللهم نسئلك تفريج الكربات وتسهيل ولادتناا وحياتنا..