[مجنون بريده]

[CENTER]

السلام عليكم ورحمة الله وبركاته
صباح , مساء مفعم بالخيرات والمسرّات وحياة ملئها النجاحات تلو النجاحات
قبل أن أسترسل بالكلام أحب التنبيه إلى أن الموضوع يحتاج لقراءته قرابة الربع ساعه , وكلّي أمل بأن تستبيحوا لي العذر أن أخذت بعضا من وقتكم الثمين !
سيكون بين جنبات هذه القصة الخياليه تطرّق لبعض الأسماء من باب التقريب والترغيب ليس إلّا
فكل ماسيذكر في هذا المتصفّح نسيج من الخيال ولا يمت للواقع بأيّة صله , والمستهدف منها حصول الفائده للجميع ووصول الرساله الأخويه بأبسط الوسائل
بادئ ذي بدء لم تكن لي علاقه بعالم النت إلا من خلال الماسنجر لحرصي على التواصل مع الأصدقاء والأقارب ولذلك لا يكون لي تواجد بعالم المنتديات كثيرا
وأغلب من أتواصل معهم عبر المسن هم : أبو ريان , أبو علي , أبو فهد ( شنباتهم تقل جناح خفّاش ) ممنوع التنكيت حاليا , عاود المحاولة في وقت لا حق
يعني بالعربي الفصيح لاتربطني أي علاقه لا من قريب ولا من بعيد بالجنس اللطيف , فكونوا معي للتعرّف على أحداث قصّتي مع الجنس اللطيف !
لا أخفيكم بأن الروتين اليومي عبر تواصلنا بالمسن قد أحدث عندنا الملل , فكما تعلمون بأن ( المسن بدون بنات مثل الشكشوكه بدون شطّه )
فأراد أبو فهد أن يقوم بتلطيف أجواء المسن وجاب لنا بنوته زي الأمر
وصرنا كل يوم بالقروب مع البنوته , والذئاب البشريه مسوّين فيها خفّة دم وآآآه من البياخه وثقل الدم
وإليكم آخر محادثه تمّت بيننا حين كشفت البنوته القناع عن وجهها
أبو ريان : ياهلا وغلا بالشبيبه , وسلامي الخاص لأحلى بنّوته ( الله يعين الأرض اللي تمشي عليه)
أبو علي : الله لنا , وحنّا مالنا نصيب من الخاص ؟!
أبو ريان : إطلع من حياتي تكفى ( طاقن تسبده )
أبو ماجد: ملوووك , يقولون إن الخاص للرخاص ( ويقول وراه حظّي شين مع البنات )
البنّوته : إحم إحم مشكور ياقلبي ( مانقوى على هالكلام ) , أفا يابو ماجد , إذا ماترغب بوجودي معكم علّمني عشان أريّحك من شوفتي
أبو ماجد: لا والله , وش دعوه , هذي كلمة وتنقال , ماقصدتك به ولا تاخذين بخاطرك ( تحسّف هالمسيكين )
أبو ريان : فيه نكته دخّلوها السجن ليش ؟ ( يبي يضيّع سالفة الخاص للرخاص )
البنوته : ههههههههاي ( تحسبه نكته بلا بشكله )
أبو ماجد : الله يرزقن عدد ماقلتلنا اللغز
أبو فهد : على طاري السجن , وشلون خالي اللي بالمشفى عساه طيّب ؟ ( ياشين اللي مايعرف يسولف مع البنات , هذا وقت خالك ياخلفهم ؟)
أبو صالح : تحط نفسك في مواقف بااااااااااااايخه ( بسم الله العظيم , من وين طلع الذئب البشري ؟)
أبو ماجد : اللي يدخل علينا بدون مايسلّم , شو بنئله ؟
أبو ريان وأبو فهد: موب شاطر , موب شاطر
البنوته : سيكو ( الفيس اللي يلعب بعيونه )
أبوصالح: والله من البياخه ببعض الشباب , وإلا أنا غلطان يابنوته ؟
البنوته : عدّاك الغلط ياحمّودي ( أفااااااااا)
الذئاب البشريه: محنا كنّا كويسين
وبالأخير تطلع البنوته اللي أتعبنا أنفسنا بالتنكيت عشانه يصير واحد من الشباب متّفق مع أبو صالح , وصفت على ( مقلبتك يابووي )
ومن بعد هالسالفه, مادخلت المسن أسبوع , وكرهت النت , ويوم من الأيام رحت أنا وأبو ريان للمضمار على وقت بدلة المنتخب اللي بالشنطه
وحنّا بالطريق جاني إتصال من رقم غريب , عاد أنا بصراحه مالي خلق أرد على الأرقام الغريبه ( ودّي أصدّق بس قويّه )
فقال أبو ريان : بسرعه رد قبل ماينقطع الخط ( فيه أحمس ؟)
ويوم ردّيت طلع لي صوت بلبل فقالت : أنت متّصل علي اليوم الصبح من هالرقم ؟
فقلتله : لا والله , جوالي مقطوع من عيد الضحيّه اللي راح
فسمعت صوت أحد يناديها فقالتلي : أتّصل عليك بعد شوي , بااي ( راعية طويله )
ومع مرور الأيام تعرّفنا على بعض , وصارت بيننا محادثات بالمسن ومكالمات بالجوال وبعد 6 شهور تقريبا وعلاقتنا مع بعض سمن على عسل
دخلت عليها بالمسن وشفت صورته الرمزيه بنوته , فيوم شافتن دخلت , غيّرت الصورة بسرعه وحطّت الخيلين اللي بجنب بعض فعرفت إنه صورته الشخصيه
تقول إني حطيته عشان صديقتي تشوفه , فطلبت منه تحطّها صوره رمزيه فرفضت دايركت !
ومع السوالف خلّيتها تسجّل بمنتدى صديقي ( هذا المنتدى الوحيد اللي سجّلت فيه , لأني زي ماقلتلكم ما أحب المنتديات ) , وسجّلت البنوته بإسم ( حلاوة القصيم )
وبعد فتره جتني رساله خاصه من بنت مدري وش إسمه فقالت : إني معجبه بردودك وأخلاقك ( الردود نبلعها , بس الأخلاق قويّه ) , وإذا شفت إسمك يجين شعور غريب
فما ردّيت عليها , وكلّمت صديقي اللي له المنتدى فقالي : إن الآي بي بتاع صاحبة الرساله والآي بي بتوع حلاوة القصيم نفس الشئ , فعرفت إنه ناويه تختبر حبّي
فيوم أرسلت لي رساله ثانيه , وتعاتبن ليش ماردّيت عليها , فقلتله : إعذرين يا إختي , اللي يحب عمره مايخون ( وللللللللللللد , والله من النفاق )
فمن بكرى كل صور صديقتي الشخصيه بجهازي !
مرّه من المرّاة إتصلت علي عمّتي منيره وقالت : إذا جيت لمّي اليوم لاتنسى جهازك لأنك مواعدن تورّين صور رحلتك لماليزيا ( ماعمره تعدّى الدائري )
فرحت لعمّتي وجلسنا نقلّب صور الرحله اللي بالجهاز , وفجأة طلعت لي صورة صديقتي من ضمن صور الرحله , فشافتها عمّتي , فقالت لي : من هالبنت اللي بجهازك ؟
فقلتله : سلّمك الله ياعميمتي هذي صورة إعلاميه تطالب بقيادة المرأة للسياره , عاد أنا بنزّل موضوع بمنتداي ولزوم أحط صورتها
فقالت : والله ياوليدي لو إن الصوره اللي عندك موب صورة بنت هيله الحمد كان أصدّقك
فقلتله : ياعميمتي هذي نزوه شيطانيه , وإستري علينا , فطلبت من أمسح كل الصور اللي بجهازي
فقلتله : ياعميمتي , تكفين نخيتك إنك تسترين علينا , ولا تفتحين الموضوع مع هيلة الحمد حسبي الله عليه
فقالت : إذا هي ماسترت على نفسه , ولا إهتمّت بمستقبله , وشلون تبي الناس تكون أحرص منه ؟
وفعلا إتصلت على هيلة الحمد وقالت له كل شئ من الألف للياء , فكانت هي الضحّيه , أما أنا فاعتبرتها نزوه شيطانيه !
مايستفاد من القصّة :
لن أذكر لكم أي فائدة , ومن أراد الرد على موضوعي فعليه ذكر فائدة واحده على الأقل , وعدم الإكتفاء بالشكر والتقدير !

أعتذر عن رداءة التنسيق
أرق التحايا والتقدير
مجنون بريده

[قصمنجاوي]

كيف الحال

[مجنون بريده]

اقتباس المشاركة الأساسية كتبها قصمنجاوي كيف الحال

أبشرك إني بخير ياعساك للخير ومن يعز عليك !!!

أي غباء تحمله أشباه هذه الردود ؟!

لا أخفيك عزيزي بأني لم أرغب بالرد على أمثال هذه الردود

ولكن لأن الموضوع كان قابعا في الصفحة الثانيه , فأحببت أن أرد عليك ليرتفع الموضوع

وإن كنت ياعزيزي غير موافق لما جاء في صلب الموضوع فبإمكانك الرد علي بإنتقادك الهادف !

عموما , شاكر لك مرورك الغريب

[شيبة الهلال]

فك الهوشة انت واياه

يالله قدامي على المكتب

[موتي ولا زعل امي]

سلمت اناملك على كتابتة الموضوع

واسلوبك بالكتابة رائع ومشوق

الفائدة اللي اخذتها يااستاذ مجنون<<لاتحسبن اعيرك اسمك كذا


انت البنت ماتتهون بصورها وترسلها لمن هب ودب


تقبل مروري على الموضوع التفحة<<<<اؤؤؤؤؤ اقصد التحووووفة

[أبـوجـمـانـة]

مشكووووررررر أخي ...

[الـــدولـــي ,,,]

مشكوووووووووور والله يعطيك العافيه .....

[مجنون بريده]

اقتباس المشاركة الأساسية كتبها طالبة لكن(ربها) سلمت اناملك على كتابتة الموضوع واسلوبك بالكتابة رائع ومشوق الفائدة اللي اخذتها يااستاذ مجنون<<لاتحسبن اعيرك اسمك كذا انت البنت ماتتهون بصورها وترسلها لمن هب ودب تقبل مروري على الموضوع التفحة<<<<اؤؤؤؤؤ اقصد التحووووفة

يعطيك العافيه إختي على مرورك

بدينا بالمعاير اللي مايوكّل عيش

والغريب أن بعض البنات تعطي الضوء الأخضر لمن يريد إبتزازها بإرسالها لصورها الشخصيه بكل بساطه دون أدنى مراعاة للقادم المجهول !

شكرا لك

[مجنون بريده]

أبو جمانه , الدولي

شكرا لكم أحبابي على مروركم الكريم

وأتمنى الفائده للجميع

[خادم بريده]

لا تعليق :

[أجراس الرحيل]

من السهل خداع الفتاة المرخصة نفسها مهما ظنت بذكائها ..!!

تصديق البنت بالحب أكثر من الشاب (أجل بمجرد أختبار ساذج برسالة خاصة أيقنت بصدق مشاعره ..!)

عند المجتمع .! (الفضح يقع على الفتاة أشد من الرجل ).. تصديقاً بمقولة عيب الرجل بجيبه ..

الفاضل .. موضوعك بسهولة ألفاظه إلا أنه ذو هدف كبير ..

لذلك حبذا لو حرصت على التنسيق أكثر يافاضل لجذب القارى لتعم الفائدة أكثر..: )

وفقك الإله

[عـآشـ ق جُــوٍآلـي]

الله يستر على الجميع

[كتكوته]

مشكور