[M!Ss TOOFEE]

بسم الله الرحمن الرحيم....~

السلام عليكم ورحمة الله وبركاته ....~

انا من طالبات كلية التربية الادبية ...
وانا ابكتب لكم موضوع عن معاناة الطالبات بالكلية
اولا:قلة المظلات واللي بعد مايوقن عن الشموس غدينا كحله من الشموس>>>بنوا كليه كامله عجزين عن مظلات
المشكلة مبنى العماده قوووه كشخه حاطينن لهم مظله وحنا اللله يخلف علينا بنات البطه السوداء
وحتى ان البنات صارن كلهن يفترشن الاسياب >>ماكاننا بكليه
ولا فيه احد ابد يقعد بطاولته
وهذي صورة في مبنى 1 تحاكي معاناة الطالبات وهن يقعدن بالشموس>>>بالاول كنا متأملين انهم بيحطون مظلات بس طلعوا خرطي

ثانيا: مركز التصوير مايغطي احتياجات الكليه اذا جيت لمهم قالوا خلص الحبر ولا الطابعات خربانه وهم توهم فاتحين>>>يايتعاقدون مع شركات زينه ولا لايتعاقدون
ثالثا: موظفات الكافتيريا كل وحده متكلتن ع الثانيه بالبيع ,مره كنا بالاختبارات وبنشتري ماء ونقولهم الامتحان بيبداْء الحين عطوونا ماء
وقاعدات يضحكن ويسولفن وكل وحده تقول للثانيه روحي جيبي لهم ماء>>>امحق موظفات

ووووووووغيييييييييرهن من المعاناة اللي مالي خلق اكتبهن بس كتبت الموضوع ع السريع لضرورته.
واتمنى يتعاجلن يعني السنة الجاية ان شاء الله كل شي تمام>>>مافيه امل

والسلام عليكم ورحمة الله وبركاته...~

[غلا الروح]

والله شي يقهر خصوصا المضلات ليه يعني مافيه احساس
وشكل الكليه غلط لاان الممرات كلها بنات وفرشات كانك في حديق مو كليه

مشكوره على الطرح

[عنزي الاسياح]

صراحه معانات واتوقع انك تكلمتي عن نقطه من بحر
مشكلتنا التعاقد مع الشركات بدون شروط كامله ماتلقين شركه اكملت شغله لابد تجد اخطاء
مثلا هالكليه ليش الجهه التي تعاقدت معه مافرضت عليها وضع مضلات
لاكن الله المستعان

الف شكر
وتقبلي طلتي

[..احساس..]

الطاولات اللي بوسط المبنى خيرة أنهم ماحطوا لهم مظلات

من الأساس ليش البنات ينقلن الطاولات إلى وسط المبنى ..!!

بس البلاء باللي طاولتهم تحت المظلة والشمس تصكه صك


قسسسسم كل يوووم ضافين قهوتنا ندور لنا طاولة فاضية نجلس فيها ..

ولا المعاناة إذا بغيتي الكافتريا أو المكتبة العامة تجيك ضربة شمس وانت
ماوصلتِ



ولا القاعات بالأمتحانات ياتبريد عالي ياموتي حرررر
مافيه حل وسط قسم أحيانا أتربع أدفي رجليني من البرد
وأول مانطلع من المبنى نقعد نذوب الجليد ع قولة مرومة


..
أما التصوير حااااقة ماحصلتشي
دخلت أبصور قبل الأمتحانات والموظفة تكد تقل دافعة من جيبه



ومع ذلك تبقى الكلية حلووووووة الصراحة باللي فيها

>> ما أحد سألتس

[ تراي دااااخلة راااايقة ع الأخر وأخذت راحتي بالسواليف ههههه ]

[M!Ss TOOFEE]

اقتباس المشاركة الأساسية كتبها غلا الروح والله شي يقهر خصوصا المضلات ليه يعني مافيه احساس وشكل الكليه غلط لاان الممرات كلها بنات وفرشات كانك في حديق مو كليه مشكوره على الطرح

غلا الروح مشكوووووره ع المرور
ويارب يسمعون لنا

العفو ..

[M!Ss TOOFEE]

عنزي الاسياح...شكرا ع المرور

[śǿǾǿĸř]

صراحــة شي يقهــر كيف الطالبــات يتحملون حرارة هالشمس ياريت يحطون مضلات ولانسوي صندوق للصداقات تحياتي ...

[fantasia]

اقتباس المشاركة الأساسية كتبها ..احساس.. الطاولات اللي بوسط المبنى خيرة أنهم ماحطوا لهم مظلات من الأساس ليش البنات ينقلن الطاولات إلى وسط المبنى ..!! بس البلاء باللي طاولتهم تحت المظلة والشمس تصكه صك قسسسسم كل يوووم ضافين قهوتنا ندور لنا طاولة فاضية نجلس فيها .. ولا المعاناة إذا بغيتي الكافتريا أو المكتبة العامة تجيك ضربة شمس وانت ماوصلتِ ولا القاعات بالأمتحانات ياتبريد عالي ياموتي حرررر مافيه حل وسط قسم أحيانا أتربع أدفي رجليني من البرد وأول مانطلع من المبنى نقعد نذوب الجليد ع قولة مرومة .. أما التصوير حااااقة ماحصلتشي دخلت أبصور قبل الأمتحانات والموظفة تكد تقل دافعة من جيبه ومع ذلك تبقى الكلية حلووووووة الصراحة باللي فيها >> ما أحد سألتس [ تراي دااااخلة راااايقة ع الأخر وأخذت راحتي بالسواليف ههههه ]

مشكووورة من والى الثرى على الموضوع...

معليش احساس لو تدخلت بس شلون تقولين وراه البنات ينقلن طاولاتهن بالمبنى
وبعدين تجين وتقولين ان المظلات مايوقن عن الشمس>>اكيد ماراح يوقن لانه الشمس تدخل من كل جهه
بس لو حطوا مظلات على نفس المبنى ماراح تشوفين الشمس>>زي كليتنا الاولى كانتس درستيبه
وعلى قولتس بعد تضربنا الشمس وحنا ماوصلنا الكافتريا ولا التصوير>>متنااااا ياناس
والتكييف المركزي اجل ياموووووت زمهرير ياتقل فرن حراري
اجل بالامتحانات احيانا احل عالطاير عشان بس اطلع واتدفى ولا اطلع اشم هوا تسان هم حاطينه عالحار بعد>>مافيه حل وسط

وترى البلاوي واجد بالكليه

[لايف ستايل]

بصرآأإحـه أنآ أشكر أشكر أشكر صآحبة الموزوع(من وإلى الثرى)
على طرحها مثل هالموضوع ... بصرآحه شي ما ينسكت عنه ..
ومع ذلك ماسكتنا ورحنا وحاولنآ وعلى قولتهم لآحياة لمن تنآدي !!
يعني صدق صدق ودي ادري حنا وش--> اذكر اننا أودم
بس للأسف الحيوان يعامل ويرفه احسن مننا . .

انا ودي أدري التكييف والدنيا ذي ليه محطوطه بس للموضفات بس
قسم بالله لا دخلت الشؤون أحس ودي أتسدح هناك تكييف وماادري
ويش يعني يشتهي الواحد يداوم مو حنــآ !!

يعني حتى من زين الأمور لا دخلنا بالاسيآب ع شآن نجلس نتبرد
ونجلس شوي يكزون لنا دكتوره ولا مادري وش ---> قالت إيش قآلت
منظر غير حضآري هع
بالله وين الحضاره لاصرتو كأنكم حآطيننا بشبك غنم ومحآصرريننا
نبي هوا نبي نشتهي نداوم زي الموضفات يجون يفلونها ويطلعون
مو حنا نجي ونطلع وحنا مدخنين وتآفلين العافيه
تصدقون أنه يوم جت أزمه انقطآع الكهرب وش تذكرت
--> تذكرت الكليه قسم

رجــآءاً أنا جآلسه أتكلم عن مشكله من المشكلآت فآآنبي
مجيــب الله يخليكم مقدرين الإنتقال عن الكليه الخرآبه
بس مآزلنآ نعآأإني من أشيآء ---> نبي نحسس اننا اوآدم

ودمتم

[غير البنات]

الصورة الي فيها طاولات البنات اللي نقلو لها الطاولات باختيارهم وهو مكان يمنع فيه الجلوس وكم كنت اتمنى لو ان هناك ادراة صارمة تعيد الطاولات لمكانها التي احضرت منه لانهم مسوين ازعاج على القاعات

اما بالنسبة لافتراش الاسياب بالمرة منظر غير حضاري يكفي بس لما تدخل الساعة 7 وتحصل البنات يشربون قهوة - بسم الله- ياله صباح خير- كانهم عجز<<<<<<<<<<<<<<خخخ

المفروض الجلسات تكون برا ومن البداية كان من المفترض نطالب بمظلات ونرفع خطابات دايركت للجامعه لان تجاوبهم اسرع

فيه ظاهره مو صحيه ابدا<<<<<ماعليش راح اسقط على صاحبة المتصفح<<<<<

البنات الكدش ليش انتشروا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
واللي يلبسون جنز؟؟
ماباقي الا بناطيل<<<<<<<<<<<<<<<<<<<<<<<<<خخخ

[فقيره الحظ]

السلام عليكم

صادقه ياحبيل قلبك انا وحده من الكليه المضلات احلم به من قوه اللي اشوفه من الحر

ولا عشان اللي مثلي حظوظهم مش ولا بد يعني كل سنه تدرس دبل لازم يشفون حل

للمضلات ومهيب حاله لاجينا من الصبح الى نهفهف بالورق من الحر

ومشكلتنا نزمل قووووووووووووووووووووه نطلع للكفتريا ليه شمس الوحده ماتوصل

الكفتريا الا هي منهده من الشمس وجه متلون

ومشكوووووووووووووووووووووووووووره ياقلبي وربي يسعدك على الموضوع

وياليت نلقى اهتماااام وفق ربي الجميع

تحياتي لك....فقيره الحظ

[anooda]

طيب انا زيكم
بس ما اجلس برا اجل جوا

[Abo-Hssan]

بصراحة ها الكلية كلها بكبرها تحوم الكبد ..
وعندهم دكتورة مصرة ××××××××××

(( نرجوا الالتزام بأدب الحوار بارك الله فيك .. ))

وعدم الرد على المواضيع القديمة ..

شكراً ..