[هذيان حلم]

بنات خلونا نتفق نحط

جامعيه +دبلوم مسار عام


قهر بالدورات مايطلع معدلنا

والي يقهر زياده يتفضلن علينا اقسام ثانيه وهم مثلنا ماخذين الدبلوم

وش رايكم؟

تهى تهى تهى

[أمـاسـي]

بنات وش سالفة الاقامه انا مو من بريده وتابعه لمركز البكيريه و البكيريه كلها مركز واحد مافي رغبات ثانيه بريده على الاقل فيها خمس مراكز الاسياح وبريده ورياض الخبراء وغيرهم
وايش تاريخ التخرج؟؟؟؟؟ فيه تشهد جامعة القصيم انه بتاريخ 10-3-1430 تخرجت ----
وفيه مكتوب باخر الوثيقه تاريخ الطباعه 3-3-1430 ايهم اكتب؟؟؟؟؟؟؟؟ الله يحوس العدو على هالحوسه

[بكل فخر قصيمية]

السلام عليكم وش اخباركن يابريداويات مبروك فتحة الديوان جعله خير عليينا ((الله يعين عليهم بس
أقول موب كن التقديم تقل اختبار والله يوم جيت اقدم على الماجستير ماصار لي مثل هالتقديم وعندي كومة اسئلة ياحبيلكن
1_اللحين تاريخ تحرير الوثيقه وش نحط تاريخ التخرج ولا تاريخ الطباعه نااس تقول حطي كذا ونااس تقول حطي الثاني وانتم خابرين مافي مجال الواحد يحط اي كلام
2_الرغبات المكانية انا حطيت اول شي بريدة وثانيا الأسياح وبعدين لازم أحط الرغبات كلهن ولا احط اللي ابي وثانيا لازم اثبات أقامه انا سمعت انهم الغوا الأثبات
3_الرقم الوظيفي من وين أجيبة ؟؟
جعل اللي ترد علي عسى ربي يوفقه ويوظفن ويوظفه بالوظائف الرسمية ويفرج عني وعنكن كل هم يارب وه ياحبيلكن بعد

[أمـاسـي]

بناااااااااااااااات ياهووووووووو اقروا هالخبر

بخصوص إثبات الإقامة

هذا الخبر اللي نزل في جريدة الوطن

السبت 10 جمادى الأولى 1431

إلغاء شرط إثبات الإقامة لمتقدمات الوظائف التعليمية

عرعر: عبدالله الخدير
ألغت وزارتا التربية والتعليم والخدمة المدنية شرط إثبات الإقامة للمتقدمات إلى الوظائف التعليمية. وأكد مدير عام شؤون المعلمين والمعلمات بوزارة التربية والتعليم الدكتور راشد الغياض في تصريح لـ"الوطن" أمس أن وزارتي التربية والتعليم والخدمة المدنية اتفقتا على إلغاء شرط إثبات الإقامة للمتقدمات إلى الوظائف التعليمية على مستوى المحافظات. وبين أنه أصبح يحق للمتقدمة طلب التعيين في أي محافظة تتبع للمركز الذي تقدمت إليه. كما ذكر الغياض أن أعداد المراكز قلصت من 161 إلى 41 مركزا، بحيث يكون لكل إدارة تعليم مركز تقديم واحد فقط.
ونفى ما تردد حول إلغاء الخبرة والمؤهل الإضافي من عملية المفاضلة للعام الحالي، مؤكدا أنه لم يرد من وزارة الخدمة المدنية أي شيء بهذا الخصوص.
وبين الغياض أن الوزارة بصدد الانتهاء من حصر احتياج المعلمات للعام المقبل، وسيتم إعلانه خلال الأسبوع القادم، مؤكداً أنه لا صحة لأعداد الاحتياج التي نشرت مؤخراً

[بكل فخر قصيمية]

وه ياحبيلتس يأماسي عسى ربي يفرج عنتس كل هم اثبات الأقامة وارتحنا منه بقى تاريخ تحرير وثيقه التخرج وش اكتب احس الديوان يبي يشوتونن من كثر ماأكتب وامسح مدري وش ارسي عليه ابي اسجل وارتاح منهم

[وحيده بزمااني]

بنات انتم راضين تحطون الدبلوم دوره يعني يروح تعبنا سنه ونص على الفاضي وغير كذا فلوسنا ضاعت ولا استفدنا شيء بالنهايه نخليه الدبلوم اللي سنه ونص مجرد دوره


تدرون وش معنى دورات تدريبيه يعني بس تزودك نقطتين او ثلاث يعني ماراح تأهلك للوظيفه بس مجرد رفع نقاط

لازم نشوف حل ونتفق نروح كلنا لديوان الخدمه المدنيه ببريده ونقدم شكوىاو على الاقل يدرجون خيار لباقي التخصصات


على فكره ترى العام كانوا حاطين خيار لباقي التخصصات اما السنه هذي ماحطوه يعني محددين تخصصات للمسار الفكري

[خمائل مختاله]

شلون اسجل طلب بالموقع ..علمون ..تراني عليميه ..

بالتوفيق للجميع

[بكل فخر قصيمية]

اقتباس المشاركة الأساسية كتبها سماوة الخيال شلون اسجل طلب بالموقع ..علمون ..تراني عليميه .. بالتوفيق للجميع

ياقلبي انتي شوفي أكتبي بقوقل وزارة الخدمة المدنية بعدين أدخلي أول رابط واذا دخلتي الموقع أختاري طلبات توظيف نساء بعدين أختاري طلب جديد وبعدين أبدي أدهري عبي بياناتك وبس والله يوفقتس ياربي ..أدعي لي ياحبيلتس اني اتوظف الله العالم وش كثر انا محتاجه للوظيفه

[وردة بين الجليد]

عندي اثبات في بريدة هل اقدم على عقلة الصقووووووووووووووووووووووووووووور

[ألوان وتناتيف]

بنات يقولون أي محافظة تتبع للمركز طيب المركز أختاره من راسي ولا لازم اللي أنا تبعه >> يلعبون علينا ..

هذيان أنا أرسلت للدعم والمساندة هل نقدر نختار جامعية + تربية خاصة مسار عام .. إذا ردوا قلت لك ..

[فـرحْ]

8
8
8
حطي اللي تبين

واماسي الله يعطيها العافيه تقول الغوا شرط اثبات الاقامه

[بكل فخر قصيمية]

اقتباس المشاركة الأساسية كتبها ألوان وتناتيف بنات يقولون أي محافظة تتبع للمركز طيب المركز أختاره من راسي ولا لازم اللي أنا تبعه >> يلعبون علينا .. هذيان أنا أرسلت للدعم والمساندة هل نقدر نختار جامعية + تربية خاصة مسار عام .. إذا ردوا قلت لك ..

انتبهي تحطين اي شي من راسك تراهم يتهددون اي غلط ينحذف الطلب كله بكبره انا اقولك احسن شي تروحين انتي ولاتخلين أحد من اخوانك يروح يسأل وزارة الخدمة المدنية اضمن لك أنا شكلي بسوي كذا ويعلمونك الطريقة حقة التربية الخاصه

[ألوان وتناتيف]

موقع الخدمة المدنية للحين فيه شرط الإقامة ..

اللي يقصدونه إنهم قللوا المراكز بحيث إن المركز الواحد يشمل قرى أكثر بس لازم تكونين تبع المركز اللي تقدمين عليه ,,

هذا اللي فهمته ..

....................
ردوا علي الدعم ..

قالوا راجع تفاصيل الإعلان >> عسى ماتكلفوا

[حرم بندر]

الله يوفقكم جميع بالترسيم ..حبيت اسال انا حطيت الرغبات 1بريده واللي معه 2العقله 3 عيون الجواء 4رياض الخبراء 5 الاسياح ؟؟؟؟؟؟؟؟؟؟؟كذا صح ولا رغبه وحده فقط وش اكتب تبع الموسسهالتعليميه انا حطيت كليات البنات لاني متخرجه من كلية التربيه وجطيت تخصص نبات اول مره اسجل بياناتي صح ولا لا بالله ردوووووووواا علي مابي تعبي وسهر الامتحانات يروووووووووووح بلاش