[ابو شرين]

اقتباس المشاركة الأساسية كتبها فلونه ههههههههه اي تعصب اجل وش تبين اسوي لما اشوف احد يسب مدينتي اللي انا ساكنه فيها واسكت لا والله حاله

ما احد سب احد وش نوحك قلبناها حايل

ياناس نتكلم عن منطقة سياحية خارج البلدة الواحد ياخذ راحته وكل الفعاليات جنبك اذا تبي فعاليات والملاهي جنبك اذا تبي ملاهي حتى حديقة الحيوانات جنبك تخطيط صح مو تخطيط امانة بريدة

[ابراهيم الفهد]

اقتباس الموضوع تغير 180 درجة انا انتقادي فقط لموقع السياحة في بريدة

خلك عند دوار الساعه وجاي يا (بيي )

[ღ.. متآبع بصمت ..ღ]

ياخي مافيه مقارنه بين بريدة وعنيزة ولا 1%

وش هالهرج

يعني المفروض تقارن عنيزة بالرس والبدائع والمذنب وغيره

وتقارن بريدة بمدريد وميلانو ودبي وسان فرانسسكو (والله من قله ههههههه)

[عضو محترم]

ياشيخ يبي يشحطونه بتمر وما ادراك
ياخي واضحه بكل شي

[ليبرتي]

نعم كلامك صحيح
مكان المهرجان في عنيزة افضل من بريدة والراحه النفسيه للعوئل
واغلب الردود متعصبه

[فنان تشكيلي وشكيلك]

لووول

الحين هو يتكلم عن السياحه والطريقه والمكان وانتو ماصدقتو خبر قلبتوها مصارعه
المشكله اللي يشوفكم يقول وش الفعاليات والسياحه والاماكن الخياليه اللي ماتتفوت ببريده والا عنيزه وقاعدين تتهاوشون عشانها

[الكاسر20]

منتب عاقل ياتكساس ونيويورك كلهن سوى بس المساحه تفرق يابطل لا تمدح الا برى

[البعد الرابع]

اقتباس المشاركة الأساسية كتبها فلونه بـــــــــــــــــريــــــــــــــــــــــــــــــ ــــــــده وهنيه والجنه من يحصل له يجلس ببريده اللي مايبي بريده الله يعافيه يروح يدور على احسن منه انا لو اطلع من بريده كان اموت حسره اقول بس الله يخلف اللي انتم عيال بريده ......... واللي ماله خير ببريده ماله خير باهله >>>>>>>>>>>>>>>>>يحول ياالي ماله بريده<<<<<<<<<<<<<< بريدويه وافتخر واللي مو عاجبه ينتحر ويكتب على قبره منقهر وبعدين للمعلوميه بريده تاج القصيم كما تقول الانشوده >>>>تاج القصيم بريده عز سكن وجداني<<<<<< اعذروني ترا ناسيته ما حفظت الا تاج القصيم بريده من غلاته عندي

وانتي مصدقة ان اللي يكتبون ها الكلام من بريدة هذه طال عمرك تسمى المعرفات الجنوبية نامل من ادارة المنتدى الانتباه لذلك .

[زعيمة التمايمة]

آآآآآآآآآآآآآآآآيه الله يرحم زمان أول سياحتهم
تحت نخيله وقهيوتن يالله من فضلك وبيدهم مهفات
وسوالف تشرح النفس< الحين يقال عمره 80
وعنيزه وبريده واحد

[ابو شرين]

اقتباس المشاركة الأساسية كتبها الــكــاتــب ياخي مافيه مقارنه بين بريدة وعنيزة ولا 1% وش هالهرج يعني المفروض تقارن عنيزة بالرس والبدائع والمذنب وغيره وتقارن بريدة بمدريد وميلانو ودبي وسان فرانسسكو (والله من قله ههههههه)

اشكر مداخلتك لا يوجد مقارنة هنا بين عنيزة وبريدة قصدي بين بريدة وعنيزة علشان ما احد يزعل
المقارنة هنا بخصوص التنظيم وتخصيص منطقة سياحية خارج المدينة
العقيلات جنب الشارع التجاري ماتدري هذا يصلح سيارته او يتفرج
الحضاري بوسط البلد اتمنى يكون الموضوع ازداد وضوحا

[ابو شرين]

اقتباس المشاركة الأساسية كتبها عضو محترم ياشيخ يبي يشحطونه بتمر وما ادراك ياخي واضحه بكل شي

خخخخ يخليك ربي علشان التمر بصراحة بعض الردود عليها طلعات

على فكرة ترى الارصفة الجديدة من مصانع عنيزة تابعة للفهد لا تمشون على الرصيف خخخخ

اما عاد علشان تمر كثر منها
حدث العاقل بمالايعقل فان صدق فلا عقل له

[ابو شرين]

اقتباس المشاركة الأساسية كتبها ليبرتي نعم كلامك صحيح مكان المهرجان في عنيزة افضل من بريدة والراحه النفسيه للعوئل واغلب الردود متعصبه

في الثمانيات وفي صلب الموضوع اشكر لك المداخلة
فعلا منطقة مخصصة للسياحة وليست فعاليات مشتتة جلها بوسط الديرة وهذا هو الموضوع

تخيل لو كانت هذه الفعاليات في تلك المنطقة او على الاقل يصير فيه تخطيط اعلى مستوى

بمعنى مثل مافيه منطقة صناعية بالمنتصف يكون فيه منطقة سياحية بالمنتصف تشارك فيها الاماانتين منتهى الروعة ياهي بتطلع شي خوش شي

[ابو شرين]

اقتباس المشاركة الأساسية كتبها البعد الرابع وانتي مصدقة ان اللي يكتبون ها الكلام من بريدة هذه طال عمرك تسمى المعرفات الجنوبية نامل من ادارة المنتدى الانتباه لذلك .

لازالت العنصرية تنضح اتمنى زوالها

اول شي يالحبيب ماني من اهل الجنوب واحب اهل الجنوب والشرقية
ثاني شي انا اطلع معاي عائلة من اكبر عوائل بريدة بدون ذكر اسماء

لاجل المصلحة العامة كتبت

ثالثا ادارة المنتدى ليست بحاجة لتذكير فهي تراقب كل مايكتب ولا تعتقد انها ستترك الحبل على الغارب وتستطيع ان تميز الغث من السمين

رابعا واخيرا بريدة اولا وثانيا وثالثا ورابعا فلنتوقف عن المزايدات
اكرر الانتقاد موجه للتخطيط السيء من قبل الامانة
ولكي اكون واضحا اكثر من هذا
ليس انتقادا بقدر ماهو امنية وطلب من المسؤولين النظر في الموضوع وتدارك مايمكن تداركه في الحلقات القادمة وشكرا لك على المداخلة

[ابراهيم الفهد]

ابو شرين انت مشاركاتك 500 كلهن بهالموضوع


ماكد شفتك ياخوي ..: (