[درر الوداعين]

السلام عليكم كيف الحال اخواني اخواتي كما هو العنوان

انا عندي ولد عمره 17 وابوه فرج الله عنه وفك اسره مصر على تزويجه واذا انه صغير هاوشني
وقال انت ماتفهمين موب صغير وانا اخاف عليه من الفتن في هالوقت ومن هالكلام

لاكن انا والله محتااااااااااره

احس انه مو متحمل المسؤوليه ولا عنده سالفه للزواج همه يلصق ويقشع في هالسيارات وبس

وبعدين كيف اقدر اقنع ابوه

[روح القصيم]

اختي في الله ::
من وجهة نظري انه بدري عليه صغير مره

وكونه هو الرجال الي يبي يتحمل المسؤليه والحياة صعبه االمعيشه يبغاء لها احد

كبير ..

فنصيحتي اختي لاتزوجنه تو الناس عليه وزماننا مو مثل زمان اول

حتى البنات تغيرو اول شي يبونه سكن بيت لحالهم

من غير الباقي فاراح يتعب ويتعبكم ..

اتمنى تقبلي وجهة نظريــ ,,,

[الواثقة]

والله حرااااام توه صغير ومراهق

ويعني اكيد بتزوجونه وحده اصغر منه

بالله كيف بيدبروون امور حياتهم وهم لسى بهالعمر

حاولي تقنعين رجلك وفهميه ان مساؤى هالزواج اكثر من فوائده


شي عجيب ...., : (

[برق برقان]

اختي ..
في هذا السن يستحيل عليه ان يتدبر امور معيشته ..

1-كيف يتزوج وهو ماعنده راتب او وضيفة .. <<يعني من راح يوافق على تزويجه
2-إذا كبر وفهم الوضع قال الله لايبارك في اهلي وش مزوجيني ,,؟؟
3-اتوقع بمثل هالسن ما عنده اي سالفه في الزواج ..؟؟

تستطيعين اقناع زوجك بقولك له ..:
زوجي العزيز
ان ابننا إلى الآن وهو يدرس وقد يؤثر الزواج عليه في إكمال دراسته وإحتمال كبير يترك الدراسه ثم ننفق عليه
بدل ان يكمل دراسته وينفق علينا ,, وإنني احتاجه في خدمتي فأنا اولى ان يخدمني لا زوجته ..
وانا اتوقع بأن ابننا ليس له اي خبرة في امور الزواج لافي تربية الأبناء ولا في المعامله مع الزوجه ..

>> تقبلي تحياتي <<

[شهلول]

*

*

العمدة في الزواج ليست على السن

فليس هناك سن مناسب للزواج سواء كان للرجل او المرأة

ولكن هناك إنسان مناسب للزواج

فمثلا إذا أحس الشاب أنه بلغ مبلغ الرجال، وقادرعلى تحمل المسؤلية والقيام بحقوق الزوجة

ويرغب في الاستقرار فعليه المبادرة بالزواج والسعي إليه

قال الرسول صلى الله عليه وسلم: "يامعشر الشباب من استطاع منكم الباءة

فليتزوج فإنه اغض للبصر واحصن للفرج"

فلم يحدد الرسول صلى الله عليه وسلم السن بل الإستطاعة والقدرة


أرجو تقبل مروري بقبول حسن

[اابو معاذ المكي]

وعليكم السلام ورحمة الله وبركاته
اختي الفاضله لاشك ان الزواج هو استقرار ولايخلو من المسئوليه
ولو كان راي يختلف عن بقية الاخوه والاخوات فانا ارى انك تزوجينه
وحخاصه نحن في زمن كثرة فيه المغريات ولكن عليك قبل تزويجه ان تسدلي
له بعض النصائح التي تكون عونا له في الحياه
اسال الله ان يوقفه ويملأ حياته سعاده

[بلف الكاتم]

بالنسبة لي و أنا أخوض في ميدان هذه الأعمار .... الشباب يختلفون .... و طبعا أغلب الشباب في هذا الوقت لا أستطيع أعطيه غنم .... وفيه من الشباب وهم قليل أعتمد عليه بأشياء كبيرة ... باختصار : أنت أدرى من غيرك بولدك

[فورتشنر]

والله يا ختي في الله انا واحد من اخواياي

ابوه الله يفك اسره نفس ابو ولدك بالسجن المسيكين

زوج ولده يوم حس انه بيمسك علطول بنت خالته

ومسكه محله والولد مشاء الله الحين عمره

20 ومعه 3 بزارين وله محل مشهور

بالصفراء لا وازودك من الشعر بيت زوج بنته اللتي كان عمره

15 سنه اقول وجهي ولدك وانصحيه والله يارب البيت يوفقكم

ويكون بعونكم بس احرصي على ذات الدين

[krash]

لا بس اقنعي ابوه "فك الله اسره "انه مايزوجه ..
وبعد انتي تقولين ان همه سيارته ولصقاته يعني مراهق صغير على الزواج..

[رابعة]

يبدو ان زوجك وده يشوف احفااده ..

لكن اختي انتي بإمكانك تحددين هو قد العرس ولا لا
واضح ان ولدك ماجاب طاري العرس فاليش تفتحون عقله لهالامور

صحيح ان الوقت كثرت المغريات ولكن كثرت لمن بحث عنها واصبحت شغله الشاغل ..

الاستخارة وارى لو تصبرون الى ان يبلغ 20 سنة افضل لان من بيصرف عليه الحين .!
فاصبروا حتى يدخل الكلية ويتزوج وحدة بالكلية ويمشون امورهم ويكونون نضجوا شوي ..!!

واطلبي من زوجك يستخييييير ويتفاائل خيرااا ,,,

موووفقين..

[اميرة البحار الـ7]

اختي دار الوداعين
ماعندي اكثر من اللي قالوه المتفضلين قبلي
بس ازيد واقول ولدك وانت ابخص به وبمراجله
اذا تشوفينه كفؤ للزواج ويعرف قدره زوجيه
وبالتوفيق
لاتنسين تعزميننا

[أبو جـــهـــاد]

.
.
.
ألاحظ هنا أن الشباب مؤيدون أما الفتيات فمعارضات ,,

أما أنا :

فمؤيد وبقوة ..

الدكتور هاني عبد القادر يطالب بتزويج الشباب في عمر 15 ويعقد الدورات لذلك وأنتِ تتسائلين عن 17

لم نسمع أن زواجا فشل بسبب صغر العمر ..

سؤال بسيييييط لماذا جعل الله البلوغ في الـ15 أو قبلها هل جعله ليشقي الناس ؟؟سبحانه و تعالى عن ذلك ..؟؟

وإن كنت تظنين أنه < مايدبر ولا يعرف > فالحياة ستعلمه ,,

زوجيه ولالالالا تترددي وإن شاء الله يلحق بركب أبيه ركب الأبطال المجاهدين ..
.
.
.

[عروسه]

ابداااااااا ما يصلح بهالسن مرره صغير وانتي تقولين همه السيارات يعني ما يعرف للحريم والمسؤليه وووو

وانتبهي تزوجينه وهو مو مقتنع ترى مايصلح واعرفي ان هالزواج مأله الى الفشل

[شيبة الهلال]

اذا كان عمره 17
اكيد يبي يعرس على بنت عمره اقل من 17

ومن يبي يزوج واحد عمره 17

ولا عنده وظيفه ولا شئ