[الكليجا]

مرة وحنا بالبر ( كاشتين) ودرجة الحرارة 51 درجة بالترمومتر وحنا ما نشوف بعض من الغبار وكل حشرات البر هاجين من الحر والغبار ومتغبين بثيابنا وحنا على بالنا مستمتعين بهالكشته المهم كنا مندسين بوسط الخيمه وطفشانين وقلنا الشكوى لله مالنا الا سواليف جدنا ( كليجا الاول ) والتفت لموه واحد من الشباب وقال ما عندك سالفه ياجدي ومير يتواسى وقول والله يا عيالي انوه بسنة من السنين تعلمت السواقة على ددسن حوض وقالولي لازم اطلع رخصة يوم رحت للمرور وشفت هاك الضابط اللي يبلص من البياض قمت وعطيتوه اوراقي يوم قعد يشقلبه التفت وقاللي
( هيًا اندر يبيويا وجيبًالي 4 صور شمسية ندرت عينك من حقها )
رحت للبيت وانا متدوكر واكلم نفسي وشافتن جدتكم وسألتن وشبك قلت له
( هيًااندربيوياوجيبالي 4 صورشمسيتندرتعينكمنحقها )
قالت وش تقول قلت ( هيًااندربيوياوجيبالي 4 صورشمسيتندرتعينكمنحقها )
يوم قعدت تصيح ونادت اخوه وقالت لوه شف وش بلاوه وجا خال العيال وسالن وشبك قلت ( هيًااندربيوياوجيبالي 4 صورشمسيتندرتعينكمنحقها )
قام وتركن وراح لم جارنا وقالوه وين ولك عزيًز اللي اشتغل بارامكو يفهم وش
يقول ( كليجا ) يوم جاء لمي عزيز وسمع وش اقول مات من الضحك وفهمهم السالفة وترجم لي هالكلام اللي ما ينفهم وعرفت وش السالفة
لكن قلت لهم معصي ما اطلع عكس لو يركب هالضابط جنحان
قام جارنا الله يجزاوه بالخير وطلع لي تصريح بدون عكس وصرت والله اودي العلف والخضرة للسوق على هالددسن الين جا يوم الله لا يعيدوه ومسكن هاك الجندي وقال وين الرخصة يا ..................
يوم قال جدنا ( كليجا الاول ) هالكلمة وهو ينسدح وقال اكملكم هالسالفه بعد ما اغفي شوي

التكملة غدا ان احيانا الله