[{بريداوي}]

بسم الله الرحمن الرحيم
السلام عليكم ورحمة الله وبركاتة
تكفون الكل يرد ع الموضوع
حبيت اسال عن افضل مستشفى لمشاكل الصدر او مشايخ لن اشوف ناس كثيرررره عندهم ضيق تنفس ومافي علاجات كل مستشفى تروح له يعطونك بخار (اوكسجين) وانا نزلت الموضوع لني اعاني من هالمشكله عندي ضيق تنفس وكل مارحت عطوني اوكسجين رحت ع حسابي وطبع مستشفيات بريده والي الحين اعاني من ضيق بالصدر رحت لكم مستشفى يقولي مافيك ربو عندك تشنجات بعضلات الصدر ومستشفى ثاني يقول عندك حساسيه والله اني تعبت من المرض جزاكم الله خير اذا احد يعرف علاج لا يبخل علينا ولاتنسونا تكفون من الدعاء الدعولي ان الله يشفيني ويشفي جميع مرضاء المسلمين...
ارجو من الاداره مايحذفون الموضوع وفق الله الجميع

[ابتسامة تواضع]

بجد ر حمتك
يارب يارب يارب يشفيك عاجلاا غير اجل
ياليت اقدر افيدك لكن ان شاءالله راح افيدك بالدعاء
اختك

[حربي القصيم]

وعليكم السلام
المشـآيخ كثير وإن شـآء الله يفيدونك الاعضـآء
اليوم شفت وآحد كـآتب بموضوع عن الربو وكاتب له علاج ويقول مجرب

اقتباس اللي يعانون من الربو مثلي اتفضلو العلاج والله ارتحت عليه والحمدلله اخذ عدد ستة حبات من القرنفل (المسمار) العويدي نزع الراس الدائري اعلى كل حبة والاحتفاظ بالجزء السفلي (مهم جدا) ينقع الجزء السفلي من القرنفل في ماء عادي بكاس ( نص كاس) ليلا يشرب منقوع القرنفل فقط على الريق عند الاستيقاظ من النوم تكرر هذه العملية لمدة 15 يوم ( مهم جد) لا اقول انه يقلل بل اقول انه باذن الله ينتهي تماما من المرض مجرب

^^
هذآ الرد حق الرجـآل سويت له آقتبـآس وإن شـآء الله يفيدك
آسـآل الله العظيم رب العرش العظيم آن يشفيك

[د.هنا]

اختي والله ام الغاليه تعاني من هذا الداء اسال الله ان يعافي كل من ابتلي به واخذت الدائري البنفسجي اللي كل يوم حبتين او ع حسب وخالي ايضا والله خفو ولله الحمد انتي راجعي المستشفى الجامعي فيه د زييينه دعواتك,.,

[انسان اكثر]

انا كان عندي ربو وخف مره بعد ماستخدمت السكر الاحمر اسويه مثل الشاهي ((طعمه مو شين ))
لكني مدري اذا قالو لك انه مافيك ربو

>> اسال الله العظيم رب العرش العظيم ان يشفيك

[عاطلة 2009]

السلام عليكم حبيت اشارك في الموضوع
انا عند ربو واستخدمت الطريقة اللي كتابها حربى القصيم من زمان ولكن للاسف زاد عند
يعنى مو كل واحد يصلح يعمل الطريقة والله يكون في العون ويشفينى من هذا المرض

بس ممكن اسأل\\ انسان اكثر\\ وش السكر الاحمر تقصدين السكر البني وكيف الطريقة والمقادير وكم يوم؟؟
ومشكورة على المساعدة ويعطيك العافية على الافادة"""

[دلوعة توتي]

اسال الله الشفاء العاجل لي ولك وللمسلمين اجمعين "

[{بريداوي}]

يسلموووووووووو ع الردود الطيبه ربي يعافيكم ويبعد عنكم كل مكروه

[الـ ع ــذوب]

من خلال تجربتي الطويلة مع هذا المرض و الأطباء
يوجد بمستشفى التخصصي د. خالد الحاج
استشاري أمراض الصدر
تشخيصه لحالتي شخصها لي
مستشفى الحمادي و مستشفى الملك فيصل التخصصي
التشخيص و العلاج مثله

[أم جحا]

دكتور أسمآعيل رسلان .. 014026202

[عاطلة 2009]

العذوب لو سمحت الدكتور خالد وش قال لك عن المرض اعطاك علاج ونوعة بعد اذنك ممكن تتكلم\\\\\\عن الوصفات اللي ذكرها لك؟؟؟؟

[بحر الهناء]

الله يشفيك ويشفي مرضى المسلمين
فيه الشيخ العضيبي في المذنب يقرا على كل شي وما شاء الله الكل يمدحه

[الـ ع ــذوب]

اقتباس المشاركة الأساسية كتبها عاطلة 2009 العذوب لو سمحت الدكتور خالد وش قال لك عن المرض اعطاك علاج ونوعة بعد اذنك ممكن تتكلم\\\\\\عن الوصفات اللي ذكرها لك؟؟؟؟

هـلآ بك أختي
بالاول صرف لي برنامج 6 شهور تقريباً
كبسولات << ناسيتها و الله
مع بخاخ وقائي و أهم شي نسبة الكرتزون فيه بسيطة جداً تصل إلى 2% اللي لونه موف
بس يا أختي أنصحك تروحين له
لانه العلاج تختلف من شخص لشخص
و من عمر لعمر

شفانا الله و إياكم و مرضى المسلمين أجمعين

[{بريداوي}]

ابشركم الحمدالله تحسنت شوووي والله يناس المستشفيات مافيها خير ولا عندهم شي والله اشافي ربكم انا بعد ماكتبت الموضوع جاني ضيق تنفس بنفس اليوم تعبت والله واخذت ثلاث جلسات بخار (اوكسجين) واحس ماتغير شي اكثر الدكاتره الي رحت لمهم قالو مامعك ربو وفي دكتوره وحده قالت معك ربو المهم الحمدالله رحت لم شيخ وقرا علي واحس اني تحسنت شوي ومشكورين ع المشاركات الطيبه جزاكم الله الف خير لا تنسونا من دعاكم انا طالب واخر سنه ثانوي والله ماقدرت ادرس من التعب الله يعين ياااارب