[أم جحا]

السلام عليكم ورحمة الله وبركاته

عندي سؤال

ودي أعرف ليش ماتكون هيئة الأمر بالمعروف والنهي عن المنكر هيا المسؤلين عن السرعة
لأن الشباب يخافون من هيئة الأمر بالمعروف
ولا يخافون من المرور

[إكسير]

عليك السلام ورحمة الله وبركاته . . .


" يا أم جحا " الله يصلحك ويصلح زوجكـ وعيالكـ . . .


الهيئة وش تبد عليه , , , عساهم يغطون شغلهم الأساسي . . . وعساهم يسلمون من شراذمة القوم . . .


والمرور فيه الخير والبركة . . بس لو تنشال كلمة " واسطة " . . . كان والله تتعدل الأمور بإذن ربي ..

[هايين]

^^^^^
نعم لاللواسطه

الشاب اذا فحط ولا قطع اشاره
اما يحمض ولا يطلع بنفس الوقت
ليه ؟؟!!!

..

[ابوولعf]

وشدخل الهيئة النهي عن المنكر والامر بلمعروف

[*سـكـر خـشـن*]

من قآلك آن آلشبآب يخآفون من هيئة آلآمر بآلمعروف

وبآلنسبة للسرعة فعلآ وآقـع جدآ مزعج وآحصآئية آعدآد آلوفيآت بسبب آلحوآدث سنويآ بزديآد فمقآرنتآ مع بريطآنيآ آعلى سكآن وآقل نسبة وفيآت فآلمعنى آن آلخلل في تطبيق آنظمة آلمرور



شـكـرآ

[مدحت شوقي بريده]

ياويلي .. يابو جحا .. وجحا ..
اصبروا واصبروا .. تراكم مآجورين ..
والله ياأنا رحمتهم .. وش هاللي هاجتن به ..



الا ماودتس بعد يدامون بدال ( المطافي ) .. يسحبون بهالليات ويطفون الحرايق ..


هاللحين الهيئة ناقصين كثرة هرج ومرج ..
عاااااااااااااااد من حب هالشباب الصيع للهيئة .. تبي تزودين هالكره أنتي ..


صحيح الهيئة ماشاء الله عليهم ( قده وقدود ) بس لكل مقام مقال ..
قده وقدود <<((== هذا مسلسل مصري اسمه جده وجدود ..

والهيئة بعد مايدرون وش يبدون .. مخدرات اواسواق او خمر وعرق ..
يعني ماهم ناقصين غثاء .. الله يساعدهم ..





سي يو ..

[رعد3]

من قال فيه احد يحاسب المتهورين

يقطع الاشارة والمرور عنه

[أم جحا]

اقتباس المشاركة الأساسية كتبها إكسير " يا أم جحا " الله يصلحك ويصلح زوجكـ وعيالكـ . . . أمين يارب العالمين الهيئة وش تبد عليه , , , عساهم يغطون شغلهم الأساسي . . . وعساهم يسلمون من شراذمة القوم . . . تبد عليهم إذا زودو عدد الموظفين في الهيئة وإذا كانوا هم المسؤلين عن السرعة يكون شغلهم الأساسي بعد والمرور فيه الخير والبركة . . بس لو تنشال كلمة " واسطة " . . . كان والله تتعدل الأمور بإذن ربي أيه فيهم الخير والبركة مستحيل تنشال :oo ..

مشكور على الرد

[فـاقـد حــنـان]

اقتباس المشاركة الأساسية كتبها مدحت شوقي بريده ياويلي .. يابو جحا .. وجحا .. اصبروا واصبروا .. تراكم مآجورين .. والله ياأنا رحمتهم .. وش هاللي هاجتن به .. الا ماودتس بعد يدامون بدال ( المطافي ) .. يسحبون بهالليات ويطفون الحرايق .. هاللحين الهيئة ناقصين كثرة هرج ومرج .. عاااااااااااااااد من حب هالشباب الصيع للهيئة .. تبي تزودين هالكره أنتي .. صحيح الهيئة ماشاء الله عليهم ( قده وقدود ) بس لكل مقام مقال .. قده وقدود <<((== هذا مسلسل مصري اسمه جده وجدود .. والهيئة بعد مايدرون وش يبدون .. مخدرات اواسواق او خمر وعرق .. يعني ماهم ناقصين غثاء .. الله يساعدهم .. سي يو ..

ههههههههههههههه

[| يحيــى فقيـــه |]

يا إخوتي هي أمنية من الأخت أم جحا .. أن يوجد حل وفعال للمتهورين بقيادة السيارات .

فكم من آماني تحققة و أخرى لم تتحقق .

ولكن ما تقدمه الهيئة من إنجازات دعى أم جحا أن تتمنى هذه الأمنية . فلا تلوموها .

فربما لو اسندت للهيئة هذه المعضلة خلال فترة حملة المرور القادمة .. قد تتحقق الأمنية ولو لفترة محددة

شكراً لها فقد أحسنت بهذا الجهاز الظن .

بالتوفيق للجميع .

[رفيــع الشانــ]

وأيضا يوكل لها مهام البلدية
فهم في هذه الأيام يسألون رخص المحلات

[كاتب صريح]

من امن العقوبه أساء الأدب

[SORRY]

ياكثر ماسمعنا من انظمه لردع اهل السرعه والتفحيط .. لكن وين الي يطبقها ..!!!

المفحط اكثر ما يخاف من شئ واحد ( حجز السيارة ) ..

أما التوقيف فيعتبره مكان لتعرف على ناس من نوعيته ..والقسائم تتراكم ما يهمه لأنها لاتعتبر رادع فوري له ..
رجال المرور فيه خير لكن بعضهم مل من العمل بذمه .. لأنه يسلم مفحط ويجي بكره يلقاه بجنبه بلأشاره ..لا ويناظره ويضحك .. اذا هذا نتيجة تعبه ليش يتعب ..!!!

الله يرحم ايام الهباش .. والله ما جننا الا هو .. فعلآ كان مرعب ..

الله يجيب مثله بسسسس ..

[ مفحط سابق ولله الحمد ] ...

[أم جحا]

اقتباس المشاركة الأساسية كتبها هايين ^^^^^ نعم لاللواسطه الشاب اذا فحط ولا قطع اشاره اما يحمض ولا يطلع بنفس الوقت ليه ؟؟!!! ..

حلمي فيها لا للواسطة

ماأقول الا الله يهديهم
ومشكورة على المرور