[صاحب الامتياز]

انا تعبت من بنك التسليف زواجي قرب ومقدم لي 3 شهور على بنك التسليف

وما عطوني شي انا مضبط كل امووري بس فلوسهم باخذها بسافر فيها وكم هدية

وبكذا انا توهقت وزواجي بالظبط بعد 3 اسابيع وش الحل معاهم خبروني واذا

تعرفون احد دلوني علية او موظف يقرى موضوعي يساعدني وربي

اني متوهق

[أحب بريدة ولكن..؟]

ردد ياليل ما أطولك .. أنا مقدم عندهم لي 6 شهور ولا جاني ريال واحد منهم ويواعدوني كل يوم يقول لي بعد ثلاث ايام هههه وإن جيتهم بعد ثلاث أيام يقول لي بعد ثلاث أيام يارجل انا جايك قبل ثلاث ايام وتقول لي بعد ثلاث ايام قلي متى بالظبط اجيك خلاص بعد اسبوع إن شاء الله .......................... وخلص السبوع ورحت لهم والله ماجاء شي الحين تدري إلى الحين ماخذت ولا ريال تسلفت من واحد من ربعنا بقيمة القرض وإذا نزل القرض عطيته الفلوس وجزاه الله خير الجزاء .. ليش طيب مايعطونك ...... تدري ليش واسطه ولكن ماهي اي وسطة . واسطة قوية وخذ فلوسك... تبيهن كاش ولا شيك خله شيك احسن عشان مايخذون شي بس لازم بخشيش عشان تعب معك وهو يركض ويركض ويركض .... هذا هو حال بنك التسليف بخشيش ولازم واسطة والمشكلة إن كل الموظفين لازم تعطيهم بخشيش والمشكلة العويصة إن مدير البنك لازم تعطيه بخشيش كل شي بخشيش في بخشيش صار البنك كله دهن سير ......... معليش طولت معكم بالبخشيش ههههههه مقهوووووووور منهم

[(صعب الوصال)]

ردد قدمت عليهم يقولون مافيه رصيد بعد سنه واجيب واسطه واخذ في اقل من اسبوع
(الله يكون في عونك الله يوفقك في زواجك ويسهل امورك)

[أبوراشد]

اقتباس انا مضبط كل امووري بس فلوسهم باخذها بسافر فيها وكم هدية

الله يعافيك ولايبلانا
تاخذ قرض بـ 30 أو 40 ألف علشان تسافر ؟!

...

[Ali Ezzat Begovich]

حبيبي القرض هو لمساعدة الغير قادرين على اتمام متطلبات الزواج المادية و الأساسية وليس للأشياء التكميلية، ثم أني انصحك إذا لم تكن بحاجة إليه فدعه للغيرك من المحتاجين ودعونا من التوجه للأستهلاك الفاضي .

[طبعي صريح]

اذا معك واسطه تمشي امورك مثل صعب الوصال اذا ماعندك واااااااو قل واااااوه

[المحتار111]

انا جبت واسطه وكل شي والى هل حين لي ثلاث شهور الديووون فوووق راسي الله يستر بس من اخرتها لا يصير الزواج على نقمه ويشتكون علي هل متدين منه كل شوي اقولهم اصبرو هل شهر

[نـــNAــونا]

عمي بيصير له سنه وللحين ما شاف شيء

الحمد لله على حظنا ما طول شهر وهم صارفينه بس شكلهم صار عليهم زحمه

ويحتاجون دعم

[كريمي]

أخي العزيز اللي خابر أن بنك التسليف // عند تقديم الطلب يعطونك رقم وتاريخ تسليم .. واللي أعرفه أن فيه واحد قدم قبل 3شهور وأعطوه رقم وتاريخ الصرف بعد سنه...
وفي حال تقديمك عقد القصر وكرت الزفاف يكون قد أستعجلوا لك في القرض ولكن السؤال المهم ؟؟
هل فعلآ البنك الان يعاني من عدم دعم..من الحكومه أو تصريف المواطن...
أخي فلتقطع الشك باليقين وأدخل على المدير البك اللي في بريده وخلوه يشرح على الورقه واذا تأخر في الصرف بعد الشرح أطلع للأداره في الرياض وأشرح وضعك وأنشالله يتفهمون ... والله يعينك... ونصيحه لك أخي بأن تستغل المبلغ في المفيد وليس السفر .... لان الاقساط مدتها طويله ...

[حمودي الاسياح]

اخوي بما انك امورك طيبه وانت محتاجه للسفر فقط السفر يسهله الله والله اني اعرف ناس محتاجه القرض لاجل تدفع المهر بس

[شعلة بريدة ستي]

الله يكون بالعون

والوساطه كل شى تحياتى

[المنخرش]

انا جلست يالبي 9 شهور

اقتباس المشاركة الأساسية كتبها ali ezzat begovich حبيبي القرض هو لمساعدة الغير قادرين على اتمام متطلبات الزواج المادية و الأساسية وليس للأشياء التكميلية، ثم أني انصحك إذا لم تكن بحاجة إليه فدعه للغيرك من المحتاجين ودعونا من التوجه للأستهلاك الفاضي .

8
8
الحين اللي يسمعك يقول الفلوس مجاناً ولا منحه

تدفعها غصبن عليك
تحسبنا بقطر انت ههههه

وبعدين الرجال حر فيها .. انت تدخلون انفسكم بشي مايخصكم

الرجال لو يبي يخزنها مالكم خص

اقتباس المشاركة الأساسية كتبها أبوراشد الله يعافيك ولايبلانا تاخذ قرض بـ 30 أو 40 ألف علشان تسافر ؟! ...

8
8
والله عالم تعبانه
وش محرق رزكم
الرجال حر بفلوسه

هذا اللي ناقص بعد تبون تتحكمون بفلوس العالم

عالم مريضة