[شاطى الامــــــاني]

[FRAME="15 10"]السلام عليكم---

ودي اسأل البنات "البنوتات"---
وش رايك اذا خطبك واحد من قرايبك هل توافقين؟؟؟؟

يعني ولد عمك اوولد خالك او ولد عمتك او لد خالتك--------

او يعني من العائله بس بعيد شوي----هل توافقين؟؟؟؟

طبعا اذا كان ما عليه من حيث الدين والخلق!!!

او ترفضين وتقولين ""الاقارب عقارب""



انتظر ردودكن[/FRAME]

[أجراس الرحيل]

وعليكم السلام ،،،

أيتها الفاضـــــلة الزواج ماهو إلا توفيق من الله ..! لذلك إذا تقدم أي شخص حسن الخلق ومشهود له بالخير(لان لنا الظــــاهر )..! سأستخير الله ،، والله لايخيب
من أستخار ،، بفضله وكرمه سيعاملني ،،لانني عبده ليس لي حول ولاقوه بدونه ،، وسيرضينــي ويقنعني إذا كنت واثقة ومتيقنه بربـــي وأنا أستخير ..!

دمتِ بخــــير

[قويه]

حسب الشخص .. اذا كان طيب واخلاقه عاليه راح اوافق بعد الاستخاره لاني افضل الاقارب على البعيد

[بنت الشماسية]

وعليكم السلام ورحمة الله وبركاته

كل ماأبعد الواحد أفضل ,

وليس من أجل الأقارب عقارب لا !

بل من جميع النواحي يعني ماتصير مشاكل من البعيد مثل القريب - لو حدث طلاق لاسمح الله تحدث من المشاكل

العظيمة مالله بها عليم - أيضاً أصفى للقلوب لو أن الشخص بيتذكر شيء قديم عن أهل زوجته سواء أعمام أو

أخوال ليس بجيد والعكس أيضاً ..!

..

وكل مابعدت القرابة مثلاً كأن يكون من أبناء عم الوالد أو أعمام الجد والجدة أو من جهة الأخوال من بعيد

وكذلك بالنسبة للفتاة فهو أفضل .

..,,..

" ورأيي البعيد الذي لاتربطك فيه قرابة أفضل "

شكراً لك شاطئ

دمتي بخير

[نجدية حرة]

مشكورة اختي شاطئ الاماني على الموضوع

والله المسألة للي يخوضها ويجربها صعبة ومو سهلة

فمثلا وحدة من زميلاتي تزوجة ولد عمها بس ماكتب الله يدوم زواجهم وتطلقوا وطبعآ لانها هي اللي اختارت الطلاق واصرت عليه لانها ماحبته اهل الولد سوو مقاطعة لاهل البنت كلهم وبالمناسبات الكبيرة اذا شافوا اهلها سلموا من غير نفس اما هي فزين ان سلموا عليها!! رغم انها المسكينة ماعندها مشكلة معهم وتسلم عليهم بكل لطف والابتسامة تشقق وجهها بس مدري ليه مو راضيين ينسون السالفة رغم انه صار على طلاقهم مايقارب الست سنوات ويمكن اكثر!!

والغريب انهم كأنهم يتشمتون فيها وحدة من خواته متصلة على بنت عمهم صديقتها والمقربة لها ورايحة تبشرها ان زوجة اخوها (الثانية) ولدة!! علشان توصل الكلام للطليقة اللي متزوجة قبلهم ولسى ماحملت!!(ناس مريضه)
لا والطليق بيوم العيد رايح يسأل ولد اخت طليقته الصغير عن طليقته اسألة عجيبة!!
ومن الاسألة يقول فلانة حملت ولا لا؟!!
عاد من براءة الولد الصغير يقول لا مارزقها الله عيال,,, ياحبيل البراءة بعد

بس الغريب انه مو مبين عليهم كل هذا اللي يشوفهم يقول هذولا من احسن الناس وهم السنعين الطيبين بس الله اللي ساتر على بلاوي الخلق,,

المهم المضمون انه فيه ناس ماتنسى ابدآ وماتؤمن بالنصيب!!

فالافضل ان الوحدة تتزوج من واحد بعيد احسن واريح لها ولاهلها,,,

مدري هذا رأيي وزي ماقلتلكم يرجع الموضوع لتجارب واسباب مو من فراغ..

[عاشقة الحلم]

اهم شي الاخلالالالالالالالالالالالالالالالالالالالالالالا ق

[زمردة]

ايهـ..

آحس من بعيد آفضل ,,,
خ ــلينا نتعرف ع مجتمعات ثأآنيهـ بتلهـ مجتمعنا,,,,,

شكرا ع الموووضوع...

[هايين]

اولا التوفيق على الله

ثانيا اي احد يقول الاقارب عقارب فهو يقصد نفسه


اقبل بلا تردد
طبعا انا فاتت على بس اعيالي ماراح ارفض


موفقه

[أحلى صبية]

بالعــــــــــــكس البعيد ماتعرفينه ولا تظمنينه يعني عالأقل اذا كان قريب العايله بتشهد
عليه بكــل شي ....
لا من اخلاق ولا سمعه وطبعا اهل الولد لهم كرت يعني اذا طيبين حليلين الحمدلله
وش تبين اكثر من كذا واحد اهلك ومن لحمك ودمكـ....
وبالعكـــس مايقدر يضرك هذا بالنسبـــه للعوايل اللي متفاهمين وحنا عايله تفضل زواج
الاقارب....

[رُوَاءَالرُّوح]

خوال واعمام تقدموا بس ارفض
مع ان الخوال خساره رفضهم والاعمام ليتهم يشيلون عيناتهم
ما اقبل ان اخذ قريب لاني احب التجديد
وسالفة منكم واليكم ما اعترف به
والتوفيق بيد الله والمكتوب ما عنه
بس شي بالنفس مابي قريب

والله يوفق الجميع للخير والصلاح

[زمردة]

مموع دخول الرجال <<<<<< وين الآدارهـ

[المستثمرةA555A]

نظرية : الاقارب عقارب غلط
بلعكس الاقارب حبايب لكن قد يكون فيه بعضا من الامور تجعلعا ترفض

[see]

بصراحه اقاربي على عيني وراسي وشرف لي اخذ واحد منهم من اعمام اوخوال بس الامراض بسبب زواج الاقارب و غيره ماافكر باحد منهم لاني اعتبرهم زي اخواني وثالثا وهو الاهم ان بزواج الاقارب فيه مشاكل كثيره من تدخل العائلتين ومن نقل الكلام وغيره وانا اتكلم من واقعي اللي اعيش فيه واللي اشوفهم اقارب ومتزوجين ماتستقر حياتهم ودايم مشاكل بمشاكل0والعائلتين ومايتركون اصحاب الشان يحلون مشكلتهم لابد من التدخل 0وجهة نضري 0

[ما تَهَاب]

والله ياعزيزتي البنت يمكن تقول لاااا ماأبغى أقارب وتكون رافضة الفكرة بشكل نهائي وعقب تآخذ منهم غصب عليها , يعني إذا ربي كاتبها لواحد من عيال عمامها أو خوالها لو تطير وتوقع بتآخذه .. والشكوى لله ..

بالنسبة لي على حبي لأقاربي لكن ماأبغى من عيالهم ..

الله يكتــب اللــي فيـــه الخـــير ..