بريدة






عـودة للخلف بريدة ستي » بريدة ستي » أخـــبـــار بــريــــدة » اللي يحب بريدة يدخل ويشوف هالمشكلة ..؟؟؟

أخـــبـــار بــريــــدة كل ما يهم مدينة بريدة

موضوع مغلق
 
أدوات الموضوع طريقة العرض
قديم(ـة) 03-09-2009, 04:56 AM   #1
بحر عمري
عـضـو
 
تاريخ التسجيل: Sep 2009
البلد: القصيم
المشاركات: 2
اللي يحب بريدة يدخل ويشوف هالمشكلة ..؟؟؟

(((((صباح الخير / مساء الخير للجميع))))))

أبي أدخل في الموضوع بدون مقدمات ........... ماعنده وقت هههههههه.

صراحة يا أخواني في شي صاير هاليومين في مدينتي العزيزة بريدة
وبدت تكثر بطريقة غريبة جدا

وأنا متأكد بأن بعض الاعضاء المحترمين لاحظ اللي أنا لاحظته

هو عمال النظافة اللي في الشوارع وطريقتهم الجديدة اللي طايحين فيها هاليومين


وهي ( التســول ) أو التميلح قدام السيارات ويسوي فيها انه مكسور الجناح
والله العظيم أن الشئ ذا شفته الليلة عند أكثر من أشارة :
1-أشارة تقاطع الرمال إذا صار الواحد جاي من عند دوار الهدية .
2-الإشارة الخماسية عند المحاكم والشي اللي يقهر إن كل واحد ماسك له أشارة
يعني محمية له ويويل اللي يقرب منه من نفس جنسيته .
وتقاطع هرفي اللي عند الفاخرية .

هذا من غير اللي داخل الأحياء .
أنا مأحسدهم الرزق اللي يجيهم من المسلمين في الشهر الفضيل
لكن شي زاد عن حده من وجهت نظري .
وأي شخص يعطيهم من وجهت نظري أنه راح يكبر هالمشكلة الجديدة وراح يشجع
العمالة على هالطريقة ( التسول ) .
تصدقون أني جلست أراقبهم عند الأشارات اللي عند المحاكم تقريبا ساعة
قاعدين تسول من كثر ما يتمسكن هالعامل أشوي ويغسل السيارات
اللي موقفة عند الأشارة . يعني خلال ساعة اللي قعدت أناظرههم ولا أي واحد
فيهم قام ينظف ولا يشوف شغله الاساسي اللي هو مكلف فيه ( النظافة ) .
صراحة أتوقع أن مدينتي بريدة هالعيد تبي تصير غير من قل هالنظافة اللي صاير
يعني أعزكم الله يبي يصير الوضع مزبلة في مزبلة .
والله العظيم أن هالعمالة أذبحتنا ذبح وحنا هالمجتمع على طيبتنا
واذا صار شي منهم ولا مشاكل قال المجتمع سفروهم فيهم وفيهم
وحنا مشتركين بطريقة أو بأخرى معهم ضد مجتمعنا
والشئ الثاني أين البلدية / المسئولين / المراقبون ألم يروا هذا الشي؟؟؟
أم أنهم في جلساتهم الرمضانية وداخل الأستراحات يتابعون (باب الحارة )
ونسوا الباب اللي أفتحوه البنقالية وشكله ما راح ينقفل حتى يتم مشاركة
الجاليات الأخرى في مدينة بريدة في أجزاء هالمسلسل .
أخواني الأعزاء :
ألا تعلمون أن الدولة بجهودها المباركة تتبع كل السبل لتقليل ظاهرة التسول
بدراسة وضع المتسولين من داخل الدولة وتقديم لهم يد العون بطريقة مقننة
وأيجاد لهم وظائف ليقوموا بأنفسهم ويكونون عنصر فعال في المجتمع . ولكي تلك الظاهرة تتلاشى .
لأن فيها أستغلال بشتى الطرق لأطراف عدة .
كأستغلال الأطفال وكبار السن والنساء وتقوم عليها ( مافيا التسول ) .
يعني خلاصة الكلام أذا كانت الدولة حفظها الله تقوم بمعالجة وضع المتسولين من الداخل .
فنحن فتحنا باب أعطاء العمالة المال وسوف يترتب عليه أنهم سوف يتركون أعمالهم اللتي
كلفوا بها .
همسة للمسئول عن العمالة :
أين أنت من العمالة تلك التي تحت كفالتك أم أخذت تلك المناقصة ونسيت مدينتك ونظافتها
ألا تستطيع أن تكلف مراقبين أو مشرفين لمراقبة تلك العمالة . ولا تنسى أن تعطيهم حقوقهم
ولا تتأخر عليهم بإعطائهم حقوقهم .
فأتمنى أخواني مشاركتي في الموضوع وإيصاله للمسئولين المعنيين .
والله من وراء القصد
بحر عمري غير متصل  


قديم(ـة) 03-09-2009, 05:03 AM   #2
أبو نشقه
عـضـو
 
صورة أبو نشقه الرمزية
 
تاريخ التسجيل: Aug 2009
البلد: سئودي آريبيآ
المشاركات: 453
ياخي والله ما ألومهم 700 أو 800 بهالوقت وش تسوي ؟

انت احتسب الاجر والله فيهم اجر عطه حتى لو ماشحذ او لمح لك

والله ان تتوفق بسبته
__________________
لا تجادل الأحمق ,, فقد يخطئ الناس في التفريق بينكما
أبو نشقه غير متصل  
قديم(ـة) 03-09-2009, 05:09 AM   #3
ابوعزيز القفاري
عـضـو
 
تاريخ التسجيل: Dec 2008
المشاركات: 29
علا هونك رواتبهم 300ريال الله يكون بعونهم
ابوعزيز القفاري غير متصل  
قديم(ـة) 03-09-2009, 05:27 AM   #4
iiiـoـgخ Cــنزي
عـضـو
 
تاريخ التسجيل: Sep 2009
البلد: In England
المشاركات: 47
بالعكس ياخوي والله ياحالتهم انه تنرحم ولك الاجر انت لاعطيته شي ..

ويالله من فضلك اجر برمضان ولا اقل شي بيدعيلك ..

تقبل مروري ,,
iiiـoـgخ Cــنزي غير متصل  
قديم(ـة) 03-09-2009, 05:50 AM   #5
$999$
عـضـو
 
تاريخ التسجيل: Aug 2009
البلد: بريده
المشاركات: 64
قالوا ياكثر الرزق قال قطاعه أكثر

بدل هاالساعه اللي جالس تراقبهم كان قريت به قران أفضل

نصيحه ياخوي خلك بحالك والله أفضلك
__________________
$999$ غير متصل  
قديم(ـة) 03-09-2009, 05:51 AM   #6
ابوولعf
عـضـو
 
تاريخ التسجيل: May 2009
البلد: ناقد بدون رحمه
المشاركات: 5,371
صحيح البنقاليه اللي يشتغلون بلبلدية كله من شركة الفهاد عقود 10000000مليون واخرته رواتب 300ريالا
__________________
التوقيع مخالف
ابوولعf غير متصل  
قديم(ـة) 03-09-2009, 05:59 AM   #7
أبوثامر868
عـضـو
 
تاريخ التسجيل: Apr 2009
المشاركات: 35
بصراحة لم أشاهد العمالة كما تقول عند الإشارات وفي بريدة

مستحيل الشيء يصير في بريدة

وإذا صار فيمكن يكون محتاج وأنت ما تدري

وعلى ما قالوا الأخوان في الردود السابقة

احتسب الأجر عند الله

وناشد المسئولين عن رواتب هالمساكين الضعاف
اللي ما يشوفنها إلا بــ (( العزر ))

والله شيء يقهر
عماله قاطعة مسافات وتاركاً أهله وأولاده ومدينته
بحثاً عن لقمة العيش
وفي الأخير يعاني الحسرة والألم عند أجره

أبوثامر868 غير متصل  
قديم(ـة) 03-09-2009, 06:06 AM   #8
Prince*
عـضـو
 
صورة Prince* الرمزية
 
تاريخ التسجيل: Sep 2009
البلد: الرياض
المشاركات: 6
بصراحة الأمر محير كثيييييييييييييير يعني في ظل ها الرواتب القليلة معذورين لكن لو تتحسن ويكون فيه اهتمام لهم كان طالبنا على قولتك بمحاسبتهم

والله اتوقع فيهم الأجر إن شاء الله
Prince* غير متصل  
قديم(ـة) 03-09-2009, 06:29 AM   #9
مستنكره نت
عـضـو
 
صورة مستنكره نت الرمزية
 
تاريخ التسجيل: Aug 2009
البلد: حينما أجـــــد ضالتي .اقــــيم؟!!
المشاركات: 456
مفروض يتحاسبون الشركه علي النضافه والصدقه عمراه ماعطلة شغل بس مافيه رقابه\\\\ وهلمساكين نعطيهم اي شي لان النعمه عندنا زايده بذات الاكل والملابس والمفارش \\\\خليهم ينضفون ويترزقون الله حنا ديرت خير
مستنكره نت غير متصل  
قديم(ـة) 03-09-2009, 06:33 AM   #10
كامل الدسم
Registered User
 
تاريخ التسجيل: Sep 2009
البلد: بريدة
المشاركات: 340
اقتباس
اللي يحب بريدة يدخل ويشوف هالمشكلة ..؟؟؟

واللي مايحب بريده وين يروح ؟


اقتباس
المشاركة الأساسية كتبها $999$
قالوا ياكثر الرزق قال قطاعه أكثر

بدل هاالساعه اللي جالس تراقبهم كان قريت به قران أفضل

نصيحه ياخوي خلك بحالك والله أفضلك

وانت بعد بدال ماتقعد ترد على الناس بمنتدى بريدة ستائي وراه ماتروح تقرى قران افضل لك نصيحه ياخوي خلك بحالك والله افضلك
كامل الدسم غير متصل  
قديم(ـة) 03-09-2009, 07:20 AM   #11
ثائره ضد الأشياء
عـضـو
 
تاريخ التسجيل: Sep 2009
البلد: بريده
المشاركات: 17
**(عطه وا حتسب الأجر الحمد لله الأن نحن في رمضان والأجر يتضاعف انت بتضيع على نفسك الأجر عطه على الأقل20 ريال بس )**
ثائره ضد الأشياء غير متصل  
قديم(ـة) 03-09-2009, 07:24 AM   #12
ٍسلطـآإ،ن القـصيـم
Guest
 
تاريخ التسجيل: Sep 2009
البلد: بعدين تعرفون :)
المشاركات: 34
اقتباس
المشاركة الأساسية كتبها $999$
قالوا ياكثر الرزق قال قطاعه أكثر

بدل هاالساعه اللي جالس تراقبهم كان قريت به قران أفضل

نصيحه ياخوي خلك بحالك والله أفضلك

صادق واللهي
ٍسلطـآإ،ن القـصيـم غير متصل  
قديم(ـة) 03-09-2009, 09:00 AM   #13
ahm
عـضـو
 
تاريخ التسجيل: Aug 2009
البلد: بريدة
المشاركات: 57
يارجال الحين المواطن اكثر الشباب لايملك الشي الكثير ويعاني من قلة الوظائف من كثر البطاله الي عندنا وتبي عمال النظافه المساكين يكون اجرهم مقبول يعني الشباب السعودي يعاني مما يعاني به العمال ( لو فيه من الشباب يشحذ عند الاشاره او في اي مكان من التجمعات كان مراح الومه ) كيف عاد العمال الي يشتغلون برواتب قليله
ahm غير متصل  
قديم(ـة) 03-09-2009, 09:58 AM   #14
العـشة
عـضـو
 
تاريخ التسجيل: Dec 2008
المشاركات: 196
ياخي وش حارقن رزك الله يهديك .. ما احد يشحذ ما عمري شفت عامل يشحذ

بس يعطونه الناس ولا المطاعم خبز ولا دراهم
اقتباس
**(عطه وا حتسب الأجر الحمد لله الأن نحن في رمضان والأجر يتضاعف انت بتضيع على نفسك الأجر عطه على الأقل20 ريال بس )**

الـ20 ريال ذولي يكفن عشاء من كنتاكي ريال ولا خمسة تريل والحمد لله

الصدقه بالمقصد ميب بالكم < اتسذب
العـشة غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 09:37 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)