[ورود المساء]

السلام عليكم .........ابدخل بالموضوع على طول من شدالقهر بسبب ألي قاعد يسير في مجتمعاتنا....الحاصل اني تواعدت اناوخواتي في حديقة الاسرة لكن وجدنا المؤسف من الاخوات الي غرتهن الدنيا وقدمن رضا الشيطان على رضاالله سبحانة الي خلقنا من عدم فلبسهن مرة مزعج بناطيل جنز جدا ضيقة مع بلايز قصيرة أوتنانير قصيرة ياناس وين حنا فيه اعوذ بالله ترانا مسلمين وبديار مسلمين .....والصراحة جزء كبير من المسؤلية على الام والاخوان المفروض انك ياخوة ماترضى انك توديه وهي في هاالشكل....فأنصحكم ياأخوتي المسلمين انكم تنتبهون لخواتكم ترى النار حامية.....واختي الله يسلمة قامت تنصح البنات الله يهديهن واسلوبه حلو مهب حاده لكن وحدة مشت وخلته وهي تحاكية وحدة ثانيه تقول وشوله تجين دام ان اللبس مااعجك .....

[ضايق الصدر]

وش انسوي ياورود
مالنا الا ندعي لهم الله يهديهم ويبعد عنهم كل مكروه امين ,

[ورود المساء]

شكرالك ياضايق الصدر والله يرزقك سعة الصدر والسعادة في الدارين........لكن وين الاخوان نبيههم يعطوننا وعد انهم ينتبهون لخواتهم وينصحونهن بالحسنى واذا مافيه فايدة يشددون عليهن الله يهدينا وياهم

[الدب القطبي]

المفروض صاحب الملاهي يمنع دخول الغير محتشمات اللي مالبست لبس اوادم ترجع مع اللي جابة

[ورود المساء]

طيب من يعرف صاحب الملاهي ورقمة حتى نوصله الاشكال الي هناك ماأضن انه يرضى في هالاشياء

[السهيل اليماني]

لاحول ولاقوه الابالله

اللهم اليك المشتكى

[الرزين الحزين]

انصحيهم والامر سهل اذا كانن عند بنات من جنسهن

بالبكيرية بروز لاند سمعت انهم اللي لبسه مو محتشم ما يخلونها تدخل مرة الا اذا غيرت اللبس

[جروح الزمن]

حياك الله اختي ورود
كنت امس في مدينة الأسرة والله اني حزنت جداً فعلاً المنظر يضيق الصدر

البناطيل ضيقة جداوالبلايز قصيرة والوجه انواع التلطيخ بالمكياج والتنانير فوق الركبة

وانت المخطئه وغيرك الي صح

والله فرق الي تكون محتشمه الكل يحترمه المشكله ان الي تلبس محتشم تلبس غالي وماركة وجميل وبنفس الوقت كشخه

انا بس ابي افهم كيف اخوانه وامه ترضى تشوف بنته بالمنظر

ياأخوات تعاليم الدين ليست بالصلاة والصيام والحج بل لابد ان تظهر على الجوارح

كوني مسلمه لابد ان اكون مميزة في الأسلوب في الدعوه في اللبس في كل شي

ولاننسى غالياتنا ان الله يتودد الينا بالنعم ونحن نتودد اليه بالمعاصي لانبالي خيره الينا نازل وشرنا اليه صاعد

اللهم اغفرلقومي فانهم لايعلمون

اشكر لك غيرتك اختي ورود

[ورود المساء]

شكرا لك اختي جروح على المرور.....وشفتي وشلون العالم ....تحس ان معصية الله كشخه وفخر وتجي تقولك ماصيدي عصيان...؟اجل وش هاللباس الي مايرضي الاابليس واتباعه....والمشكلة انه اكثرهاللي اقالهن كاشخات لبسهن سبورت ولاحق بيت.....وانا نزلت الموضوع هينا ابي الشباب الصاحي الواعي وله خوات ينتبهون لهن وللباسهن نسأل الله الهدايه لناولهم.......*تعليق*بنت اختي صغيرة عمرها خمس سنوات بعد ماطلعوا من الحديقه قالت لابوه :لو تشوف يابابافيه بنات بالملاهي عليهن تنانير مهب قدهن....قصده ألي لابسات قصير شوفوا عاد البزر ناقدة عليهن....

[&اخت رجال&]

ماقول الا الله يستر على بناتنا وبنات المسلمين
البس هالحين صاير شي يضيق الصدر شي محزن واذا قدرنا الله وانكرنا هذا الوضع كلن زعل علينا وره مادري
يقول هذي الموضه واتني منتب متمدنه
شي يغث
والى يزيد ويغطي اننا اذا بغينا ثياب محتشمه وكشخه صعب نلقنا بالاسواق الا عاري والا بنطال
وش اسوات علمونا

[هـــدوء الكـــون]

انا قبل امس بالملاهي ياحليلكم كل بنات بريده ستي بالملاهي

انا اقول عادي وش فيها اذا لبست بنطلون عند بنات زيها مافيها شي

ادري بتهاوشوني اللحين بس شسوي انا اشوفه شي عادي

[بقايا ذكريات]

أشكر غيرتك أختي الكريمه

لكننا نحن في مجتمع لا يعرف معنى التحضر والتطور ويظن بأن التحضر لبس البنطال الضيّق
يظن التحضر بوضع القنوات الفضائيه التحرر من كل شيء يسمونه معقد .
ويظنون التحضر رزح المعازف والغناء . ولم يعلموا أن التحضر للعقول والاعتدال.

هناك مدن وعوائل هم أسبق لنا بتلك العادات
فمثلاً لديهم كل القنوات لكن لا تجد فتياتهم ينغمسون بقوهـ لذلك الشيء
بعكس بناتنا لو وضعت عندها " دش " لوجدت أفواههن مفتوحةٌ أمامه

[جرثومه]

هاللبس بين الحريم

أتوقع عااادي ما فيه شيء ،،

[ورود المساء]

اشكركن خواتي لكن لي تعليق على الاخت هدوء الله يصلحك مهب بس ابهوشك الاليتك عندي واقبصك.....وش الي عادي ترى فيه امور ماتجوز قطعيا وهو هذااللباس ولاهو انتي الي تفتين واي شي يبين محاسن المرأة مايجوز لبسة سواء شفاف أوضيق اوقصير....والاخت جرثومة الله يصلحك وان شاء الله ماتسيري جرثومة ضارة على المجتمع.....واخيرا ياحبيلكن انتبهن ترى الواحد يقول كلمة مايثمن لها وتكون وزر علية.......حفظنا الله...