[تركي تو]

اول شي اهنيكم بالعيد وقول كل عام ونتم بخير حصلت معي قصه يوم العيد وهي تعرفون يوم العيد خبه وعجله المهم انا طلعت من البيت يوم العيد ورحت اعايد وفرحت كثير في هذا اليوم يوم رجعت للبيت ابطلع المفتاح ادور يمين شمال بسياره تذكرت اني لبست ثوب العيد ونسيت المفتاح من داخل جيت ابكسر القفل قلت صعبه كلمت احد العيال قال ماللك الا الدفاع المدني ويجون ويفتحونه قال بس لازم تقول فيه اطفال من داخل قلت لا صعبه اكذب يابن الحلال اليوم عيد ومن باب اتباع الحسنه بالحسنه وقلت لا أن شالله ابيساعدوني بدون كذب رحت لدفاع المني فرع االموطا اللي بشارع القناه دخلت السلام عيدكم مبارك كل عام والدفاع المدني بخير(اغدي المور تسلك بدون كذب)قلتلهم قصتي قال فيه اطفال قلت لا قال ما نقدر نخدمك قلت وراه قال تعليمات القياده يابن الحلال اليوم عيد قال ماأقدر كلم العمليات كلمت العمليات قال مافيه اطفال مانقدر نعطيك رقم البرادي يفتحه لك قلت اليوم عيد مايطلع قال اعذرني تعليمات القياده احول فيه يوم سكر الخط بوجهي وقلت له تراي ماودي اكذب عليكم قال هذي تكون عليك وبدا يهددني وسكر الخط قلت ليتي طايع الرجال وكاذب عليهم كذا واحد زين كذا ومشت اموره المهم رحت وكسرت القفل ونفتح ولله الحمد ونمت نومه عميقه (تعليمات القياده) مادري ليش ماتغير ها التعليمات التي نعرفها من سنين الا يعرفون رجالات الدفاع المدني ان انضمه الدوله يطرا عليها تغير او تعديل كل أثنين الا اذا كانت هذي اتعليمات من القرأن أو السنه .

[صعب المنــ2ــال]

اول شي
ياخي اسمه الدفاع المدني يعني يدافع عن المدنين ماهوب يدور مفاتيح المدنيين


يمكن انت لانك معصب من الموضوع نقدت عليهم و تبيهم يفتحون لك لو بدون اطفال ياخي لو يبي يروحون يفتحون ويحلون لأي واحد مشكلته سوا مفتاح او غيره راح يوضفون نص شباب السعوديه و يبلشون بهم

و لو فكرت شوي معي الحين ( باب ما فيه مفتاح + لازم افتحه = رح لمحل مفاتيح بخمسين ريال يفتحه \ حل اخر \ جبم مفتاح العجل من السياره و تعال مسرعا من اخر الشارع و قل ( هااااااااااع ) و بسم الله و ينفتح ولا خمسين ريال ولا دفاع مدني ولا اي تعديل بأنظمه بالدفاع المدني عشان مفتاح ولا اي كلام زايد


تحياتي
قلبها في راسك تبي تلاحظ انهم معهم حق و هم ما يقولون اكذب و نساعدك هم المفروض قايلين رح للمحل المناسب

[عزيز نفس]

,,


طيب وش المطلوب الحين ؟؟

..

[فارس 7]

صاز رحت للدفاع المدني عشان مفتاحك ضايع !

يانت منسم وبااايعه !

[عبدالله الفريعي]

بلعكس لو فتحو هذا المجال كان اي واحد يضيع المفتاح يدق عليهم وهم بغنا عن ذالك ما قصرو قالولك فيه احد مقفل عليه يجون بدون مشاور بس انت الحين تضيع المفتاح وتبيهم يفتحون لك والله صعبه

[عبدالله الصالح]

ماعملووووه عين العقل...

اجل تبيهم يفتحون بيتك لانك ناسي المفتاااح

على كذا يبي يخصخصون الدفاع المدني على محلات المفاتيح وشيب الدواس؟؟؟؟

فكر عزيزي بماصنعت بعد ان يهدأ غضبك؟؟؟

ستدين نفسك بلاشك!!!

[waleed631]

ياخي العزيز انت شكلك ماتناظر الا نفسك ياحبيبي به ناس ابدى منك انا ادري ان بيتكم غرب بريده لانك راجعت فرقه الدفاع المدني بالمطاء تخيل لا قدر الله احترق بيت والابواب مقفوله وفيه اطفال وفرقه الانقاذ عندك لانك مظيع المفتاح يعني ان فرقه الاطفاء عند الاطفال والبيت المحترق والانقاذ عندك انت ومفاتيحك المشكله الحين ان الحادث اللي فيه اطفال وفتح بيبان يحتاج فرقه انقاذ بدل اللي عندك انت ومفاتيحك يجب تحريك اقرب انقاذ وهو التعليم اللي عند الجنوبيه يغطي عند الاطفال والبيت المحترق

[صوت بريدة الناطق]

الحمدلله العقول برحمة وش قال يبيهم يفتحون بيوت الي مضيع مفاتيحهم

اجل بكرى يجي حرامي يقول مضيع المفتاح تعالو افتحو لي الباب ويالله الدفاع المدني يصير مع الحرامية

[محبوب الكل]

شوي شوي على الرجال المسأله مضيع مفتاحه وأنتم الله خير شبيتو فيه الله يهدي الجميع إن شاءالله....
دمتم.

["فتى نجد"]

[quote=صوت بريدة الناطق;1194847]اجل بكرى يجي حرامي يقول مضيع المفتاح تعالو افتحو لي الباب ويالله الدفاع المدني يصير مع الحرامية[/quote
معك حق اخوي

[حورالقلوب]

طيب ان ضيعت مفتاح السيارة اتصل على الدفاع المدني

واللي يضيع مفتاح المحل
واللي يضيع مفتاح الاستراحة
واللي واللي واللي ...........

[الرزين الحزين]

لا حول ولا قوة إلا بالله

كثير من شباب بريدة يستبيح الكذب في مثل هذه المواقف

أعرف شاب ( ظاهره الالتزام ) سحبت شركة التقسيط سيارته من عند بيته لانه مماطل فراح اشتكى وقال فيها خمسين الف ريال !

وهذا الشاب اللي اشار عليك بالكذب مثله

والحمد لله انك لم تكذب

يا جماعه مثل هالكذب هو اللي يخلي المسئولين يترددون في الخروج للأمور الطارئة خشية كذب صاحبها فلذلك تجدهم يطلبون الوصف منك اكثر من مرة ويطلبون اسمك ثم يدقون عليك وهكذا

مشكلتنا في البعض حين يستبيحون الكذب لا وفقهم الله

[طالب الأجر من الله]

والله ما شاء الله عليك . أجل وش قلت هم يجبرونك على الكذب . لا والله الشيطان يجبرك على الكذب .
وتجنب الكذب أخي .
وشكرا لك .

[فرناس]

ياخي عيب عليك لا تكتب مثل هالمواضيع

ونسيت مفتاح البيت وخير ياطير