 |
|
|
|
|
18-11-2008, 12:49 PM
|
#1 |
|
عـضـو
تاريخ التسجيل: Nov 2008
المشاركات: 41
|
بنات بريدة نفسك تروحين بعثة للخارج بس مستحيل (تعااااالي ) صيحي عندي
السلام عليكم ياحلواااااااااات بريدة
اذا تسمحون لي بقول كل الافكار اللي عايقتني عن السفر وياليت نلاقي حلول لبعض انا ناوية انشاءالله اكمل دراسة بـ امريكا بس ماقلت لـ ابوي وطبعا مافيه غيره محرمي اخواني اللي يدرس او مشغول امي بس اللي على علم وتقولي لاتحلمين يوافق والسبب انه يخاف علي هناك لانه ماعمرنا سافرنا برا حدنا مكة والسبب الثاني مدة الدراسة الطويلة للماستر يعني يبغالها مصااااريف رغم اني ناوية اقدم على بعثة خادم الحرمين الشريفين لاني عارفة انه صعبه جدا على حسابنا ورغم كذا اتوقع ان مكافاءة الحكومة ماتكفي مع اني مدري كم يعطون المبتعثين. ايش رايكم يابنات مدري ليش احس عندنا ببريدة ممنوع منعا باتا البنت تكممل دراستها برا اللا بشرررط مع زوجها وحنا طيب وش نسوي ودي بوظيفة وراتب بعد ماارجع يعيشني حياة كريمة حنا مانضمن اذا تزوجنا اللي بنتزوجه يوافق انكممل دراسة برا ويجي مع زوجته صحيح فيه بنات ممنوع عنها كل شي ولما تتزوج تفتح لها بوابة القدر كل شي يصير مسموح واذا ناوية تسافر برا تكمل تروح بس مش كل بنت محظوظة انا متأكدة لو واحد من اخواني قال بسافر اكممل برا كان سووو له عرس من الفرحه بس لانه ولد والولد دايما هو اللي يشرّف ويرفع الراس وله حق وحنا مالنا اللا (نكش دبان) واكيد مش كل عوايل بريدة مثل بعض عشان محد يزعل علي انا في انتظار ردودكم :s
__________________
البينـــــــــــــــوز
|
|
|
|
18-11-2008, 02:14 PM
|
#2 |
|
عـضـو
تاريخ التسجيل: Mar 2008
المشاركات: 115
|
الحمدلله حكومتنا ماقصروا فتحوا عندنا جامعات وتخصصات كثير!!!ضاقت الا في امريكا!!؟؟ماسمعتي بالطالبه اللي توفت هناك ماباقي له الا قليل وتنتهي....يارب حسن الخاتمه اعقلي واقضبي ارضك
__________________
~{ مكحولهـ المزيونهـ ~{ |
|
|
|
|
18-11-2008, 02:43 PM
|
#3 |
|
عـضـو
تاريخ التسجيل: May 2008
البلد: بلاد القوقاز
المشاركات: 1,802
|
أختي الله يرضى عليج...كل عوائل وظروفها ..فيه البعض يوافق على ان بنته تدرس خارج الوطن..والبعض يرفض هالفكره....وانت استخيري ربج...وجلوسج هنه...بين أهلج ...أرحم من العيشه على ارض الغرب اللي كله فساد للعقيده..وللفتاة المسلمه..وأختلاط في الجامعات....وياليت البنت السعوديه...اذا طلعت خارج الوطن...تلتزم بحجابها...لكن للأسف ....
أنت كملي دراستج هنه في وطنك...ورزقج كاتبه لك ربج ...وماتدرين وين ؟؟؟؟ والبنت في الاول والاخير مالها الا بيت زوجها.... أحمدي ربج وشكريه... الله يعطيج العافيه...لكون ثقلت عليج.... |
|
|
|
|
18-11-2008, 02:52 PM
|
#4 |
|
عـضـو
تاريخ التسجيل: Feb 2007
البلد: في عالمي الخاص
المشاركات: 171
|
اخ بس
ذكرتيني وفتحتي المواجع بس تحطمت ونمت بيتنا الله يوفقك
__________________
 |
|
|
|
|
18-11-2008, 02:56 PM
|
#5 |
|
عـضـو
تاريخ التسجيل: Mar 2007
البلد: الــ Q ـــ S ــــ e ــــ e ــــ M
المشاركات: 1,413
|
وعليكم السلام ورحمة الله وبركاته ...
ما شاء الله .. الله يوفقكِ ويرزقكِ سواء هنا أو بأمريكا .. لكن أحس فيه صعوبة للبنت أكثر من الرجال ومثل ما ذكرتي يحتفلون بالرجال أكثر لأنه قادر على العيش هناك لوحده ولا يحتاج محرم مثل البنت يعني لو راح أخوكِ أو أبوكِ معكِ تعطلت أشغاله والرجال أولى بالعمل من المرأة لإنه يكد على بيت .. وإن شاء الله تلقين التخصص اللي يناسب عندنا .. غير كذا المرأة صعب تحافظ على نفسه وحجابه هناك لإنهم ما يحبون المرأة اللي تغطى ويخافون منه .. وشلون عاد تدرسين معهم أكيد رسوب ... 
__________________
سبحانك اللهم وبحمدك أشهد أن لا إله إلا أنت أستغفرك وأتوب إليك |
|
|
|
|
18-11-2008, 04:11 PM
|
#6 |
|
عـضـو
تاريخ التسجيل: Aug 2008
البلد: بين السح‘ــــاب
المشاركات: 103
|
لو أطلعتي ع المزيد من الأخبار عن حياة بناتنا هناك
لقلتي بملء فيك لا والف لا للغربه . . ع العموم اذا ربي كاتبلك هالشي ماراح تكون هناك اي قوه توقف لك او تكون عائق لك موفقه . . واذا وافق الوالد لاتنسي الأستخااااااااااااره |
|
|
|
|
18-11-2008, 04:42 PM
|
#7 |
|
عـضـو
تاريخ التسجيل: Jan 2007
البلد: الرياض
المشاركات: 431
|
يابنت الحلال قدمي على الجامعات اللي عندنا اصرف لك
عندك جامعة الملك سعود بدا القبول لمرحله الماجستير وينتهي 28/11 الحقي عليهم بعد القبول الكتروني بالنت يالله من فظلك واحمدي ربك واشكريه ان ابوك مب فاضي يروح معك عشان ماتروحين لانه في السفر اضرار كثيره الله يوفقنا واياك |
|
|
|
|
18-11-2008, 06:35 PM
|
#8 |
|
عـضـو
تاريخ التسجيل: Mar 2006
البلد: الزمن المبهوت
المشاركات: 1,903
|
وعليكم السـلام ورحمة الله الله يوفقنا ويااااك ويحقق امالنا يااارب
__________________
. |
|
|
|
|
18-11-2008, 07:41 PM
|
#9 |
|
عـضـو
تاريخ التسجيل: Jan 2008
المشاركات: 166
|
الشكوى لله ..
|
|
|
|
|
19-11-2008, 03:06 PM
|
#10 |
|
عـضـو
تاريخ التسجيل: Jun 2008
البلد: بين جروحي وفرشاتي ولوحاتي في عالمي الخاص
المشاركات: 156
|
عليكم السلام....
يالله ياحياتي الله يوفقك وانا ابروح معك ودي اكمل دراسات عليا برا لاتقولون كملي هنا  الوحده تطلع روحه وهم ماقبلوه ماجستير بالحسر والغرابيل الا بالواسطه وياحسره ماعندي دعواتكم اني اكمل |
|
|
|
|
19-11-2008, 03:35 PM
|
#11 |
|
عـضـو
تاريخ التسجيل: Sep 2008
البلد: الريــاض ’,
المشاركات: 8,043
|
اهلين حبوبتي ..
أولاً غريبة انتِ كيف تفكرين انك تكملين برا حتى لو اهلك فررررري وعادي عندهم تروحين لحالك تخيلي شكلك بينهم افكارهم غير ودينهم غير وكل شي غييييير ,, بإختصار تخيلي نفسك من بريـــــــــده لأمريكا<<معليش ماتمشي عندي ..ثانياً انا سمعت ان اللي تدرس هناك لازم تكشف وجهها ,,, ومااتوقع انك ترضين بهالشي  ..ثالثاً البنت اذا بغت تروح مع زوجها "يعني غصب عليها" تضيق بها الوسيعه ,,, وحتى العيال المغتربين اذا جاء وقت سفرتهم تضيق صدورهم ونفسياتهم تصير دمار يعني برايك لو هم مبسوطين هناك بيتضايقون!!!.. وبعدين مقارنتك بيننا حنا والعيال خطــــــــأ ... الولد غييييير مهما كابرنا وقلنا وش فرقهم احنا مثلهم ,,, لا حبيبتي الولد لو جلس بالبيت كلن حكى فيه ,,, وبعدين الرجل لازم هو اللي يصرف ويعطي مو مثل البنت متعوده تاخذ ,,, تخيلي تزوجين واحد بدون وظيفة"اكيد تقولين اسم الله علي" فلا تقارنين نفسك بالولد خاصه بهالأمور... أخيراً<< خلصينا  ..يالغاليه اللي حررررريص ويبي العلم وجاد بهالشي دولتنا ماقصرت ماخلوا لنا قسم تحتاجه الدوله الا حطوه بالجامعات يعني ماااالنا عذر الا اذا كنا نبي نغير جو وملينا من اجواء الدراسه السعوديه عاد هذا شي ثاني  ..سووووووري ع الاطاله  <<وش عقبه..
__________________
الذين رحلوا إلىَ [ الله ] في سن مبكرة . . اهدونا رسالة تقول : [ لا تُطيلوا قوائمَ أُمنياتكم ] لأنَ الحياة اقصر منها بِـ كثيــر ، |
|
|
|
|
20-11-2008, 04:11 PM
|
#12 |
|
عـضـو
تاريخ التسجيل: Nov 2007
المشاركات: 76
|
اخواتي
اسمحوا لي ان ابدي رائيي اول شي انا قريت الموضوع بأمانه والثاني قريت بعض الردود اللي قهرتني >> اعتذر من صاحبة الموضوع فيه اغلب الردود كاتب انو الحمد لله متوفر عندنا جميع التخصصات ؟؟؟؟؟ وين التخصصات اللي متوفره للبنات ؟ اذا قصدك كليات خلاااص والله امتلوا النااس من الاقسام العلميه والادبيه والجامعه وش فيها ؟ ادارة اعمال ؟؟؟ وين المستقبل موظفه ببنك ولا اداريه ؟؟ اي اقسام متوفره بالله عليكم اذا الوحده مو من ميولها التدريس تنطق وغصب عليها تدخل تربيه سواء علمي ولا ادبي مافي هندسه مافيه محامات مافي تصاميم المشكله انو اقسام كثيره خاصه للمراه بس مو عندنا تدرون ليه لان شغلتها ماراح تكون مدرسه وهنا في منطقتنا يا تصيرين مدرسه ولا مو لازم ... نجي لتكملة الرساله يعني اللي بتقدم ع الماجستير وش تدرس بالله زي قسمي مثلا في الدول اللى برى ولا نروح بعيد في مصر جيراننا القسم حقي اساسا يدرس في جامعاتهم على شكل فرعين عضوي وغير عضوي ودراسة الماجستير تتفرع الى اكثر من 8 اقسام هنا عشان ادرس الماجستير غصبا تاخذ غير عضوي لانو ماتدرس الا هوا او غير متوفر الا هو والعضوي ياخذون 3 بنات ويدرسونهم مو عملي لا نظري وانتي وتخيلك يعني والله شهاده ع الفاضي ... ليه ما نروح ندرس برى ليه ما نكمل العلم ونرجع بشهاده ترفع راس دولتنا قبل اهلنا ليه ما نطور نفسنا امانه ولكل واحد يقرى ردي ماتعبتوا من دراسة الاعاده ماتبون دراسه جديده انتم العلماء والمؤسسين فيها ماتنقهرون اذا لقيتوا انو اغلب اعضاء هيئة التدريس اجانب ليه وش فيها البنت السعوديه نااقصه عقل وصدقوني اللي تبي تتمسك بالدين راح تتمسك فيه سواء هنا ولا هناك واللي اساسا ايمانها ضعيف عند اول فرصه راح تترك الدين سواء اليوم او بكره بس ما اقول الا الله يعوضنا خير والله يكتب لنا اجر صبرنا على الظلم والتحطيم |
|
|
|
|
20-11-2008, 04:14 PM
|
#13 |
|
عـضـو
تاريخ التسجيل: Jul 2008
البلد: بعيدة يا بريدة
المشاركات: 231
|
خوذينا معك
انا نفسسسسي ادرس برا مع اني مقبولة برنامج المجاستير هنا بس 4 سنووووااات بهذله هنا تساوي سنة واحدة هناااك اخوواني 2 هننناااك بس عشان اني بنت انا لا
__________________
اسئل الله لك دوآم الرضا والمرضاة.., وأن يرضيك دنيا وآخرة.. اللهم أني أشهدكـ أني أحب نورة 11 في الله..
|
|
|
|
|
20-11-2008, 04:16 PM
|
#14 |
|
عـضـو
تاريخ التسجيل: Jul 2008
البلد: بعيدة يا بريدة
المشاركات: 231
|
في مواقف كثيرة اكره كوني انثى
منها هذا الموقف
__________________
اسئل الله لك دوآم الرضا والمرضاة.., وأن يرضيك دنيا وآخرة.. اللهم أني أشهدكـ أني أحب نورة 11 في الله..
|
|
|
|
 |
| الإشارات المرجعية |
| أدوات الموضوع | |
| طريقة العرض | |
|
|
النمط المتتابع
