[ساميو]

يابنات ديرتي
ساعدوني انا رجال متزوج وزوجتي مادرت عني
وماعمرها تزينت لي الا نادرا
ولسانها عمره ماقال كلمة زينه
وانا صراحه مدري وش اسوي
والمشكله عندنا بنت عمرها 4 اشهر
وش الحل
المشكله انا ماقصرت معاها ابدا
لكن مدري وين المشكله
ودائما تسوي من الحبة قبه
وائما مشينه النفس معاي
مع انها بالاول ماكانت كذا بس مدري وش اللي غيرها
ارجو الرد علي لو تكرمتوا لأنكم بنات او اناث وتعرفون بعض
تحياتي لكم

[مجموعة مشاعر]

شف الله يجزاك خير وسع صدرك وهذي ام بنتك لا يدخل عليك الشيطان بالوساويس

اذاكانت زوجتك خلاف ماتذكرالان يعني سابقا كنت جيدة المعاملة ثم تغيرت كليا يوم جابت البنت
شف نفسيتها ان كانه تعبانه اقصدحتى هي ان كانت مهيب مبسوطه ومرتاحة نفسيا فا اجلس معه وتحاوران وياه عن النقاط الي مضايقك
ترى كل الحريم يجن بالهون والهدوء
مشكلة الكثيرمن البيوت ان مافيه حوار ابد كل يجمع بخاطره لين يجي يوم وينفجرون كلهم
يمكن هي مضايقها اشياء بك مثل ماانت متضايق طيب لا تصير همك البنية وزوجتك ناسيها
اجلس معها وقل لها ان واالله يافلانه وش تغيربي عن قبل همن ادخل بالحوار
لا توجه لهااللوم بالبدايه خلها تقول كل الي بخاطرها

وانتبه ليكون مع زوجتك اكتئاب مابعد النفاس تراه شي غصب عن المرة ويحتاج صبرلين يخف وترجع زي اول

وان كان زوجتك مانفع معها الحوار
اجلس معها على سبيل التخويف لا التنفيذ
يعني قل لها واحدمن اصدقائك زوجته حلوة ولكنها مهملته ووووو ويفكر بالزواج عليها وش الحل تعتقدين المرة ذي تتغيروتتدارك عمره ولا يتزوج علية
اياك اعني واسمعي ياجارة
كتبت ذلك عل عجالة

الله يصلح بيتك وجميع بيوت المسلمين ويجعلها عامرة بطاعته

[~][][ريـــمـيه][][~]

الله يعينكم ويهدي بالكم ويسعدكم

أول شي .. لازم تراعي نفسيتها والحياة الجديده اللي تمر فيها

و اللي تشوفه من زوجتك شي طبيعي .. لانها هي تعاني .. يمكن انها تعاني اكثر منك

كل شي تغير عليها بعد قدوم المولوده الله يحفظها لكم .. للحين مافهمت بنتها .. للحين ما استوعبت

امومتها ..

وما نلوومك .. حتى انت بيكون جو البيت تغير عليك .. لكن لابد من تفهُم الاوضاع ..

ثاني شي .. اذا شفتها متوتره .. لاتكلمها ..

ومثل ماقلت اختي مجموعه .. المصارحه .. صارحها بالتغيرات اللي لاحظتها .. وذكرها بشخصيتها الاولى مع ذكر بعض المواقف ..

ولا تنسى تشكرها على كل مجهود تسويه لك والا للبنت .. وانكم ماتعيشون بلاها

الحاله اللي تمر فيها زوجتك يعانون منها الكثير من البنات في بداية اممومتهم .. وان شاء الله هي فتره وبتعدي .. مجرد ما تتأقلم على الوضع راح تبرد وتخف عصبيتها

والله يهنيكم ويبعد عنكم الهم

[مؤمنة]

يا أخي الكريم
شي طبيعي جدا اللي تمر فيه الزوجة
ما سمعت بما يسمى :::: اكتئاب مابعد الولادة ...هذا يصيب المرأة من ولادتها وقد يمتدإلى سنة وزوجتك ماكملت اربع شهور ارحمها شوي.
هل تعلم أنه في أمريكا ولو ترتكبإمرأة كحالة إمرأتك جريمة قتل لايحاسبها القانون...لانها ماكملت سنة بعد الولادة..
مايصيب الزوجة في هذه الفترة غصب عنها لان الهرمونات في جسمها في تغير ... فـ (الا فاستوصوا بالنساء خيرا)