[صقر الجزيرة]

لا تشرهون علي يا أهل ديرتي وعشقي بريده وسؤالي :
من لك يا بريده الغالي غير أهلك الأوفياء نعم من لك لذا:
إلى متى التأخر والتباطي في تنفيذ أهم الطرق المستقبلية التجارية لعاصمة القصيم بريده
وهو:
طريق الملك فهد لا تقولون يشتغلون فيه لكن المصيبة بالتأخر بالعمل والتأخر في تنفيذه تفقد بريده مئات المواطنين الذين لا يأتون لبريده من جهة الغرب بسبب سوء الطريق خصوصا باليل
أيعقل هذا التأخير أيعقل يا رجالات بريده وإمارة القصيم ؟؟
فمتى نزف فيها إفتتاح أضخم طريق ينفذ بالمنطقة الوسطى وهو طريق الملك فهد ؟؟
أتمنى سرعة الإنجاز لتقفز بريده تجاريا على هذا الطريق ويكون رافدا لطريق الإمارة وطريق الشاحنات في توجه المشاريع الإستثمارية والتي تعتبر بريده محط أنظار تجار المملكة والشركات المحلية والعالمية وألظاهر طريق الملك فهد سيصبح فرع طريق الملك فهد بالرياض من حيث الضخامة والتوسع والناطحات والصالات والفنادق والمطاعم وغيرها وستذكرون قوة الطريق وأهميته لكن فقط تكاتف ومطالبات من إمارة القصيم لطلب السرعة وسوف ترون القوة التجارية تزحف إليه زحفا.

[المدلع]

ايه والله وانت صادق بس هاذهم يشتغلوون فيه الحين وتقربيا بيخلص
ماتشوفه قاااام ماشاء الله

[الراااااااكد]

فعلا فيه نوع من التاخير بس اشووف الجسوور كلها على وشك الانتها يعني انشالله ينتهي قريبا

[العديلي]

شكلك متحمس لطريق .....تراي حالف اول من يمشي علي الطريق انا ههههه .........يارب تحقق امنيتي

[غريب الطبايع]

المشكلة في الشركة المنفذة للكباري
أتوقع أنا عندهم ثلاث عمال يشتغلون
عمل الشركة بطيئ جدا وهذا لا يليق بالمشاريع
الكبيرة التي الأصل فيها تكثيف العماله والمعدات المستخدمة
للمشروع حتى ينجزفي أقصروقت ممكن ومن المعروف أن طريق الملك فهد من الطرق
الحيويةوالرسمية لمدينة بريدة والدليل على ذالك كثافة السالكين لهذا الطريق قي
كل الاوقات . لكن مانقول إلا الله يوصل صوتنا الى كل مسؤل عن الطريق
من البلدية وغيرها.............

[عبدالله الصالح]

والله لو كان بالرياض نفذ بأربعة أشهر؟؟؟؟

يوم يردمون .. ثم يلبدون؟؟ ثم يقشعون... وإذا إبتلشوا يرشون؟؟؟

طول طول طول والزهق واصل حده..

الله يفرج لنا فرج مبارك