[شاهد ماشفش حاجة]

اليوم ونا مار رايح لسوق الحمام ومار بالخبيب الا وبه شيبان تكد على سياراتهم سعودين
وماسكهم المرور ... المهم ان فيه اجانب يكدون يمنين ومصرين عينك عينك ومخليهم مدري ليه
بغيت انزل وقول لشرطي وراك ماتشوف الاجانب يكدون ..
1 -- والله الاجانب لقينها في الاحياء القديمه اللي يبي يتأكد يروح يشوفهم بنفسه
2 -- خاصه المصرين اللي يكد ومامعه رخصة ولا يحق له انه يمارس الشغله هذي
3-- والا بس شاطرين على السعودين ..

[أسمر]

لا شك أنك متحامل على رجال المرور
وأتوقع أنهم حين يشاهدون هذا الأجنبي فسوف يحاسبوه بكل تأكيد ياعزيزي
وأستغرب أننا دائماً ماننقاش بكل ماهو ممنوع ومخالف
أم أننا شعب نتبع مقولة (كل ممنوع مرغوب )

[العميل للاتي]

طيب أنت وش دخلك فيهم ممكن انهم بالدور

[ابوزياد2008]

المفروض الشيبان اللي يكدون مايقالهم

شي

[بولوهي]

موب بس ذا يالحبيب
اذا فيه شاب يمشي مصبه اما اذا فيه كسرت موتر ما تدري معين وجهيته يمين ويسار يمشي يمر بالمرور ولا فيه اي شي يصير
بس انت خل هلي توه مغسل ولا مزبط على طول على جنب اما اللي يحوسون الجو بالديزل تقل بالشكمان كفر علدز
هذا ما يقاله شي
اما الي جالي ومنظف الموتر هذي مشكله

[khaledjaser]

طالعتنا صحيفة الرياض اليوم الجمعة باحصائية مهولة لعدد ضحايا الطرق والحوادث في المملكة خلال العام المنصرم 1429هـ وهنا يجب الوقوف والانكار والمطالبه بوقف هذا الهدر البشري وهذة الحرب التي تاكل أرواحنا وتملى مستشفاياتنا بالمعاقين الى متى يا ادارة المرور تتركون الطرق والسائقين وارواحنا بأيدي المستهترين حتى اصبح الطريق والنظام المروري ليس له هيبة ولا أحترام من الكبار والصغار والكل يقود ويتفنن في القيادة على مزاجة وحسب ظروفة ولا ادري لماذا نسيت او تناست ادارات المرور دورها الرئيسي بضبط النظام بالطرق ومتابعة تطبيق القوانين المروريه في الطريق والزام السائقين بها وتفرغت لمتابعة الحوادث واصدار الرخص والاستمارات وكتابتة التقارير المروريه الى متى مللنا واصبحنا اضحوكة للعالم ..يا أدارات المرور اذهبوا الى الدول المجاورة وشاهدوا كيف يحترم السعوديين النظام والمرور وذلك لوجود من يطبق النظام ويتابع ذلك في كل مكان والله عيب وعار علينا ما يحصل بالطرقات من الحوادث اليوميه وقتل البشر والمعاقين فالدوله لم تقصر بشيء ولكن اذا أوكل ألامر لغير أهلة فانتظر الساعه وحسبنا الله ونعم الوكيل .

85% من الحوادث نتيجة مخالفات مرورية
1331 حادثاً مرورياً تحصد أرواح 180 شخصاً يومياً
الرياض - بندر الناصر:
كشف المقدم الدكتور علي الرشيدي أن الحوادث المرورية لعام 1429ه قد سجلت 57 حدثاً كل ساعة، حيث أشارت الدراسات إلى أن (85%) من حوادث السير في المملكة تعود إلى أخطاء بشرية من قبل السائق نتيجة ارتكابه إحدى المخالفات المرورية وأن 7% من المصابين تخرج من المستشفيات وهي تعاني أحد أشكال العجز (شلل رباعي - شلل نصفي..).
وأضاف الرشيدي خلال ورقة علمية قدمها في لقاء علمي بمدينة العلوم والتقنية ممثلاً للإدارة العامة للمرور تحت عنوان أولويات بحوث ودراسات السلامة المرورية، شهد العالم تطورات حضارية واسعة وتبعاً لذلك فإن المملكة هي جزء لا يتجزأ من هذا التطور وحيث أصبحت المركبة وسيلة نقل هامة ورئيسة لكافة شرائح المجتمع إلا أن سوء استخدامها من قبل بعض السائقين أصبح يشكل خطراً على حياة المجتمع.
ولتعدد حجم مشكلة الحوادث المرورية في المملكة، فقد وقعت في الفترة من عام 1410ه إلى عام 1429ه (4.300.463) حادثاً مرورياً في مختلف المناطق، ونجم عن هذه الحوادث (611070) مصاباً، و(86510) متوفى.
ومن الأهمية الإشارة إلى اختلاف أعداد الحوادث المرورية واختلاف النتائج الناجمة عنها في مناطق المملكة، أما بالنسبة للمناطق التي احتلت المراكز الثلاثة الأولى من حيث عدد المصابين نتيجة لحوادث المرور هي منطقة الحدود الشمالية، تليها منطقة الجوف، ثم منطقة تبوك، في حين أن منطقة الباحة احتلت المرتبة الأولى من حيث عدد الأشخاص المتوفين بسبب الحوادث، وأتت منطقة الحدود الشمالية المرتبة الثانية، تليها منطقة الجوف.
وهذا ما يفرض إلى جانب مخاطر الحوادث المرورية على المجتمع بشكل عام أن يتم تناول هذه المشكلة إحصائياً بهدف التنبؤ بعدد الحوادث المرورية وما ينجم عنها من إصابات ووفيات في المستقبل سعيا في التوصل إلى حلول تحد من تفاقم هذه المشكلة التي باتت تؤرق المواطن والمسئول على حد سواء، وهذا ما تحاول هذه الدراسة أن تقوم به.
وبلغ حجم الحوادث المرورية لعام 1429ه 485931 حادثاً، أي بمعدل 1331 حادثاً لكل يوم و75 لكل ساعة فيما بلغت الإصابات المرورية 38489 إصابة بمعدل 109 إصابة لكل يوم وأكثر من 14 إصابة لكل ساعة، أما الوفيات المرورية لعام 1429ه بلغت 65458 وفاة بمعدل 179.5 وفاة لكل يوم و7.5 حالة وفاة كل ساعة، وبلغت نسبة الاصابة بالرأس وتسببت بالوفاة 29.4% أما إصابات الصدر 14.4% والحبل الشوكي نسبة 3.4%، فيما بلغت نسبة وفاة الذكور في الحوادث 80% والإناث 20%، أما المتوفون داخل المستشفى بلغت 32.6% وخارجة 67.4%.

[جريــــح1]

والله صحيح كلامك .......................

لكن انا كم مرة اشوف انهم حيلهم على السعوديون ماادري وراه والاجانب تقل ساحرينهم ........... بس ربك يعين

العدل الان قلما تجدهـــــ

واشوف الحين الاجانب اللي حنا نعرفة انه اجنبي يلتزم بالنظام اكثر منا بس الحين عكس مرة من المرات شفت واحد عاكس طريق االملك عبدالعزيز من اولة لاخرة ليش ماادري

ياسبحان الله ..............

[شاهد ماشفش حاجة]

اشكركم على مروركم والله انا وراهم وراهم حتى بالصور اذا مانضبطو لوريك فيهم بالصور والصوره

بس حيلهم بصحاب الجيوب والهلي الله يعين بس

[مشـآكـس]

الاجانب >> داجين

والسعوديين>> فلووس

[حنشولي]

بس اليوم انا كل يوم

[مهندس بريداوي]

طيب خذ هالموقف.....

أمس أنا ماسكن خط...

وواقف عند التفتيش لانه زحمة......حط تحت كلمة واقف مليووووون خط...

يوم وقفت عنده قال الرخصة والاستمارة.... عطيته اياهن....

يوم شاف ماعلي شي ...

قال انك تكلم بالجوال.... قلت ايه بس انا واقف....

وعطاني قسيمة.....

هذا الحين ما ادري وش يقصد....

يبغى يكره الناس برجال الامن.....والا وش يبي...

الله يخلف بس...

[مشـآكـس]

^^^

خلهــااا بالقلب واناا اخووك

الحين كل من لبس بدله حط قوته بالناس

واذا نزل البدله تشوفه تقول وش البريـئ

[الوساااام]

ربك يعين

[BREX-M]

كلامك صحيح