 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
14-12-2002, 02:03 AM
|
#1 |
|
عـضـو
تاريخ التسجيل: Jul 2002
البلد: الرياض
المشاركات: 158
|
&& نجم سهيل يزور بريدة واليكم ملاحظاتة &&
بسم الله الرحمن الرحيم
قل للرياح اذا هبت غواديها **حي بريدة وعانق كل من فيها واكتب على أرضهم بالدمع ملحمه **من المحبة لا تنسى لياليها في العيد قضيت العيد ببريده والله كان العيد رائع وأيامه لا تنسى بس شفت أشياء ضيقت صدري ونكدت علي وحبيت أقولها لكم يمكن توافقونن أو تخالفونن وطبعا مهب كل الأشياء شفته بغيني بس نقلت لي من ثقات أحسبهم كذاك وبعضها شفتها بعيني وطبعا بقول الأشياء اللي ضيقت صدري ثم اللي وسع صدري الملاحظة الأولى :كثرة القيل والقال ونقل الأخبار ((رهيبة سجع)) يجيك الواحد ويقول السالفة ثم يجي ثاني ويقول نفس السالفة بس به بعض البهارات ((كذب))ولاحظت بعد اهتمامهم بخصوصيات الناس بشكل يقهر طبعا مهب بس عند الحريم فالرجال أشد والله من زين الطبع الملاحظة الثانية:انتشار اللباس الغير ساتر عند الحريم والله أن وحدة قالت لي أنه راحت لجريدلاند ولقت 50%لابسات قصير ((الله يذكرك بالخيراللي كاتب موضوع التنورة القصيره تغزي أسواق بريده))أثره خابر الحريم ما يصدقن بموديل الا يسونه بدون يعرفن هوحرام والا حلال هذا التنوره القصير من غير البنطلون والفتحات **لا تقولون يمكن مهب من القصيم أقول قصيمية 100% لا تقولون يمكن الولي مايدري أقول هذي من دلاخته وقلة غيرته الملاحظة الثالثة :التهور بالسيارة كم مره بغينا نروح في ستين داهبة واللي يحز في النفس إذا كان السائق ملتزم الملاحظة الرابعة :قلة المخيمات الدعوية الترفيهيه وان كان فيه فمالها اعلان وش يخلي الزائر يدري الا بالإعلانات الملاحظة الخامسة:ياكثر مساجدكم على غير فايده يوم من الأيام مريت على أربع مساجد ولا واحد يصلي القيام يعني مالهم شغله إلا يستلمون الرواتب أعرف واحد موظف كل إعالة بمساجد وهم مهب قده الملاحظة الأخيرة : ما راح أقول وش صار لي في المستشفى المركزي بس نصيحة نصيحة اذا مرضتم لا تروحون للمستشفى لو انه زكمة أحسن لكم من هالورشه اللي عندكم أما اللي يوسع الصدر هو أن واحد قالي انه كان طالع للبر وهو قاعد مع زوملائه مروا عليهم شباب من الملتزمين وتكلموا معهم ووزعوا عليهم هدايا مناسبه للبر (0قبعه وشراب )ومعه بعض الأشرطة فجزاهم الله خير ووفقهم لما يحب ويرضى ويجعل الجنه مثواهم ومن يحبون آآآآآآمين والشي الثاني الجو عندكم رهيب الله يديمه عليكم ويرزقنا مثله … والسلام 
|
|
|
14-12-2002, 01:00 PM
|
#2 |
|
عـضـو
تاريخ التسجيل: Jan 2002
المشاركات: 1,078
|
.
نجم سهيل ..
حياك الله في مدينتنا مدينة بريدة .. وفي منتداها الذي انار بوجودك .. أما ملاحظاتك فهي عين الصواب .. واوافقك عليها 100% .. لعل الحال يتبدل ان شاء الله .. واما بخصوص المخيمات الترفيهية .. يوجد هناك في مواقع متعددة .. لكن المشكلة التي يعاني منها الاخوة .. والتي بسببها لايوجد اعلانات لها .. هي عدم الرسمية .. فتعرف ان مثل هذه المجالات عليها بعض التضييق .. لذلك امل ان تتفهم قصدي .. ولك الشكر ..
__________________
 |
|
|
|
14-12-2002, 02:32 PM
|
#3 |
|
عـضـو
تاريخ التسجيل: Sep 2001
البلد: &^ ضراس المحتلة ^&
المشاركات: 3,476
|
بسم الله وعلى بركة سعفة متولي يرد على هالموضوع الي ما هنا ملحة لو لا الشطحات
عساك لابوفاس الي يلطس عيونك الا أقول يا ألبي وانت شايفن بريدة نازلتن من السماء شف الملاحظات لا بديد منه _ _ _ بس أنا معك وأبرد نقل الاخبار والخبّة والإشاعات هذي عند الحريم منذ مبطي والرجال عندهم ما أقول لك لا يا خلفهم بس يصير بعلمك انه تمشي هالاشاعة خطوة خطوتين وتآقف عند حدّه يا ألبي عيال بريدة يعرفون السذب من الصز .. ناس ملكعين ويعرفون الصح من الخطأ يعني عالم فاهمه لو شفتهم مهبل OK <<== على باله من الرياض يعني يعني يعني عندهم استنباط ان هالهرج اشاعة ولا هوب تحميلة <<== قلب الهرج الثانية قل آمين عساك تعرس على ثانية <<==== ناوين بمشروع تشليق وجه ذاليوم شف الحريم واللباس الساتر ..... شف ابقول لك شيء بس لا تقول يمدح حريم بريدة أنا أقول حريم بريدة ما به بالدنيا أحسن من حريمنا ،، ولباسن ساتر مررررررة مانب أقول هالشيء الا شيء شافته عيني بس مثلك خابر يا بعدي هالشيبان تزوجو من هالسوريات والمصريات والاجنبيات وجابن ثقافات ثانية ،، وصارن هالحريم يربن بنات على اللباس الي مهب ساتر ،، وعندك الأبآء الي مايخافون الله يجيبون لبناتهم دش همن يالله شلق ولا وحدة مهكوكن عليه باللباس اللي مهب ساتر .... وهلمّ قرّا أما عن طيران المطاوعة ... عاشت ايام الطيران كلّه مير خاصة لاصار معه هيلوكس 92 ومركبن طلاب الحلقة وطرف الشماغ طالع مع الدريشة قسم بالله ودك بس تركب معهم أنواع المرح ترا هذا مهب يسمى سرعة ولا تهور خاصة المطاوعة لا الله يجزاك خير هذا قيادة سليمة يا بعد حليمة <<== هذا الي يموت بالسجع <<== تراه ما يعرف السجع قسم مير أقول لك السرعة والغشامة هذي ما أشوفه الا عند العرابجة أما المطاوعة صح انه يدوس وخاصة اذا تأخر على المسجد والمساجد أذنت هذا ما أقول شيء بس تراه يترفق ولا يقطع الاشارة ،، ولو خطم عليك بعض النوبات تلقاه يبتسم بوجهك ويضحك ويقول لك معليش ويمكن يطلع شماغة من الخجل منك عالم تحترمك بس ماش العالم ما تقدر .... يا بعدي يا المطاوعة أموع عليهم الي بعده / قلة المخيمات الدعوية ... صاز انت .. ذولا علماء كلهم <<== عاد تراي أمزح شف يا ألبي المخيمات تبي ميزانية .. والدعوى دجة بصراحة يعني واذا صار به دراهم يصرفونهن بشيء أزين وهذا هكنوبه صار به مخيم بطريق الربيعية ... ... يعني أتوقع انه يكفي ولا على ماقال تبي المخيم 90% بحث ..... الشباب مهب ناقصين وصخين ، ايوالله الخامسة انطلق ياخي للأوقاف مهب تجي بذا لا أشلق وجهك تشليق .. ماعاد الا هي هع هع هع ايه يا ألبي القيام .... انا اقول القيام تعرف الجماعة يصيرون شويين ... تبي واحد يصلي القيام بجماعة ثلاثة ولا اربعة ،،،، تلقاهم متعارفين انهم يروحون لمسجد يرتل وتصير له جماعة واجد علشان ما يحبطون ... هذا قصدهم ......... أما أنك تتهم ان الواحد يآخذ راتب .... يا ابن الحلال الي يجيهم تفله قسم بالله ولا بعد لو لي سلطة دبلت رواتب أئمة المساجد خمس مرات والمؤذنين عشر مرات ننتقل بعد ذلك أعزائي المشاهدين إلى مستشفى المركزي ايه يا ألبي بلاك ما شفت صمادي يربط رجيلاتك فوق ويسوي لك عملية أزين من مستشفى التخصصي .... أعوذ بالله كهربائي ولا بيطري يتخرج يصير حق عمليات أوادم لاجا الواحد يبي يسوي عملية قال حلييبوه خل اسوي له عملية ... عالم تمشي على قاز مير المركزي أزين من غيره يا خلفهم .. العوض ولا القطيعة <<== العوض ولا السكاكر :D الجو عندنا يا ألبي مملوح .... هذا من فضل ربي <<==== ستكر مازدا 84 مع مصري :D:D يالله يا ألبي يا عاشت أيامك لا تزعل علي بس انا قلت مدام الرجال شكله ما عنده خلاف اننا نهرج مع ميده ... فليت البساط وفصلت الخط وقلت خل اقرقر معه ايوالله يا البي ولا تزعل علي تقول أعوذ بالله هالرد صايرن أطول من الموضوع عسا الدنيا ماله والي .. هي سذا . والله اني ما ادري وشلون تقال اذكر بهالفايت امي تقوله الا يانجم سهيل .. انا داري انك تقرا وتقول أعوذ بالله بالعن الرجال له رادو مير مابه فايده تزعل ولا ما تزعل طقق يطق براسك الجدار .... <<== ياشينه لا بدا يمون يالله سلالالالالالالالالالالالام يا ألبي
__________________
 |
|
|
|
14-12-2002, 02:40 PM
|
#4 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
نجم سهيل ...
مهما وجدنا ببريده من الملاحظات ... تبقى عزنا وفخرنا وتاج روسنا ... صحيح مانغفل عن هالملاحظات ... ولكن بغض النظر عنها ... بريده هي بريده ... تبي تنسيم فيه .. تبي مطاوعه قوه فيه .. تبي مطاوعه منسمين فيه ... تبي مدحدرين فيه .. تبي جحلط فيه ... اي شي يخطر ببالك فيه ... بس ملاحظاتك على العين والرأس ولازم ان الشباب هالحين يعرفون واقعهم ... ويصلحون الغلط ويستمرون على الصح ..
__________________
. . .  .. قلب البحطلة ينبض ..ينبض ينبض ينبض .. . |
|
|
|
14-12-2002, 02:55 PM
|
#5 |
|
عـضـو
تاريخ التسجيل: Sep 2001
البلد: بريدة
المشاركات: 1,286
|
كل عام وأنت بخير
أخوي : نجم سهيل وحياك الله في بريدة في أي وقت وكم يسعدنا ويشرفنا حضور أمثالك من الناس الغيورين على سمعة البلد بالنسبة لكلامك في الموضوع فإني لا أوافقك في كثير من النقاط قبل كل شي ,,,هل تعرف من هم سكان بريدة ؟؟؟ هل هم من الصحابة أو التابعين ؟؟؟ كم يحزنني ويقض مضجعي ما أسمعه يردد هنا وهناك في هذا المنتدى أو ذاك عن مايحدث في مدينتي الهادئه ! لماذا هي بريدة فقط التي تحت المجهر ,, أين مدن المملكة الأخرى ؟؟ من يذكر لي السبب في ذلك ؟؟؟ من وجهة نظري البسيطة أحب أن أذكر لكم ما أفهمه وأظنه صواباً بإذن الله الغالبية ولله الحمد من عوائل بريدة هي عوائل محافظة وملتزمة فلو سألت عن أي شخص عن مدينة بريدة قال لك مدينة المشايخ وأهل العلم حتى لو سألت الأجانب لأخبروك بذلك . فمن هذه المفهوم تولـّد عند الناس أن بريدة مدينة لا يعلى عليها لا تجد فيها أي خطأ فعندما يزورها الشخص ينصدم لما يراه موجود في المدينة فيستغرب ما سر التناقض الغريب هنا ! حدثني أحد الأخوان المصريين وقال : كنت أعتقد أن الدبابات والجيش يملأ شوارع المدينة وأن الدوله وضعت عليكم الحراسة المشددة على مدار 24 ساعه وأنه لا يسمح لك بالمشي مع زوجتك في الشارع والكلام يطول ويطول خلاصة الكلام أن الذين يتكلمون عن المدينة لا يتعدى كونهم إما أشخاص في قلوبهم بغض لأهل الدين ويحاولون بشتى الوسائل إخراج المدينة وأهلها من لباس الدين وذلك بتضخيم المسأله , حتى إذا جاءها أحد غريب كانت المدينة وأهلها هي فاكهة المجالس أو كونهم أشخاص يغارون على مدينتهم , لكن أخطئوا في تفصيل المشكلة وهم يحاولون ان يجدوا الحلول ,, لكنهم أخطئوا في كلامهم ومبالغتهم للموضوع أخي الكريم أنا لا أقول أن كلامك غير صحيح وإنما فيه شئ من عدم المفهومية للمدينة نقل الكلام والزيادة فيه موجود في كل مكان وزمان ولا يختص بهذه المدينة مسأله التهور بالسيارت من الخطأ أن تخص بها مدينة بريدة ,, أسأل أي شخص في مدينة الرياض أو جدة أو غيرها من مدن المملكة وسترى الفرق بين أعداد الحوادث هنا وهناك الشباب في كل مكان ,, ليس في بريدة فقط ومسألة المستشفيات ليست حصراً في بريدة فقط في كل مكان وفي أي بلد ستجد هناك مستويات أقل من هنا أنا لا أدافع عن المستشفى , صحيح أن المفروض يكون في مستوى أفضل لكن من الخطأ أنك تعتبره من مساؤى بريدة هل أهل بريدة هم السبب في رداءة الخدمات في المستشفى ؟؟؟ مسألة قلة المصلين في المساجد قد يكون السبب الرئيسي لكثرة المساجد وتوفرها بشكل كبير لو ذهبت لأحد أحياء مدينة الرياض أو غيرها تجد الحي كبير جداً حيث تجد أكثر من مدرسة لمرحلة معينة بينما لا تجد إلا جامع واحد ومسجد أو مسجدين !!!! يكفيك أن مدينة بريدة لوحدها بالرغم من صغر حجمها تحتوي على أكثر من 800 مسجد إذن قد يكون السبب هو كثرة المساجد وقبل أن أنهي كلامي أتمنى أن تغير مفهومك لأهل بريدة فهم أهل دين وأهل معرفة وأصول لكن ليسوا من الصحابه , حتى أننا لا نجد فيهم الأخطاء من الواجب علينا المناصحه وبذل الحلول , وليس تعديد المساوئ فقط
__________________
تسعدني زيارتكم لموقعي الشخصي
www.badr.cc آخر من قام بالتعديل بدر الشايع; بتاريخ 14-12-2002 الساعة 02:57 PM. |
|
|
|
14-12-2002, 06:04 PM
|
#6 |
|
عـضـو
تاريخ التسجيل: Oct 2002
البلد: القصيم (بريدة)
المشاركات: 328
|
الاخ الكريم نجم سهيل , حياك الله في منتدانا ,,
وبالنسبه لملاحظاتك على مدينة بريده من اخطاء سلبيه ,, فيا أخي الكريم لا اود ان اطيل الكلام ولكن كل مدينه فيها مافيها من الاخطاء ولا اود ذكر مانراه في بعض المناطق مثل الرياض أو جده او الشرقيه.. ولكن مثل ماتوجد السلبيات توجد ولله الحمد الإيجابيات او عكس الاخطاء بمعنى أصح وأنا هنا لا ابرأ مدينتي لا والله ولكني إذا ذهبت الى احدى تلك المدن المذكوره وذهبت الى الاسواق او اي مكان فأني اقولها من كل قلبي ( ياحبيل بريده ) ...... ملاحظاتك على العين والرأس ولكن لا تنسى اخي الكريم الذي يحصل في الرياض وجده وغيرها من المدن ,,, ( اسأل الله الهداية لنا ولهم) وتقبل خالص تحياتي ,,,,,,, |
|
|
|
14-12-2002, 08:38 PM
|
#7 |
|
عـضـو
تاريخ التسجيل: Mar 2002
البلد: السعودية
المشاركات: 141
|
جزاك الله خيرا اخي نجم سهيل وبالفعل ملاحظاتك في محلها ومقدرين لك غيرتك علي بريده كثر الله من امثالك.
وبعدين انتم هيه ايش فيكم هبيتوا بالرجال ماقال شئ غلط بدل ماتشكرونه تسوون كذا هو الله يجزاه خير ينبه وبالذات انت ياسعفه جعلك للسعفه اللي تهجدك شوي. انتم الان جالسين تقارنون بريده ببقية المناطق هل مناطق المملكه الانحلال الذي نشاهده فيها الان وبالذات مدينة جده بدايته كانت بهذا الشكل؟ كنا اول حينما نزور جده ونشاهده الوحده مو مغطيه فوق النقاب نستغرب اما ماشاهدته في هذه الايام ابصملكم بالعشره ان اهل جده السنه القادمه راح يطلعون بدون عبايات . فلاتستهونون بشئ النار من مستصغر الشرر.
__________________
زهور برية |
|
|
|
14-12-2002, 11:07 PM
|
#8 |
|
عـضـو
تاريخ التسجيل: Jul 2002
البلد: الرياض
المشاركات: 158
|
بسم الله عليَ
السلام عليكم جميعا
أولا أبدأ بشكري وتقديري لمن رد علي في موضوعي هذا والله اني سعيد بردودكم  أخي نور الشمس :عندما قرأت ردك وقولك أن المخيمات موجوده والسبب في قلة الإعلانات عدم الرسميه كلامك مقنع ولكن ما دوركم انتم سكان بريده اعلنوا عنها خلال المواقع كهذا الموقع مثلا (0بريده ستي )) اخي سعفه والله اني كنت خايف من ردك لأنك دايم تشلق وجيه _______ كلامك متناقض أما مدحك لحريم بريده فأنت تتكلم عن زمان مهب الحين عصر الفساد ومع ذلك لا أنكر ان حريم بريدة احسن من غيرهن بس الخطاء موجود ولا يمكن إنكارهوعلى العموم أشكرك على هالأسلوب الرقيق أخي مدحت :صحيح بريدة عزنا وفخرنا مع ما به وياحول اللي ما عنده بريده أخي ذيبان :كلامك كثير وخلا صته انك متوقع اني كاتب الموضوع تقليل من منزلة بريده لا وربي الرياض به من البلاوي بس أن حبيت انبه على أشياء ممكن تتداركونها بالنصح والدعوه وانت قلت (من الواجب علينا المناصحه وبذل الحلول لا تعديد المساؤىء فقط)كامك سليم بس أنا جيت زياره وحبيت انبه اللي ببريده لإيجاد الحلول والا أنا غلطان . أخي البركان : انا ما أقول قارن بين مدن المملكه أنا عارف ان في الرياض شي أشد بس إذا كان في بريده غير وعلى ماقال عائض القرني أرض بها العلم حاذق فهم ***بكأس من القرآن اهليها أختي زهور بريه :أشكرك على موقفك كدفاع عني وعلــــــــــــــى العمـــــــــــوم تقبلو كلامي وانا آآآآآآآآآآآسف إذا كنت غلطان ووالله اني ما أرت الا الإصلاح ما إستطعت وما توفيقي الا بالله والسلام
|
|
|
|
15-12-2002, 12:11 AM
|
#9 |
|
عـضـو
تاريخ التسجيل: Sep 2002
البلد: بريدة
المشاركات: 261
|
ززززززززززززززز
مشكور أخوي نجم سهيل....وأسعدنا زيارتك لمدينتنا الغالية...
وكل ديرة بها ملاحظات ونتمنى إنها تزول بأقرب وقت .. وأحسن رد أعجبني رد المقلع / سعفة......رد بالصميم .... وتحياتي لك مفعمة بالحب والمعزة.......
__________________
|
|
|
|
| الإشارات المرجعية |
| أدوات الموضوع | |
| طريقة العرض | |
|
|
النمط المتتابع
