[saleh1]

اقرائها واسكت ولا تتمهزاء احمد ربك لا تقعد تبلى
رحت انا والأولاد إلى المنطقة الشرقية لقضاء بعض أيام الإجازة الصيفية هناك وبعد التفرج والدوران ملينا من الدمام قالت لي الزوجة ألان لنا 10 أيام وصراحة ملينا من الدمام ومادام باقي في اجازتك مدة ليه ما نطلع سواء برا لنا كم يوم ونرجع على الاقل نذكر انك سافرت بنا برا ، قلت يا أم ماجد ستاهيلن وهل عندي أغلى منك ومن أعيالي اذا ما بسطتكم ابسط من ؟ اقلت المشكلة يحتاجون صورة لك قالت ما يهم اصور - فرحة بالملمولمة اول مرة تصور لشيء رسمي - ذهبت انا والمدام والعيال الى المصور قلت له اريد تصوير العائلة الاولاد جميع والمدام لوحده قال ما فيه مشكلة صور العيال وانتهينا منهم لكن عندما جاءت الام للتصوير - ابن الكلب طلب منها تشيل النقاب الي على وجهه ويريد يصورها وهي كاشفة وجهها قلت له معصي ما تكشف وجهه او تقرب لمها العن ابو خامسينك ولو صار الي صار تبي تصورها كذا صور والا دورنا استديو غيرك قال ياحبيبي لازم تكشف وجهه من اجل الجوازات والجمرك كيف هو يعرف هذي مدام وهي مغطي وجهه قلت له ما فيه بالجمارك حريم يفتشن الحريم قال لا قلت الشكوى لله صور وانت مغمض عيونك قال كيف قلته اوزن الكميره ثم غمض وانا افتش لك وجهها واضغط على الكميرا وانتهينا قال ما يصير هذا فيه كويس بعدين !! والا علمنى كيف اصور واترك التصوير لي انا ، الرجال عطاني الكميرا وقام وخرج وصورتها ثم ناديته وقلت له الآن من يبي يحمض الفلم قال أنا قلت لا يالحبيب نحمضة انا واياك وعلى شرط تكون مغمض عيونيك وأنا ادلك على كل شيء تبي تسويه الرجال ما أقتنع قال يالحبيب عطلتنا من شايف زوجتك ديانا والا سارة برجسون يأخي خلنى احمضها والا صورها فوري انتهينا - صراحة صحاني من النوم - قلت يأخي وين انت من الصبح وليه ما قلت لي صورها فوري وانهيتنا . المهم صورتها فوري واخذت الصور وذهبت للجوازات .لمهم
وقمت باستخراج جواز سفر للزوجة والأولاد وجددت جوازي المنتهى وصفحاته بيضاء (وصراحة ماني عارف لويش اطلعته) رجعت بالمفجاءة الكبيرة لأم ماجد ههههههههيه الجوزات طلعت . المهم متى السفرة يبه قلت بكره ان شاء الله وياطولك يابكره . وفي الصباح الباكر نرتب اغراضنا وعلى طريق جسر الملك فهد وندخل البحرين البلد فعلا جميل وماكنت اتصور انه في هذا الشكل رغم اني قد شاهدته بالتلفزيون درنا ولفينا بالبحرين كم لفه ومن منطقة الى منطقة الى أن تعبنا المهم ذهبنا نبحث عن شقق أو فندق أراد الله اننا نطيح بمدينة كل شيعة وحنا على وجيهنا ما غير ندرعم على ما قالوا انزل وأسأل عن الشقق صراحة اعجبتنى وبحكم اننا تعبانين لا زم ناخذها ونرتاح وبعدين يفرجها الله . اخذنا الشقة ونمنا صكه وحده من وسط الليل الى بكره بعد الظهر . قمت وصليت الظهر وأيقظت المدام والاود تجهز لنا الغداء نزلت اريد اذهب الى السوق لشراء بعض الحاجات ذهبت الى السوق وعينك ما تشوف الا شيعة بشيعة اخذت اغراضي ورجعت للشقة وأنا في الطريق ضيعت الشارع الي انا ساكن فيه واذا بمجموعة شباب اعمارهم ما بين 17 الى 35 سنة وعددهم 6 - 7 والظاهر انهم عرفوا اني (سني) ما يهم الجنسية المهم المذهب !!! من هيئتي وغالبيت شعبنا على المذهب طبعا بدأ الموقف بالمرور امام قدام السيارة محاولة منهم ان اصدم احدهم او اغلط على واحد منهم لكن تمالكت اعصابي وحاولت ان لا يستفزوني وحركة من هنا وحركة من هناك الا يوم وقف واحد قدام السيارة وقال انزل فتحت السيارة ونزلت القزاز وبدأدتهم بالسلام لتلطيف الجو شوي ما ردو السلام لانهم ناوين الشر قلت بنفسي الا والله رحت فيها واحد منهم قال انزل قلت وش تبي قال انزل والا نزلناك يا أبن الحلال -وهو الحرام اقرب والله اعلم – عدل بدل ما فيه فايده - وش تبي بالضبط قلي تراي مستعجل قال ولييه كل العجلة قال هات اذا كان معك فلوس قلت له صراحة ما معي لأني استعمل البطاقة ولا معي نقد الا المبلغ الذي اشتريت فيه الاغراض وانا في جيبي فلوس بس مايستهالون من يعطيهم – ( لكن نفسي تستأهل من يدفع لها كل غالي ) قال واحد خلنى اشوف جيوبك قلت صدقني ما معي والرجل لزم الا يبي يشوف جيوبي قلت له كم تبون قالوا أوووه معك اذا فلوس جيب الي معك كله المهم حاولت اقنعهم وابقي معي بعض الشي على الاقل لاسدد اجار الشقة المهم اخذوا الفلوس كلها اثناء كلامي والمحاولات واحد
منهم منسم هواء كفرات السيارة في الجهة الاخرى ضمانا لعدم هروبي وأنا ما حسيت عندما حركت السيارة واذا هي مبنشرة قلت الحين تخرب على الكفرات وبعدين من وين لك مكان كفرات في هذا المكان ومنين الفلوس لشرائهن ركنت السيارة تحت عمارة ونزلت امشي على رجلين وأنا بالضبط ما ادري وين اتجاهي قلت اطلع على الشارع العام وأسأل وأشوف وين انا بالضبط وأنا امشي اذ لحقني واحد منهم يعتبر الفتوة والطماع بينهم وقام يسألني من وين انا ووين ابي اروح وبالضبط هو يبي شوف انا معي باقي معي فلوس والا لا المهم قلت يأخي صدقني انك عجبتني باخلاقك وتصرفاتك – وهو العن العش على ما قالوا - اقسم لو كان معي شىء لعطيتك اياه هديه بنفس راضية لكن ما صدق الا بعدما فحص جميع الاوراق وجيوبي وايقن ان ما معي ولا عود مناقش قال رح ، - قلت الحمد الله افراج ياهلا – وانا امشي واذا بثلاث اطفال اعمارهم ما بين 11- 14 سنة كانوا يراقبوا الوضع من بعيد واستلامي بعد انصراف الكبار عني المهم واحد منهم قال جيب الفلوس الى معك قلت لهم صراحة ما خلو معي فلوس جميع الفلوس الى معي اخذوها المهم ما صدق الرجال قال قرب اشوف جيوبك قلت بنفس ما بقي الا المبزرة تفتش جيوبك يابوماجد – الا ترادى حظك ×××× الرعيان - قلت يالله طسو ناك وأسوي نفسي لي هيبة وكرامة المهم ما هم راضين ينقشعون واخذت امشي وازيد المشي حبتين الى صار المشي هرولة وزادت الهرولة ركض دبكة واماقط وقفز حواجز كان اثنين منهم راكبين سيكل 20 وواحد يركض وراي المهم تعبت – ما معي لياقة – ذيك الساعة عرفت وش فايدة اللياقة . وراي وراي ويحدني راعي السيكل ويوقفنى قال جيب الفلوس الي معك قلت يأبن الحلال ما معي فلوس واحاول لص منهم ما فيه فايده واذا بقطعت حديده تشبه الابرة الكبيرة طايحه بالارض والله واخذها واخز بطن راعي السيكل يوم صرخ .. واركض ويركضون وراي .... وراي اقبلنا على ذاك التقاطع وكان فيه مجموع شباب ومعهم حمار كبير – اقصد رجال كبير – عمره يمكن في الخمسين اذا العيال الى وراي يصوتون ردوا الحرامي ردوه يابو حسين رده ويمسكني والله ابو حسين - الين منك يالنشبة - ابو حسين قال وش فيه وش سول لكم قال راعي السيكل انه (×××× ) عندنا بالعامية (×××× ) بمعنى اصح ×××× باصبعه باللغة العربية ما أدري دوروها وأفهموها - قلت في نفيسي ايا والله البلشة وش هالكلام الي يقول يبي يروحنا فيها ابن الكلب ، قلت شف يابو حسين انت رجال كبير وفاهم عيب الكلام الي يقوله .وأنا طال ... وما دريت الا وهذا الكف يجيني ويلحقه كف ثاني وبعد الكف يحليه له بكم لكمة بكس وركب وكل انوع حركات الضرب لكن تصدقونني انا ما قاومت ولا حسيت بكل ضربه لأني أغمي على من ثاني لكمة بكس المهم أنتبهت وذا بي بمستشفى ومرقد فوق السرير وبغرفة لوحدي والوضع ما ينحسد عليه المهم قلت على الاقل افتكيت منهم ، يمكن يكون الخروج من المستشفى هو انفراج الازمة ، صراحة بي بعض جروح والكدمات لكن ما يهم أهم شيء شاغل بالي الآن اعيالي اللي ينتظروني ولا يدرون ون انا من رحت من عندهم اجيب لهم غداء . الساعة الآن الثالثة فجرا قمت اتهادي شوي شوي لدورة المياه وتوضيت ورجعت اريد اصلي العصر والمغرب والعشاء لكن ما أدري وين القبلة ورحت الى الغرفة المجاورة اريد اسألهم عن القبلة يوم دخلت سمعتهم يدعون – حيدر - علي - حسين - افلان ياعلان – قلت تنعاف من اولها . يأبن الحلال صل على أي اتجاه وربك يسهل " وأين ما تولوا فثم وجه الله " دخلت غرفتي وصليت العصر ثم المغرب واثناء صلاتي العشاء جاء ممرض ودخل علي وجلس ينتظرن وبعدما انهيت صلاتي اللتفت عليه واذا الشرر يتطاير من عيونه بعدما عرف اني سني واعالج في مستشفى شيعي !!!!!!

................ ا لى هذا يكفي اليوم وللموضوع بقية ........

[خوي السرور]

هههههههههه موقف لاتحسد عليه ..

بانتظار التكملة .. وخذ حذرك من بعض الكلمات

[<..الحكيم..>]

مواقف صعبة ..

الله يكرهم هالشيعة خبيثين ..


بانتظار التكملة على أحر من الجمر ..

[أبوعبدالملك]

،




بانتظار تكملة السالفة..



،

[أسد بريدة]

ألا أنت وش موديك لم هم


والله يا نا رحمتك بعد كل هذولا عليك

[عمر اليحيى]

متابع بصمت

[ســـنـــايـــدي]

يارجال البحرين كلهم ماشفن منهم خير مايروح هناك اسعودي الا وهو جايه شي ...

اذكر مره رايحن للبحرين ومستانسين امر عاد ندخل بحارة ندور شقه ويمين يسار ضيعنا الطريق وعاد سألنا راعي سيارة ولا هو يناظر الحريم <=== ياليتن ببريدة اوري الشغل
عاد راحن عنه وبد كم شارع ( حتى شوارعهم صغار تقل بالخبيب) شفنا واحد ثاني ونسأله عاد قال امش وراي وادلك على ازين شقق مفروشه ولا هو يودين لحارة شبهه عاد حنا خفنا منه وديورنا ونرجع ونخليه ونروح مع اللطريق الاول نمشي مسرعييييييييييين من الخوف الين طلعنا من البحرين وصنا لم الجمارك وقفنا نرتاح وشوي غفوه عاد طلعنا من البحرين إلى الدمام وحسينا اننا بنعمه وآمان الحمدلله.... عاد وحنا راجعين للقصيم محرمين نطلع برا السعوديه... والله العظيم خسارة حاط الملك فهد الجسر

[saleh1]

بعد ما خلصت من الصلاة مسكني بزمعي وسحبنى لمكتب فيه باقي الدكاتره والممرضين وقال أوقف هنا عند الباب من الداخل وراح يوشوش معهم وانا طارتن عيوني بهم وما غير هاجن اثمي ، قالا لهم كلام ما أدري وش هو المهم اخذني من عندهم ورجعني لغرفة ثانية يريد يأخد منها أغراض وقام يفتش بالادراج سألني عن اسمي ومنين انا قلت من القطيف قال ما بان عليك انك من القطيف ، قلت له اصلنا من هناك ، وابوي مسؤل كبير في وزارة الخارجية - طبعا كل هذا نصب بس يمكن يتعاطف معي - بدأ يهز رأسه ما أدري صدق والا لا وفي نفس الوقت جلس جواله على الماصة ومع الخبة طلع ما أدري وش راح يجيب المهم ويوهقني الشيطان وأخذت الجوال والفه في فانيلتي من داخل وانشبه بالسروال وآقف كأني ما سويت شىء ، الرجال جاء واخذني لغرفة ثانية غير على درايشها شبك وادخلني وراح ، الغرفة فيها الله يعزكم دورة مياه قمت ودخلت فيها اريد اتصل بأي شىء المشكلة ما أدري كم رقم دورياتهم ولا شرطتهم ولا سفارتنا ولا في ذاكرتي اي رقم قلت اتصل على اخواني واعلمهم بالسالفة يتصلون بالسفارة أو يشوفون لي حل المهم ما سمعت الا اصواتهم داخلين الغرفة اذا هم خابين الدنيا يدورون الجوال يتصلون عليه بس لا تخاف اخوك ( ذيب ) حاطه على الصامت ، المهم يتصلون ما يسمعون شىء يرن ولا احد يرد مام واحد ملقوف وارسل رسالة يوم بانت الفضيحة - اهتزن خصياتي ورن الجوال - معلننا استقبال رسالة وفاضن امري - وخذ عاد عينك ما تشوف الا النور أنواع الضرب " تسرق الجوال يا ....... ويا ...... وأنا ضايعتن بي الطاسة ما عندي رد ، أخذوا الجوال بعدما اشبعونا ضربا مبرحا " (حلوة مبرحا ) جازت لي - راحوا وتركوني المشكلة اعيالي هالحين من امس ما يدرون عني وينتظرون اجيب لهم الغداء لا عادت عليه ، ومشكلتي أمرتي خوافة وذروقه والعيال أردى ، هالحين اكيد مشغولن بالهم بي وين رحت وليش ما جيت ، قلت ما لي الا أدبر نفسي بأي حيلة المهم اطلع وهاك تفكير مع العلم ان المخ ما عاد يجمع وفي النهاية لا يمكن اطلع من المشتشفى بسهولة مع العلم أني ما فني الا كدمات بسيط خلاص طلعوني ما هم راضين ، كل ما قلت لهم شىء تنهزرون ، قلت الامر بسيط اغديهم يحولونني على الشرطة لأن الموضوع فيها ضرب بالبداية وياليتهم يحولونن بس اطلع من هنا .

الى هنا وأكتفي .

اذا انتم ما مليتوا كملت ....

[خوي السرور]

لالا كمل مستمتعين ..

[أسد بريدة]

اقتباس المشاركة الأساسية كتبها خوي السرور لالا كمل مستمتعين ..

نجيب القهوة والشاهي

[ســـنـــايـــدي]

كمل كمل لا يروح الحماس هههه

انتظرك

[ســـنـــايـــدي]

لاتكتب آخر شي منقول ولا حلم حلمته في الليل

[العجيب الرهيب]

تكفى كمل حلوه مره

[الطاحونة]

لا..لا.. كمـــل يا نجيب محفوظ...!!