[غربة التميز]

[glow="ffffff"]

الحمدلله وبعد:

يا الله يا الله يا الله غفرانك لقد أسند الامر إلى غير أهله هاهي جامعة الإمام سابقا جامعة القصيم حالياً لم ترصد لنا موادنا التي أضفناها قبل أسبوع إنها علامة من علامات الساعة لأنهم ليسوا أهلا للعمل في الجامعة فقط شاهي وتصريف بكرا بكرا الله مير مانب قايل انش فشلتونا إذا كان النظام مقفل ودوهن للمليدا لا تماطل بنا قضى الترم وانتم تقولون بكرا العصر تونا يعني أدعي عليكم ودوهن للمليدا يضيفونهن مو منطق هذا ناس تركوا اهلهم وجو يطلبون العلم واخرتها يبلش بموضف مارصد له مواد الغلطان اللي حطكم بها المكاتب ياملا (؟)ودوهن للمليدا عندهم النظام كود أوجهكم بسرعه بكرا ودوهن والا ترى أبصور مكاتبكم الفارغة مابه غير مساعد (والنعم) بس فيه منهو ارفع منه يصرفنا تكل نطلبه دراهم ياخي حقوقنا ذي سنحاجك بها امام الله على الأقل استعن بالمليدا غربلتنا تراك ملينا من شوفت المكاتب فاضيه وبكرا بكرا ترى بكرا إذا ماسويتو شي وضبطتونا تبي تشوفون علم ثاني يعني هوش أو لجة أو شكوى للمحاكم أو الأمير الفذ(فيصل بن بندر) بعذرنا مماطلة فوق اللازم كله باسباب الكسل والخمول وقل الدبره

مع السلامه[/glow]

[خمس وحدين]

علشان مواد صارت علامات الساعه على
كيفك هي الله يصلحك غير الموضوع

[معشي الذيب]

لاحول ولاقوة الابالله

[faisal11]

والله بعذـرك ومن عنوآن الموضوع حسيت انك منقهر من جـد

الله يكـون بعونكم اخـوي

واذا بتل على الحال لاتسكتون له

المحكمه او فضح به او اشتكو عليه مايصير تسذا

والله شي يقهر ويبط التسبد

[الــنــهــيــم]

بالفعل كلما ذهبتُ إليهم أعادوا علي الاسطوانة المعهودة : النظام مهنق ، حتى أني سألتهم اليوم وقلت : متى اشتغل أصلاً ؟ فقال لا أدري ، تعال بعد ساعة ! وأتيت بعد ساعة ، ولا غرابة فهو لا يزال مهنق كالعادة ،

حينما يهنق الجهاز يعني ذلك سعادة الموظفين وفرحهم ، يعني ذلك الراحة والجلوس لاحتساء القهوة وتبادل الأحاديث الجانبية ، لكن لا تراهم يرسلون إلى إدارة الجامعة بطلبٍ حلٍ عاجلٍ لهذه المشكلة الكبيرة التي عطلت الجامعة برمتها ، وكيف يطلبون ذلك وهو ضد راحتهم ، والقضاء على الوقت الذي يجدونه لاحتساء القهوة !

فنجان قهوة ومنادمة خلان ، خير من طلابٍ وطباعة جداول !
والراتب في يوم 25 سينزل كاملاً مُكملاً ،
وليذهب الكون للجحيم ..
والسلام ،

[ديآر بلآ وطن]

طيب واللي يجون من برى بريده مثلاً الغاط الزلفي البكريه وش بيكون موقفهم
يعني معقوله يترددون يومياً بكلام فاضي
الضاهر أن اللي يبي التقدم وترك التخلف هوا التخلف بأم عينه

[عبدالله المديفر]

وش نسوي ياخوي؟؟؟

[غريب احساس]

علامات الساعه تشبهها بمهازل جامعه القصيم
حرام عليك ؟؟؟؟؟؟

[منتهي رآيح فيها~]

تقول ودوها مليدآ؟
الي بملييدآ لششر مغير نووم ومآفيه ششغل والنظآم عطلنآ وكلهم أتكآليين تبي شي بسسيط كل وآحد يقول رح لثثآني..
الله يعنيك..

[عاشق ونا مالي حبيب]

الحين هذي صارت علامات الساعة
الله يخلف على اهلك ويعوضهم خير ان شاءالله

[~RAHAL 8347~]

الحين صارت هاذي من علامات الساعه الله يهديك

[اخو دريحم]

أي علامات ساعة الله يهديك

النظام عطلان والخلل في الرسيفرات

والنظام يفتح فقط لرؤساء الاقسام .

أما بقية الموظفين ممنوع عنهم فتح النظام حتى

تصلح الرسيفرات

[أبوغسان]

موضوع لايليق بمضمون الموضوع !!!
ما هكذا تورد الأبل ياسيدي !!!

[اميرة البحار الـ7]

وووووووه
خفت حسبته فيه شي كبير مثل اختلاط أومنع النقاب مثل اللي خبرك....
برده اللـــــــــــه بالعافيه.
مولاتستغرب حنا في زمن رآآآآآآآآآآجعنا بكره أو نتصل فيك بعدين ..........