["..SWEET.."]

السلام عليكم
اختي ((حلوه بطلتي))عندك شارع الصناعه وقبه رشيد والحسون والمبارك......... الـــــــــــــــــــــخ هههههههه يهبلن

بعدين مو بس النخيل حتى العثيم والفساد بكل مكان كمّال الدنيا دحدر الله يستر انا بئذن الله اببدأ باالمقاطعه

اقولكم ذا الموقف حدث لاحدى قريباتي في احدى المحلات وكانت تحتري اخته تخلص وحاسبت يوم جت بتطلع وسمعت هواش مو طبيعي

اتوقع اللي باالشارع يسمعونه من طول لسانه ((الله يهديه))طبعا عباته مو عبات كانت لابسه فستان من كثر الخرابيش

اللي بعباته وكانت تهاوش على الحارس اللي يوقف ياخذ الاكياس وهي عيت تعطيه الكيسه فكان هواش الله ليوريكم

بس ناظرو قله ادابه والله رحمته مطمس وساكت صار الرجل ازين من المره اخلاق و حيا...........................

طبعا الحق مع الرجل ولاكن الرجال يسكتونه والمره طبعا ماوراه رجال يربونه


^

^

^

^


خخخخخلاص الجميع يبدا باالمقاطعه

[المتمردة]

لااااااااااا للمقاطعه اروح واشتري واتحشم وماعلي من السفهاء
وماتوصل للمقاطعه اجل الحين قبة رشيد مابه مغازل والله به اشد من المغازل الخير والشر بكل مكان

[طعس™]

احترنا بكم ياهل بريده
ان صرتي بتتقضين البسي لبس زي الاوادم مايجيك احد
اما تلبسين مخصر وماتبينهم يلاحقونك فمعصي

[عايشة بكيفي]

اخوي سيف الحقيقة عندي لك حل؟؟؟؟؟؟؟؟؟؟؟؟؟؟؟؟؟لاتودي اهلك لنخيل وبس .اماانك تبي تقاطع وتبينا معك نقاطع فكل ينام على الجنب الي يريحة؟حدكم القبة؟؟؟؟؟؟؟؟....وعلى فكرة الرجل مستحيل يتعرض للبنت الاذا كانت متبرجة فهمت ..لاوماشالله تبي سعودين يبيعوم قمة المهزلة...الناس وصلو القمر وانت نقاطع النخيل..لاتروحووريح راسك ..

[CR!S]

واللي مربي بناته تربيه صحيحه مايخاف الحمدلله

الا اذا كان بعضنا يشك في تربيته فـ هذا شي اخر

[هـــدوء الكـــون]

اول شي أدبوا بناتكم وشوفوا كيف يطلعون قبل تقاطعون .. واذا التزمت البنت بعبايتها ومشت مع اهلها مو مع (صديقاتها) ابد مافيه احد بيقرب لها [/center]

[أحلاكم واتحداكم]

خخخخخخخخخخخخخخخخخخخخخخخخ

شر البلية مايضحك

[أم جمانه]

المقاطعه ليس بالحل

[القصــ حزن ـيمي]

اقول تمت المقاطعه ولا باقي

[رحيل ,,]

الله يعافي المبلي ولا يبلانا ..

اللي يبي الشر يروح له برجليه ..

أنا ماأروح للنخيل .. بس كل سوق وفيه حقه من الفتن ..

[فكر واعي]

أولاً :- اشكر كاتب الموضوع , والذي كتبه قصده الأول و الأخير الخير , ربما أخطاء الطريق و اختار حلاً غير مجدياً في زمن فيه التطور ملحوظ و لا أظن أن يكون هناك من عندهم حماس للمقاطعة الا ما ندر , فالمشاريع آتيه لبناء هذه المجمعات لذلك لابد أن نرضى بلأمر الواقع

ثانياً:- لنبحث عن اساس المشكلة و ليس مجمع النخيل أساس المشكلة , فتبرج بناتنا هو السبب , ثقوا ثقة تامة لا شباب يتعرضون لبنات محتشمات في لبسهن فمن تبرجت و خرجت فهي تريد أن يلاحقها الشباب و هذا يشعرها بالسعادة عندما يلقي أحد الشباب عليها كلمة مثل (( الحلو ما يعطينا وجه ))

ثالثاً:- أنا أرى أن الأجانب اللذين يبيعون في المحلات لا يتعرضون لأي امراءة (( ماسكة طريقها )) اما اللي تلف و تدور فلا تلوم الا نفسها

رابعاً:- الشباب السعودي ما يصلح يبيع بالمحلات لأمور منها :- عدم انضباطه في العمل و اكثرهم يضايق النساء سواء بنظراته أم بكلامه (( لو يبعون السعوديين في المحلات كان صار الوضع زيطة))

اتمنى الا يكون أمر المقاطعة في كل شي نراه , فلندع المقاطعة تكون في مكانها الصحيح (( مقاطعة منتجات أي دولة تتعرض أو تمس الإسلام و المسلمين بسوء , وأكبر مثال مقاطعة المنتجات الدنمركية في سب حبيبنا محمد صلى الله عليه وسلم )) .

[شقاوة انثى]

الله يهدي المسلمين شبابهم وبناتهم

[noonoo3344]

تصدقون اخاف يصير اليوم الي يبون يقاطعون فيه
كل بريده هناك والاغلبيه من الي رادين بالموضوع << ترى عادي يصير للوداع
ههههه تخيلو اشكالهم..

[بسمة الأمل]

جزاك الله كل خير ،،،

اللهم لا تفتنا...