[خوي السرور]

السلام عليكم ..

حيا الله القدعان ..

وشلونكم طيبون ؟!

اليوم أبعلمكم عن سالفتي مع هاكـ الخيل الله لايعيدهـ وبالصور !



***********************

في ذات يوم جميل .. وطيور الدخّل تزقزق في الجوار ..

كانت بريدة في وقت العصر وأنا منجطلن ببيت جدي العزيز >>> أبوك يالروائي ..


وإذ بي على حين غفلة أتفاجئ بالجوال يرن .. ترررررن تررررررن ..
ترررررن تررررررن ..

تررررررن ترررررررن ..

طوريطيط >>> هذا الشحن يبي يقضي

خوي السرور : السلام عليكم >>>> نسأل الله الاخلاص

المتصل : وعليكم السلام .. كيف الحال ..

** جزء من المكالمة مفقود **

المتصل : المهم أنا بطلع لعز الخيل اللي بالبصر تخاوين ؟

خوي السرور : طيب أحتريك تمرن >>>> أبوك ياتوفير البنزين

المهم مرن وركبت أنا وأخوي معه .. ورحنا لعز الخيل ..

وعندما وصلنا ..

ركب ابن عمتي ( وكان هو المتصل ) تلك الفرس واسمها ( انتصار ) ..

وأخذ له كم لفة بالميدان .. وكما يقول المثل ( الميدان ياحميدان ) ..

وبعدما انتهى .. جاء دوري ..

فامتطيت صهوتها .. وانطلقت ..



وأخذت أدور في الميدان كفراشة جميلة تبحث عن الزهور >>>>


وبينما أنا أركض وأتسكع في الميدان ..



جاز لي الوضع فأمرت الفرس بأن يسرع بي قليلاً ..





ثم أسرع بي أكثر :






وحينها تفاجئت بأن دوري انتهى ويجب علي أن أتوقف ..

فطلبت أن آخذ دورة ثانية فوافق أخوياي >>> راحت اللغة الله يخلف

ولكن الخيل لم يوافق ..

حيث أنني يوم انطلقت للدورة الثانية توقف في ربع الطريق

وديور ..

ياولد كمل طريقك .. وأحاول أن أعيده إلى مساره .. ولكنه رفض وأخذ يرافس


ولكنني سويت نفسي فارس مغوار .. ( خصوصا أن الجمهور ذاك اليوم واجدين ويتفرجون من المدرجات ) ..

وأجبرته على الدوران لكي أكمل دورتي ..

وإذ به يغضب
وينطلق بي إلى أقرب نفود

وأنا أسحب اللجام .. توقف ياولد ..

ولكنه غاضب .. ورقى بي النفود ..
( طبعا الجمهور متحمسين يبون يشوفون وش نهاية هالمطفوق
:083:

المهم .. يوم رقى بي النفود وشاف أني ماحولت .. ومتشعمط بكل قوتي

وإذ به يديور وينزل من النفود بسرعة
بصراحة أنا خريت الزيت ..


ويوم نزل من النفود وشاف أني ماطحت .. راح للمدرجات اللي به الجمهور ..

وأنا أجرجر اللجام أبيه ياقف .. بس أنه طااااااير مادري ..

والله ويرقى بي حدا المدرجات .. وأثر قدامي واحد دبي ويتقهوى ..

يوم شاف أني ناحرهـ ومير ينط ويهج من طريقي


المهم الخيل بعد هواش وجرجرهـ رجع للميدان ..

ومير يطير بي وأطيح

طبعاً الجمهور ماتوا ضحكـ .. وأنا ماوقفت ألا بالسيارة والدموع تملآ عيني الجميلتين ..


توتهـ توتهـ .. خلصت الحنتوتة ..


** مايستفاد من القصة **

1 ـ يجب أن لاتسرع في القيادة .
2 ـ الرضا بقضاء الله وقدرهـ ..
3 ـ يجب طاعة الخيل مهما أمرك به وإلا فمصيرك المسوط ..
4 ـ علموا أولادكم الرماية والسباحة وركوب الخيل .
5 ـ إذا ركبت الخيل لايصير حولكـ نفود .
6 ـ ستعلم إذا انجلى الغبار .. أفرس تحتك أم حمار .
7 ـ إذا رن التلفون وجيت تبي ترد .. لاتقول ألو .. قل : السلام عليكم .
8 ـ أعقلها وتوكل .
9 ـ الخيل من خيالها .
10 ـ لكي تتعلم يجب أن تحاول .. وبالتأكيد ستفشل ولكن بالنهاية بالتأكيد ستنجح ويشري لك أبوك سيارة لأنك نجحت .

[أبو شباصة]

ســـــــــــــادة

ورك ما قلتلي أروح معكم

[mr.khaled]

فقط حجز الرد الثاني وراجع الحين

^
عدنا للرد بعد قراءة الحتوته

7
7

كلّش إلا خوي السرور يا إنتصار

مير هين دواك عندي إذا شفتك << متأكد إنه مهوب شايفه

تشكر على ما يستفاد من القصة بارك الله فيك << الرد الرسمي للكلام الرسمي

شكراَ لك يا بو سر وبإنتظار إبداآآع آخر

..

[مليار]

يقولون وأنا ما أدري أنك هاك الحزه مشيت على رأسك أكثر من أيام عمرك ، صحيح ؟

[ALHR]

..

هههههههههههههههههههه

تسيف هو لعب عليك

يا دبشه معروفه هالفرس ذي انه تهج بالعالم ..<===غير متأكد من ذي

خوي السرور تسان ارسلت لي رساله خاصه أدلك على واحد أحسن من ولد عمّك الشين

ليتك مكمل أنجطالكـ ..

تسذ هج بي بس أخوكـ فارس مغوار ويقود الخيل أحسن غلته من عند رقبته ليمن عقل

تسيف هو حرّم أحد يركب عليه ..<=== أستغفر الله

ميّر أنت خلك من الحمار حق المزرعه وجاي ولا عمرك تركب خيول مره ثانيه

منتب فيّد خيول وانا اخوك

خوي السرور فارس مغوار ولا يهمك قول الحاقدين ..


يا حبيل الي يصدقون على طول ..

للمعلوميه ..

عز الخيل تغير أسمه إلى [ مدرسة الملكـ عبدالعزيز لتعليم الخيل ]



خوي السرور لي عودهـ إن كان هناكـ مشاغبه من الأعضاء

لي عودهـ مع الفوائد حقاتك

..

[جيدا]

ههههههههههههههههههههههههههههه

أجل هاجن بك يالبى ألبك ..
بسم الله عليك ياحلو إنتا ..

الخيل يبي له رجالن كويس يابو سرّ !

اقتباس 9 ـ الخيل من خيالها .

امحق ..

[mr.khaled]

اقتباس المشاركة الأساسية كتبها alhr ..خوي السرور لي عودهـ إن كان هناكـ مشاغبه من الأعضاء .

..

[الغلا السامي]

وهـ بـــس ياحبيلكـ أنت وسواليفكـ
والله أنكـ رهيب يارهيب !!!

[بريداوي للصميم]

اقتباس المشاركة الأساسية كتبها الغلا السامي وهـ بـــس ياحبيلكـ أنت وسواليفكـ والله أنكـ رهيب يارهيب !!!

[الجارح الذابح]

اقول ابوسرور الشرههـ مهب عليك الشرههـ على الي خلاك تركب الخيل
انا مادري وش تبي البزعه الي بك<<ادري اني كده

اذا مشرفنا هاجتن بوه حنا وش نصير ؟؟؟؟

[ALHR]

..

يا عياال ترا السالفه له أكثر من شهر يعني لا ترحمونه ابد

..

[ســـنـــايـــدي]

.
وعليكم السلام ,,,

اولاً - الــحـــمد لله على السلامة ماتشوف شر ...!

ثانياً - انت فارس ممتاز لانك لم تسقط الا يوم تعب الخيل ..!:41

اقتباس المشاركة الأساسية كتبها خوي السرور وأخذت أدور في الميدان كفراشة جميلة تبحث عن الزهور .

ههههههههه اعجبتن من وين جايبه

[الـدعساوي]

ابو سر والطفاقة

هذي رواية من 30باب

شف لاعمرك تتوهق (رحم الله امرأعرف قدر نفسه)

وخلك من منتدى بريدة وانت جحاي

بس احسن مابك انك موتن من الظحك ياجدع

[الصباخ]

ههههههههههههههههههههههههههههههههه تستاهل حقك وماجاك.
وشوله تبزع وأنت مالك خبرة بالخيول!