خبر عاجل : تراني مصاب بالعين , والعين حق !

مجنون بريده · 28-08-2009, 01:33 AM

السلام عليكم ورحمة الله وبركاته

يازين أجواء الرمضان ياناس , قسم بالله أجواء روحانية لاتوصف

ياخي تحس بنفسك إنك تتغير دايركت وليش ماتتغير ؟!

وإبليس اللعين وشلّته قاتلهم الله مصفّدين الله يعيذنا منهم قولوا ااااااااامين

وصلاة التراويح ياهي ترد الروح وتبهج النفس , ويامسكين ياللي مفرّط !

بس فيه مشكلة لكن لاتخافون مو عويصة وهي تغيّر ريحة الفم من الجوع

عاد أسألكم بالله هذي مشكلة ؟ لكن للأسف بعض الناس عندهم إنه أمّ المصائب

محدّثكم دحين جالس يكتب موضوعه وقت العصر في سادس أيام الشهرالكريم

لو يتنفس بعنف كان يطفى محموله من شين ريحة إثمه

بس ماتدرون إن الريحة أطيب عند الله من ريح المسك

( ولخلوف فم الصائم أطيب عند الله من ريح المسك ..)

وفيه مشكلة ثانية بس تراها مو عويصة وبنفس الوقت ماهي هينة

بعض الناس تشكي من العطش وتروح تنام محاولة الهروب من واقع العطش

لا سيّما في أجوائنا الحاضرة قمّة الحرّ , لكن مالك إلا الصبر وأجرك على ربك

ترى كل السوالف والنصائح اللي تقراهن عشان أجيب طاري الجو الحار

لأن موضوعي يبدأ من مشكلة الأجواء الحارة ..

أكبر مشاكلي بالحياة الدنيا وزينتها مقاومة الجو الحار

لأني أكره كل اللي قدّامي ونفسيتي تصير زفت والله يلوم اللي يلومن

الأكل مايدخل إثمي والشهية مغلقة للصيانة وبحلّ ياحديقة الملك فيصل اللي بالطائف

حتى الماء البارد من شدّة الحر ما أشتهيه ( عاد ترانا عطيناك وجه , فيه شي يدخل المخ وفيه شئ مايدخل)

ومع مرور الأيام وتعاقب اليالي الطوال ( قمّة الحماس والتشويق)

بدأت حالتي تسوء يوما بعد يوم , وكل مازادت الأيام زادت الحالة سوء

حتى إن الحالة وصلت معاي إني مالي خلق أقابل أحد من العائلة الكريمة

يعني 24 ساعة مسكّر علي بالغرفة لاحنيس ولا ونيس

أدري إن بعضكم يقول ياخي إدخل المنتدى ووسع صدرك ( يالقفكم)

بس قلت ماعندي إستعداد أدخل وأشوف نقاشات سخيفة من بعض الاعضاء

لأن اللي عندي يكفي ويوفي وماني ناقص تعكير مزاج

في هذه الحالة العصيبة طلّعت نفسي من غرفتي من الهم والغم والجبن والبخل

لأني من زود الحالة اللي بي كرهت حتّى نفسي !

وجلست بالغرفة بدون نفسي ( يالله إنّك تلطف بحاله , قووولوا ااااامين)

وكل ماجاء الوالد يطق علي الباب , أقوله ( الله أكبر ) ويفهمها ويروووووح

وإذا جاء أخوي يقولي : وش فيك ياخوي ؟ أقوله : هنقلع بس

وإذا جاء لمّي أحد الأخوات أسوي نفسي نايم

عاد مرّة من المرّاة جت لمّي أمي فاطمة وطقّت علي الباب

يوم سمعت صوتها مدري وش أقول من الروعة

عاد قلت : الله أكبر , قالت : أبجلس عند الباب لمى تخلّص من الصلاة

وهذا اللي ماحسبنا حسابه , جلست فترة بسيطة أبيها تمل وتروح لغرفتها

لعلّه ماراحت وكل شوي أسمعها تتنحنح ( يعني تراك طولتها وهي قصيرة )

عاد كسرت خاطري وفتحت له الباب , وعلى طول دخلت غرفتي

تبي تشوف وش اللي مخلّين جالس بالغرفة 24 ساعة ( تفكير عجايز)

يوم شافت مافيه شي , قالت : ويحك ( لو تقول ويحك كان يطيحن الضرسين اللي فرحة بهن)

قالت : ياوليدي لك كم يوم وأنت متغيّر علينا , أنت تشكي من شي ؟ وإلا تحب لك بنيّة ؟!

قلت : ما أشكي من شئ ولله الحمد , والحبّ مخلّينه لقيس

قالت : أجل بما إن الضيقة اللي بك بدون سبب , فأكيد إنه عين صابتك !

قلت : عين مرّة وحدة ياميمتي ؟!, قالت : عيال الحرام ماهنا أكثر منهم

قلت : ياميمتي إحسبيهم بالكيف وليس بالكم , قالت : إن كان تبي رضاي رح للمطوّع يقرا عليك

قلت : ياميمتي شايفتني مهبووووووووول , ونا ماودّي أروح لأحد يقرأ علي , تدرون ليش ؟

لأني في حالتين أتمنى الدنيا تبلعن وأكون نسيا منسيّا !

الحالة الأولى : إذا قرّب الشيخ خشّته عشان ينفخ عليك

الحالة الثانية : إذا جاء الحلّاق يحدّد الشنب ( وخذ شهيق وزفير اللهم صلّي على محمد )

يوم شافوا الأهل إنه مستحيل أروح للمطوّع , جابوا لي ماء زمزم من عند الشيخ اللي يقرا

وجلست فترة ونا أشرب من ماء زمزم وعلى الله

يوم من الأيام رحت لعمتي منيرة بعد صلاة المغرب , ويوم دخلت عليها وسلّمت وجلست

قالت : وش بك ياولد أخوي , وجهك مهب عاجبن ! تقل عاضّن ليمونة

قلت : والله ياعمّتي من قلّ النوم لأن بي أرق غريب هاليومين

قالت : اتصلت علي أمك فاطمة وتقول إن به عين ( نسوان + تلفون + فراغ = أمّ المصائب)

قلت : والله ياعميمتي إني ما أدري وش بي

قالت : لاتقول عين , لأن العين ماوالله توطوط عندك , لاجمال ولا مستقبل , وش عليه يحسدونك

الناس ؟( قمة التحطيم)

واشرب بيالتي وللبيت من عقب التحطيم

ويوم جاء وقت النوم وأجلس أفكّر بكلام عمّتي لأن معها حق بصراحة

بس جلست أفكّر وأقول لا يصير يوم كنت مسافر اخذ لغة وضربت بوبي بالشامبو

لايكون عملوا لي عملة سوداء ( وراحت الليلة كلها هوجاس وظنون )

خلاصة الكلام :

مو كل شئ يجيك قلت عين , لو تصدم بسيارتك قلت عين!

أنا لا أستهين بالعين , وكلنا نؤمن بالعين , والعين حق , ولكن المؤمن مبتلى

إيّاك والوساوس الشيطانية التي غالبا تأتيك وقت المنام , فكن على حذر

وكن أيضا على يقين بأنّ ما أخطأك لم يكن ليصيبك , وأنّ ما أصابك لم يكن ليخطئك !

ولا تنسى قراءة الأذكار صبح مساء فهي التي ستحفظك من شر كلّ ذي شر بعد مشيئة الله

همسة : القصة من نسج الخيال , ولا تمت لواقعي بأية صلة

أرق التحايا والتقدير
مجنوووون بريدة

راقيه باخلاقي · 28-08-2009, 01:42 AM

وانا متحمسه واخرته من نسج الخيال
خيالك ماشاء الله واسع
كثرلنا من هالسوالف ولاتنسى تدخل عمتك منيره بالقصه

فان در سار · 28-08-2009, 01:46 AM

وانا متحمس احسبه صدز ..اثره خيال هع...بس والله خياالك واسع

يسلمووو

مجنون بريده · 28-08-2009, 11:58 PM

تمنيت أن أقرأ في ردودكم نقاش يثري الموضوع !

شكرا للجميع

عزوزتي · 29-08-2009, 12:34 AM

بعد قراءتي للموضوع ثبت لي إنك عاقل هههههه

تحياتي 00 والعين حق 00 والله يكفينا وياك

وكل مسلم شر كل حاسد وحاقد وكل عين 0

****LAMAR**** · 29-08-2009, 03:16 AM

ههههههههههه الحمد لله اجل مابك الا العافيه ,,
طريقه حلوه في ايصال المعلومه او النصيحه ...

مغروره بس حنونه · 29-08-2009, 03:50 AM

الحمد لله ع سلامتك من العين

وفكك الله من المطوع اذا جاء ينفخ عليك

..

العين حق .. والرسول عليه الصلاة والسلام اصابتة العين
..
بالحرص على الاذكار في الصباح والمساء
صحيح انها تكون كا الدرع الواقي للأنسان
ولكن هذا الدرع يضعف
1\ بالغضب
لذا من غضب عليه ان يذكر الله ويستعيذ بالله من الشيطان الرجيم ويحاول قدر المستطاع ان يعود ويحصن نفسه من جديد
.
أيضاً
2\ عند سماع الاغاني أو مزامير الشيطان
بهذا يضعف الدرع الذي صنعته لنفسك
لذا تكثر الاصابه بالعين والحسد والسحر
في الاعراس التي تقام لياليها على المعازف
او العزائم التي يصاحبها اغاني (( dg)) وغيرهاا

..
ولكن المرض الاهم الذي ليس له علاج
لا بالطب الحديث ولا بالرقيه الشرعيه
هو الوهمعندما يعتقد البعض انه مصابا بالعين او السحر
وان هذه العين قويه او هذا السحر من فعل ساحر كائد ذو خبره
فيستسلم للمرض الذي صنعه لنفسه
ويموت من تعب لم يزره يوماً
..

وأيضاً
لمن أصاب بعين او سحر
وهما مصيبتان لا احد ينكرهما
عليه ان يصبر ويحتسب
وأن لا يستسلم .. وأن لا يجعل روحه وجسده لعبة بين يدي شياطين ألإنس والجن
وعليه بقرأة القران والمداومة بسماع صورة البقرة

..
على الرغم من ان قصتك تحمل سخرية القدر
إلا أن الرد عليها يطول ويجول>> ماودي ازعجكم

أعتذر للإطالة أخي الفاضل

لك مني كل أحترام وتقدير ..

**ابو علي** · 29-08-2009, 04:27 AM

اما عين يصلحلك مسلسل شر النفوس

ابوولعf · 29-08-2009, 05:06 AM

وش الكتب هذا مصار موضوع

*عزيزة نفس* · 29-08-2009, 05:22 AM

اعييناتي راااحت من الشاشه والقرايه
والتحمس طق بي عرق واخرته نسج خيااااااااال

乂♥ متفائلة ♥乂 · 29-08-2009, 05:33 AM

اقتباس


	قالت : لاتقول عين , لأن العين ماوالله توطوط عندك , لاجمال ولا مستقبل , وش عليه يحسدونك الناس ؟( قمة التحطيم)

ماكذبت والله

آخي مجنون /

إيصالك للمعلومه بهذه الطريقة مجنوووووونه كإسمك تماماً ..

الهلي حبه مايملي · 29-08-2009, 05:35 AM

والله يأخ مجنون بريده انك تكلمت بموضوع مره مضايقني...
وهو موضوع العين ماقانا شي العين حق بس مو اننا نخاف بها الشكل ويقل توكلنا
على الله وخصوصا عند نا ببريده بشكل مررره يضايق كل شي يخبونه ويزرعون بعيالهم الخوف من العين بشكل مو طبيعي.
واما بنعمت ربك فحدث

غرك زمانك؟ · 29-08-2009, 06:36 AM

اقتباس

المشاركة الأساسية كتبها **ابو علي**


	اما عين يصلحلك مسلسل شر النفوس

ههههههههههههه الله يقطعك يا ابو علي

most66 · 29-08-2009, 07:01 AM

يمكن بك عين على ها الخيال الواسع واحد يوسوس عموما يسلمووووووووو

28-08-2009, 01:33 AM	#1
مجنون بريده عـضـو تاريخ التسجيل: Feb 2008 المشاركات: 441	خبر عاجل : تراني مصاب بالعين , والعين حق ! السلام عليكم ورحمة الله وبركاته يازين أجواء الرمضان ياناس , قسم بالله أجواء روحانية لاتوصف ياخي تحس بنفسك إنك تتغير دايركت وليش ماتتغير ؟! وإبليس اللعين وشلّته قاتلهم الله مصفّدين الله يعيذنا منهم قولوا ااااااااامين وصلاة التراويح ياهي ترد الروح وتبهج النفس , ويامسكين ياللي مفرّط ! بس فيه مشكلة لكن لاتخافون مو عويصة وهي تغيّر ريحة الفم من الجوع عاد أسألكم بالله هذي مشكلة ؟ لكن للأسف بعض الناس عندهم إنه أمّ المصائب محدّثكم دحين جالس يكتب موضوعه وقت العصر في سادس أيام الشهرالكريم لو يتنفس بعنف كان يطفى محموله من شين ريحة إثمه بس ماتدرون إن الريحة أطيب عند الله من ريح المسك ( ولخلوف فم الصائم أطيب عند الله من ريح المسك ..) وفيه مشكلة ثانية بس تراها مو عويصة وبنفس الوقت ماهي هينة بعض الناس تشكي من العطش وتروح تنام محاولة الهروب من واقع العطش لا سيّما في أجوائنا الحاضرة قمّة الحرّ , لكن مالك إلا الصبر وأجرك على ربك ترى كل السوالف والنصائح اللي تقراهن عشان أجيب طاري الجو الحار لأن موضوعي يبدأ من مشكلة الأجواء الحارة .. أكبر مشاكلي بالحياة الدنيا وزينتها مقاومة الجو الحار لأني أكره كل اللي قدّامي ونفسيتي تصير زفت والله يلوم اللي يلومن الأكل مايدخل إثمي والشهية مغلقة للصيانة وبحلّ ياحديقة الملك فيصل اللي بالطائف حتى الماء البارد من شدّة الحر ما أشتهيه ( عاد ترانا عطيناك وجه , فيه شي يدخل المخ وفيه شئ مايدخل) ومع مرور الأيام وتعاقب اليالي الطوال ( قمّة الحماس والتشويق) بدأت حالتي تسوء يوما بعد يوم , وكل مازادت الأيام زادت الحالة سوء حتى إن الحالة وصلت معاي إني مالي خلق أقابل أحد من العائلة الكريمة يعني 24 ساعة مسكّر علي بالغرفة لاحنيس ولا ونيس أدري إن بعضكم يقول ياخي إدخل المنتدى ووسع صدرك ( يالقفكم) بس قلت ماعندي إستعداد أدخل وأشوف نقاشات سخيفة من بعض الاعضاء لأن اللي عندي يكفي ويوفي وماني ناقص تعكير مزاج في هذه الحالة العصيبة طلّعت نفسي من غرفتي من الهم والغم والجبن والبخل لأني من زود الحالة اللي بي كرهت حتّى نفسي ! وجلست بالغرفة بدون نفسي ( يالله إنّك تلطف بحاله , قووولوا ااااامين) وكل ماجاء الوالد يطق علي الباب , أقوله ( الله أكبر ) ويفهمها ويروووووح وإذا جاء أخوي يقولي : وش فيك ياخوي ؟ أقوله : هنقلع بس وإذا جاء لمّي أحد الأخوات أسوي نفسي نايم عاد مرّة من المرّاة جت لمّي أمي فاطمة وطقّت علي الباب يوم سمعت صوتها مدري وش أقول من الروعة عاد قلت : الله أكبر , قالت : أبجلس عند الباب لمى تخلّص من الصلاة وهذا اللي ماحسبنا حسابه , جلست فترة بسيطة أبيها تمل وتروح لغرفتها لعلّه ماراحت وكل شوي أسمعها تتنحنح ( يعني تراك طولتها وهي قصيرة ) عاد كسرت خاطري وفتحت له الباب , وعلى طول دخلت غرفتي تبي تشوف وش اللي مخلّين جالس بالغرفة 24 ساعة ( تفكير عجايز) يوم شافت مافيه شي , قالت : ويحك ( لو تقول ويحك كان يطيحن الضرسين اللي فرحة بهن) قالت : ياوليدي لك كم يوم وأنت متغيّر علينا , أنت تشكي من شي ؟ وإلا تحب لك بنيّة ؟! قلت : ما أشكي من شئ ولله الحمد , والحبّ مخلّينه لقيس قالت : أجل بما إن الضيقة اللي بك بدون سبب , فأكيد إنه عين صابتك ! قلت : عين مرّة وحدة ياميمتي ؟!, قالت : عيال الحرام ماهنا أكثر منهم قلت : ياميمتي إحسبيهم بالكيف وليس بالكم , قالت : إن كان تبي رضاي رح للمطوّع يقرا عليك قلت : ياميمتي شايفتني مهبووووووووول , ونا ماودّي أروح لأحد يقرأ علي , تدرون ليش ؟ لأني في حالتين أتمنى الدنيا تبلعن وأكون نسيا منسيّا ! الحالة الأولى : إذا قرّب الشيخ خشّته عشان ينفخ عليك الحالة الثانية : إذا جاء الحلّاق يحدّد الشنب ( وخذ شهيق وزفير اللهم صلّي على محمد ) يوم شافوا الأهل إنه مستحيل أروح للمطوّع , جابوا لي ماء زمزم من عند الشيخ اللي يقرا وجلست فترة ونا أشرب من ماء زمزم وعلى الله يوم من الأيام رحت لعمتي منيرة بعد صلاة المغرب , ويوم دخلت عليها وسلّمت وجلست قالت : وش بك ياولد أخوي , وجهك مهب عاجبن ! تقل عاضّن ليمونة قلت : والله ياعمّتي من قلّ النوم لأن بي أرق غريب هاليومين قالت : اتصلت علي أمك فاطمة وتقول إن به عين ( نسوان + تلفون + فراغ = أمّ المصائب) قلت : والله ياعميمتي إني ما أدري وش بي قالت : لاتقول عين , لأن العين ماوالله توطوط عندك , لاجمال ولا مستقبل , وش عليه يحسدونك الناس ؟( قمة التحطيم) واشرب بيالتي وللبيت من عقب التحطيم ويوم جاء وقت النوم وأجلس أفكّر بكلام عمّتي لأن معها حق بصراحة بس جلست أفكّر وأقول لا يصير يوم كنت مسافر اخذ لغة وضربت بوبي بالشامبو لايكون عملوا لي عملة سوداء ( وراحت الليلة كلها هوجاس وظنون ) خلاصة الكلام : مو كل شئ يجيك قلت عين , لو تصدم بسيارتك قلت عين! أنا لا أستهين بالعين , وكلنا نؤمن بالعين , والعين حق , ولكن المؤمن مبتلى إيّاك والوساوس الشيطانية التي غالبا تأتيك وقت المنام , فكن على حذر وكن أيضا على يقين بأنّ ما أخطأك لم يكن ليصيبك , وأنّ ما أصابك لم يكن ليخطئك ! ولا تنسى قراءة الأذكار صبح مساء فهي التي ستحفظك من شر كلّ ذي شر بعد مشيئة الله همسة : القصة من نسج الخيال , ولا تمت لواقعي بأية صلة أرق التحايا والتقدير مجنوووون بريدة

28-08-2009, 11:58 PM	#4
مجنون بريده عـضـو تاريخ التسجيل: Feb 2008 المشاركات: 441	تمنيت أن أقرأ في ردودكم نقاش يثري الموضوع ! شكرا للجميع آخر من قام بالتعديل بدر بن عبدالله; بتاريخ 29-08-2009 الساعة 01:51 AM. السبب: حذف بعض من كلامك تبعاً لرد العضو الذي وجهت له الكلام.

29-08-2009, 03:16 AM	#6
**LAMAR** عـضـو تاريخ التسجيل: May 2009 البلد: بريــــده المشاركات: 1,172	ههههههههههه الحمد لله اجل مابك الا العافيه ,, طريقه حلوه في ايصال المعلومه او النصيحه ... __________________ ... سبحانك اللهم وبحمدك أشهد أن لا إله إلا أنت أستغفرك وأتوب اليك ...

29-08-2009, 05:06 AM	#9
ابوولعf عـضـو تاريخ التسجيل: May 2009 البلد: ناقد بدون رحمه المشاركات: 5,371	وش الكتب هذا مصار موضوع __________________ التوقيع مخالف

29-08-2009, 05:22 AM	#10
عزيزة نفس شيف مبتدي تاريخ التسجيل: Jan 2009 البلد: بُرَيْدَه وَهـ بَس فَدَيْتُه المشاركات: 1,787	اعييناتي راااحت من الشاشه والقرايه والتحمس طق بي عرق واخرته نسج خيااااااااال __________________

28-08-2009, 01:42 AM	#2
راقيه باخلاقي عـضـو تاريخ التسجيل: Jun 2009 البلد: حيث احل المشاركات: 1,824	وانا متحمسه واخرته من نسج الخيال خيالك ماشاء الله واسع كثرلنا من هالسوالف ولاتنسى تدخل عمتك منيره بالقصه

28-08-2009, 01:46 AM	#3
فان در سار Registered User تاريخ التسجيل: Aug 2009 البلد: الله أعلم المشاركات: 199	وانا متحمس احسبه صدز ..اثره خيال هع...بس والله خياالك واسع يسلمووو

29-08-2009, 12:34 AM	#5
عزوزتي Guest تاريخ التسجيل: Sep 2007 البلد: القصيم المشاركات: 996	بعد قراءتي للموضوع ثبت لي إنك عاقل هههههه تحياتي 00 والعين حق 00 والله يكفينا وياك وكل مسلم شر كل حاسد وحاقد وكل عين 0

29-08-2009, 03:50 AM	#7
مغروره بس حنونه عـضـو تاريخ التسجيل: Nov 2007 المشاركات: 76	الحمد لله ع سلامتك من العين وفكك الله من المطوع اذا جاء ينفخ عليك .. العين حق .. والرسول عليه الصلاة والسلام اصابتة العين .. بالحرص على الاذكار في الصباح والمساء صحيح انها تكون كا الدرع الواقي للأنسان ولكن هذا الدرع يضعف 1\ بالغضب لذا من غضب عليه ان يذكر الله ويستعيذ بالله من الشيطان الرجيم ويحاول قدر المستطاع ان يعود ويحصن نفسه من جديد . أيضاً 2\ عند سماع الاغاني أو مزامير الشيطان بهذا يضعف الدرع الذي صنعته لنفسك لذا تكثر الاصابه بالعين والحسد والسحر في الاعراس التي تقام لياليها على المعازف او العزائم التي يصاحبها اغاني (( dg)) وغيرهاا .. ولكن المرض الاهم الذي ليس له علاج لا بالطب الحديث ولا بالرقيه الشرعيه هو الوهمعندما يعتقد البعض انه مصابا بالعين او السحر وان هذه العين قويه او هذا السحر من فعل ساحر كائد ذو خبره فيستسلم للمرض الذي صنعه لنفسه ويموت من تعب لم يزره يوماً .. وأيضاً لمن أصاب بعين او سحر وهما مصيبتان لا احد ينكرهما عليه ان يصبر ويحتسب وأن لا يستسلم .. وأن لا يجعل روحه وجسده لعبة بين يدي شياطين ألإنس والجن وعليه بقرأة القران والمداومة بسماع صورة البقرة .. على الرغم من ان قصتك تحمل سخرية القدر إلا أن الرد عليها يطول ويجول>> ماودي ازعجكم أعتذر للإطالة أخي الفاضل لك مني كل أحترام وتقدير ..

29-08-2009, 04:27 AM	#8
ابو علي عـضـو تاريخ التسجيل: Apr 2009 المشاركات: 2,316	اما عين يصلحلك مسلسل شر النفوس

29-08-2009, 05:35 AM	#12
الهلي حبه مايملي عـضـو تاريخ التسجيل: Aug 2009 البلد: كنت ببريده المشاركات: 10	والله يأخ مجنون بريده انك تكلمت بموضوع مره مضايقني... وهو موضوع العين ماقانا شي العين حق بس مو اننا نخاف بها الشكل ويقل توكلنا على الله وخصوصا عند نا ببريده بشكل مررره يضايق كل شي يخبونه ويزرعون بعيالهم الخوف من العين بشكل مو طبيعي. واما بنعمت ربك فحدث

29-08-2009, 07:01 AM	#14
most66 عـضـو تاريخ التسجيل: Dec 2008 البلد: الاقامة تحت الله وبين يديه المشاركات: 556	يمكن بك عين على ها الخيال الواسع واحد يوسوس عموما يسلمووووووووو __________________

أدوات الموضوع
عرض نسخة قابلة للطّباعة ارسال هذه الصفحة لصديق
طريقة العرض
النمط المتتابع التحول إلى النمط المتشعب التحول إلى النمط الأحادي