[أم غمازات]

سؤالك / ليه ما يصير مكالمات و طلعات ؟؟

المكالمات معصي ما عندنا بنات يكلمن قبل العرس لاحقييين وش عجلين عليه اويلاااااه ؟!!
>>> اتوقع لانهم اذا كلموا بعض راح يطيرون بشباك المدري وشو ,, همن لو تنفك الخطبة قبل العرس يمكن يموتون و هم ما اعرسوا من جديد لان كل واحد متعلق قلبه بالثاني يوندرستاند ,, خليك مجهولة و هو مجهول عشان لو ما لو اثركم نوبروبلم ما وشسمه ...
استهبل على صقيقتي "حيوية جداااا تستحي من ظلاله على ما يقولون" اقوله كلميه قالت لا صوتي شين خخ !

اما الطلعات ما فيه أمل طلعة قبل العرس >>> لان لو فكيتي ملكتك وانت ما طلعتي معه تعتبرين ((بنت)) و تنخطبين من جديد و تعرسين و ماشية امورك تمام ,, بس اللي تطلع معه قبل العرس لو قدر الله و فكّت ملكته تعتبر ((مطلقة)) و ما يخطبونه عيال ما تزوجوا كل اللي يخطبونه يا مطلقين يا مدري وشو ...

أتمنى واضح كلامي و شكرا كثيرا ِ

[ياليت]

قولي لعمك يخلي بنت الناس عند اهله الي اوله تسذا ينعاف تاليه

نو تكليم قبل ازواج شبابناا مايفهمون يبي يقول وثره راعية خربيط القليل من هم من يفهم لالااسسسف

[قـــصـــيـــة]

اقتباس المشاركة الأساسية كتبها زهرةاللوتس نصييييييييييييييييحة اتمنى الكل يطبقها وأن شاء الله ما راح يندم لا تكلمين زوجك قبل الزواج ابدا ابدا لسببين.. 1)كل واحد من الطرفين بيوضح انة قمة في الأحلاق و الطيبة وبعد الزواج بينصدمون في بعض لانهم كانوا يتصنعون اشياء مو موجودة فيهم. 2) لو كلمتي زوجك برومانسية قال بينة وبين نفسة "هالبنت جريئة وما تستحي تكلمني هالالكلام وانا اعتبر غريب عنها شكلها راعية مكالمات" لان الرجل بطبيعتة شكاك حطوا تحت كلمة شكاك الف خط ولو كلمتية بأدب قال شكلي بطفش منها ومالها في الرومانسية والتدليع عشان كذا اتركي المكالمات وخلي الايام تعرفكم على بعض بصوركم الحقيقية بدون تصنّع او مبالغة. تمنياتي للجميع بحياة مستقرة

آمين

وجهة نظر نحترمها ونصيحة قد يستفيد منها الكثير

لكن اسمحي لي أنا اخالفكِ فليس من طبيعة الرجل شكاك .. فقط البعض القليل ويُسمّى البعض المريض ...!!!! عافانا الله مما ابتلاهم

أما بالنسبة للرومانسية في المكالمة أو الرسالة فالتي تعلم أنها لن تستمر على المجاملة والتصنع ولم تتعوّد على ذلك
فلا تخوض في هذه التجربة ..!


زهرة اللوتس شاكرة ومقدرة ماأدليتي بِه .. وفقكِ الله

اقتباس المشاركة الأساسية كتبها جروح الزمن ورقه هي مرحلة جميله قبل الزواج جميل ان تكون من ضمن الذكريات التي يعيشها الزوجين فيما بعد لكن على حسب البئية ايضا يعني هناك من اولياء الامور من لايعرف مثل هذه الامور ويعتبرها من الحرام والعيب الشنيع فلا يستطيع الشاب ان يتواصل مع مخطوبته ايضا لااويد المكالمات لانها ستطول لامحالة الافضل ان يكون هناك رسائل متبادله فيما بينهم صباحيه - تهنئه - معايده لها الاثر الجميل من وجهة نظري واراء البنات تختلف على حسب الي حوله ورقه شكرا لك من الاعماق

أحسنتِ عزيزتي فهذه الفترة كم تتمناها الفتاة التي أحصنت نفسها من الحرام!
لتعيش ولو أيام في سعادة وحب جميل بريء ^_*

كم سعدتُ بكلماتكِ الرائعة

اقتباس المشاركة الأساسية كتبها وَهجْ الدّعوَة|•• ورقة تطنّزين لأقنعتس --> يالغاليه كلّن له وجهة نظر

لا وربي وهوجه مااتطنّز .. صادقه أنتي والبنات وكلامكم عن نتايج الطلعة مُقنع

وجهة نظرك ووجهة نظر البنات على العين والراس

وأنا طرحت هالموضوع لإيضاح وجهات النظر المُختلفة والفوائد والأضرار

[joOojoOo بريده]

مادري ووش اقول البنات كفوا ووفوا
الله يوفقهم يارب
ويسخرهم لبعض

[متصفحة]

مابي أحلف ..

بس قوليله الوعد عقب العرس

أما اللي تقولين انهم تطلقوا غالبًا من البنت تكون ماحبته وهي بالساس مو أنها ماحبته بس
فترة ( فرث ووحم ) وتصير تكرهه ولكن بعد الوضع يقتلب الحال
ولكن ابنائنا وبناتنا قبل العرس يكون مافيه تأهيل لذلك يحدث الطلاق

قولي لعمك اعقلها وتوكل غذا كان مستخير عساها الخيرة المباركة يارب
وبالتوفيق لهم

[متصفحة]

مقولة قرأتها وأعجبتني .. وللأسف حال رجالنا على أغلب الأحيان

اقتباس مسكينة حواء إذا تبسمت لرجل ظن انها تغازله ... وان لم تفعل قال أنها مغرورة إذا تعلقت به حسبها ساذجة وإن لم تفعل قال انها لا تفهمه إذا كلمته بالهاتف قال انها تلاحقه وان لم تفعل قال انها لا تشتاق اليه إذا خرجت معه حسبها كغيرها وان لم تفعل قال انها تخاف منه إذا اعطته صورتها قال أنها غبية وان لم تفعل قال انها لا تثق به إذا احبته طلب منها الدليل وان لم تفعل قال انها كاذبة إذا صارحته بما فيها ثار عليها وان لم تفعل قال انها تفكر بغيره إذا كانت حساسة معه قال انها تافهه وان لم تفعل قال انها باردة إذا سالت عنه اصبح مغرورا وان لم تفعل قال انها تهمله إذا عبرت له عن مشاعرها قال انها كثيرة الكلام وان لم تفعل قال انها عديمة الاحساس إذا نظرت لوجهه كثيرا قال انها تقارنه بغيره وان لم تفعل قال انها من العصر القديم إذا سمحت له ان يعشقها قال عنها سيئة وان لم تفعل قال انها لا تتأثر به إذا طلبت منه ان يخطبها تهرب منها وان لم تفعل قال انها لاتريد الارتباط به

[قـــصـــيـــة]

اقتباس المشاركة الأساسية كتبها انكسار الم شوفي ورقه .. آببدي رأيي بس عاد لاتنطين بي تراي ماقريت ولا رد من هالردود .. أنا لطشت كلمة طلعه مع زوجه .. عاد بقولتس سالفه بنت الله يستر علينا وعليه طلعت مع خطيبها بعد الملكه .. بالأول الطلعه كانت بريئه بس لعب عليهم الشيطان وصار الي صار .. وحملت البنت ومع أنه بالحلال بس الرجل صار نذل وأنكر أنه ولده .. يابعدي مافيه شي إسمه أنكر إلا بالعصر الحجري! اليوم عصر التطوّر يعني يحللون الدم وغير الدم! ويجيبونوه مع علباتوه ويقولون يالخايس هذا ولدك غصبن عليك يالنذل بعدين يالغالية الخطأ مب بطلعتها معه اللي هو أصلا زوجها الخبيث ..! الخطأ بموافقة أهلها عليه ولا سألوا عنه مضبوط !!! لأنه مافيه رجل بمعنى الكلمة يخطب ويملك ويجرّها مثل الذيب وإذا خلّص منها بالحلال قال هذا مب ولدي ههههه فعلًا شر البلية مايُضحك! فـ لذلك الطلعه أحسه صعبه شوي بس الرسايل حلوه .. والمكالمات عن تجربة أختي ماتمدحه الرجال يتسذب وهي تسذب وكلن يمدح روحه .. ولا جا الزواج طلع المستخبي وكثرت المشاكل .. هذه وجهت نظري عن تجربه من الي حولي .. ومره ثانيه أقولتس لاتنطين بي .. وشوكراً..

العفو حبيبتي والشكر لحضوركِ وإبداء رأيكِ

اقتباس المشاركة الأساسية كتبها •°انكسار الأماني°• بصراحة بصراحة عمك سفيه , ووالله إنه بيسأل عن تصرفه تجاه هالبنت , إذا مادخلت قلبه يتركها لغيره , ومن يدري يمكن هالغير أمنيتهم تكون هي من نصيبهم ! يبدو مالقى ولي منصح يدله على فعل الصواب في مثل هالأمور المصيرية الحساسة الغير قابلة للمغامرة , وأجزم أنه راح يجي يوم ينفصل فيه عن زوجته أو إنه بيمشّي حياته بضغط نفسي رهيب لفترة ولكن هذا لامحالة سيؤدي للطلاق أياً كان نوعه , إذا من أولها يقول هالحكي والشباب عادةً يطفون وقت الخطبة بعكس البنات وعمك الله يصلحه يسميها البنت هه للأسف إذا عقليات شبابنا داون للدرجة هذي , تقل مغصوبين على هالبنات , ماحد الله بلاش زواج إذا كذا بيسوون , وإلا من باب يجربون بنات < يمكن ليش لا مشكلتهم سفهاء مايحسبون للضرر إللي راح يطولهن منهم , هم إذا حصل طلاق يطلعون منها بكل براءة ولاكأن شيء صار , أما هن فالمأساة تطول ,’ والله مصيبة هيك لابد كل بنت تتصل وتسأل >> ألو لو سمحت أنت مرتاح وإلا بتجربن هه * لفتة حول المكالمات قبل الزواج / أنا أأيدها لسبب واحد وهو ( لأجل أعرف مستوى تفكيره وثقافته ) وبعده لايتصل ولاأتصل , في حالة جاز لي كملت مراسيم الزواج وإذا ماصلح الله يرزقه الأفضل مني ويرزقني الأفضل منه , أما خرابيط المراهقين رسايل حب وشوق وطلعات رومانسية إلـخ من أشياء لو أسويها أطيح من عيني تقل ماصدقت أصادف رجل خلاص هو راح يكون جزء من حياتي المستقبلية طالت أمْ قصرت فلاداعي لإنفلات المشاعر خلال شهرين أو ثلاثة أو أربعة , بالعكس أنا أشوف إن فترة مابعد الملكة إلى يوم الزواج , فترة أختبر فيها مشاعري إذا هي مضبوطة أو يبي لها شد , يمكن أعجب فيه أشد مايكون الإعجاب ويشغل حيز لابأس فيه داخل فكري ولكن هذا لايبرر لي إنفلاتي معه عاطفياً ومشاعرياً , بقوة - وع - إني أفتح له قلبي تقل ماصدقت خبر ألاقي من يرقى لذائقتي وهو في المقابل إذا رجل ذهين بيقول داخل نفسه وش هالبنت << أنتِ خلي اللي يرقى لذائقتك يجي اللحين

أهلًا بإنكسار الأماني أسعدني جدًا حضوركِ

إنكسار لمستُ في ردك الكثير من القسوة والشدة والرسميّة والجدّ وبالطبع هذا يعود لوجهة نظرك

عزيزتي لاتكوني رسميّة وجادّة في جميع أمور حياتك فهذا سينعكس على نفسيتك وتعاملك مع الآخرين
كوني أكثر بساطة وعيشي يومك واستمتعي بكل دقيقة في حياتك سواء قبل الخطبة أو فترة الملكة أو بعد الزواج

أنا لا أُخالفكِ في التعرّف على مستوى تفكيره وثقافته قبل الزواج لكن قد تكون فيه صفات أفضل من مستوى تفكيره أو ثقافته
ولا تبخلي على نفسكِ بالإستمتاع والسعادة في تلك الأيام وتنعتيها بتصرفات المراهقين!!
فيكفيكِ أنها أجمل ذكريات

حبيبتي لن تجدي من يرقى لذائقتكِ .. فلا يوجد شخصًا كاملًا ..! فتنازلي لتعيشي حياة سعيدة

[قـــصـــيـــة]

اقتباس المشاركة الأساسية كتبها أم غمازات هلا وقوق > تدلع ورقة خخ شسمه ,, ادعي ان البنت اللي براس عمك تعرس عشان تطيح من خاطرة ثم يحب مرته .. الله يوفقهم و يسعدهم ..

إي والله يارب تعرس ونفتك والله إني أحبها الله يوفقها ويسعدها ويرزقها الزوج الصالح

آمين يارب الله يآلف بين قلوبهم جزاكِ الله خير أم غمازات

اقتباس المشاركة الأساسية كتبها أم غمازات سؤالك / ليه ما يصير مكالمات و طلعات ؟؟ المكالمات معصي ما عندنا بنات يكلمن قبل العرس لاحقييين وش عجلين عليه اويلاااااه ؟!! >>> اتوقع لانهم اذا كلموا بعض راح يطيرون بشباك المدري وشو ,, همن لو تنفك الخطبة قبل العرس يمكن يموتون و هم ما اعرسوا من جديد لان كل واحد متعلق قلبه بالثاني يوندرستاند ,, خليك مجهولة و هو مجهول عشان لو ما لو اثركم نوبروبلم ما وشسمه ... استهبل على صقيقتي "حيوية جداااا تستحي من ظلاله على ما يقولون" اقوله كلميه قالت لا صوتي شين خخ ! اما الطلعات ما فيه أمل طلعة قبل العرس >>> لان لو فكيتي ملكتك وانت ما طلعتي معه تعتبرين ((بنت)) و تنخطبين من جديد و تعرسين و ماشية امورك تمام ,, بس اللي تطلع معه قبل العرس لو قدر الله و فكّت ملكته تعتبر ((مطلقة)) و ما يخطبونه عيال ما تزوجوا كل اللي يخطبونه يا مطلقين يا مدري وشو ... أتمنى واضح كلامي و شكرا كثيرا ِ

أشكركِ على التوضيح بارك الله فيكِ

اقتباس المشاركة الأساسية كتبها ياليت قولي لعمك يخلي بنت الناس عند اهله الي اوله تسذا ينعاف تاليه نو تكليم قبل ازواج شبابناا مايفهمون يبي يقول وثره راعية خربيط القليل من هم من يفهم لالااسسسف

هلا بالغالية ياليت ليش ( نو ) نبي ( يس )

حبيبتي اللي يقول هذي راعية خرابيط وهو متيقن إنها زوجته هذا مب رجل ! وش هالتفكير الناقص !!!!
>> عصبت المره ^_^


شكرا لمروركِ غاليتي

[قـــصـــيـــة]

اقتباس المشاركة الأساسية كتبها joOojoOo بريده مادري ووش اقول البنات كفوا ووفوا الله يوفقهم يارب ويسخرهم لبعض

آمين يارب .. تكفي طلّتك حبيبتي ألف شكر

اقتباس المشاركة الأساسية كتبها متصفحة مابي أحلف .. بس قوليله الوعد عقب العرس أما اللي تقولين انهم تطلقوا غالبًا من البنت تكون ماحبته وهي بالساس مو أنها ماحبته بس فترة ( فرث ووحم ) وتصير تكرهه ولكن بعد الوضع يقتلب الحال ولكن ابنائنا وبناتنا قبل العرس يكون مافيه تأهيل لذلك يحدث الطلاق قولي لعمك اعقلها وتوكل غذا كان مستخير عساها الخيرة المباركة يارب وبالتوفيق لهم

صدقتِ ياغالية بارك الله فيكِ أسعدتيني بحضوركِ وكلماتكِ التي تبعث التفائل

اقتباس المشاركة الأساسية كتبها متصفحة مقولة قرأتها وأعجبتني .. وللأسف حال رجالنا على أغلب الأحيان

هذه المقولة أيضًا بإستطاعتكِ أن تعكسي كل كلمة وتوجهينها لحواء وتكتبين العنوان مسكين يا آدم
فـ رضا الناس غاية لا تُدرك ..!



متصفحة

[كفايه جروح]

بالعكس بعد المكالمات تتغير أشياء كثيره أنا بعد ماكلمت زوجي أنجذبت له وأرتحت ولا أول كنت خايفه منه

[الابريز]

يمكن لو تواصلوا بالرسايل زي ماقلتي كرهها اكثر
وش دخل الرساله والمكالمه انه يحبو بعض

ماله دخللللللللللللللللللللللل

اقتباس المشاركة الأساسية كتبها ورقـة خـريـف >> تحسون إن العنوان هوش السلام عليكم وش أخباركن خواتي وحبيباتي عمّي زواجه قرّب وبحكم أعمارنا متقاربه يفضفض لي ويقول إني ماحبيت البنت أبد ولا إرتحت لها من يوم أشوفها إلى اليوم .. ولا حتى تحمست ليوم الزواج أبد ! حتى مايسميها زوجتي يقول البنت !! آآآخخخ قهرني << عاضّه اصبعها من القهر ! الصراحة ماضاق صدري إلا على البنيّه رحمتها بالحيل حاولت أقنعه وأقوله ياابن الحلال خذ رقمها وراسلها وسولف معها أكيد بتنجذب لها وتحبها قال لأ أنا ماأحب هالخرابيط ! ( طبعًا الرومانسية تهج عنه وهو يلحقها ) لاتجي وحده وتقولي مثل كلام الأولين .. بكرا إذا تزوجوا يحبها سمعت كثير بنات تطلقن والسبب هي ماحبته أو هو ماحبّها أو ماارتاحوا لبعض يعني ساءت العشرة ..!! وبنات يقولن فترة التجهيز نتبادل أنا وإياوه الرسايل والمكالمات وماشاء الله تبارك الله متهنيات الحين الله يوفقهن يعني المفروض يتواصلون مع بعض حتى لو بالرسايل ع الأقل يحبون بعض ومافيه مانع لو تطلع معه مرة بالشهر هذا زوجها الله يوفقهم ويسخرهم لبعض يارب

[الابريز]

كونك تخافي هذا شي اما انه مافيه حب ولا راحه شي ثاني

اقتباس المشاركة الأساسية كتبها كفايه جروح بالعكس بعد المكالمات تتغير أشياء كثيره أنا بعد ماكلمت زوجي أنجذبت له وأرتحت ولا أول كنت خايفه منه

[عُباب]

اقتباس ليش مايصلح تكلّم وتراسل الزوجة زوجها قبل الدخلة وش فيها يعني من خطأ ؟؟!!!

لان ببيت أهله وكونه تكلمه وهي للحين مادخلت ببيته بالنسبه لي اعتبره جرأه
صحيح انهم تملكوا ويعتبر زوجه
بس ولو ما أأيد نهائيا انه تكلمه

[قـــصـــيـــة]

اقتباس المشاركة الأساسية كتبها كفايه جروح بالعكس بعد المكالمات تتغير أشياء كثيره أنا بعد ماكلمت زوجي أنجذبت له وأرتحت ولا أول كنت خايفه منه

صدقتِ يالغالية وهذا زبدة الموضوع

أحييكِ على هذا الرد وأشكر لكِ حضوركِ عزيزتي

اقتباس المشاركة الأساسية كتبها الابريز يمكن لو تواصلوا بالرسايل زي ماقلتي كرهها اكثر ممكن لو سمحت يااخوي توضّح لنا كيف يكرهها أكثر ! وش دخل الرساله والمكالمه انه يحبو بعض ماله دخللللللللللللللللللللللل

إلا لها دخل .. كيف مالها دخل وبالرسالة أو بالمكالمة يتعرفون على بعض أكثر ويرتاحون لبعض أكثر

أشكرك على تشريفك بارك الله فيك

اقتباس المشاركة الأساسية كتبها []للغموض تعبير[] لان ببيت أهله وكونه تكلمه وهي للحين مادخلت ببيته بالنسبه لي اعتبره جرأه صحيح انهم تملكوا ويعتبر زوجه بس ولو ما أأيد نهائيا انه تكلمه

ولو مانبي ( ولو ) بدون توضيح علشان نستفيد من سلبيات المكالمات مع زوجها !!


أسعدني حضوركِ غاليتي للغموض تعبير