[الـدعساوي]

السلام عليكم ورحمة الله وبركاته

اول شي امسي عليكم او اصبح عليكم بخير

ثانيا هذا الموضوع له اهمية في هذا الايام خصوصا انها ايام اجازة(تو الناس خلصت الاجازة)

طبعا انا سافرت مع الاهل للشرقية(فرح):D وشفت اشياء تضيق الصدر من شبابنا والله يخلف

كنت امشي على الساحل وافكر ولما كنت امشي اشوف شباب رافعين صوت الغناءوالثاني يرقص ووووو طبعا المكان مكان عوائل

شدني الانتباه(اخس باللغة) لما اشوفهم يدورون ويرقصون واشوف بعض العوائل تقوم من كانه

الصراحة شي يضيق الصدر لما تروح لشي فيه مثل هذه البلاوي رقص وتفحيط وغناء وامور نخاف ان الله يخسفنا بسبب هذه الامور

والامر الي ادهى وهو انك تشوفه يدور ومع ذلك رافع صوت المسجل يعني مايكفي ذنب له يبي ياخذ ذنوب البقية

امر والله يضيق الصدر والمشكلة مااشوف لاهيئة ولاغيره غريبه

وهو المفروض انه يكون فيه هيئة لكن الله يرحم الحال

وفيه موقف الصراحة مضحك وبنفس الوقت غريب

((وانا جالس امشي على الساحل شفت واحد رافع صوت الغناء الصوت قويولمى برقت(شفته) اثره لابس سمعات وزاعر المسجل

هالحين هذا وشلون يسمع هذا دليل انه شي بالنفس والشيطان حريص (يسوي مثل ماسوى فلان)

والواحد يكره يسافر علشان هالاشياء

واذا دام الامر هكذا اكتب على السياحة والسفر السلام البيت اصرف لنا من هالاشياء

وانا كتبت الموضوع لكم علشان نبحث عن حلول ونشوف السبب خلف هذه الامور القبيحة وندور له علاج(صيدلية الدواء)
بس بشرط مايدخل احد الا يكتب لنا لو واحدة علشان نستفيد واذا كان فيه احد من هؤلاء نفيده وستجنب هذا الامر.(وتذكر ان كل شي تكتبه ستجد له اثر) فلا تبخل علينا

انا بدا باول الامور وهو
1-اقول انا التربية الغير سليمة من الاهل وترك الحابل على النابل
2
-لو يفكر الشاب هذا انه يوم يبي يطلع هو واهله للمكان يمكن ماراح يسوي لانه شي موزين..
يالله نبي نزود...

واسال الله ان يجزي كل من كتب وافاد وان يجعله في موازين حسناته.

(اعذرون على غلظة الاسلوب لاني والله ماعندي اسلوب والكلام عامي)

[أبوثامر]

أسلوب رائع وممتع
ومشكلتنا أننا لم نفهم إلى الان حدود الحرية المسموح بها !
فمثل ماقلت إذا أردت أن تستمع للأغاني فليس شرطا أن أستمع أنا معك !
ضع سماعاتك وسمع على كيفك
مشكلة بعض الشباب من شدة فرحته بالأغنية وأعجابه بها ., يريد الجميع أن يسمعها !!
مشكور أخوي ..

[بريداوي ليمتد]

ليه الخليجيين ماتأذوا من عزوبيتهم؟

هل لان عزوربيتهم متربين وحنا لا؟

والا لان ماعندهم كبت من جميع الانواع اللي عندنا؟

والا لانهم مايخافون من الله وقالبينها دياثه؟

والا لانهم عرفوا يتصرفون ويتعاملون معهم؟

اساله لم استطع الاجابه عليها.

تحياتي

[الـدعساوي]

اقتباس المشاركة الأساسية كتبها أبوثامر أسلوب رائع وممتع ومشكلتنا أننا لم نفهم إلى الان حدود الحرية المسموح بها ! فمثل ماقلت إذا أردت أن تستمع للأغاني فليس شرطا أن أستمع أنا معك ! ضع سماعاتك وسمع على كيفك مشكلة بعض الشباب من شدة فرحته بالأغنية وأعجابه بها ., يريد الجميع أن يسمعها !! مشكور أخوي ..

ابوثامر اشكرك على المرور اخي
صح فهم فهموا الحرية انه تفعل اي شي صح اوخطا... هذا اللي فهموه

[الـدعساوي]

اقتباس المشاركة الأساسية كتبها بريداوي ليمتد ليه الخليجيين ماتأذوا من عزوبيتهم؟ هل لان عزوربيتهم متربين وحنا لا؟ والا لان ماعندهم كبت من جميع الانواع اللي عندنا؟ والا لانهم مايخافون من الله وقالبينها دياثه؟ والا لانهم عرفوا يتصرفون ويتعاملون معهم؟ اساله لم استطع الاجابه عليها. تحياتي

طبعا ليش الخليجيين مايتاذون من عزوبيتهم
انت تعرف دول الخليج ونظامهم واحمد ربك
ثانيا دول الخليج على ماقالوا متفتحين بس بشكل ثاني يعني سو اللي انت تبي افعل وزين اللي براسك.. والقصص كثار عن هالشي
مو مثل شبابنا في مكان العوائل دوران وغناء وغيره
طبعا انا ماقول انه صح فعل الخليجيين لانهم يفتحون باب ويصير الشي هذا عندهم عادي
ولا اخفيك في الشرقية رايت خليجيين يدورون ومولعين الغناء لاخر شي وهذا دليل ان عندهم مثل هذا الشي
بس نظامنا يختلف عن نظام الخليجيين وهذا معروف من ناحية الشرع مثل توجد النساء عندهم عادي فاتشات لكن عندنا لا متحشمات البعض والبعض نسال الله العافية..

هذا اللي عندي واشكرك على المرور

[الفارس الملثم]

أحسنتَ أخي الفاضل ، وكتبَ اللهُ أجرك على غيرتك ، وأشاطرك الرأي في ماذكرتَ من أسباب ، خصوصًا ضعف التربية ، وأضف لها كذلك ؛ حب جذب ولفت الناس إليه ، والفراغ الروحي الذي يعيشه الشاب ، كذلك ؛ الرفقة السيئة التي تعين على هذا التخلف ، وكذلك ؛ التأسي والسعي الحثيث خلف تخلف الكفرة من خلال مشاهدة الأفلام ؛ فيحاول تطبيقها على أرض الواقع.

اللهم اهد شبابنا وافتح على قلوبهم.

[الـدعساوي]

الفارس الملثم:اشكرك على هذه الفائدة النيرة اسال الله ان يجعله في موازين حسناتك

دمت:.

[برق1]

مهما ربى الناس أبناءهم , ومهما كثرت التوعية والنصيحة تظل الحاجة ماسة لقوة الدولة في حفظ أخلاق وأنظمة المجتمع
فقد ورد : " إن الله ليزع بالسلطان ما لا يزع بالقرآن "
فكثير من الناس لا ينفع معه إلا عصا السلطان , ولكن أين هذه العصا ؟!
يبدو أنها قد انكسرت , أو جعلها السلطان وقودا للتدفئة !

شكرا أخي الدعساوي 608

[فارس أمريكا]

اقسم بالله ياشباب التربيه تلعب دور كبير وأحيانن يكون الشاب يبي يلفت الأنتباه فيجيك معلي المسجل على اخر شي !!!
وبرضوا أنا اشوف فيه نقص بالتوعيه عندنا أنا واحد من الشاب ( علشان مايفهمن احد غلط ) فيه عندنا نقص بالحريه طبعا الحريه مهب حريه الغرب المنفتحه لا لا أنا اقصد أن الشاب لما يسوي مثل هذي الأساليب ...يكون عنده نوع من الحريه على مايفهما هو ,,, لوجود النقص عندنا بالحريه الصحيحه مهب غريب إنك تلقا مثل هذي التصرفات من الشباب فهذا اتوقع سبب رئيسي من اسباب هذا الشي .... وفيه نقطه برضوا احب اتكلم عنه الي هي ( الكبت ) او الضغط النفسي والله العظيم من شددة الضغوط والكبت شبابنا اعقل شباب بالعالم ,,, ياعالم ياناس حنا شباب فينا طاقات قويه جدا جدا نبي نستغل هذي الطاقات بشي يفيد نبي نصنع نبي نخترع ... للأسف الواحد عندنا تلقاه ذكي عنده طموح يبي يفكر يبي يقترح يبي يستفسر يبي يناقش !!! بس والله ماتلقا اي إنسان ممكن يستقبه مثل هذا الشخص يبي مين يدعمه سواءا براي أو بفكر .... بأختصار نحنوا نفتقد التعبير عن الرأي ونفتقد تطوير الفكر إيجابيا
اسف جدا على الأطال عارف الموضوع يمكن مايكون له علاقه بس كان شي احب اقوله بما أني واحد من المتضررين من الشباب .
وتقبلوا حالص تحياتي لكم,,

[برق1]

فارس أمريكا :
شكرا لكلامك الجميل

[الـدعساوي]

اقتباس المشاركة الأساسية كتبها برق1 مهما ربى الناس أبناءهم , ومهما كثرت التوعية والنصيحة تظل الحاجة ماسة لقوة الدولة في حفظ أخلاق وأنظمة المجتمع فقد ورد : " إن الله ليزع بالسلطان ما لا يزع بالقرآن " فكثير من الناس لا ينفع معه إلا عصا السلطان , ولكن أين هذه العصا ؟! يبدو أنها قد انكسرت , أو جعلها السلطان وقودا للتدفئة ! شكرا أخي الدعساوي 608

العصا موجودة ومانكسرت

بس وينها اكيد الجميع يدري وينه

الغرب هذا اللي يبي طبعا العصى معهم اذا صدر امر اوقرار منهم العصى طلعت

الشكر للك على مشاركتك

[الـدعساوي]

فارس امريكا:اشكرك على مرورك الرائع

[سحرالعيون]

اللة يهدي شبابنا ويخليهم لعين ترجيهم

[ضايق الصدر]

الله يهديهم

اصلا المسأله مب مسألة اغاني او هبال , والوضع عام في كل المجتمعات خصوصا اللي تقصده ..

عموما ً قد تكون هناك تربيه , ولكن تبقى الاخلاق كل شي ..
و تبقى الجينات الخلقيه هي التي تحدد الأخلاق

قد تجد الأهل يربون ويتعبون .. ولكن للأسف تجد اما الشاب او الفتاة ...... خساره ..