[زمن التحدي]

السلام عليكم ورحمة الله وبركاته

سمعنا عن بيوت الايجار بنظام التمليك في الرياض ولانتدري عن صحته او وين نلاقيه
الي عنده خبر عنهم الله يجزاها خير يبلغنا وياليت اذا في ارقام او اي تفاصيل يفيدنا الله لايحرمكم الاجر ان شاء الله

نبي فزعتم ياهل الفزعه وهذا عشمنا فيكم يا بريده ستي

[عبدالله الصالح]

موجود عندنا من زمان بس غالية جدا...

أقساطهم بالنسبة للفلل المستقله من 5000 ريال؟؟

اما الدبلكسات في حدود 2700 ريال مع مقدم مئة ألف!!!

تجدها في فلل الكفاءة الي في الريان والأفق وغيره..

هذا هو حدود علمي في ذلك..

[طق طق]

نعم عند الكفائة للتمليك أمام البرج ...

عندهم دبلكسات وشقق وفلل

الدبلكس تدفع 120 الف دفعة و 3000 شهري لمدة 8 سنوات ..

بالريان والأفق والمنتزه .

[ضايق الصدر]

طيب يااخوان اذا قلنا وحده ارضيه فقط
وش نظامها ؟

[زمن التحدي]

مشكورين ياخوان والله يسدد خطاكم ان شاء الله
بس طلبي في الرياض الله يوفقكم ان شاء الله

[طق طق]

الي أعرفه أن ( دار الأركان )

هي الي ماسكه زمام الأمور بمدينة الرياض ..

[ابوعلي99]

سؤال يطرح نفسة
وين أثرياء بريدة ليش ما يسوون شركة مساهمة بينهم ويقيمون مشاريع سكنية كبيرة ويبيعونها بنظام أجار منتهي بالتمليك وياخذون مكسب على كيفهم بس المهم يكون القسط الشهري معقول ومقدور علية
لي زميل من أهل البكيرية يقول ان تجار البكيرية أسسو شركة مساهمة خاصة فيهم وأشترو أرض ونفذوها مخطط سكني وصممو عدة نماذج وكل نموذج لة سعر كل ما عليك تختار النوذج وتوقع العقد ويبدون بالتنفيذ والتسديد بأقساط ميسرة جدا طبعا هم أخذين مكسبهم وهذا من حقهم الكلام هذا قبل كم سنة يعني أكيد انة الأن فية ناس استلمو بيوتهم وسكنوها
ياليت تجار بريدة يسوون نفس هالطريقة هم يستفيدون وحنا نستفيد وأتوقع ان اللة ياجرهم لأنهم ساعدو أكبر شريحة من شرائح المجتمع وهم الشباب

[زمن التحدي]

اقتباس المشاركة الأساسية كتبها ابوعلي99 سؤال يطرح نفسة وين أثرياء بريدة ليش ما يسوون شركة مساهمة بينهم ويقيمون مشاريع سكنية كبيرة ويبيعونها بنظام أجار منتهي بالتمليك وياخذون مكسب على كيفهم بس المهم يكون القسط الشهري معقول ومقدور علية لي زميل من أهل البكيرية يقول ان تجار البكيرية أسسو شركة مساهمة خاصة فيهم وأشترو أرض ونفذوها مخطط سكني وصممو عدة نماذج وكل نموذج لة سعر كل ما عليك تختار النوذج وتوقع العقد ويبدون بالتنفيذ والتسديد بأقساط ميسرة جدا طبعا هم أخذين مكسبهم وهذا من حقهم الكلام هذا قبل كم سنة يعني أكيد انة الأن فية ناس استلمو بيوتهم وسكنوها ياليت تجار بريدة يسوون نفس هالطريقة هم يستفيدون وحنا نستفيد وأتوقع ان اللة ياجرهم لأنهم ساعدو أكبر شريحة من شرائح المجتمع وهم الشباب

ياليت هذاا لشي يصير في كل مكان والله نتمني 000 كان انحلت مع الكل

[جمراوي]

فيه عجز سكني ببريده الاحصائيه انه خلال العام القادم تجتاج الى ما يقارب ال20000وحده سكنيه وخلال العشر سنوات القادمه تحتاج الى 80000وحده؟؟؟الله يعين الشباب المقبل على الزواج من الازمه القادمه؟