اول حوار مع مسؤل عربي خاص لمنتدي بريدة.....اجري الحوار يوسف المصري

يوسف المصري · 11-11-2002, 03:55 AM

قبل البدء في القراء اعتذر لان الحوار تم بالهجة المصري ، وخاصة ان المسؤل قد رد علي الاسئلة بنفس اللهجة

[c]حـــوار مــــــع مسؤوووول [/c]

في مجتمع المثقفين ظهرت فئة من الذين عُدوا علي انهم من المثقفين ، وقد اصبح معظمهم من المسؤلين وذلك ((((( لاخلاصهم))))) ورغم جهلهم الذي لا يختلف علية اثنان، فهم جميعا -هذه الفئة - مرضي بالنرجسية التي تكاد تقتل بعضهم. فالبعض يقطع بأنه لا يوجد مثله في علمه ، بل انه أفضل من أساتذته ... بل يعتبرون هؤلاء الأساتذة ما هم إلا مجموعة من الجهلة.وفي محاولة لرسم صورة لهذه الشخصية المثقفة المسؤله المغيرة للحقائق لنيل الرضي، فقد تخيلت انه قد تم إجراء هذا الحوار مع احدهم - وليكن في الخارج في السلك الدبلوماسي مثلا - حول التطورات السياسية في الشرق الأوسط ، وهذا نص الحوار:-

ما رأيك في تطور الأوضاع السياسية فيما يخُص أزمة العراق؟

وهي فيه أزمة في العراق ؟أنا اللي أعرفه ان الظروف كويسة جدا في العراق، حتى فيه ناس بلدياتي بتشتغل هناك و بنت بيوت من فلوس العراق!

أنا أقصد الأوضاع السياسية بعد حرب الخليج

آه.. قصدك حرب العراق مع إيران ، أنا عارف.. أنا عارف، الظروف تمام والاوضاع علي ما يرام. بس أحب اضيف حاجة ، ان اللي كَسّب الحرب للعراق هو ابو غزاله – الله يمسيه والا يصبحه بالخير – راح هناك ساعة زمن ورسم الخطة وخلص العملية وكسبت العراق الحرب.

أخي الفاضل، أقصد حرب الخليج الثانية

أرجوك وضح السؤال لأني مش متخصص في العراق ، أقصد في السياسة ، واحده واحده علي أخوك.

ما رأيك في تطور الأوضاع ، أو بمعني أوضح ما رأيك في الحصار الأمريكي علي الشعب العراقي منُذ الغزو العراقي للكويت وخروجها منها بعد حرب الخليج الثانية؟؟

ينهار ابيض ، أيه الكلام ده كله؟ واية اللي دخل الكويت في الموضوع؟ وهي العراق دخلت الكويت لما تخرج منها؟ طيب أحلف ان الكلام ده صح!!

و الله صح!!

كل اللي أقدر اقولة ان مش فية حصار ولا حاجة ، انا ليا واحد بلدياتي ساكن في الكويت – جنب العراق – حتي انه كان هنا في ..... من كام شهر وقال انة مش فيه حصار ولا حاجة انت بتصدق الكلام ده.

ولكن ايها الفاضل التلفزيونات العالمية والقنوات الفضائية بالاضافة الي الانترنت ، كل هذه الوسائل تنقل ساعة بساعة العدوان الامريكي علي الشعب العراقي ومعاناة إخواننا العراقيين!

الأخ مصري ؟؟

أيوه !

طيب اُمال اية – اخواننا – في العراق ، انت ليك اخوات في العراق؟؟

لاء ، اخواننا في العروبة أقصد.

مش قضية ، احب اجاوب علي سؤالك ، أنا مش باشوف قنوات عالمية لأني مش بأفهم لغات – ايه ..؟؟ مش تخصصي – وثانيا انا مش عندي دش علشان اتفرج علي الفضائيات ،لأنة غالي قوي ويعدي ال.... جنية، وبعدين الدش عاوز تليفزيون ، هو المرتب مكفي حاجة ما انت ابو العارفيين ، حتي الواحد بيزوغ في المواصلات – الكلام ده بيني وبينك مش تنشره – وكمان ياريت تكتبوا علي المرتبات بدل الكلام الفاضي ده ، مش تزعل ، الحكاية حكاية اولويات. وأخر حاجة بقي يا عم الانترنت ،يا أستاذ انت مش عارف ان الانترنت مليان فيروسات وأنا عارف بل متأكد ان من ضمنهم المرض الوحش ، وبصراحة انا باخاف من الانترنت للواحد يتعدي منه إحنا مش ناقصين ، اي نعم فية تأمين صحي ، لكن الوقاية خير من العلاج.

في ناس بتقول انكم ..... وانتم الفئة المسؤلة والمثقفة من الشعب لا تشغلهم الأوضاع السياسية في العالم العربي. فما رايك؟

ازاي بقي؟ دة كلام؟ وبعدين فية نوعين من المسؤلين والمثقفين ، فية نوع بيقول : وانا مالي إن شالله تولع الدنيا باللي فيها ، انا ومن بعدي الطوفان، ودة النوع اللي مبوظ سمعتنا ومش يستاهل النعمة اللي هو فيها. والنوع الثاني مثقف ونشيط – زي حالاتي – وعندة الاخبار اول باول ويفهمها وهي طايره ، زي ما انت لاحظت في كلامي، ربنا يكتر من امثالنا.

ماذا تقول في الاعتداءات علي الفلسطينيين؟
فين؟؟

في القدس وغزة والمناطق الفلسطينية الاخري.

هما كمان بينضربوا زي العراق ؟ انت بتهزر والا بتتكلم بجد؟؟

يا أستاذ فية عشرات الفلسطينيين بيقتلوا كل يوم علي أيد اليهود
سواء الجيش الاسرائيلي او المتطرفيين اليهود، ما رأيك في هذا الكلام ؟؟

لا حول ولا قوه الا بالله، دي تبقي مصيبة ، اصل فية واحد ازهري بلدياتي قال ان اليهود لا عهد لهم ولا ذمة، يعني مش هناخد منهم حق ولا باطل، انت بتتكلم جد ،هما بيموّتوا الفلسطينيين؟

ايوه ايوه ، هي الحاجات دي فيها هزار.

طيب وهنعمل ايه ؟؟

انا اللي باسالك المفروض نعمل ايه ؟؟

يا عم حطها في رقبة عالم وأطلع سالم, من الناحية السياسية هناك قادة عرب ربنا هيحاسبهم ، ومن الناحية الدينية هناك مشايخ وبرضة ربنا هيحاسبهم ، يعني ياباشا احنا في السليم والحمد لله لحد كدة.

طيب والناس الي بتموت كل يوم في فلسطين علي يد اليهود؟؟

بص، فيه واحد بلدياتي بيدرس في مصر ،قالي ان فيه وفيات في مصر كل سنه يعدي النص مليون بني ادم – اصل احنا كتير قوي امال اية – اي نعم بيموتوا موتتة ربنا بس كده يعتبر ان احنا عندنا برضة ناس بتموت وكل اللي بنعملة اننا بندفنهم ، فنصيحتي ليهم انهم يدفنوهم علي طول علشان اكرام الميت دفنة. وتعال قولي مين اللي احسن ، الميت شهيد والا الميت عادي؟ يعني خلاصة الكلام هما احسن منا ، مش باقولك.

هل هناك حل لوقف هذا العنف؟؟

بص ، هو مين اللي مسؤل عن العنف دة؟؟

رئيس الوزراء الاسرائيلي.

والله دة راجل رئيس وزراء ومسؤل عن تصرفاتة وبعدين أحنا لو اتكلمنا ممكن يزعل مننا ، طيب ونزعّل الناس مننا ليه واحنا مش لينا مصلحة في الشغلانة دي . الاحسن ان نكلف واحد بالمشكلة دي ، وواحد بس.. علشان يعرف يفكر، وليكن الدكتور فاروق الباز مستشار الرئيس للحاجات السياسية – اصل مخه يوزن بلد – أو نرسل اي وزير خارجية لمصر لرئيس امريكا يكلمة في الموضوع ده.. وطبعا زي ما أنت عارف ان امريكا وأسرائيل ليهم دلال علي بعض . علي فكرة هو كل الكلام دة هتنشرة في منتدي بريدة؟؟

طبعا، وهيتبعتلك نسخة.

عسل قوي ، بس ياريت نسختين عشان هبعت واحدة البلد ، مش تنسي.

خلينا في موضوعنا، ما هو الحل لكي ننهي المشكلة العراقية والفلسطينية؟؟

مع انني مش متخصص في مشكلة العراق وفلسطين بالذات لكن هقولك الحل، الحل حاجة من اثنين مش ليهم تالت: يا إما الكويت تحتل العراق شوية ويبقي خالصين – أنت اللي قلت لي من شوية ان العراق احتل الكويت وانا باتكلم علي الاساس ده – وده حل سهل وسريع وعملي , ولكن ده هيحل مشكلة العراق بس. يا إما أمريكا تقتل كل العراقيين ودة الافضل للعراقيين والفلسطينيين بل للعرب كلهم.

كيف هذا؟

لان العراقيين اذا ماتوا فهيكونوا شهداء ، والشهيد يا باشا في الجنة حدف من غير حساب – اية مستغرب وبتبصلي لية شيخ الازهر هو اللي قال كده – يعني هيدخل الجنة ويستريح من الدنيا وقرفها.

طيب واية دخل الفلسطينيين والعرب في كدة؟

علشان انت مش متخصص بالسياسة بتسأل كدة، طبعا بعد ما يموت العراقيين– بس علي شرط ، أمريكا مش تخلي سريخ ابن يوميين في العراق – بعد كدة العراق هتفضي نروح باعتيين الفلسطينيين هناك ، وكمان نلم كل الفلسطينيين اللي هم في القدس و غزة و أزيحا....

اسمها أريحا وليس أزيحا

عارف.. عارف، المهم نلم كل الفلسطينيين من عند اليهود ونبعتهم العراق، وكفايانا نقار بقي مع اليهود أحنا تعبنا والمفروض نستريح من الهم ده، وخلي بالك العراق واسعه وحلوه خالص، وبكدة العرب يطلعوا لسانهم لليهود ونكون احنا الي بدعنا السلام ونطلع اليهود غلطانيين قصاد الدنيا كلها ومش حلوا المشكلة وانحلت من عند ربنا.

بس الفلسطينيين مستحيل يوافقوا.

هما طايلين ، يا عم صلي علي اللي هيشفع فيك، دي العراق واسعة قوي فيها مية حلوه تكفيهم مليون سنة ، واحد بلدياتي مدرس جغرافيا قالي كده، وبعدين هيشوفوا البترول وهيتنغنغوا ، وعلي فكرة بقي العراق واسعة عليهم والمفروض يخدوا حتة ويسيبوا الباقي لمصر ، ماهي مصر خيرها علي الكل.

انت تعرف ان رئيس وزراء اسرائيل الحالي كان رئيس اركان الجيش الاسرائيلس في حرب 67 وعمل مذابح للاسري المصريين وعمل مذابح دير ياسين وصبرا وشاتيلا؟؟

معرفش ،وأنت بتقول كده ليه؟؟

طيب انت عرفت ، دلوقتي تقول إية ؟

قولتلك قبل كدة ، نقول كمان... نرسل وزير الخارجية لجيمي كارتر رئيس امريكا علشان يكلمة ، وبعدين مش تنسي انة كان حاضر مع السادات قعدة جانب ديفيد... والا... كانب ديفيد..حاجة زي كدة ، يعني ايده في المشكلة من الاول.

انت بتتكلم عن اية ، السادات مات من عشرين سنة

انا قصدي علي جيمي كارتر، رئيس امريكا ، مش تفهمني خطء

ماذا تتوقع ان يفعل القادة العرب؟؟

الصبر والصبر مش فية أحسن منه، أي نعم هو مُر علقم لكن في الاخر بتكون النتيجة زي العسل ، وعلي رأي المثل الصبر مفتاح أية؟ قول أنت بقي.

أنت لو مكانهم تقول إية؟

ياريت أكون ملك والا أمير والا رئيس ، حد طايل ربع كدة ، المهم.. أتفق مع شلة القادة ما هو الاتحاد قوة ، ونسكت خالص ولا نفس ، اكننا مش هنا ونسيب اسرائيل تضرب ، بل بالعكس نستفز فيها علشان تضرب اكتر لحد ما تخلص الرصاص والقنابل ونشوف شوية عيال مقاطيع ندي كل واحد فيهم علبة سجاير.. قول خرطوشة، ماهي حرب ، والعيال دول مهمتهم يفسوا عجل عربياتهم ودبباتهم، وبعد كدة شوف انت لا زخيره – ماهي خلصت – ولا عربيات ولا دبابات ، وهنا بقي عينك ما تشوف الا النور نطلع عليهم طلعة رجالة ، وخصوصا ان احنا العدد في اللمون وهما عندهم الرجالة شوية مش كفاية ، اي نعم الخطة صعبة وعاوزة ترتيب لكن.........

أنت تخصصك اية من فضلك؟؟

إقتصاد وعلوم سياسية.

وعملك في اي مجال؟؟

في الجامعة العربية قسم مشكلات الشرق الأوسط...

كمان؟

لسة مش كملت ، مشكلات الشرق الاوسط السياسية والاقتصادية وطرق حلها, اية رايك ؟

تحب تضيف حاجة؟؟

كلمة واحدة بس.

لمن؟؟

الي كل الشباب

ماذا تريد ان تقول لهم؟؟

طبعا الراجل الطيب ده – انت يعني - اخترني من وسط كل المسؤلين علشان يعمل معاي الحوار الصحفي ، وده مش من فراغ، هو ماجاليش الا بعد ماعرف انه مش هيلاقي افضل مني يتكلم معاه – محدش يزعل أحنا أخوات وواحد ،، وبعدين دة تخصصي – بس نفسي كل االشباب العربي... مش هقول يكونوا مثلي.. ولكن يحاولوا.. علشان نرفع راس دولنا.

شكراً للفاضل..

اي خدمة يا باشا.

أجري هذا الحوار يوسف المصري
لمزيد من المعلومات
www.الجهل.net
www.طناش.net
www.اشتري-دماغك.com

الشجاع · 11-11-2002, 04:00 PM

للتنزيل

مشكور يا يوسف مصري

ابوعمرنت · 11-11-2002, 04:04 PM

وش قالولك صعايدا اهرج بالهجه العاميه عشان يفهمون زين

الجارح البطل · 11-11-2002, 11:02 PM

رائع

بس ياخي يوسف

ماذ تقد>>>>>>>>>>>>>>>>>>مرضي النرجسيه

يوسف المصري · 12-11-2002, 01:29 AM

اخي الفاضل الجارح البطل

النرجسية هي حالة الغرور الواضحة والمبالغ فيها

الجارح البطل · 12-11-2002, 03:23 PM

نشكرك اخي يوسف على هذا الايضاح

عطش الرمال · 12-11-2002, 06:17 PM

يا شباب الي فهم

يفهمن

الحين وش دخل هالمقال بالطرائف

المصري الثاني خقله للعام او شفله صرفه يا ملا الصلاح

انت وهال منب قايل بس

ههههههههههههه

امزح

مشكوووووووووووور

يوسف

والله انك مبدع

انت الي مزين المقال يابعدهم

تحياتي اخوكم مستر عطووووووووش
ابوعمر

فـارس القبيلـة · 12-11-2002, 10:27 PM

ممممشكور

يوسف المصري · 28-04-2005, 02:18 AM

الجارح البطل
عطش الرمال
علي نياتة

جزاكم الله الجنة علي التفاعل

11-11-2002, 03:55 AM	#1
يوسف المصري عـضـو تاريخ التسجيل: Jun 2002 المشاركات: 812	اول حوار مع مسؤل عربي خاص لمنتدي بريدة.....اجري الحوار يوسف المصري قبل البدء في القراء اعتذر لان الحوار تم بالهجة المصري ، وخاصة ان المسؤل قد رد علي الاسئلة بنفس اللهجة [c]حـــوار مــــــع مسؤوووول [/c] في مجتمع المثقفين ظهرت فئة من الذين عُدوا علي انهم من المثقفين ، وقد اصبح معظمهم من المسؤلين وذلك ((((( لاخلاصهم))))) ورغم جهلهم الذي لا يختلف علية اثنان، فهم جميعا -هذه الفئة - مرضي بالنرجسية التي تكاد تقتل بعضهم. فالبعض يقطع بأنه لا يوجد مثله في علمه ، بل انه أفضل من أساتذته ... بل يعتبرون هؤلاء الأساتذة ما هم إلا مجموعة من الجهلة.وفي محاولة لرسم صورة لهذه الشخصية المثقفة المسؤله المغيرة للحقائق لنيل الرضي، فقد تخيلت انه قد تم إجراء هذا الحوار مع احدهم - وليكن في الخارج في السلك الدبلوماسي مثلا - حول التطورات السياسية في الشرق الأوسط ، وهذا نص الحوار:- ما رأيك في تطور الأوضاع السياسية فيما يخُص أزمة العراق؟ وهي فيه أزمة في العراق ؟أنا اللي أعرفه ان الظروف كويسة جدا في العراق، حتى فيه ناس بلدياتي بتشتغل هناك و بنت بيوت من فلوس العراق! أنا أقصد الأوضاع السياسية بعد حرب الخليج آه.. قصدك حرب العراق مع إيران ، أنا عارف.. أنا عارف، الظروف تمام والاوضاع علي ما يرام. بس أحب اضيف حاجة ، ان اللي كَسّب الحرب للعراق هو ابو غزاله – الله يمسيه والا يصبحه بالخير – راح هناك ساعة زمن ورسم الخطة وخلص العملية وكسبت العراق الحرب. أخي الفاضل، أقصد حرب الخليج الثانية أرجوك وضح السؤال لأني مش متخصص في العراق ، أقصد في السياسة ، واحده واحده علي أخوك. ما رأيك في تطور الأوضاع ، أو بمعني أوضح ما رأيك في الحصار الأمريكي علي الشعب العراقي منُذ الغزو العراقي للكويت وخروجها منها بعد حرب الخليج الثانية؟؟ ينهار ابيض ، أيه الكلام ده كله؟ واية اللي دخل الكويت في الموضوع؟ وهي العراق دخلت الكويت لما تخرج منها؟ طيب أحلف ان الكلام ده صح!! و الله صح!! كل اللي أقدر اقولة ان مش فية حصار ولا حاجة ، انا ليا واحد بلدياتي ساكن في الكويت – جنب العراق – حتي انه كان هنا في ..... من كام شهر وقال انة مش فيه حصار ولا حاجة انت بتصدق الكلام ده. ولكن ايها الفاضل التلفزيونات العالمية والقنوات الفضائية بالاضافة الي الانترنت ، كل هذه الوسائل تنقل ساعة بساعة العدوان الامريكي علي الشعب العراقي ومعاناة إخواننا العراقيين! الأخ مصري ؟؟ أيوه ! طيب اُمال اية – اخواننا – في العراق ، انت ليك اخوات في العراق؟؟ لاء ، اخواننا في العروبة أقصد. مش قضية ، احب اجاوب علي سؤالك ، أنا مش باشوف قنوات عالمية لأني مش بأفهم لغات – ايه ..؟؟ مش تخصصي – وثانيا انا مش عندي دش علشان اتفرج علي الفضائيات ،لأنة غالي قوي ويعدي ال.... جنية، وبعدين الدش عاوز تليفزيون ، هو المرتب مكفي حاجة ما انت ابو العارفيين ، حتي الواحد بيزوغ في المواصلات – الكلام ده بيني وبينك مش تنشره – وكمان ياريت تكتبوا علي المرتبات بدل الكلام الفاضي ده ، مش تزعل ، الحكاية حكاية اولويات. وأخر حاجة بقي يا عم الانترنت ،يا أستاذ انت مش عارف ان الانترنت مليان فيروسات وأنا عارف بل متأكد ان من ضمنهم المرض الوحش ، وبصراحة انا باخاف من الانترنت للواحد يتعدي منه إحنا مش ناقصين ، اي نعم فية تأمين صحي ، لكن الوقاية خير من العلاج. في ناس بتقول انكم ..... وانتم الفئة المسؤلة والمثقفة من الشعب لا تشغلهم الأوضاع السياسية في العالم العربي. فما رايك؟ ازاي بقي؟ دة كلام؟ وبعدين فية نوعين من المسؤلين والمثقفين ، فية نوع بيقول : وانا مالي إن شالله تولع الدنيا باللي فيها ، انا ومن بعدي الطوفان، ودة النوع اللي مبوظ سمعتنا ومش يستاهل النعمة اللي هو فيها. والنوع الثاني مثقف ونشيط – زي حالاتي – وعندة الاخبار اول باول ويفهمها وهي طايره ، زي ما انت لاحظت في كلامي، ربنا يكتر من امثالنا. ماذا تقول في الاعتداءات علي الفلسطينيين؟ فين؟؟ في القدس وغزة والمناطق الفلسطينية الاخري. هما كمان بينضربوا زي العراق ؟ انت بتهزر والا بتتكلم بجد؟؟ يا أستاذ فية عشرات الفلسطينيين بيقتلوا كل يوم علي أيد اليهود سواء الجيش الاسرائيلي او المتطرفيين اليهود، ما رأيك في هذا الكلام ؟؟ لا حول ولا قوه الا بالله، دي تبقي مصيبة ، اصل فية واحد ازهري بلدياتي قال ان اليهود لا عهد لهم ولا ذمة، يعني مش هناخد منهم حق ولا باطل، انت بتتكلم جد ،هما بيموّتوا الفلسطينيين؟ ايوه ايوه ، هي الحاجات دي فيها هزار. طيب وهنعمل ايه ؟؟ انا اللي باسالك المفروض نعمل ايه ؟؟ يا عم حطها في رقبة عالم وأطلع سالم, من الناحية السياسية هناك قادة عرب ربنا هيحاسبهم ، ومن الناحية الدينية هناك مشايخ وبرضة ربنا هيحاسبهم ، يعني ياباشا احنا في السليم والحمد لله لحد كدة. طيب والناس الي بتموت كل يوم في فلسطين علي يد اليهود؟؟ بص، فيه واحد بلدياتي بيدرس في مصر ،قالي ان فيه وفيات في مصر كل سنه يعدي النص مليون بني ادم – اصل احنا كتير قوي امال اية – اي نعم بيموتوا موتتة ربنا بس كده يعتبر ان احنا عندنا برضة ناس بتموت وكل اللي بنعملة اننا بندفنهم ، فنصيحتي ليهم انهم يدفنوهم علي طول علشان اكرام الميت دفنة. وتعال قولي مين اللي احسن ، الميت شهيد والا الميت عادي؟ يعني خلاصة الكلام هما احسن منا ، مش باقولك. هل هناك حل لوقف هذا العنف؟؟ بص ، هو مين اللي مسؤل عن العنف دة؟؟ رئيس الوزراء الاسرائيلي. والله دة راجل رئيس وزراء ومسؤل عن تصرفاتة وبعدين أحنا لو اتكلمنا ممكن يزعل مننا ، طيب ونزعّل الناس مننا ليه واحنا مش لينا مصلحة في الشغلانة دي . الاحسن ان نكلف واحد بالمشكلة دي ، وواحد بس.. علشان يعرف يفكر، وليكن الدكتور فاروق الباز مستشار الرئيس للحاجات السياسية – اصل مخه يوزن بلد – أو نرسل اي وزير خارجية لمصر لرئيس امريكا يكلمة في الموضوع ده.. وطبعا زي ما أنت عارف ان امريكا وأسرائيل ليهم دلال علي بعض . علي فكرة هو كل الكلام دة هتنشرة في منتدي بريدة؟؟ طبعا، وهيتبعتلك نسخة. عسل قوي ، بس ياريت نسختين عشان هبعت واحدة البلد ، مش تنسي. خلينا في موضوعنا، ما هو الحل لكي ننهي المشكلة العراقية والفلسطينية؟؟ مع انني مش متخصص في مشكلة العراق وفلسطين بالذات لكن هقولك الحل، الحل حاجة من اثنين مش ليهم تالت: يا إما الكويت تحتل العراق شوية ويبقي خالصين – أنت اللي قلت لي من شوية ان العراق احتل الكويت وانا باتكلم علي الاساس ده – وده حل سهل وسريع وعملي , ولكن ده هيحل مشكلة العراق بس. يا إما أمريكا تقتل كل العراقيين ودة الافضل للعراقيين والفلسطينيين بل للعرب كلهم. كيف هذا؟ لان العراقيين اذا ماتوا فهيكونوا شهداء ، والشهيد يا باشا في الجنة حدف من غير حساب – اية مستغرب وبتبصلي لية شيخ الازهر هو اللي قال كده – يعني هيدخل الجنة ويستريح من الدنيا وقرفها. طيب واية دخل الفلسطينيين والعرب في كدة؟ علشان انت مش متخصص بالسياسة بتسأل كدة، طبعا بعد ما يموت العراقيين– بس علي شرط ، أمريكا مش تخلي سريخ ابن يوميين في العراق – بعد كدة العراق هتفضي نروح باعتيين الفلسطينيين هناك ، وكمان نلم كل الفلسطينيين اللي هم في القدس و غزة و أزيحا.... اسمها أريحا وليس أزيحا عارف.. عارف، المهم نلم كل الفلسطينيين من عند اليهود ونبعتهم العراق، وكفايانا نقار بقي مع اليهود أحنا تعبنا والمفروض نستريح من الهم ده، وخلي بالك العراق واسعه وحلوه خالص، وبكدة العرب يطلعوا لسانهم لليهود ونكون احنا الي بدعنا السلام ونطلع اليهود غلطانيين قصاد الدنيا كلها ومش حلوا المشكلة وانحلت من عند ربنا. بس الفلسطينيين مستحيل يوافقوا. هما طايلين ، يا عم صلي علي اللي هيشفع فيك، دي العراق واسعة قوي فيها مية حلوه تكفيهم مليون سنة ، واحد بلدياتي مدرس جغرافيا قالي كده، وبعدين هيشوفوا البترول وهيتنغنغوا ، وعلي فكرة بقي العراق واسعة عليهم والمفروض يخدوا حتة ويسيبوا الباقي لمصر ، ماهي مصر خيرها علي الكل. انت تعرف ان رئيس وزراء اسرائيل الحالي كان رئيس اركان الجيش الاسرائيلس في حرب 67 وعمل مذابح للاسري المصريين وعمل مذابح دير ياسين وصبرا وشاتيلا؟؟ معرفش ،وأنت بتقول كده ليه؟؟ طيب انت عرفت ، دلوقتي تقول إية ؟ قولتلك قبل كدة ، نقول كمان... نرسل وزير الخارجية لجيمي كارتر رئيس امريكا علشان يكلمة ، وبعدين مش تنسي انة كان حاضر مع السادات قعدة جانب ديفيد... والا... كانب ديفيد..حاجة زي كدة ، يعني ايده في المشكلة من الاول. انت بتتكلم عن اية ، السادات مات من عشرين سنة انا قصدي علي جيمي كارتر، رئيس امريكا ، مش تفهمني خطء ماذا تتوقع ان يفعل القادة العرب؟؟ الصبر والصبر مش فية أحسن منه، أي نعم هو مُر علقم لكن في الاخر بتكون النتيجة زي العسل ، وعلي رأي المثل الصبر مفتاح أية؟ قول أنت بقي. أنت لو مكانهم تقول إية؟ ياريت أكون ملك والا أمير والا رئيس ، حد طايل ربع كدة ، المهم.. أتفق مع شلة القادة ما هو الاتحاد قوة ، ونسكت خالص ولا نفس ، اكننا مش هنا ونسيب اسرائيل تضرب ، بل بالعكس نستفز فيها علشان تضرب اكتر لحد ما تخلص الرصاص والقنابل ونشوف شوية عيال مقاطيع ندي كل واحد فيهم علبة سجاير.. قول خرطوشة، ماهي حرب ، والعيال دول مهمتهم يفسوا عجل عربياتهم ودبباتهم، وبعد كدة شوف انت لا زخيره – ماهي خلصت – ولا عربيات ولا دبابات ، وهنا بقي عينك ما تشوف الا النور نطلع عليهم طلعة رجالة ، وخصوصا ان احنا العدد في اللمون وهما عندهم الرجالة شوية مش كفاية ، اي نعم الخطة صعبة وعاوزة ترتيب لكن......... أنت تخصصك اية من فضلك؟؟ إقتصاد وعلوم سياسية. وعملك في اي مجال؟؟ في الجامعة العربية قسم مشكلات الشرق الأوسط... كمان؟ لسة مش كملت ، مشكلات الشرق الاوسط السياسية والاقتصادية وطرق حلها, اية رايك ؟ تحب تضيف حاجة؟؟ كلمة واحدة بس. لمن؟؟ الي كل الشباب ماذا تريد ان تقول لهم؟؟ طبعا الراجل الطيب ده – انت يعني - اخترني من وسط كل المسؤلين علشان يعمل معاي الحوار الصحفي ، وده مش من فراغ، هو ماجاليش الا بعد ماعرف انه مش هيلاقي افضل مني يتكلم معاه – محدش يزعل أحنا أخوات وواحد ،، وبعدين دة تخصصي – بس نفسي كل االشباب العربي... مش هقول يكونوا مثلي.. ولكن يحاولوا.. علشان نرفع راس دولنا. شكراً للفاضل.. اي خدمة يا باشا. أجري هذا الحوار يوسف المصري لمزيد من المعلومات www.الجهل.net www.طناش.net www.اشتري-دماغك.com __________________ اللهم ارحمنا فوق الارض وتحت الارض ويوم العرض وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلاَّ اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ * أُوْلَئِكَ جَزَاؤُهُمْ مَغْفِرَةٌ مِنْ رَبِّهِمْ وَجَنَّاتٌ تَجْرِي مِنْ تَحْتِهَا الأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ آل عمران آخر من قام بالتعديل يوسف المصري; بتاريخ 11-11-2002 الساعة 04:21 AM.

11-11-2002, 04:00 PM	#2
الشجاع عـضـو تاريخ التسجيل: Sep 2002 المشاركات: 2,613	للتنزيل مشكور يا يوسف مصري __________________ هذا التوقيع إهداء من غندر - رحمه الله - المــ O.EC @ HoTmAiL . COM ـاسنجر

11-11-2002, 04:04 PM	#3
ابوعمرنت عـضـو تاريخ التسجيل: Oct 2002 البلد: بالملحق المشاركات: 1,751	وش قالولك صعايدا اهرج بالهجه العاميه عشان يفهمون زين __________________ ابوعمرنت : 12 : 12 : 12 ;) ;) :)

11-11-2002, 11:02 PM	#4
الجارح البطل عـضـو تاريخ التسجيل: Aug 2002 البلد: كوكب المريخ المشاركات: 1,373	رائع بس ياخي يوسف ماذ تقد>>>>>>>>>>>>>>>>>>مرضي النرجسيه __________________ عدناوالعودة أحمد

12-11-2002, 01:29 AM	#5
يوسف المصري عـضـو تاريخ التسجيل: Jun 2002 المشاركات: 812	اخي الفاضل الجارح البطل النرجسية هي حالة الغرور الواضحة والمبالغ فيها __________________ اللهم ارحمنا فوق الارض وتحت الارض ويوم العرض وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلاَّ اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ * أُوْلَئِكَ جَزَاؤُهُمْ مَغْفِرَةٌ مِنْ رَبِّهِمْ وَجَنَّاتٌ تَجْرِي مِنْ تَحْتِهَا الأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ آل عمران

12-11-2002, 03:23 PM	#6
الجارح البطل عـضـو تاريخ التسجيل: Aug 2002 البلد: كوكب المريخ المشاركات: 1,373	نشكرك اخي يوسف على هذا الايضاح __________________ عدناوالعودة أحمد

12-11-2002, 06:17 PM	#7
عطش الرمال عـضـو تاريخ التسجيل: Feb 2002 البلد: بلاد الحرمين المشاركات: 2,223	يا شباب الي فهم يفهمن الحين وش دخل هالمقال بالطرائف المصري الثاني خقله للعام او شفله صرفه يا ملا الصلاح انت وهال منب قايل بس ههههههههههههه امزح مشكوووووووووووور يوسف والله انك مبدع انت الي مزين المقال يابعدهم تحياتي اخوكم مستر عطووووووووش ابوعمر __________________ هذا التوقيع لي ولمن يريده من أعضاء المنتدى أنتا يبقى قرقر مع أنا atsh_alremal@hotmail.com مافي قرقر كتير نفر

12-11-2002, 10:27 PM	#8
فـارس القبيلـة عـضـو تاريخ التسجيل: Oct 2002 البلد: في قلب من يحبني المشاركات: 2,005	ممممشكور __________________ لاحول ولاقوة الا بالله >> كنز من كنوز الجنة فـارس القبيلـة == على نياته سابقاً_((-( اذا رأيت شخص غير مسلم وترغب بدعوته الى الإسلام,, ماعليك الا أن تكتب رسالة قصيرة الى الرقم l 0555988899 l تكتب فيها رقم هاتفه ولغته وهم سيتولون الباقي بأذن الله,, منذ انطلاقة هذه الطريقة أسلم أكثر من 850 شخص ولله الحمد والمنة تذكر قوله صلى الله عليه وسلم: ((لأن يهدين الله بك رجل واحد خير لك من حُمر النِعم))أو كما قال عليه الصلاة والسلام ايضاً تذكر لاتحقرن من المعروف شيء )-))_

28-04-2005, 02:18 AM	#9
يوسف المصري عـضـو تاريخ التسجيل: Jun 2002 المشاركات: 812	الجارح البطل عطش الرمال علي نياتة جزاكم الله الجنة علي التفاعل __________________ اللهم ارحمنا فوق الارض وتحت الارض ويوم العرض وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلاَّ اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ * أُوْلَئِكَ جَزَاؤُهُمْ مَغْفِرَةٌ مِنْ رَبِّهِمْ وَجَنَّاتٌ تَجْرِي مِنْ تَحْتِهَا الأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ آل عمران

أدوات الموضوع
عرض نسخة قابلة للطّباعة ارسال هذه الصفحة لصديق
طريقة العرض
النمط المتتابع التحول إلى النمط المتشعب التحول إلى النمط الأحادي